موسیقی کے رسیہ، عالمی میلے کے لئے بےچینی سے منتظر
4 اپریل 2010![](https://static.dw.com/image/3249132_800.webp)
13 تا 16 مئی تک جاری رہنے والے اس عالمی موسیقی میلے میں دنیا کے 20 ممالک سے تعلق رکھنے والے سازندے حصہ لیں گے۔ 300 آکارڈین آرکیسٹرا کے سازوں کی گونج سنائی دے گی 4 روز تک Innsbruck میں جہاں اس بار 10 ہزار سے زائد شائقین کے اس انمول موقع سے محضوض ہونے کی توقع کی جا رہی ہےInnsbruck کے کانگریس ہال میں مختلف عمروں کے گروپوں میں بٹے ہوئے موسیقاروں کا ایک عالمی مقابلہ بھی منعقد ہوگا۔
ورلڈ میوزک فیسٹیول کا انعقاد 10 ویں بار ہو رہا ہے۔ جرمنی کے پوسٹ یا ڈاک کے ادارے نے اس بار کے عالمی موسیقی میلے کی مناسبت سے خصوصی ڈاک ٹکٹ بھی جاری کئے ہیں۔ اس اسٹیمپ پر Innsbruck کے مسحور کن قدرتی مناظر، اس کے کوہستانی علاقوں کے ایمیجز چھاپے گئے ہیں۔ 1983 سے ورلڈ میوزک فیسٹیول کا انعقاد ہر تین سال پر Innsbruck میں ہوا کرتا ہے۔
اس عالمی موسیقی میلے کی 27 سالہ تاریخ کے دوران یورپ کے بہت سے دیگر شہروں کی انتظامیہ نے کوشش کی کہ یہ میلہ ان کے شہروں میں ان کے ہارمونیکا کے زیر اہتمام بھی کبھی منعقد ہو سکے تاہم جرمنی کو اس سلسلے میں ہمیشہ سبقت حاصل رہی۔ اب تک اس بڑے موسیقی میلے کی مہتمم ہمیشہ جرمنی کے فل ہارمونیکا کی فیڈریشن رہی ہے۔
رپورٹ کشور مصطفیٰ
ادارت عاطف توقیر