ماسکو نے اوسلو کے اس فیصلے کو 'انتہائی غیردوستانہ' قرار دیتے ہوئے جوابی کارروائی کی دھمکی دی ہے۔ ناروے نے روسی سفارت خانے کے پندرہ ملازمین کو "انٹیلیجنس ایجنٹ" قرار دیتے ہوئے ملک سے باہر نکل جانے کا حکم دیا تھا۔
تصویر: Javad Parsa/AP/picture alliance
اشتہار
ناروے کی وزارت خارجہ نے جمعرات کے روز بتایا کہ اوسلو میں روسی سفارت خانے کے 15 اہلکاروں کو ملک بدر کرنے کا فیصلہ کیا گیا ہے کیونکہ وہ دراصل انٹلیجنس افسران ہیں اور سفارتی عہدوں کی آڑ میں اپنا کام کر رہے تھے۔ ماسکو نے کہا ہے کہ وہ اس فیصلے کا جواب دے گا۔
ناروے کی وزیر خارجہ انکین ہوٹولٹ نے ایک پریس کانفرنس سے خطاب کرتے ہوئے کہا، "ان کی سرگرمیوں نے ناروے کے لیے خطرہ پیدا کر دیا تھا۔"
انہوں نے کہا کہ "ہم نے ایک عرصے سے ان کی سرگرمیوں پر نگاہ رکھی ہوئی تھی اور یوکرین پر فوجی کارروائی کے بعد ان کی سرگرمیاں بڑھ گئی تھیں۔" تاہم انہوں نے ان روسی سفارت کاروں کی مبینہ سرگرمیوں کے تفصیلات نہیں بتائیں۔ انہوں نے مزید کہا کہ ان "ناپسندیدہ'' افراد کو جلد از جلد ناروے کی سرزمین سے نکل جانا چاہیے۔
ان پندرہ روسی سفارت کاروں کی ملک بدری کے بعد اوسلو میں روسی سفارت کاروں کی تعداد میں ایک چوتھائی کمی آجائے گیتصویر: Annika Byrde/AP/picture alliance
ناروے پہلے بھی روسی سفارت کاروں کو بے دخل کر چکا ہے
ناروے کی حکومت نے بتایا کہ ان پندرہ روسی سفارت کاروں کی ملک بدری کے بعد اوسلو میں روسی سفارت کاروں کی تعداد میں ایک چوتھائی کمی آجائے گی۔
یوکرین کے خلاف گزشتہ برس روس کی فوجی کارروائی کے بعد مغربی ملکوں کی جانب سے روسی سفارت کاروں کو ملک بدر کرنے کا یہ تازہ واقعہ ہے۔ اس برس اب تک ایسٹونیا، نیدرلینڈ اور آسٹریا روسی سفارت کاروں کو برطرف کر چکے ہیں۔
اس سے قبل اپریل 2022 میں روسی فوجی کارروائی کے آغاز کے چند ہفتوں بعد ہی اوسلو نے جاسوسی کے الزامات لگاتے ہوئے تین روسی سفارت کاروں کو ملک بدر کر دیا تھا، جس کے جواب میں ماسکو نے بھی ناروے کے تین سفارت کاروں کو روس سے نکال دیا تھا۔
اشتہار
روس کی جانب سے جوابی کارروائی کی دھمکی
روس کی سرکاری خبر رساں ایجنسی تاس کے مطابق روسی وزارت خارجہ نے ماسکو میں کہا کہ وہ اپنے سفارت کاروں کی بے دخلی کا جواب دے گا۔ انہوں نے تاہم اس کی تفصیل نہیں بتائی۔
اوسلو میں روسی سفارت خانے کے ترجمان تیمور چیکانوف نے ایک ای میل میں کہا کہ ''ہمارا ردعمل بہت منفی ہے۔'' انہوں نے مزید کہا کہ ''یہ ایک نیا، انتہائی غیر دوستانہ فیصلہ ہے جس کا جواب دیا جائے گا۔''
ناروے نیٹو فوج اتحاد کا رکن ہے اور اس کی 198 کلومیٹر طویل سرحد روس کے آرکٹک علاقے سے ملتی ہے۔ یوکرین تنازعے کے بعد سے دونوں ملکوں کے تعلقات بہت خراب ہوچکے ہیں حالانکہ ماضی میں دونوں کے تعلقات کافی خوشگوار رہے ہیں۔
اس تازہ ترین پیش رفت کا اثر آرکٹک کونسل کی صدارت کی منتقلی پر بھی پڑ سکتا ہے۔ فی الوقت روس اس کثیر فریقی تنظیم کا صدر ہے اور 11مئی کو صدارت ناروے کو منتقل کیا جانا ہے۔ اوسلو نے امید ظاہر کی ہے کہ سب کچھ مناسب ڈھنگ سے ہو جائے گا۔
ناروے کی وزیر خارجہ نے کہا کہ فی الحال یہ کہنا قبل از وقت ہوگا کہ روسی سفارت کاروں کی بے دخلی کا آرکٹک کونسل کی صدارت کی منتقلی پر کوئی اثر پڑے گا۔
دنیا میں سفارت کاری کے سب سے بڑے نیٹ ورک کن ممالک کے ہیں
دنیا میں اقتصادی ترقی اور سیاسی اثر و رسوخ قائم رکھنے میں سفارت کاری اہم ترین جزو تصور کی جاتی ہے۔ دیکھیے سفارت کاری میں کون سے ممالک سرفہرست ہیں، پاکستان اور بھارت کے دنیا بھر میں کتنے سفارتی مشنز ہیں۔
تصویر: Getty Images/AFP/A. Harnik
1۔ چین
لوی انسٹی ٹیوٹ کے مرتب کردہ عالمی سفارت کاری انڈیکس کے مطابق چین اس ضمن میں دنیا میں سب سے آگے ہے۔ دنیا بھر میں چینی سفارتی مشنز کی مجموعی تعداد 276 ہے۔ چین نے دنیا کے 169 ممالک میں سفارت خانے کھول رکھے ہیں۔ مختلف ممالک میں چینی قونصل خانوں کی تعداد 98 ہے جب کہ مستقل مشنز کی تعداد آٹھ ہے۔
تصویر: Getty Images/AFP
2۔ امریکا
امریکا دنیا بھر میں تعینات 273 سفارت کاروں کے ساتھ دوسرے نمبر پر ہے۔ امریکا کے دنیا کے 168 ممالک میں سفارت خانے موجود ہیں جب کہ قونصل خانوں کی تعداد 88 ہے۔ علاوہ ازیں اقوام متحدہ اور دیگر اہم جگہوں پر تعینات مستقل امریکی سفارتی مشنز کی تعداد نو ہے۔
تصویر: AFP/B. Smialowski
3۔ فرانس
فرانس اس عالمی انڈیکس میں 267 سفارتی مشنز کے ساتھ دنیا میں تیسرے نمبر پر ہے۔ دنیا کے مختلف ممالک فرانس کے 161 سفارت خانے، 89 قونص خانے، 15 مستقل سفارتی مشنز اور دو دیگر سفارتی مشنز ہیں۔
تصویر: picture-alliance/AP Images/Y. Valat
4۔ جاپان
جاپان نے دنیا کے 151 ممالک میں سفارت خانے کھول رکھے ہیں اور مختلف ممالک کے 65 شہروں میں اس کے قونصل خانے بھی موجود ہیں۔ جاپان کے مستقل سفارتی مشنز کی تعداد 10 ہے اور دیگر سفارتی نمائندوں کی تعداد 21 ہے۔ مجموعی طور پر دنیا بھر میں جاپان کے سفارتی مشنز کی تعداد 247 بنتی ہے۔
تصویر: Reuters/I. Kalnins
5۔ روس
روس 242 سفارتی مشنز کے ساتھ اس عالمی درجہ بندی میں پانچویں نمبر پر ہے۔ دنیا کے 144 ممالک میں روسی سفارت خانے ہیں جب کہ قونصل خانوں کی تعداد 85 ہے۔
تصویر: picture-alliance/Kremlin Pool
6۔ ترکی
مجموعی طور پر 234 سفارتی مشنز کے ساتھ ترکی سفارت کاری کے حوالے سے دنیا میں چھٹے نمبر پر ہے۔ 140 ممالک میں ترکی کے سفارت خانے قائم ہیں اور قونصل خانوں کی تعداد 80 ہے۔ ترکی کے 12 مستقل سفارتی مشنز بھی سرگرم ہیں۔
تصویر: picture alliance/dpa/K. Ozer
7۔ جرمنی
یورپ کی مضبوط ترین معیشت کے حامل ملک جرمنی نے دنیا کے 150 ممالک میں سفارت خانے کھول رکھے ہیں۔ جرمن قونصل خانوں کی مجوعی تعداد 61 اور مستقل سفارتی مشنز کی تعداد 11 ہے۔ جرمنی کے سفارتی مشنز کی مجموعی تعداد 224 بنتی ہے۔
تصویر: Reuters/F. Bensch
8۔ برازیل
لاطینی امریکا کی ابھرتی معیشت برازیل کے بھی دنیا بھر میں 222 سفارتی مشنز ہیں جن میں 138 سفارت خانے، 70 قونصل خانے اور 12 مستقل سفارتی مشنز شامل ہیں۔
تصویر: AFP/S. Lima
9۔ سپین
سپین 215 سفارتی مشنز کے ساتھ اس درجہ بندی میں نویں نمبر پر ہے۔ دنیا کے 115 ممالک میں ہسپانوی سفارت خانے ہیں اور مختلف ممالک کے شہروں میں قائم ہسپانوی قونصل خانوں کی تعداد 89 ہے۔
تصویر: Fotolia/elxeneize
10۔ اٹلی
اٹلی نے 124 ممالک میں اپنے سفارت خانے کھول رکھے ہیں۔ قونصل خانوں کی تعداد 77 ہے جب کہ آٹھ مستقل سفارتی مشنز بھی سرگرم ہیں۔ دنیا بھر میں اٹلی کے مجموعی سفارتی مشنز کی تعداد 209 ہے۔
تصویر: Imago
11۔ برطانیہ
برطانیہ کے دنیا بھر میں مجموعی سفارتی مشنز کی تعداد 205 ہے جن میں 149 سفارت خانے، 44 قونصل خانے، نو مستقل سفارتی مشنز اور تین دیگر نوعیت کے سفارتی مشنز شامل ہیں۔
تصویر: imago/ITAR-TASS/S. Konkov
12۔ بھارت
جنوبی ایشیائی ملک بھارت مجموعی طور پر 186 سفارتی مشنز کے ساتھ عالمی درجہ بندی میں بارہویں اور ایشیا میں تیسرے نمبر پر ہے۔ بھارت نے 123 ممالک میں سفارت خانے کھول رکھے ہیں جب کہ دنیا بھر میں بھارتی قونصل خانوں کی تعداد 54 ہے۔ اقوام متحدہ، یورپی یونین اور آسیان کے لیے خصوصی سفارتی مشن سمیت بھارت کے دنیا میں 5 مستقل سفارتی مشنز بھی ہیں۔
تصویر: Reuters/D. Siddiqui
28۔ پاکستان
پاکستان مجموعی طور پر 117 سفارتی مشنز کے ساتھ اس درجہ بندی میں 28ویں نمبر پر ہے۔ پاکستان نے دنیا کے 85 ممالک میں سفارت خانے کھول رکھے ہیں جب کہ پاکستانی قونصل خانوں کی تعداد 30 ہے۔ علاوہ ازیں نیویارک اور جنیوا میں اقوام متحدہ کے لیے مستقل پاکستانی سفارتی مشنز بھی سرگرم ہیں۔
تصویر: Press Information Department Pakistan/I. Masood
