لاھور کے ایک کاروباری گھرانے میں پیدا ہونے والے نواز شریف نے اپنی سیاست کا آغاز سن ستر کی دھائی کے اواخر میں کیا۔

جنرل ضیا الحق کے مارشل لا کے دور میں نواز شریف سن 1985 میں پاکستانی صوبہ پنجاب کے وزیر اعلیٰ منتخب ہوئے۔

سن 1988 میں پاکستان پیپلز پارٹی وفاق میں اقتدار میں آئی اور بینظیر بھٹو ملک کی پہلی خاتون وزیر اعظم بنیں۔ اس وقت نواز شریف پاکستانی صوبہ پنجاب کے وزیر اعلیٰ تھے تاہم اسی دور میں وہ ملک کی وفاقی سیاست میں داخل ہوئے اور دو برس بعد اگلے ملکی انتخابات میں وہ وزارت عظمیٰ کے امیدوار بنے۔

پاکستان مسلم لیگ کے سربراہ کے طور پر میاں محمد نواز شریف سن 1990 میں پہلی مرتبہ ملک کے وزیر اعظم منتخب ہوئے۔ ان کے دور اقتدار میں ان کا خاندانی کاروبار بھی پھیلنا شروع ہوا جس کے باعث ان کے خلاف مبینہ کرپشن کے شکوک و شبہات پیدا ہوئے۔

سن 1993 میں اس وقت کے وفاقی صدر غلام اسحاق خان نے اپنے آئینی اختیارات استعمال کرتے ہوئے نواز شریف کو وزارت عظمیٰ کے عہدے سے معزول کر دیا۔ نواز شریف نے اس فیصلے کے خلاف عدالت عظمیٰ کا رخ کیا۔ عدالت نے ان کے حق میں فیصلہ دیتے ہوئے نواز شریف کی حکومت بحال کر دی تاہم ملک کی طاقتور فوج کے دباؤ کے باعث نواز شریف نے اپنے عہدے سے استعفیٰ دے دیا۔

میاں محمد نواز شریف کی سیاسی جماعت سن 1997 کے عام انتخابات میں بھاری اکثریت سے کامیاب ہوئی جس کے بعد وہ دوسری مرتبہ پاکستان کے وزیراعظم بننے میں کامیاب ہوئے۔

نواز شریف دوسری مرتبہ بھی وزارت عظمیٰ کے عہدے کی مدت پوری کرنے میں کامیاب نہ ہوئے۔ حکومت اور ملکی فوج کے مابین تعلقات کشیدگی کا شکار رہے اور فوجی سربراہ جنرل پرویز مشرف کو ہٹانے کے اعلان کے بعد فوج نے اقتدار پر قبضہ کرتے ہوئے ملک میں مارشل لا نافذ کر دیا۔

جنرل پرویز مشرف کے مارشل لا کے دور میں نواز شریف کے خلاف طیارہ ہائی جیک کرنے اور دہشت گردی کے مقدمات درج کیے گئے اور انہیں عمر قید کی سزا سنائی گئی۔ تاہم بعد ازاں انہیں جلاوطن کر دیا گیا۔ جلاوطنی کے دور ہی میں نواز شریف اور بینظیر بھٹو نے ’میثاق جمہوریت‘ پر دستخط کیے۔ سن 2007 میں سعودی شاہی خاندان کے تعاون سے نواز شریف کی وطن واپسی ممکن ہوئی۔

سن 2013 کے عام انتخابات میں مسلم لیگ نون ایک مرتبہ پھر عام انتخابات میں کامیاب ہوئی اور نواز شریف تیسری مرتبہ پاکستان کے وزیراعظم بنے۔ تیسری مرتبہ اقتدار میں آنے کے بعد انہیں مسلسل پاکستان تحریک انصاف کی جانب سے احتجاجی مظاہروں کا سامنا کرنا پڑا۔

نواز شریف تیسری مرتبہ بھی وزارت عظمیٰ کے عہدے کی مدت پوری کرنے میں ناکام ہوئے۔ سن 2016 میں پاناما پیپرز کے منظر عام پر آنے کے بعد ان کے خلاف تحقیقات کا آغاز ہوا اور آخرکار اٹھائی جولائی سن 2017 کو ملکی عدالت عظمیٰ نے انہیں نااہل قرار دے دیا۔

سابق امریکی صدر جارج ڈبلیو بش پر جوتا اُن کے عراقی کے دورے کے دوران پھینکا گیا۔ یہ جوتا ایک صحافی منتظر الزیدی نے چودہ دسمبر سن 2008 کو پھینکا تھا۔

دو فروری سن 2009 کو لندن میں سابق چینی وزیراعظم وین جیا باؤ پر ایک جرمن شہری مارٹن ژانکے نے جوتا پھینکا تھا۔ یہ جوتا جیا باؤ سے کچھ فاصلے پر جا کر گرا تھا۔

ایرانی صوبے مغربی آذربائیجدان کے بڑے شہر ارومیہ میں قدامت پسند سابق ایرانی صدر محمود احمدی نژاد پر جوتا پھینکا گیا تھا۔ یہ واقعہ چھ مارچ سن 2009 کو رونما ہوا تھا۔ احمدی نژاد کو سن 2006 میں تہران کی مشہور یونیورسٹی کے دورے پر بھی جوتے کا سامنا کرنا پڑا تھا۔

چھبیس اپریل سن 2009 کو احمد آباد شہر میں انتخابی مہم کے دوران کانگریس پارٹی کے رہنما اور اُس وقت کے بھارتی وزیراعظم منموہن سنگھ پر ایک نوجوان نے جوتا پھینکا، جو اُن سے چند قدم دور گرا۔

جنوری سن 2010 میں سوڈان کے دارالحکومت خرطوم کے ’فرینڈ شپ ہال‘ میں صدر عمر البشیر پر جوتا پھینکا گیا۔ سوڈانی صدر کا دفتر اس واقعے سے اب تک انکاری ہے، لیکن عینی شاہدوں کے مطابق یہ واقعہ درست ہے۔

ترکی کے صدر رجب طیب ایردوآن پر فروری سن 2010 میں ایک کرد نوجوان نے جوتا پھینک کر کردستان زندہ باد کا نعرہ لگایا تھا۔ یہ کرد شامی شہریت کا حامل تھا۔

پاکستان کے سابق صدرآصف علی زرداری کے برطانوی شہر برمنگھم کے دورے کے موقع پر ایک پچاس سالہ شخص سردار شمیم خان نے اپنے دونوں جوتے پھینکے تھے۔ یہ واقعہ سات اگست سن 2010 کا ہے۔

چار ستمبر سن 2010 کو سابق برطانوی وزیر ٹونی بلیئر کو ڈبلن میں جوتوں اور انڈوں سے نشانہ بنایا گیا۔ ڈبلن میں وہ اپنی کتاب ’اے جرنی‘ کی تقریب رونمائی میں شریک تھے۔

چار نومبر سن 2010 کو کیمبرج یونیورسٹی میں تقریر کے دوران سابق آسٹریلوی وزیراعظم جون ہوارڈ پر جوتا پھینکا گیا۔ جوتا پھینکنے والا آسٹریلیا کا ایک طالب علم تھا۔

لندن میں ایک ہجوم سے خطاب کے دوران سابق فوجی صدر پرویز مشرف پر ایک پاکستانی نژاد برطانوی شہری نے جوتا پھینکا تھا۔ یہ واقعہ چھ فروری سن 2011 کو پیش آیا تھا۔

تائیوان کے سابق صدر ما یِنگ جُو پر اُن کے خلاف مظاہرہ کرنے والے ہجوم میں سے کسی شخص نے جوتا آٹھ ستمبر سن 2013 کو پھینکا۔ تاہم وہ جوتے کا نشانہ بننے سے بال بال بچ گئے۔

پاکستان کی سپریم کورٹ کی جانب سے نا اہل قرار دیے جانے والے سابق وزیراعظم نواز شریف کو گیارہ مارچ سن 2018 کو ایک مدرسے میں تقریر سے قبل جوتا مارا گیا۔ اس طرح وہ جوتے سے حملے کا نشانہ بننے والی تیسری اہم پاکستانی سیاسی شخصیت بن گئے۔

اسلام آباد اور راولپنڈی کے درمیان روزانہ سفر کرنے والوں نے میٹرو بس منصوبے کی تکمیل کو خوش آئند قرار دیتے ہوئے کہا ہے کہ اب عام مسافر شدید گرمی میں کم کرایہ ادا کر کے ایئر کنڈیشنڈ بسوں میں سفر کر سکیں گے اور انہیں پبلک ٹرانسپورٹ کا گھنٹوں کھلے آسمان تلے انتظار بھی نہیں کرنا پڑے گا۔

رات کے وقت اسلام آباد میں معروف تجارتی مرکز بلیو ایریا کی جناح ایونیو پر واقع میٹرو بس سروس کے ایک اسٹیشن کا منظر۔ حکام کا کہنا ہے کہ اس میٹرو منصوبے سے راولپنڈی اور اسلام آباد کے حسن میں اضافہ ہو گا۔

پاکستانی وزیر اعظم نواز شریف نے 45 ارب روپے کی لاگت سے مکمل کیے گئے راولپنڈی اسلام آباد میٹرو بس منصوبے کا افتتاح جمعرات چار جون کو اسلام آباد کے کنونشن سینٹر میں کیا۔ اس موقع پر انہوں نے کہا، ’’میٹرو بس منصوبہ دیکھ کر لگتا ہے کہ پاکستان بدل رہا ہے۔‘‘

میٹرو بس منصوبے کی تعمیر کا آغاز گزشتہ برس راولپنڈی میں ستائیس مارچ کو اور اسلام آباد میں تئیس اپریل کو کیا گیا تھا۔ اسے ابتدائی طور پر سات ماہ میں مکمل کیا جانا تھا تاہم یہ منصوبہ چھ ماہ کی تاخیر سے تیرہ ماہ کے عرصے میں مکمل ہوا۔

میٹرو بس سروس کے لیے جڑواں شہروں راولپنڈی اور اسلام آباد میں عام شہریوں کے لیے آمد و رفت کے بہتر مواقع کی خاطر مجموعی طور پر 23 کلومیٹر طویل سگنل فری ٹریک بچھایا گیا ہے۔ اس ٹریک کے دونوں جانب خوب تزئین و آرائش کی گئی ہے۔

ابتدائی طور پر اس منصوبے کے لیے ترکی سے اڑسٹھ ایئر کنڈیشنڈ بسیں منگائی گئی ہیں۔ منصوبے کے تحت دونوں شہروں میں میٹرو کے کُل چوبیس اسٹیشن بنائے گئے ہیں جہاں سے یہ بسیں مجموعی طور پر یومیہ ایک لاکھ پینتیس ہزار مسافروں کو سفری سہولیات مہیا کریں گی۔

ناقدین میٹرو بس منصوبے کو اربوں روپے کا ضیاع قرار دے رہے ہیں۔ ان کے مطابق یہ رقوم بجلی کے بحران کے شکار پاکستان میں توانائی کے شعبے کی بہتری کے لیے خرچ کی جانا چاہییں تھیں یا انہیں جڑواں شہروں میں صحت کی بہتر سہولیات کے لیے استعمال میں لایا جاتا۔

وزیر اعظم نواز شریف اور اس منصوبے کے خالق پنجاب کے وزیر ا علیٰ شہباز شریف کا کہنا ہے کہ میٹرو بس غریب شہری کی سواری ہے۔ اس سے نہ صرف لاکھوں مقامی شہری فائدہ اٹھائیں گے بلکہ اقتصادی سرگرمیوں میں بھی اضافہ ہو گا۔

اس منصوبے کی تعمیر کے دوران راولپنڈی اور اسلام آباد کے شہریوں کو سٹرکوں کی کھدائی، چوراہوں کی بندش اور بہت زیادہ گرد و غبار کی وجہ سے شدید مشکلات کا سامنا کرنا پڑا تھا۔ حکام کے مطابق عوام ایک بار کی تکلیف کے بعد اب مستقل سکھ کا سانس لے سکیں گے۔

میٹرو منصوبے کی تعمیر گزشتہ سال دسمبر میں مکمل ہونا تھی تاہم اگست میں اپوزیشن کی پاکستان تحریک انصاف کی طرف سے 2013ء کے عام انتخابات میں مبینہ دھاندلی کے خلاف احتجاج اور شاہراہ دستور پر طویل دھرنوں کے سبب بظاہر اس منصوبے کی تعمیر میں مقررہ سے زائد وقت لگا۔

اس منصوبے کے لیے درختوں کی کٹائی رکوانے کی خاطر تحفظ ماحول کی تنظیموں نے اسلام آباد ہائی کورٹ اور پھر سپریم کورٹ سے بھی رجوع کیا تھا۔ حکومت اعلیٰ عدلیہ کو قائل کرنے میں کامیاب رہی کہ اس منصوبے کے قدرتی ماحول پر منفی اثرات بہت کم ہوں گے اور متبادل شجرکاری کا بندوبست بھی کیا گیا ہے۔

جمعرات چار جون کے روز کنونشن سینٹر میں میٹرو منصوبے کے افتتاح کے بعد وزیر اعظم نواز شریف نے میٹرو بس میں سفر کیا۔ سکیورٹی کے بہت سخت انتظامات کیے گئے تھے جبکہ مختلف اسٹیشنوں پر عام لوگ بھی میٹرو بسوں کو چلتا دیکھنے کے لیے جمع تھے۔

میٹرو منصوبے کے راولپنڈی میں ایک حصے کا منظر۔ شہر کے تاجروں کا کہنا ہے کہ اس منصوبے کے باعث سب سے زیادہ مالی نقصان انہوں نے برداشت کیا۔ لیکن اب وہ خوش ہیں اور پُرامید بھی کہ بس سروس شروع ہونے سے ان کا کاروبار چمکے گا۔