نوے ہزار جرمن سپورٹس کلب: بیس فیصد توانائی کی بچت کی ہدایت
6 ستمبر 2022
روسی یوکرینی جنگ، آئندہ موسم سرما اور عالمی سطح پر توانائی کے بحران کے پیش نظر جرمن اولمپک سپورٹس کنفیڈریشن نے ملک کے کُل تقریباﹰ نوے ہزار سپورٹس کلبوں کو کم از کم بیس فیصد تک توانائی کی بچت کی ہدایت کر دی ہے۔
تصویر: Patrik Stollarz/AFP/Getty Images
اشتہار
جرمنی میں کھیلوں کے مختلف شعبوں کی نمائندہ ملکی، صوبائی اور علاقائی تنظیموں کی مجموعی تعداد تقریباﹰ 90 ہزار بنتی ہے۔ ان سپورٹس کلبوں کی قومی سطح پر نگرانی جرمن اولمپک سپورٹس کنفیڈریشن (ڈی او ایس بی) نامی تنظیم کرتی ہے۔
اس تنظیم کی طرف سے اپنے تمام 90 ہزار ممبر سپورٹس کلبوں کو منگل چھ ستمبر کے روز یہ ہدایت کر دی گئی کہ وہ اپنی جملہ سرگرمیوں کے لیے توانائی کے استعمال میں لازمی طور پر کم از کم 20 فیصد تک توانائی کی بچت کریں۔
کھیلوں کی تنظیموں کا سماجی کردار
DOSB نامی تنظیم کے مطابق اسے امید ہے کہ ملک بھر کے سپورٹس کلب توانائی کے عالمی بحران کے تناظر میں اگر اپنی سرگرمیوں کے لیے استعمال ہونے والی توانائی کا کم از کم پانچواں حصہ بھی بچا لیں، تو پورے ملک میں سوئمنگ پولز اور دیگر سپورٹس تنصیبات کی مجبوراﹰ بندش سے بچا جا سکتا ہے۔
جرمن قومی فٹ بال لیگ سے متعلق اہم حقائق
جرمن قومی فٹ بال لیگ بُنڈس لیگا کے 56 ویں سیزن کا آغاز اگست کے اواخر میں ہو رہا ہے۔ اس مرتبہ بھی فیورٹ ٹیم دفاعی چیمپیئن بائرن میونخ ہی ہے۔ جانیے جرمن فٹ بال لیگ سے متعلق دلچسپ حقائق۔
بائرن میونخ کی ٹیم مسلسل چھ مرتبہ جرمن قومی فٹ بال لیگ (بُنڈس لیگا) کا ٹائٹل اپنے نام کر چکی ہے۔ مجموعی طور پر میونخ کلب اٹھائیس مرتبہ یہ کپ جیت چکا ہے۔ یہ فٹ بال کلب مالی لحاظ سے بھی سب سے آگے اور انتہائی طاقتور ہے۔ اس کی سالانہ آمدنی چھ سو ملین یورو ہے۔
تصویر: picture-alliance/sampics/C. Pahnke
نئے طاقتور کلب
سن دو ہزار سترہ اور اٹھارہ میں ایف سی نیورنبرگ آٹھویں مرتبہ زیریں لیگ سے ترقی کرتے ہوئے بنڈس لیگا میں پہنچا ہے۔ جرمن قومی فٹ بال لیگ میں یہ ایک ریکارڈ ہے۔ اسی طرح فورٹونا ڈسلڈورف نے بھی چھٹی مرتبہ بنڈس لیگا ون کے لیے کوالیفائی کیا ہے۔
تصویر: picture-alliance/dpa/D. Karmann
تکنیکی انقلاب
بُنڈس لیگا کے ریفری ایک عرصے سے معلومات کے تبادلے کے لیے ہیڈ سیٹ استعمال کر رہے ہیں۔ لیکن اب کوچوں کو بھی ہیڈ سیٹ دیے جائیں گے۔ ہر ٹیم کے کوچنگ اسٹاف کو تین ہیڈ سیٹ فراہم کیے جائیں گے۔ یوں یہ کوچ میچ کے دوران ہی براہ راست اہم معلومات حاصل کر پائیں گے اور ان کی روشنی میں ’گیم پلان‘ بھی ترتیب دے پائیں گے۔
تصویر: imago/J. Huebner
ورلڈ کپ کی طرز پر ’ویڈیو اسسٹنٹ ریفری‘
بنڈس لیگا کے سن دو ہزار سترہ اور اٹھارہ کے سیزن میں ویڈیو اسسٹنٹ ریفری‘ سے بھی مدد لی گئی لیکن اسے کم ہی کامیابی حاصل ہوئی۔ یہ نظام اتنا موثر نہیں تھا جیسا خیال کیا جا رہا تھا۔ اب اس میں مزید بہتری لائی جائے گی۔ اس مرتبہ روس میں ہونے والے ورلڈ کپ طرز کا کامیاب ویڈیو نظام لایا جا رہا ہے۔
بُنڈس لیگا کو شائقین کے لیے مقناطیس بھی قرار دیا جاتا ہے۔ ڈورٹمنڈ شہر کے ایک اسٹینڈ میں تقریبا ساڑھے چوبیس ہزار افراد کے کھڑے ہونے کی جگہ ہے اور یہ اس شہر کی ٹیم کے ہر میچ میں بھرا ہوتا ہے۔ اسی طرح جن اسٹیڈیمز میں میچ ہوتے ہیں، وہ بھی شائقین سے بھر جاتے ہیں۔ اوسطاﹰ ہر میچ دیکھنے کے لیے چوالیس ہزار شائقین اسٹیڈیم پہنچتے ہیں جو کہ یورپ میں ایک ریکارڈ ہے۔
جرمنی میں اس قومی فٹ بال لیگ کے دوران ابھی تک شائقین کے لیے فٹ بال اسٹینڈ ہالز کا استعمال کیا جاتا ہے۔ پہلے یہ ہر اسٹیڈیم کا لازمی جزو ہوتے تھے لیکن برطانیہ، اٹلی اور اسپین میں یہ ختم کیے جا چکے ہیں۔ کئی غیرملکی مداح صرف ان اسٹینڈ ہالز کی وجہ سے جرمنی فٹ بال دیکھنے آتے ہیں۔
تصویر: picture alliance/dpa/C. Gateau
خاتون بھی ریفری
ایسا یورپ کی کسی بھی ٹاپ لیگ میں نہیں ہے۔ جرمنی کی قومی فٹ بال لیگ میں پہلی مرتبہ ستمبر دو ہزار سترہ کو ایک خاتون بیبیانہ شٹائن ہاؤس کو بطور ریفری شامل کیا گیا تھا۔
تصویر: picture-alliance/augenklick/firo Sportphoto/S. El Saqqa
مہنگا ترین کھلاڑی
فرانس کے کورنٹین ٹولیسو کو بُنڈس لیگا کا مہنگا ترین کھلاڑی قرار دیا جاتا ہے۔ بائرن میونخ نے اسے سن دو ہزار سترہ میں ساڑھے اکتالیس ملین یورو میں خریدا تھا۔ جرمن قومی فٹ بال لیگ میں ابھی تک اتنی زیادہ رقم کسی کو بھی کھلاڑی کے لیے ادا نہیں کی گئی۔
تصویر: picture-alliance/Rauchensteiner/Augenklick
غیرملکی کھلاڑی
یورپ کی کئی دیگر فٹ بال لیگز کے برعکس جرمن فٹ بال کلبوں میں غیرملکی کھلاڑیوں کے شمولیت کے حوالے سے کوئی حد مقرر نہیں ہے۔ گزشتہ سیزن میں فرینکفرٹ کی ٹیم کولون کے مدمقابل تھی اور اس کے گیارہ کھلاڑیوں کا تعلق گیارہ مختلف ممالک سے تھا۔
اس قومی اولمپک کنفیڈریشن نے ایک ایسا منصوبہ بھی تیار کیا ہے، جس پر عمل کرتے ہوئے ملک کے بیسیوں ہزار سپورٹس کلب توانائی کی مرحلہ وار لیکن بہت زیادہ بچت کر سکتے ہیں۔ جرمن اولمپک سپورٹس کنفیڈریشن کے صدر ٹوماس وائیکرٹ کی طرف سے جاری کردہ ایک بیان کے مطابق، ''توانائی کے موجودہ بحران میں کھیلوں کی منظم تنظیموں کو بھی مشکل حالات کے پیش نظر اپنا کردار ادا کرنا چاہیے اور یوں خود پر عائد ہونے والی سماجی ذمےد اری بھی پورا کرنا چاہیے۔‘‘
ساتھ ہی ٹوماس وائیکرٹ نے یہ بھی کہا کہ وفاقی حکومت نے حال ہی میں توانائی کے اسی بحران کے مد نظر بیسیوں ارب یورو کے جس تیسرے عوامی ریلیف پیکج کا اعلان کیا ہے، اس میں کھیلوں کے شعبے کو بھی شامل کیا جانا چاہیے تھا۔
’غلطیاں دہرائی نہ جائیں‘
جرمنی میں کھیلوں کے شعبے اور توانائی کے بحران کے پیش نظر جرمن اولمپک سپورٹس کنفیڈریشن کے چیف ایگزیکٹیو ٹورسٹن بُورمیسٹر نے اس حوالے سے کہا، ''سیاستدانوں کو وہی غلطیاں دہرانا نہیں چاہییں، جو انہوں نے کورونا وائرس کی عالمی وبا کی شدت کے دنوں میں کی تھیں۔ انہیں جرمن معاشرے میں کھیلوں کی اہمیت کو کسی بھی طرح نظر انداز نہیں کرنا چاہیے۔‘‘
دنیا کی دس بہترین خاتون فٹ بالر کون ہیں
دنیا کی دس بہترین خواتین فٹ بالر کون ہیں؟ آئیے ملیے ان غیرمعمولی کھلاڑیوں سے۔
تصویر: Imago/foto2press/S. Leifer
ایڈا ہیگربرگ، ’سنہری اسٹرائیکر‘
ناورے کی اسٹرائیکر کو گزشتہ برس بہترین خاتون فٹ بالر قرار دیا گیا تھا۔ ایوارڈ وصول کرتے ہوئے 23 سالہ ایڈا ہیگربرگ نے نوجوان لڑکیوں کو ایک متاثرکن پیغام دیا۔ ان کا کہنا تھا، ’’خود پر بھروسا کیجیے۔‘‘ ہیگربرگ نے اب تک ڈھائی سو گول کیے ہیں اور تین مرتبہ چیمپیئنز لیگ میں فتح حاصل کی ہے۔ اس کے علاوہ انہوں نے چار فرانسیسی لیگ ٹائٹل بھی اپنے نام کیے ہیں۔
تصویر: Reuters/G. Garanich
پیرنیل ہارڈر، ’بہترین فنشر‘
2017 کے یورپی ویمن کپ کے فائنل میں ڈنمارک کی اسٹرائیکر پیرنیل ہارڈر نے دائیں جانب سے ہالینڈ کی کھلاڑیوں کو ڈاج کرتے اور دفاعی لائن توڑتے ہوئے گول کیا تھا، جس سے ہالینڈ کی برتری ختم ہو گئی تھی۔ ویمن بنڈس لیگا میں جرمن کلب وولفس برگ کی ٹاپ اسکورر پیرنیل ہارڈر کو یوایفا ویمن پلیئر آف دی ایئر 2017-18 کا ایوارڈ بھی ملا تھا۔
تصویر: Reuters/Y. Herman
وینڈی رینارڈ، ’اچھاحملہ ہی بہترین دفاع ہے‘
وینڈی رینارڈ اولمپک لیوں نامی کلب کے علاوہ فرانس کی قومی ٹیم میں بھی شامل ہیں۔ اپنی زبردست دفاعی ہنرمندی کے علاوہ ہیڈر کے ذریعے گول کرنے کی ماہر کہلانے والی رینارڈ بارہ مرتبہ فرنچ ٹائٹل جیت چکی ہیں جب کہ چیمپیئنز لیگ کا فائنل بھی پانچ دفعہ ان کے نام ہوا۔ رینارڈ کو دنیا کی بہترین خاتون ’ڈیفنڈرز‘ میں سے ایک قرار دیا جاتا ہے۔
تصویر: Getty Images/AFP/Jonathan Nackstrand
لوسی برونز، سخت ترین دفاع
اولمپک لیوں کلب کی ڈیفنڈر لوسی برونز نے سن 2018ء میں اپنے سابقہ کلب مانچسٹر سٹی کے خلاف عمدہ کارکردگی دکھائی۔ سیمی فائنل میں انہیں یوایفا گول آف دا سیزن کے لیے نام زد کیا گیا۔ برونز کو دنیا کی بہترین خاتون فٹ بالرز میں سے ایک قرار دیا جاتا ہے۔ رواں برس خواتین کے عالمی کپ میں وہ انگلینڈ کی اہم کھلاڑیوں میں سے ایک تصور کی جا رہی ہیں۔
تصویر: Getty Images/N. Baker
مارٹا وی ایرا ڈی سِلوا، ’میں پیدا ہی اس ہنر کے استعمال کے لیے ہوئی‘
دی پلیئرز ٹریبیون میں اپنے ایک مضمون میں انہوں نے لکھا، ’’ہر تفریق سے لڑائی، ہر عدم معاونت سے لڑائی، ان سب لڑکوں اور دیگر سے لڑائی، جو کہتے ہیں مارٹا، یہ تمہارے بس کی بات نہیں۔‘‘ مارٹا نے برازیل کے لیے 133 میچوں میں 110 گول کیے۔ مارٹا کو دنیا کی بہترین خاتون کھلاڑی اور بہت سی نوجوان لڑکیوں کے لیے ایک مثالیہ قرار دیا جاتا ہے۔
تصویر: Getty Images
جینیفر ماروشان، اکھڑتے سانس سے جنگ
گزشتہ برس جنوری میں جرمنی کی سابق کپتان اور اولمپک لیوں کی مڈفیلڈر کو پھیپھڑوں میں انجماد خون کے مسئلے نے آن لیا۔ مگر وہ اکتوبر تک یہ لڑائی جیت کر دوبارہ میدان میں اتر چکی تھیں۔ اس کے ایک ماہ بعد انہوں نے دوبارہ جرمنی کی قومی ٹیم میں اپنی جگہ بنا لی۔
تصویر: picture-alliance/GES/T. Eisenhuth
v
فرانس کی قومی ٹیم اور فٹ بال کلب لیوں کی کھلاڑی امانڈین ہینری کھیل رہی ہوں تو وہ منفرد دکھائی دیتی ہیں۔ ایسا لگتا ہی نہیں کہ ان سے بچ کو کوئی بال دفاعی کھلاڑیوں تک پہنچے گا۔ دفاع کو حملے میں بدلنا امانڈین کی انفرادیت ہے۔ انہیں دنیا کی ٹاپ فٹ بالرز میں سے ایک گردانا جاتا ہے۔
تصویر: Reuters/V. Ogirenko
سمانتھا کیر، منفرد جشن
سمانتھا کیر کو امریکا کی نیشنل ویمن سوکر لیگ میں پچاس گول کرنے کا اعزاز حاصل ہے۔ کیر نے آسٹریلیا میں قومی فٹ بال ٹیم میں تب اپنی جگہ بنائی تھی، جب ان کی عمر فقط پندرہ برس تھی۔ تب سے وہ فیفا رینکنگ میں سب سے اوپر دکھائی دینے والے ناموں میں نظر آتی ہیں۔ وہ رواں برس کے خواتین کے عالمی کپ فٹ بال میں بھی شریک ہو رہی ہیں۔ وہ ہر گول پر جشن اپنے ہی ایک خاص طریقے سے مناتی ہیں۔
تصویر: Getty Images/G. Denholm
میگن راپینوئے، ایک فاتح
میگن کی مدد سے امریکا سن 2018ء میں شی بیلیوز کپ، سن 2015 کا عالمی کپ اور سن 2012 کا اولمپک گولڈ میڈل جیتا تھا۔ سیاٹل رین کلب کی کپتان میگن نے سن 2017ء میں 18 میچوں میں بارہ گول کیے۔ یہ 33 سالہ کھلاڑی بہت سی لڑکیوں کے لیے ایک رول ماڈل کی حیثیت رکھتی ہیں۔
تصویر: Getty Images/R. Martinez
ساکی کوماگائی، جاپانی ستارہ
جاپانی فٹ بال ٹیم کی کپتان اولمپک لیونیز کلب کے لیے پانچ فرنچ چیمپیئن شپس اور تین چیمپیئن لیگ ٹائٹل جیتنے میں اپنا کردار ادا کر چکی ہیں۔ کوماگائی کا زبردست دفاعی کھیل ہی تھا، جس نے جاپان کو سن 2018ء میں ویمن ایشیا کپ جیتنے میں مدد دی تھی۔ کوماگائی کو فیفا بیسٹ ویمن پلیئر کے ایوارڈ کے لیے بھی نام زد کیا جا چکا ہے۔
تصویر: Getty Images/AFP/G. Cacace
10 تصاویر1 | 10
بُورمیسٹر کے مطابق کورونا وائرس کی عالمی وبا کے دوران جرمنی میں ہزاروں سپورٹس کلبوں کے وہ تمام مالیاتی وسائل زیادہ تر ختم ہو گئے تھے، جو انہوں نے اپنے لیے بچا کر رکھے ہوئے تھے۔ ایسی تمام سپورٹس تنظیموں کو اب توانائی کے ذرائع کی بہت زیادہ ہو چکی قیمتوں کی وجہ سے کسی نئے امتحان کا سامنا کرنے پر مجبور نہ کیا جائے۔‘‘
اشتہار
فٹ بال کے کھیل کی کلیدی حیثیت
کئی دیگر یورپی ممالک کی طرح جرمنی میں بھی فٹ بال ایک بہت مقبول عوامی کھیل ہے، جو ملکی معیشت میں سالانہ بیسیوں ارب یورو مالیت کی سرگرمیوں کی وجہ بنتا ہے۔
جرمنی کی فیڈرل لیگ یا بنڈس لیگا کہلانے والی قومی کلب چیمپئن شپ اور اس سے ایک درجہ نیچے سیکنڈ فیڈرل لیگ کا اہتمام کرنے والی تنظیم جرمن فٹ بال لیگ (ڈی ایف ایل) پہلے ہی فرسٹ اور سیکنڈ بنڈس لیگا کی تمام ٹیموں اور کلبوں کو یہ انفرادی اور اجتماعی سفارش کر چکی ہے کہ انہیں رواں سیزن کے دوران توانائی کے استعمال میں 15 سے 20 فیصد تک بچت کرنا چاہیے۔
م م / ش ر (ڈی پی اے، ایس آئی ڈی)
فٹ بال کھیل میں پائے جانے والے واہمات، اعتقادات اور رسومات
فٹ بال کھیل میں بھی اچھے شگون اور برے شگون کا سلسلہ موجود ہے۔ کئی اعمال کو خوش بختی کی علامت خیال کیا جاتا ہے۔ کئی مشہور فٹ بالر اور کوچ بھی ایسی رسومات میں حصہ لیتے ہیں۔
تصویر: Luis Acosta/AFP/Getty Images
کرسٹیانو رونالڈو: شگونوں میں جکڑے ہوئے
پرتگال کے فٹ بالر رونالڈو کئی رسومات کے باقاعدہ کاربند ہیں کیونکہ وہ انہیں اچھا شگون خیال کرتے ہیں۔ وہ ریال میڈرڈ کی بس میں سفر کرتے ہوئے ہمیشہ سب سے آخر میں بیٹھتے ہیں۔ ہوائی جہاز میں اگلی سیٹوں پر بیٹھنے کو بہتر سمجھتے ہیں۔ میدان میں داخل ہوتے وقت وہ اپنا دایاں قدم پہلے رکھتے ہیں۔ میچ کے ہاف ٹائم کے بعد وہ اپنے سر کے بال درست کرنا نہیں بھولتے۔
تصویر: Getty Images/K.Sahib
نیمار میچ سے قبل فتح کی دعا کرتے ہیں
برازیلی اسٹار نیمار جونبئر کو دنیا کے بہترین فٹ بال کھلاڑیوں میں شمار کیا جاتا ہے۔ نیمار بھی بعض اعتقاد پر مسلسل عمل کرتے ہیں۔ وہ ہر میچ سے قبل اپنے باپ کے ساتھ مل کر جیت کی دعا کرتے ہیں۔ وہ میدان میں پہلے دایاں قدم رکھتے ہیں اور زمین کی گھاس کو چھ۔و کر پھر جیت کی دعا کرتے ہیں۔
ارجنٹائن کا یہ فٹ ہر میچ سے قبل باقاعدگی سے پیشاب کیا کرتا تھا۔ وہ خیال کرتا تھا کہ میچ سے قبل پیشاب کرنا دوسری ٹیم کے لیے برا شگون ہوتا ہے اور اُس وجہ سے دوسری ٹیم کو میچ کے دوران مشکل ہو گی۔ وہ گول کیپر تھے اور سن 1994 تک ارجنٹائنی ٹیم کا حصہ رہے۔
تصویر: picture-alliance/K.-H.Kreifelts
مانویل نوئر کا گول پوسٹ کو چھونا
جرمن ٹیم کے گول کیپر مانویل نوئر بھی خیال کرتے ہیں کہ میچ سے قبل گول پوسٹ کو چھونا خوش بختی کی علامت ہوتا ہے۔ اس لیے وہ میچ شروع ہونے سے قبل گول پوسٹ کے دونوں کناروں کو ہاتھ سے چھوتے ہیں۔ وہ یہ فعل دونوں ہاف کے شروع ہونے سے قبل باقاعدگی سے کرتے ہیں۔
تصویر: Getty Images/Bongarts/A. Hassenstein
باستیان شوائن شٹائگر کی گیلی جرابیں
جرمن ٹیم کے سابق کپتان اور دفاعی فٹ بالر باستیان شوائن شٹائگر کو ورلڈ کپ سن 2014 میں غیر معمولی کھیل پیش کرنے پر ہمیشہ یاد رکھا جائے گا۔ اُن کی ایک عادت تھی کہ وہ میچ ہمیشہ گیلی جرابوں اور گیلے جوتوں کے ساتھ کھیلا کرتے تھے۔
تصویر: picture-alliance/dpa/A.Gebert
لاراں بلاں اور فابیان بارٹز: سر کا بوسہ
لاراں بلاں (Laurent Blan) فرانسیسی ٹیم کے کئی برس تک کپتان رہے تھے۔ وہ ہر بین الاقوامی میچ سے قبل اپنی ٹیم کے ساتھی اور گول کیپر فابیاں بارٹز کے شیو کیے ہوئے سر کا بوسہ لیا کرتے تھے۔ وہ اس کو خوش بختی خیال کرتے تھے۔ اس عادت کو کئی دوسرے فرانسیسی کھلاڑیوں نے بھی بعد میں اپنایا۔
تصویر: picture-alliance/Sven Simon
گیرڈ مُؤلر: بڑے بوٹ بہتر ہیں
فٹ بال کھیلتے ہوئے پاؤں کے ساتھ آرام دہ جوتا اہم خیال کیا جاتا ہے۔ جرمن فٹ بالر گیرڈ مُؤلر ہمیشہ بڑے سائز کا جوتا پہن کر کھیلنے کو کامیابی کی کلید خیال کرتے تھے۔ دوسری جانب آسٹریا کے فٹ بالر ژوہان ایٹمائر قدرے تنگ جوتے کو میچ میں بہتر کارکردگی کی چابی قرار دیتے تھے۔
تصویر: pictur-alliance
گیری لنکر کی اچھوتی عادت
سن 1980 کی دہائی میں انگلینڈ کی فٹ بال ٹیم کے بہترین فارورڈ کھلاڑی گیری لنکر ہوا کرتے تھے۔ وہ پریکٹس کے دوران گول پوسٹ میں گیند ڈالنے یا پھینکنے سے کتراتے تھے اور بال ہمیشہ دور پھینکنے کو نیک شگون خیال کرتے تھے۔
تصویر: AP
ایرک کینٹونا: نہانا ضروری ہے
معالجین کا خیال ہے کہ میچ والے دن گرم پانی سے نہانا صحت کے لیے نقصان دہ ہو سکتا ہے۔ فرانسیسی فٹ بالر ایرک کینٹونا ڈاکٹروں کی اس ہدایت کو بیکار خیال کرتے تھے اور میچ والے دن پانچ منٹ تک گرم پانی سے نہانے کی عادت رکھتے تھے۔ وہ میچ کے دن خاص طور پر صبح آٹھ بجے گرم پانی سے نہانے کو اپنے لیے نیک شگون خیال کرتے تھے۔
تصویر: picture-alliance
ریال میڈرڈ اور لہسن
کئی برس تک ہسپانوی فٹ بال کلب اس وہمے میں مبتلا رہی کہ لہسن کی ایک تری گراؤنڈ کے وسط میں دبا دینا ایک خوش بخت علامت ہے اور اس سے میچ میں کامیابی ممکن ہے۔ سن 1912 سے قبل ریال میڈرڈ کامیابیوں سے محروم تھی اور انہوں نے ایسا کیا اور جیت نے اُن کے قدم چومنے شروع کر دیے۔ لیکن یہ کلب اب شاید اس شگون کا اتنا قائل نہیں رہا۔ رواں برس بھی چیمپئنز لیگ ریال میڈرڈ نے جیتی ہے۔
تصویر: Reuters/K. Pfaffenbach
رومیو انکونیتانی: ایک چٹکی نمک
رومیو انکونیتانی سولہ برس تک اٹلی کے مشہور فٹ بال کلب پیسا کے صدر رہے تھے۔ انہیں اس کا اعتقاد تھا کہ اُن کے کلب کی کامیابی میں ایک چٹکی نمک کا کردار ہوتا ہے۔ وہ میچ سے قبل میدان پر ایک چٹکی نمک بکھیرنے کو کامیابی کی کلید قرار دیا کرتے تھے۔
تصویر: Wikipedia
ماریو زاگالو کا لکی نمبر تیرہ
کئی اقوام میں تیرہ نمبر کو خوش بختی کا عدد قطعاً نہیں قرار دیا جاتا۔ برازیلی ٹیم کے کوچ ماریو زاگالو اس نمبر کے ایک طرح سے پجاری تھے۔ اس نمبر کے پیٹرن سینٹ انتھونی ہیں اور وہ ان سے شدید عقیدت رکھتے تھے۔ وہ ایک بلند عمارت کی تیرہویں منزل پر رہائش پذیر تھے۔ وہ تیرہ نمبر کی شرٹ پہن کر فٹ بال کھیلتے تھے۔ سن 1994 کا ورلڈ کپ جیتنے والی ارجنٹائنی ٹیم کے وہ کوچ تھے۔
تصویر: picture-alliance/dpa/A.Scheidemann
کارلوس بلارڈو: پرندوں کا گوشت اور خوش بختی
ارجنٹائن کے سابق کوچ کارلوس بلارڈو کے خیال میں میچ جیتنے کے لیے پولٹری (مرغ، بطخ یا ٹرکی) کا گوشت کھانا خوش بختی کا باعث ہوتا ہے۔ اسی لیے جتنا عرصہ وہ قومی ٹیم کے کوچ رہے، کھلاڑیوں کو پولٹری کے اسٹیک مہیا کیے جاتے تھے۔ اس کے علاوہ میچ سے قبل وہ کھلاڑیوں کو تلقین کیا کرتے تھے کہ وہ اپنی ٹوتھ پیسٹ بھی تبدیل کر کے استعمال کریں۔ سن 1986 میں ارجنٹائن نے سابقہ مغربی جرمنی کو ہرا کر ورلڈ کپ جیتا تھا۔
تصویر: picture-alliance/dpa/J. Munoz
جووانی تراپاٹونی، مقدس پانی کا چھڑکاؤ
اٹلی میں لیجنڈ کا درجہ رکھنے والے کوچ جووانی تراپاٹونی میچ سے قبل اپنے کھلاڑیوں پر مقدس پانی کے چھڑکاو کو باعث برکت خیال کیا کرتے تھے۔ ترپاٹونی ہی کی کوچنگ سے جرمن فٹ بال کلب بائرن تاریخ ساز حیثیت کا حامل ہوا۔ وہ انتہائی مذہبی شخصیت رکھتے تھے۔ میچ سے قبل میدان میں ٹیم کے داخل ہونے پر وہ مقدس پانی کا چھڑکاؤ کرتے تھے۔ مقدس پانی وہ اپنی بہن سے حاصل کرتے تھے، جو ایک راہبہ تھیں۔
تصویر: picture-alliance/dpa
ژوآخم لُووو کا نیلا رنگ
جرمن ٹیم کے کوچ ژوآخج لُووو نیلے رنگ پر اعتقاد رکھتے ہیں اور اِسے خوش بختی کی علامت سمجھتے ہیں۔ اس باعث وہ نیلے رنگ کے دلدادہ ہیں۔ خاص طورپر میچ کے دوران نیلا کشمیرا سویٹر پہننا اُن کی عادت ہے۔ سن 2010 کے ورلڈ کپ کے دوران نیلے رنگ کے سویٹر جرمن مردوں میں بہت مقبول ہوئے تھے۔ لووو نے اپنا ایک نیلا سویٹر جرمن فٹ بال فیڈریشن کے میویزم کو بھی عطیہ کر رکھا ہے۔