نیوزی لینڈ کے شہر کرائسٹ چرچ کی دو مساجد پر فائرنگ کر کے انچاس افراد کو ہلاک کرنے والے ملزم برینٹن ٹیرنٹ کو ہفتہ سولہ مارچ کو عدالت میں پیش کر دیا گیا۔ اپنی پہلی پیشی کے وقت ملزم برینٹ قیدیوں کے سفید لباس میں ملبوس تھا اور عدالتی کارروائی کے دوران خاموش کھڑا رہا۔ اُس پر قتل کی فرد جرم عائد کر دی گئی ہے۔

کرائسٹ چرچ کی مساجد پر حملہ کرنے والا اٹھائیس برس کا مبینہ ملزم برینٹن ہیریسن ٹیرنٹ آسٹریلوی شہری ہے۔ اُس کے پاس اسلحہ رکھنے کا لائنسنس بھی موجود ہے۔ اس کی سوشل میڈیا کی سرگرمیوں کے تناظر میں کہا گیا کہ وہ سفید فام نسل کی برتری کے تفاخر میں مبتلا ہے۔ اُس کو مسجد النور پر حملے کے چھتیس منٹ بعد حراست میں لیا گیا تھا۔

کرائسٹ چرچ کی مسجد النور پر ملزم نے داخل ہو نمازیوں پر اندھا دھند فائرنگ کی۔ اس مسجد میں اکتالیس افراد کی ہلاکت ہوئی۔ ہلاک ہونے والوں میں مقامی نو مسلم شہریوں کے علاوہ کئی مسلمان ملکوں بشمول پاکستانی تارکین وطن بھی شامل تھے۔

کرائسٹ چرچ کی مساجد پر حملے کے بعد نیوزی لینڈ کی پولیس نے سکیورٹی میں اضافہ کر دیا ہے۔ ملک بھر میں عمومی طور پر اور کرائسٹ چرچ میں خاص طور پر عام لوگوں کو مساجد کے قریب پہنچنے سے روک دیا گیا۔

کرائسٹ چرچ کا شہر نیوزی لینڈ کا آبادی کے لحاظ سے تیسرا بڑا شہر ہے۔ دہشت گردانہ حملے کا نشانہ بننے والی مسجد النور شہر میں واقع ہے جب کہ دوسری مسجد نواحی بستی لِن ووڈ میں واقع ہے۔ مبینہ حملہ آور مسجد النور پر حملے کے سات منٹ بعد لِن وُوڈ کی مسجد پہنچا تھا۔

کرائسٹ چرچ کی مساجد پر حملے کو سفید فام نسل کی انتہا پسندی کا شاخسانہ قرار دیا گیا ہے۔ اس تناظر میں نیوزی لینڈ کی حکومت نے دارالحکومت ولنگٹن، آک لینڈ، ڈونیڈن اور دوسرے شہروں کے باہر پولیس تعینات کر دی ہے۔ نیوزی لینڈ کی تقریباً ہر مسجد کے باہر پولیس چوکس ہے۔

نیوزی لینڈ کی وزیراعظم جیسنڈا آرڈرن نے جمعہ پندرہ مارچ کے دہشت گردانہ حملے اور ہونے والی ہلاکتوں کے تناظر میں اس دن کو اپنے ملک کا ایک سیاہ ترین دن قرار دیا ہے۔ انہوں نے اپنے ملک میں گن کنٹرول کے قوانین میں رد و بدل کے عزم کا اظہار بھی کیا ہے۔

کرائسٹ چرچ شہر کے شہریوں نے انچاس ہلاکتوں پر شدید رنج و دکھ کا اظہار کیا ہے۔ لوگ جوق در جوق باہر نکل کر دونوں مساجد کے باہر پھول رکھنے کے علاوہ شمعیں بھی روشن کرتے دیکھے گئے۔

نیوزی لینڈ کے تیسرے بڑے شہر کی دو مساجد پر جمعے کی نماز کے وقت کیے گئے حملے میں ہلاک ہونے والے نمازیوں کے لیے مسلم دنیا کے کئی شہروں میں غائبانہ نماز جنازہ ادا کی گئی۔ اس تصویر میں بیت المقدس کی مسجد اقصیٰ کے باہر فلسطینی غائبانہ نماز جنازہ ادا کر رہے ہیں۔

جرمن دارالحکومت برلن میں نئے سال کے شروع ہوتے ہیں، آسمان رنگ و نور سے نہانے لگا۔ جرمنی اور دنیا کے مختلف ممالک سے سیاح ہزاروں افراد برلن میں نئے سال کی اس مرکزی تقریب میں شرکت کرتے ہیں۔

جرمن چانسلر انگیلا میرکل نے نئے سال کے موقع پر اپنے خطاب میں کہا کہ وہ ملک میں موجود سماجی تقسیم کے خاتمے کے لیے ٹھوس اقدامات کریں گی۔ انہوں نے کہا کہ سلامتی اور دفاع کے شعبے میں مزید سرمایہ خرچ کیا جائے گا جب کہ عوامی صحت کے شعبے میں بھی مزید بہتری پیدا کی جائے گی۔

لندن کے مرکزی علاقے میں ہزارہا افراد کی موجودگی میں نئے سال کو خوش آمدید اور سن 2017 کو الوداع کہا گیا۔ اس موقع پر زبردست آتش بازی کی گئی۔

ویٹیکن سٹی میں کیتھولک مسیحیوں کے روحانی پیشوا پوپ فرانسِس نے نئے سال کی دعائیہ تقریب میں کہا کہ جنگوں، ناانصافیوں اور ماحولیاتی مسائل نے 2017 کو گہنا دیا تھا۔ انہوں نے کہا کہ خدا نے ہمیں سن 2017 کی شکل میں ایک خوب صورت سال دیا تھا، مگر ہم نے اپنی کوتاہیوں سے اسے برباد کر دیا۔ تاہم انہوں نے کہا کہ کئی معاملات میں انسانوں نے مل کر مختلف شعبوں میں بہتری کے لیے کام بھی کیا۔

نئے سال کے موقع پر دبئی میں قائم دنیا کی سب سے بلند عمارت برج خلیفہ پرایل ای ڈی لائٹس شو منعقد کیا گیا۔ یہ عمارت بہت دیر تک مختلف رنگ، اشکال، تصاویر اور ڈیزائن بکھیرتی دکھائی دی۔ دبئی میں نئے سال کی اس تقریب میں بھی ہزاروں افراد شریک ہوئے۔

فرانسیسی صدر ماکروں نے کہا ہے کہ وہ ملک میں اصلاحات کو پوری رفتار سے جاری رکھیں گے۔ انہوں نے کہا کہ تمام مسائل کو حل کرنے کے لیے عملی اقدامات جاری رکھے جائیں گے۔ نئے سال کے موقع پر قوم سے خطاب میں ماکروں نے کہا کہ فرانس تارکین وطن اور مہاجرین کو اپنے ہاں جگہ دیتا رہے گا، تاہم ان کا یہ بھی کہنا تھا کہ اس سلسلے میں ضوابط ضروری ہیں۔

نئے سال کے موقع پر شمالی کوریا کے رہنما کم جونگ اُن نے امریکا کو خبردار کیا کہ جوہری ہتھیاروں کا بٹن ہر وقت ان کے ٹیبل پر ہوتا ہے۔ کم جونگ اُن کا کہنا تھا کہ امریکا اسے دھمکی نہیں حقیقت سمجھے۔ انہوں نے تاہم کہا کہ شمالی کوریا بات چیت کے لیے تیار ہے۔

نئے سال کے موقع پر امریکی صدر ڈونلڈ ٹرمپ نے ایک پرائیویٹ کلب میں پرتعیش پارٹی کا اہتمام کیا۔ اس تقریب سے خطاب میں انہوں نے اپنے دور حکومت میں اٹھائے جانے والے اقدامات کی ذکر کیا۔ ان کا کہنا تھا کہ نیا سال اور بھی بہتر ہو گا۔

اس تصویر میں ریوڈی جنیرو میں نئے سال کا استقبال کیا جا رہا ہے۔ برازیل سمیت پورے جنوبی امریکا میں نئے سال کی رنگا رنگ تقریبات منعقد ہوئیں، جہاں لوگوں نے گزشتہ برس کو الوداع کہتے ہیں، جشن مناتے ہوئے نئے سال کو خوش آمدید کہا۔

آسٹریلیا دنیا کے ان ممالک میں سے ایک ہے، جہاں نئے سال کی تقریبات سب سے پہلے شروع ہوتی ہیں۔ آسٹریلوی شہر سڈنی میں نئے سال کی تقریبات کے لیے دنیا بھر سے سیاح جمع ہوتے ہیں۔ سڈنی کے اوپیرا ہاؤس کے عقب میں فضا میں بکھرے رنگ نئے سال کو خوش آمدید کہہ رہے ہیں۔

نیوزی لینڈ کی دو مساجد پر دہشت گردانہ حملوں کے بعد انتہائی دائیں بازو نظریات کے حامل ایک آسٹریلوی سیاستدان فریزر ایننگ نے ان حملوں کی ذمہ داری ’’مسلمانوں کی امیگریشن‘‘ پر عائد کی۔ ان کے اس بیان پر کئی حلقوں نے شدید غم و غصے کا اظہار کیا۔ اس موقع پر ایک سترہ سالہ نوجوان نے اپنے غصے کا اظہار ایننگ کے سر پر انڈا پھوڑ کر کیا۔ اس لڑکے کو گرفتار کر کے بعد ازاں کوئی مقدمہ قائم کیے بغیر چھوڑ دیا گیا۔

2008ء میں سابق امریکی صدر جارج بش ڈبلیو بش نے عراق کا دورہ کیا۔ اس موقع پر انہوں نے نوری المالکی کے ہمراہ ایک پریس کانفرنس میں شرکت کی۔ عراق میں امریکی مداخلت پر شدید ناراض ایک صحافی نے یہ کہتے ہوئے بش پر اپنے دونوں جوتے باری باری پھینکے، ’’یہ تمہارے لیے عراقی عوام کی جانب سےایک الوداعی بوسہ ہے، کتے‘‘۔ بش کو ان میں سے کوئی بھی جوتا نہیں لگ سکا۔ تاہم بعد ازاں انہوں نے بتایا کہ جوتا دس نمبر کا تھا۔

وینزویلا کے موجودہ صدر نکولاس مادورو کو شاید آم پسند نہیں لیکن ان کے حامیوں کو تو ضرور ہیں۔ نکولاس مادورو پر ایک سے زائد مرتبہ ایسےآم پھینکے گئے، جن پر پیغامات لکھے ہوئے تھے۔ 2015ء میں ایک خاتون نے آم کے ذریعے مادورو سے فون پر بات کرنے کی درخواست کی۔ اس آم پر خاتون نے اپنا نام اور نمبر بھی لکھا تھا۔ نکولاس مادورو نے بعد ازاں اس خاتون کو فون کر کے ان کے نئے فلیٹ پر انہیں مبارکباد بھی دی تھی۔

2009ء میں اس وقت کے اطالوی وزیر اعظم سلویو بیرلسکونی ایک عوامی تقریب میں لوگوں سے بات چیت کر رہے تھے۔ اس موقع پر ایک شخص نے میلان شہر کے ایک معروف کلیسا کی یادگار بیرلسکونی کی جانب پھینکی، جو ان کے چہرے پر لگی۔ بعد ازاں ذہنی مسائل کے شکار اس شخص نے کہا کہ اس کا کسی سیاسی جماعت سے کوئی تعلق نہیں اور اس نے بیرلسکونی سے معافی بھی مانگی۔ بیرلسکونی چار روز تک ہسپتال میں داخل رہے۔

دنیا میں بہت سے سیاستدانوں کے چہروں پر کیک یا پیسٹری ملی جا چکی ہیں اور ان میں جرمن سیاستدان بھی شامل ہیں۔ مئی 2016ء میں ایک تقریب کے دوران جرمنی میں بائیں بازو کی ڈی لِنکے پارٹی کی پارلیمانی رہنما سارہ واگن کنیچ کے چہرے پر کیک مل دیا گیا۔ یہ کیک حملہ کرنے والے شخص نے کہا کہ وہ ’آدم بیزاروں کے لیےکیک‘ نامی ایک اینٹی فاشسٹ تحریک میں شامل ہے۔ بظاہر یہ ایک چاکلیٹ کیک تھا۔

جرمن سیاستدان یوشکا فشر1999ء میں جرمنی کے وزیر خارجہ تھے۔ اسی سال وہ شہر بیلےفیلڈ میں اپنی ماحول دوست گرین پارٹی کے ایک اجتماع میں شریک تھے، جب ایک شخص نےان پر سرخ پینٹ پھینک دیا تھا۔ وہ شخص نیٹو کی جانب سے کوسووو میں بمباری کی حمایت کرنے پر فشر سے شدید نالاں تھا۔ پینٹ پھیکنے کے واقعے میں فشر کے کان کے پردے کو نقصان پہنچا تھا۔

مختلف آسٹریلوی شہروں میں گزشتہ پندرہ برسوں کے بعد رواں موسم خزاں میں مکانات کی خرید و فروخت میں حیران کن کمی واقع ہوئی ہے۔ خاص طور پر سڈنی نمایاں ہے۔ اقتصادی سرگرمیوں کے عروج کے دور میں سڈنی میں مکانات کی قیمتیں دوگنا ہو گئی تھیں لیکن اب ان میں دس فیصد کی کمی دیکھی گئی ہے۔ آسٹریلیا میں مکانات کی قیمتوں میں کمی کی ایک وجہ رہن رکھنے کے سخت ضوابط بھی ہیں۔

بنکاک میں مشترکہ ملکیت کی حامل ریئل اسٹیٹ میں چینی سرمایہ کار خاص دلچسپی رکھتے ہیں۔ گزشتہ پانچ برسوں میں چینی سرمایہ کاری کی وجہ سے قیمتوں میں پانچ سے دس فیصد سالانہ اضافہ دیکھا گیا۔ اب اس صورت حال میں کمی کے بعد چالیس ہزار اپارٹمنٹس کا کوئی خریدار نہیں۔ یہ بھی اتفاق ہے کہ بعض ایشیائی شہروں میں رہائشی عمارتوں کے لیے جگہ کم ہونے لگی ہے۔

برطانوی دارالحکومت لندن کے ریئل اسٹیٹ کاروبار میں چینی، روسی اور مشرق وسطیٰ کے امراء بڑی رغبت سے سرمایہ کاری کرتے چلے آ رہے ہیں۔ لیکن اب بریگزٹ کی وجہ سے گزشتہ دو برسوں سے مکانات کی قیمتوں میں کمی کا رجحان غالب ہے۔ تقریباً پانچ سو نئے تعمیر شدہ اپارٹمنٹس اور مکانات خالی پڑے ہیں۔

چین کے کئی شہروں میں جائیداد کے کاروبار میں مندی جاری ہے۔ قیمتوں میں کمی کا یہ مخصوص رجحان گزشتہ برس سے جاری ہے۔ بیجنگ اور شنگھائی سمیت تیئس شہروں میں ریئل اسٹیٹ کے کاروبار میں گراوٹ پیدا ہو چکی ہے۔ کئی چینی صوبوں نے رہائشی اپارٹمنٹس تعمیر کرنے کے کئی منصوبے منسوخ کر دیے ہیں۔

گزشتہ پندرہ برسوں میں کینیڈا کے شہر وینکُوور میں ریئل اسٹیٹ کے کاروبار کو فروغ حاصل رہا۔ مکانات کی قیمتوں میں 337 فیصد اضافہ ریکارڈ کیا گیا۔ رائل بینک آف کینیڈا کے مطابق اب یہ شہر اپنی قیمتوں میں اضافے سے پیدا شدید صورت حال کو بہتر کرنے کی کوشش میں ہے۔

گزشتہ برس ترک کرنسی لیرا کی مجموعی قدر میں امریکی ڈالر کے مقابلے میں چالیس فیصد کی کمی ہوئی۔ شرح سود میں چوبیس فیصد کا اضافہ ہوا۔ اس باعث گروی رکھنے والی جائیداد کی درخواستوں میں سے اسی فیصد کو مسترد کر دیا گیا۔ دوسری جانب غیر ملکی کرنسیوں کے لیے استنبول میں مکانات کی قیمتیں بظاہر کم محسوس ہوتی ہیں۔

ریئل اسٹیٹ کے ماہرین کا کہنا ہے کہ سنگاپور میں سن 2019 کے دوران مکانات و اپارٹمنٹس کی قیمتوں میں پانچ فیصد سے زائد کمی کی توقع ہے۔ سنگاپور میں رہائشی اپارٹمنٹس کے حوالے سے نئے تجرباتی ڈیزائن بھی متعارف کرائے گئے ہیں تا کہ خریداروں کی توجہ حاصل کی جا سکے۔

ہانگ کانگ میں پراپرٹی کی مارکیٹ میں چند برس قبل تیزی ضرور پیدا ہوئی تھی لیکن اب اس کی رفتار مدہم پڑ چکی ہے۔ خصوصی اختیارات کے حامل چینی علاقے کی ریئل اسٹیٹ مارکیٹ میں گزشتہ نو برسوں سے اعتدال پایا جاتا ہے۔ گرشتہ موسم گرما سے اب تک پراپرٹی کی قیمتوں میں نو فیصد کی کمی ہو چکی ہے۔