جمعرات کے روز عدالت عظمیٰ کے فیصلے میں کہا گیا کہ وزیراعظم یوسف رضا گیلانی نے عدالتی حکم کے باوجود جان بوجھ کر سوئٹزرلینڈ میں صدر آصف زرداری کے خلاف بدعنوانی کے مقدمات کھلوانے کے لیے خط تحریر نہیں کیا۔ اس طرح وہ حکم عدولی کرتے ہوئے توہین عدالت کے مرتکب ہوئے۔ واضح رہے کہ پاکستانی قانون کے مطابق توہین عدالت کی سزا چھ ماہ قید کی ہے، تاہم عدالت عظمیٰ نے یوسف رضا گیلانی کو چند منٹ کی علامتی سزا ہی سنائی گئی۔ عدالت نے اپنے فیصلے میں کہا کہ یوسف رضا گیلانی کی قید کی سزا اس وقت تک کے لیے ہے، جب تک جج صاحبان واپس اپنے چیمبرز میں چلے نہیں جاتے۔

اس فیصلے کی رو سے گیلانی کو جیل کی قید نہیں کاٹنی پڑے گی، تاہم چونکہ ان کو توہین عدالت کا مرتکب قرار دے دیا گیا ہے، جس کے نتیجے میں اب یوں انہیں پارلیمان کی نشست اور وزرات عظمیٰ سے ہاتھ دھونا پڑ سکتے ہیں۔

at/ss (Reuters, AFP)