وکلا لانگ مارچ لاہور رواں دواں
11 جون 2008![](https://static.dw.com/image/3134847_800.webp)
اشتہار
کراچی سے روانہ ہونے والا یہ قافلہ جون کی شدیدگرمی اور چلچلاتی دھوپ میں ملتان پہنچا تو وہاں وکلا نے لانگ مارچ میں شرکت کے لئے ملتان پہنچنے والوں کا شاندار استقبال کیا۔ بعد ازاں معزول چیف جسٹس افتخار محمد چوہدری نےملتان ہائی کورٹ ملتان میں ایک پر ہجوم جلسے سے خطاب کے بعد اس قافلے کو لانگ مارچ کی صورت لاہور کے لئے الوادع کیا اور خود ہوائی جہاز کے زریعے لاہور روانہ ہوئے۔
لانگ مارچ اس وقت وکلا رہنما علی احمد کرد کی قیادت میں لاہور کے لئے رواں ہے جو بالاخر دارلحکومت میں پارلیمان ہاؤس تک جائے گا اور وکلا رہنماؤں کا کہنا ہے کہ وہ پارلیمان ہاؤس کے سامنے اس وقت دھرنا دیں گے جب تک معزول عدلیہ کو تین نومبر والی جگہ پر دوبارہ بحال نہیں کیا جاتا۔