امیر اور صنعتی ملکوں کے سربراہ اجلاس کے موقع پر ماحول دوستوں اور اقتصادی عدم مساوات کے مخالفین کے مظاہرے اب ایک روایت بنتے جا رہے ہیں۔ کینیڈا میں آٹھ جون سے شروع ہونے والی اس سمٹ کے موقع پر بھی شدید مظاہرے دیکھے گئے ہیں۔

اس تصویر میں ایک سڑک پر جلتے ہوئے آلاؤ کے قریب جمع مظاہرین کھڑے ہیں۔ کینیڈین شہر کیوبیک سٹی کے قریبی گاؤں لا مالبائی میں جی سیون سمٹ منعقد کی گئی ہے۔ کیوبیک سٹی کی مرکزی شاہراؤں پر احتجاجی مظاہرین اور پولیس ایک دوسرے کے پہلو میں موجود ہیں۔

امیرملکوں کے لیڈروں کی کانفرنس کے موقع پر ماحول دوست خاص طور پر پلاسٹک مصنوعات کے استعمال کے خلاف آواز بلند کیے ہوئے ہیں۔ مظاہرین صرف ایک دفعہ استعمال ہونے والے پلاسٹ پر پابندی کا مطالبہ کرتے ہیں۔

کیوبیک سٹی میں امیر ملکوں کی پالیسیوں کے خلاف احتجاج بلند کرنے والوں میں کئی خواتین اور حضرات نے اپنے چہرے ڈھانپ رکھے ہیں۔ ایسے مظاہرین کا مقصد پرتشدد صورت حال میں بھی اپنی شناخت کو مخفی رکھنا ہے۔

سات ترقی یافتہ ملکوں میں شامل امریکا اور برطانیہ کے جھنڈوں کو مظاہروں کے دوران خاص طور پر نذر آتش کیا جاتا رہا ہے۔ کیوبیک سٹی میں بھی یہ دیکھا گیا۔ اس کی وجہ امریکا کی پیرس کلائمیٹ ڈیل سے دستبرداری خیال کی گئی ہے جب کہ برطانیہ کو امریکا کا اہم ترین حلیف ملک تصور کیا جاتا ہے۔

کیوبیک شہر میں امریکی اور برطانوی جھنڈے جلانے والوں کے ساتھ بعض مظاہرین نے جرمن جھنڈا جلانے سے بھی گریز نہیں کیا۔ ان کے مطابق ماحولیاتی پالیسیوں میں تعاون نہ کرنے والے ممالک میں جرمنی بھی شامل ہے۔

کیوبیک سٹی میں جی سیون سربراہ اجلاس کی پالیسیوں کے خلاف مظاہروں کے منتظمین کا کہنا ہے کہ ان سات ملکوں کی کرنسیاں عالمی عدم مساوات کی ذمہ دار ہیں کیونکہ غریب ممالک کی اقتصادیات کا انحصار انہی کرنسیوں پر ہے۔

کیوبیک سٹی میں پہنچے ہوئے مظاہرین کی کوشش ہے کہ احتجاج کے دوران ذرائع ابلاغ کے نمائندے اُن کے چہروں کی تصاویر نہ لے پائیں۔ نقاب پوشی کے علاوہ بعض مظاہرین اپنے چہروں کو اپنے ہاتھوں سے بھی چھپاتے پھرتے ہیں۔

کینیڈین حکومت نے جی سیون سمٹ کے انعقاد کے موقع پر تین سو ملین کے اخراجات کیے ہیں۔ اس میں خاص طور پر سکیورٹی کے غیر معمولی انتظامات اور پولیس کے اضافی دستوں کی تعیناتی بھی شامل ہے۔ لا مالبائی کا سکیورٹی حصار غیر معمولی ہے۔

کینیڈین حکومت نے لا مالبائی کے گاؤں میں کانفرنس کے مقام کی سکیورٹی کے لیے ایک تین میٹر بلند دیوار بھی کھڑی کی ہے تا کہ مظاہرین اگر کیوبیک شہر سے نکل کر کانفرنس کے مقام کے قریب بھی آ جائیں تو انہیں دیوار کے باہر ہی روکا جا سکے۔ کیوبیک شہر کے مختلف مقامات پر پولیس کی ٹکڑیاں چوکس کھڑی ہیں۔

مارچ دو ہزار سترہ میں امریکی صدر ڈونلڈ ٹرمپ سے اپنی پہلی ملاقات میں جرمن چانسلر انگیلا میرکل نے انتہائی مہذب انداز میں ان سے پوچھا کہ کیا ہم صحافیوں کے سامنے ہاتھ ملا لیں؟ میزبان ٹرمپ نے منہ ہی دوسری طرف پھیر لیا۔ بعد میں ٹرمپ کا کہنا تھا کہ انہیں سوال سمجھ ہی نہیں آیا تھا۔

سن دو ہزار سترہ میں جی ٹوئنٹی اجلاس کے موقع پر انگیلا میرکل نے بہت کوشش کی کہ ٹرمپ عالمی ماحولیاتی معاہدے سے نکلنے کی اپنی ضد چھوڑ دیں۔ مگر ایسا نہ ہو سکا اور اس اہم موضوع پر ان دونوں رہنماؤں کے اختلافات ختم نہ ہوسکے۔

جرمن چانسلر انگیلا میرکل اور سابق امریکی صدر باراک اوباما ایک دوسرے پر اعتماد کرتے تھے اور ایسا باراک اوباما کے بطور صدر الوداعی دورہ جرمنی کے دوران واضح طور پر محسوس کیا جا سکتا تھا۔ باراک اوباما کے دور اقتدار کے بعد امریکی میڈیا نے جرمن چانسلر کو مغربی جمہوریت کی علامت اور ایک آزاد دنیا کی علمبردار قرار دیا تھا۔

جون دو ہزار گیارہ میں باراک اوباما کی طرف سے جرمن چانسلر انگیلا میرکل کو اعلیٰ ترین امریکی تمغہ آزادی سے نوازا گیا تھا۔ انہیں یہ انعام یورپی سیاست میں فعال کردار ادا کرنے کی وجہ سے دیا گیا تھا۔ اس اعزاز کو جرمنی اور امریکا کے مابین اچھے تعلقات کی ایک سند قرار دیا گیا تھا۔

جون دو ہزار پندرہ میں جرمنی میں ہونے والے جی سیون اجلاس تک میرکل اور اوباما کے تعلقات دوستانہ رنگ اخیتار کر چکے تھے۔ موسمیاتی تبدیلیوں کے خلاف اوباما نے جرمن چانسلر کو ہر مدد کی یقین دہانی کروائی تھی۔ لیکن ٹرمپ کے آتے ہی یہ سب کچھ تبدیل ہو گیا۔

نومبر دو ہزار سات میں جرمن چانسلر نے اپنے خاوند یوآخم زاور کے ہمراہ ٹیکساس میں صدر اوباما کے پیشرو جارج ڈبلیو بُش سے ملاقات کی۔ اس وقت بھی ایران کا موضوع زیر بحث رہا تھا، جیسا کی اب ڈونلڈ ٹرمپ کے ساتھ ہے۔

جارج ڈبلیو بُش نے جولائی سن دو ہزار چھ میں جرمن چانسلر میرکل کو اپنے انتخابی حلقے میں مدعو کرتے ہوئے خود انہیں بار بی کیو پیش کیا۔ اسی طرح بعد میں جرمن چانسلر نے بھی انہیں اپنے انتخابی حلقے میں بلایا تھا۔

جولائی دو ہزار سترہ میں سابق جرمن چانسلر ہیلموٹ کوہل کی تدفین کے موقع پر سابق امریکی صدر بل کلنٹن نے ایک پرسوز تقریر کی۔ انگیلا میرکل کا ہاتھ پکڑتے ہوئے ان کا کہنا تھا کہ وہ ہیلموٹ کوہل سے ’محبت کرتے‘ تھے۔

امریکی میڈیا کی طرف سے فرانسیسی صدر ایمانویل ماکروں کے دوستانہ رویے کی تعریف کرتے ہوئے کہا گیا تھا کہ وہ جانتے ہیں کہ صدر ٹرمپ کو کس طرح شیشے میں اتارا جا سکتا ہے۔ تاہم حقیقی طور پر یہ صرف ظاہری دوستی ہے۔ امریکی صدر نے محصولات اور ایران پالیسی کے حوالے سے اپنے اختلافات برقرار رکھے ہیں، جو فرانس اور جرمنی کے لیے باعث فکر ہیں۔