اولمپکس: الجزائری جوڈو کھلاڑی کا اسرائیلی سے مقابلے سے انکار
24 جولائی 2021
ٹوکیو اولمپکس 2020ء کے دوران الجزائر کے ایک ایتھلیٹ فتحی نورین نے اسرائیلی کھلاڑی کے خلاف جوڈو مقابلے سے دستبرداری کا اعلان کردیا ہے۔ نورین نے یہ فیصلہ فلسطین کی حمایت میں کیا۔
آئی جے ایف نے اپنے بیان میں واضح کیا کہ الجزائر کے کھلاڑی کے بیانات فیڈریشن کے بنیادی فلسفے کے خلاف ہے۔تصویر: Sergio Perez/REUTERS
اشتہار
بین الاقوامی جوڈو فیڈریشن نے ہفتہ چوبیس جولائی کو اس بات کی تصدیق کی ہے کہ الجزائری ایتھلیٹ فتحی نورین اور ان کے کوچ نے ٹوکیو اولمپکس کے مقابلوں کے دوران اسرائیلی کھلاڑی کا سامنا نہ کرنے کی وجہ سے میچ سے دستبرداری کا اعلان کیا ہے۔
ایک بیان میں آئی جے ایف نے بتایا کہ نورین اور ان کے کوچ عمار بن خلیف نے میڈیا میں مختلف بیانات دیتے ہوئے اس بات کا اعلان کیا تھا کہ وہ ایونٹ کے دوران اسرائیلی کھلاڑی سے مقابلے سے گریز کرنے کے لیے دستبرداری کا اعلان کرتے ہیں۔
فلسطین کی حمایت
تیس سالہ ایتھلیٹ نورین نے الجزائر کے ٹیلی وژن سے گفتگو میں کہا، ''ہم نے اولمپکس تک پہنچنے کے لیے بہت محنت کی ہے، لیکن مسئلہ فلسطین ان سب سے بڑھ کر ہے۔‘‘ ان کے اس بیان کے حق میں کوچ بن خلیف نے کہا، ''میچز کی قرعہ اندازی کے دوران قسمت نے ساتھ نہیں دیا - اسرائیلی کھلاڑی ہمارے مدِمقابل آگیا، اس لیے ہمیں ریٹائر ہونا پڑا، ہم نے درست فیصلہ کیا ہے۔‘‘
2020ء میں کھیلوں کے بڑے مقابلے کون کون سے؟
ٹوکیو میں اس سال 1964ء کے بعد دوسری مرتبہ اولمپک مقابلے منقعد ہوں گے۔ یہ یقیناً بہت بڑا سپورٹس ایونٹ ہو گا۔ صرف یہی نہیں، اس سال اور بھی کئی بڑے اسپورٹس ایونٹس آپ کے منتظر ہوں گے۔ کون کون سے، دیکھیے اس پکچر گیلری میں۔
تصویر: picture-alliance/dpa/F. Gambarini
اے ٹی پی کپ، تین سے بارہ جنوری
اس ٹورنامنٹ کے ساتھ آسٹریلین اوپن سے قبل ہی ٹینس کے رواں برس کے سیزن کا آغاز ہو جائے گا۔ یہ نیا ٹیم ٹورنامنٹ ہے، جو ہاڈر کورٹ پر کھیلا جائے گا۔ اس میں دنیائے ٹینس کے معروف کھلاڑی راجر فیڈرر، نوواک جوکووچ اور رافائل نادال جیسے کھلاڑی بھی حصہ لیں گے۔ اس ٹورنامنٹ کا فائنل سڈنی میں ہوگا۔
تصویر: Reuters/Actions images/T. O'Brien
سپر باؤل، دو فروری
امریکا میں میامی میں اس مرتبہ 54 واں سپر باؤل منقعد ہو گا۔ نیو انگلینڈ پیٹریاٹس کی ٹیم گزشتہ چھ برسوں کے دوران پانچویں مرتبہ اپنے اعزاز کا دفاع کرے گی۔ کوچ بل بیلیچک کی اس ٹیم نے پورے سیزن میں متاثر کن کارکردگی کا مظاہرہ کیا ہے۔
تصویر: picture-alliance/AP Photo/D. J. Phillip
کرکٹ، ٹی ٹوئنٹی ورلڈ کپ
مردوں اور خواتین کی کرکٹ ٹیمیں اس سال آسٹریلیا میں ٹی ٹوئٹنی ورلڈ کپ کے میچ کھیلیں گی۔ خواتین کے مقابلے اکیس فروری سے آٹھ مارچ تک جاری رہیں گے جبکہ مردوں کا ٹی ٹوئنٹی ورلڈ کپ اٹھارہ اکتوبر کو شروع ہو گا اور پندرہ نومبر تک کھیلا جائے گا۔
تصویر: Getty Images/AFP/D. Sarkar
موٹر ریسنگ، ویتنام گراں پری
ویتنام میں تاریخ کی پہلی گراں پری ریس منعقد ہو گی۔ فارمولا ون کے سالانہ سیزن کی یہ تیسری ریس ملکی دارالحکومت ہنوئے کے سٹریٹ سرکٹ پر منعقد ہو گی۔ لوئس ہیملٹن اور مرسیڈیز دونوں نے 2019ء میں چھٹی مرتبہ عالمی چیمپئن شپ جیتی تھی اور اس سال بھی ان دونوں کی کامیابی کے امکانات روشن ہیں۔ اس کے علاوہ اس سال 1985ء کے بعد ہالینڈ بھی پہلی مرتبہ ایک گراں پری ریس کی میزبانی کرے گا۔
تصویر: Getty Images/C. Mason
خواتین کی چیپمئنز لیگ، فائنل 24 مئی کو
فرانسیسی فٹ بال کلب اولمپک لیوں کی ٹیم ویانا کے ویئولا پارک اسٹیڈیم میں اس سال لگاتار پانچویں مرتبہ اپنے اعزاز کا کامیابی سے دفاع کر سکتی ہے۔ اس اسٹیڈیم میں تقریباً ساڑھے سترہ ہزار شائقین کے بیٹھنے کی گنجائش ہے۔
تصویر: picture alliance/Actionplus
فٹ بال کا یورو کپ
اس سال فٹ بال کی سولہویں یورپی چیمپئن شپ بارہ جون سے شروع ہو کر بارہ جولائی تک جاری رہے گی۔ یہ ایسا پہلا یورپی چیمپئن شپ فٹ بال ٹورنامنٹ ہو گا، جس میں پرتگال اپنے اعزاز کا دفاع کرے گا اور جو ایک ساتھ بارہ ممالک میں منعقد ہو گا۔ پرتگال کی ٹیم جرمنی اور عالمی چیمپئن فرانس کے ساتھ ایک ہی گروپ میں ہے۔ اس ٹورنامنٹ کا فائنل لندن میں کھیلا جائے گا۔
تصویر: picture-alliance/dpa/F. Gambarini
سائیکلنگ، ٹور ڈی فرانس
سائیکلنگ کی غیر اعلانیہ عالمی چیمپئن شپ 27 جون کو نیس سے شروع ہو گی۔ 1981ء کے بعد یہ پہلا موقع ہے کہ اس ریس کی ابتدا اس شہر سے ہو رہی ہے۔ سائیکل سوار اکیس مراحل کے دوران تقریباً ساڑھے تین ہزار کلومیٹر کا فاصلہ طے کریں گے۔ یہ ریس 19جولائی کو اپنے اختتام کو پہنچے گی۔
تصویر: picture-alliance/Augenklick/Roth
ٹوکیو اولمپکس
24 جولائی کو اولمپک مقابلوں کا افتتاح ٹوکیو کے نئے نیشنل اسٹیڈیم میں کیا جائے گا۔ یہ اسٹیڈیم اسی جگہ تعمیر کیا گیا ہے، جہاں 1964ء کے اولمپکس ہوئے تھے۔ ان میں 339 تمغوں کے حصول کی دوڑ میں 11 ہزار کھلاڑی حصہ لیں گے۔ اس مرتبہ ان میں بیس بال، کراٹے، اسکیٹ بورڈنگ، اسپورٹس کلائمبنگ اور سرفنگ کو بھی شامل کیا گیا ہے۔ ٹوکیو اولمپکس نو اگست تک جاری رہیں گے۔ 2016ء کے اولمپکس میں جاپان چھٹے نمبر پر رہا تھا۔
تصویر: Getty Images/AFP/C. Triballeau
ٹوکیو پیرالمپکس
پیرالمپکس کی مقبولیت دن بہ دن بڑھتی جا رہی ہے اور ممکن ہے کہ ٹوکیو پیرالمپکس کو بھی بہت پسند کیا جائے۔ کھیلوں کے ان مقابلوں میں چار ہزار ایتھلیٹ حصہ لیں گے۔ بائیس مختلف شعبوں میں 540 سے زائد مقابلوں کا اہتمام کیا جائے گا۔ 2016ء کے ایسے مقابلوں میں تمغوں کے اعتبار سے چین سرفہرست رہا تھا۔ امسالہ پیرالمپکس پچیس اگست سے چھ سمتبر تک جاری رہیں گے۔
تصویر: picture-alliance/AP Photo/S. Lodge
گولف، رائڈر کپ
گولف کا یہ ٹورنامنٹ انفرادی سطح پر نہیں بلکہ ٹیم کی صورت میں کھیلا جاتا ہے۔ اس مرتبہ یہ مقابلے امریکی ریاست وسکونسن میں پچیس سے ستائیس ستمبر تک جاری رہیں گے اور امریکی ٹیم کو اس کا فائدہ ہو سکتا ہے۔ میزبان ٹیم کی قیادت اسٹیو اسٹریکر کریں گے۔ اس ٹورنامنٹ میں یورپی اور امریکی ٹیموں کے مابین مقابلوں کو اہم ترین سمجھا جاتا ہے۔
تصویر: Getty Images//M. Ehrmann
ٹینس، یو ایس اوپن
امریکی کھلاڑی سیرینا ولیمز کی نظریں آسٹریلوی ٹینس کھلاڑی مارگریٹ کورٹس کے چوبیس گرینڈ سیلم ٹائٹل جیتنے کے ریکارڈ کو توڑنے پر لگی ہوئی ہیں۔ سیرینا اب تک تیئیس گرینڈ سیلم ٹائٹل جیت چکی ہیں۔ اڑتیس سالہ سیرینا پچھلے دو یو ایس اوپن کے فائنلز تک پہنچنے میں کامیاب رہی تھیں۔ کیا یہ ان کے لیے آخری موقع ہو گا، یہ دیکھنا ابھی باقی ہے۔ یو ایس اوپن مقابلے اکتیس اگست سے تیرہ ستمبر تک نیو یارک میں ہوں گے۔
تصویر: picture-alliance/AP Photo/C. Krupa
یورپی ہینڈ بال چیمپئن شپ
2020ء میں ہینڈ بال کی یورپی چیمپئن شپ آسٹریا، سویڈن اور ناروے میں دس سے چھبیس جنوری تک کھیلی جائے گی۔ جرمن مردوں کی ٹیم نے آخری مرتبہ 2016ء میں یہ ٹورنامنٹ جیتا تھا۔ یہ ٹورنامنٹ ہر دو سال بعد منعقد کیا جاتا ہے۔ ٹوکیو اولمپکس کے بعد دسمبر میں خواتین کی یورپی ہینڈ بال چیمپئن شپ ناروے اور ڈنمارک میں ہو گی۔
تصویر: picture-alliance/dpa/M. Wolf
12 تصاویر1 | 12
علاوہ ازیں فیڈریشن نے کہا کہ ایک تحقیقاتی کمیشن کی طرف سے تمام حقائق کی تصدیق کے بعد اجزائری ایتھلیٹ اور کوچ کو عارضی طور پر معطل کردیا گیا ہے۔ اس کے علاوہ یہ معاملہ مزید تفتیش اور اولمپکس کے بعد دیگر پابندیوں کے فیصلے کے لیے ڈسپلنری کمیٹی کے حوالے کر دیا گیا ہے۔
آئی جے ایف کے بیان کے مطابق الجزائر کی اولمپک کمیٹی نے نورین اور بن خلیف کی اولمپکس میں شرکت کا اجازت نامہ واپس لے لیا ہے اور ان پر پابندیاں عائد کرتے ہوئے انہیں واپس گھر بھیجنے کا فیصلہ کیا ہے۔
اسرائیلی کھلاڑی کے خلاف بائیکاٹ پہلی مرتبہ نہیں
الجزائری ایتھلیٹ نورین 73 کلو گرام کے مقابلوں میں حصہ لینے والے تھے۔ وہ اس سے قبل بھی اسرائیلی کھلاڑی کے خلاف مقابلے سے دستبردار ہوچکے ہیں۔ انہوں نے ایسا دو سال قبل ٹوکیو میں ورلڈ جوڈو چیمپیئن شپ کے دوران کیا تھا۔
اسرائیلی ایتھلیٹس کو اپنی فلسطینی تنازعے کے تناظر میں مسلمان ایتھلیٹوں کے بین الاقوامی مقابلوں میں بائیکاٹ کا سامنا کرنا پڑتا ہے۔ ٹوکیو اولمپکس 2020ء میں انٹرنیشنل جوڈو کے مقابلوں میں اس رجحان کو بدلنے کی کوششیں جاری تھیں کہ حالیہ بائیکاٹ سے جوڈو فیڈریشن کو بڑے دھچکے کا سامنا ہوا ہے۔
ایرانی جوڈو ایتھلیٹ سعید مولائی تصویر: Getty Images/AFP/C. Triballeau
جوڈو کے ذریعے یکجہتی کا فروغ
آئی جے ایف نے اپنے بیان میں واضح کیا کہ الجزائر کے دونوں کھلاڑیوں کے بیانات فیڈریشن کے بنیادی فلسفے کے خلاف ہے۔ ''آئی جے ایف سختی سے عدم تفریق کی پالیسی پر عمل کرتا ہے اور جوڈو کے اقدار کو تقویت دیتے ہوئے یکجہتی کو کلیدی اصول کے طور پر فروغ بھی دیتا ہے۔‘‘
ماضی میں مصر اور ایران جیسے دیگر ممالک کے کھلاڑی بھی اسرائیلیوں کے خلاف بائیکاٹ کرچکے ہیں، ان میں ایرانی جوڈو ایتھلیٹ سعید مولائی کا معاملہ کافی زیادہ اہمیت کا حامل رہا ہے۔ مولائی منحرف ہو کر اب منگولیا کو بطور وطن اپنا لیا ہے اور وہ ٹوکیو 2020ء کے مقابلوں کے دوران 81 کلوگرام کے سیمی فائنل میں اسرائیلی کھلاڑی ساگی موکی کے خلاف مقابلے میں شرکت کرسکتے ہیں۔
ع آ / ع ح (ڈی پی اے / ایس آئی ڈی)
دنیا کو دکھانا چاہتی ہوں پاکستانی خواتین ایتھلیٹ طاقتور ہیں