ٹک ٹاک پاکستان ميں بھی بے انتہا مقبول ہو رہا ہے۔ اب ديگر پليٹ فارمز کے نقش و قدم پر چلتے ہوئے ٹک ٹاک نے بھی اشتہارات سے حاصل ہونے والی آمدنی کا ايک حصہ اپنے صارفين کو دينے کے ليے اقدامات کيے ہيں۔
تصویر: picture alliance/dpa/dpa-Zentralbild
اشتہار
'ٹک ٹاک‘ نے اعلان کيا ہے کہ چند اکاونٹس کو لائيو اسٹريمز کے ليے معاوضہ وصول کرنے کی اجازت دی جا رہی ہے۔ مختصر دورانيے والی ويڈيوز کے اس پليٹ فارم کی جانب سے جاری کردہ ايک بلاگ پوسٹ ميں مطلع کيا گيا ہے کہ لائيو سبسکرپشن کا فيچر ويڈيو مواد بنانے والوں کے ليے آمدنی حاصل کرنے کے متنوع ذرائع پيدا کرنے کی حکمت عملی کا حصہ ہے۔
آمدنی حاصل کرنے کے ليے فيچرز انسٹاگرام اور فيس بک پہلے ہی متعارف کرا چکے ہيں۔ ٹک ٹاک پر مختصر دورانيے کی ويڈيوز شيئر کی جا سکتی ہيں اور يہ پليٹ فارم گزشتہ چند ايک سالوں ميں بے انتہا مقبول ہوا ہے۔ اس وقت ٹک ٹاک کے صارفين کی تعداد ايک بلين سے زائد ہے۔ دوسری جانب يہ پليٹ فارم اپنے سبسکرائبرز کو آمدنی حاصل کرنے کے مواقع فراہم نہ کرنے کے باعث تنقيد کی زد ميں بھی رہا ہے۔
اسی ماہ ٹک ٹاک کی جانب سے اعلان کيا گيا کہ اشتہارات سے حاصل ہونے والی آمدنی کا ايک حصہ صارفين کو بھی فراہم کيا جائے گا۔ ايسا ٹک ٹاک کی طرز کے ديگر پليٹ فارمز اور اس کے حريف پہلے ہی سے کر رہے ہيں۔ پير تيئس مئی کو ٹک ٹاک نے اعلان کيا ہے کہ اسی ہفتے سے سبسکرپشن فيچر متعارف کرائی جا رہی ہے۔ ابتداء ميں يہ فيچر صرف مخصوص صارفين کو دعوت ملنے کی صورت ميں ممکن ہو گی تاہم بعد ازاں يہ تمام صارفين کے ليے دستياب ہو گی۔
لائيو سبسکرپشن فيچر سے مستفيد ہونے کے ليے صارف يا مواد بنانے والے کا اٹھارہ برس کا ہونا لازمی ہے۔ مواد ديکھنے والوں کا بھی کم از کم اٹھارہ برس کا ہونا ضروری ہے۔ کری ايٹرز کو ڈيجيٹل بيجز فراہم کيے جائيں گے۔
پاکستان ميں انٹرنيٹ اور سوشل ميڈيا تک کتنوں کو رسائی؟
حاليہ برسوں ميں پاکستان ميں ڈيجيٹل اور سوشل ميڈيا کے ميدان ميں خاطر خواہ ترقی ديکھی گئی ہے، جو بدستور جاری ہے۔ سماجی رابطے ہوں، کاروبار ہو يا ذاتی تعلقات، ڈيجٹلائزيشن ہر چيز کو متاثر کر رہی ہے۔
تصویر: picture alliance/Photoshot
مجموعی آبادی اور مردوں و عورتوں کا تناسب
سن 2021 کے اعداد و شمار کے مطابق پاکستان کی مجموعی آبادی 223 ملين افراد پر مشتمل ہے۔ جنوری 2020ء تا جنوری 2021ء ملک کی مجموعی آبادی ميں قريب دو فيصد يا 4.3 ملين افراد کا اضافہ نوٹ کيا گيا۔ آبادی ميں مردوں کا تناسب 51.5 جبکہ خواتين کا 48.5 ہے۔ 37.3 فيصد افراد شہری علاقوں ميں مقيم ہيں جبکہ 62.7 فيصد پاکستانی عوام کا تعلق ديہی علاقوں سے ہے۔
تصویر: Getty Images/AFP/T. Mustafa
انٹرنيٹ کی پہنچ کہاں تک؟
جنوری 2021ء کے اعداد و شمار کے مطابق پاکستان ميں انٹرنيٹ استعمال کرنے والوں کی تعداد 61.34 ملين ہے۔ 2020ء تا 2021ء انٹرنيٹ صارفين کی تعداد ميں اکيس فيصد يعنی لگ بھگ گيارہ ملين کا اضافہ نوٹ کيا گيا۔ پاکستان کی تقريباً 27.5 فيصد آبادی کو انٹرنيٹ تک رسائی حاصل ہے۔
تصویر: Getty Images/AFP/F. Naeem
سماجی رابطوں کے پليٹ فارمز پر متحرک افراد
جنوری 2021ء تک پاکستان ميں سماجی رابطوں کے پليٹ فارمز پر متحرک افراد کی مجموعی تعداد لگ بھگ چھياليس ملين تھی۔ 2020ء تا 2021ء سماجی رابطوں کی ويب سائٹس پر متحرک افراد کی تعداد ميں چوبيس فيصد يا نو ملين کا اضافہ ديکھا گيا۔ جنوری 2021ء ميں پاکستانی کی مجموعی آبادی ميں سے 20.6 فيصد افراد سوشل ميڈيا پر متحرک تھے۔
تصویر: AFP/Getty Images/B. Khan
موبائل کنيکشن کے حامل افراد
رواں سال جنوری ميں پاکستان ميں موبائل کنيکشن کے حامل افراد کی تعداد 173.2 ملين تھی۔ جنوری 2020ء تا جنوری 2021ء اس تعداد ميں 4.2 فيصد يا 6.9 ملين کا اضافہ ديکھا گيا۔ پاکستانی کی مجموعی آبادی ميں سے 77.7 فيصد افراد موبائل کنيکشن کے حامل ہيں۔
تصویر: NICOLAS ASFOURI/AFP/Getty Images
لگ بھگ پچاس ملين افراد فيس بک کے صارف
پاکستان ميں لگ بھگ پچاس ملين افراد فيس بک کے صارف ہيں، جو مجموعی آبادی کے قريب 23.6 فيصد بنتے ہيں۔ ان ميں بھاری اکثريت 78.5 فيصد مردوں پر مشتمل ہے جبکہ عورتوں کا تناسب صرف 21.5 ہے۔ فيس بک کے صارفين ميں اٹھارہ تا چوبيس برس کے مرد اور خواتين کا تناسب بالترتيب ساڑھے ستائيس فيصد اور قريب نو فيصد ہے۔ پچيس تا چونتيس برس کے مرد اور خواتين کا تناسب بالترتيب ساڑھے انتيس فيصد اور ساڑھے سات فيصد ہے۔
تصویر: Jakub Porzycki/imago images/NurPhoto
ٹويٹر صارفين کی تعداد 2.68 ملين
سن 2021 کے اعداد و شمار کے مطابق پاکستان ميں ٹويٹر صارفين کی تعداد 2.68 ملين ہے۔ توقع ہے کہ سن 2025 تک يہ تعداد 8.79 ملين تک پہنچ سکتی ہے۔
تصویر: Diptendu Dutta/AFP
ٹک پاک کے سن 2021 ميں پاکستان صارفين کی تعداد
مختصر دورانيے کی ويڈيو شيئر ايپ ٹک پاک کے سن 2021 ميں پاکستان صارفين کی تعداد 8.06 ملين ہے اور توقع ہے کہ سن 2025 تک يہ تعداد 2.95 ملين تک پہنچ سکتی ہے۔
تصویر: Rasit Aydogan/AA/picture alliance
يو ٹيوب صارفين کی تعداد 28.08 ملين
سن 2021 کے اعداد و شمار کے مطابق پاکستان ميں يو ٹيوب صارفين کی تعداد 28.08 ملين ہے۔ توقع ہے کہ سن 2025 تک يہ تعداد 33.21 ملين تک پہنچ سکتی ہے۔
تصویر: picture alliance/Photoshot
8 تصاویر1 | 8
علاوہ ازيں ٹک ٹاک پلس پروگرام آئندہ ماہ امريکا ميں شروع کيا جا رہا ہے۔ اس کے تحت کمپنياں مخصوص کيٹيگريز ميں مواد کے ساتھ اپنے اشتہارات چلا سکيں گی۔ اس کا ايک حصہ مواد بنانے والوں کو بھی ديا جائے گا۔ چينی ٹيکنالوجی کمپنی 'بائٹ ڈانس‘ کے پليٹ فارم ٹک ٹاک کی انتظاميہ نے اس بارے ميں يک بيان جاری کيا، جس ميں کہا گيا ہے، ''ہم اشتہارات سے حاصل کردہ آمدنی کو کری ايٹرز، ميڈيا پبلشرز اور عوامی سطح پر مقبول شخصيات کے ساتھ بانٹنے کا سلسلہ شروع کرنے جا رہے ہيں۔
واضح رہے کہ ويڈيو شيئرنگ کے ديگر پليٹ فارمز جيسا کہ يو ٹيوب، انسٹاگرام اور سنيپ چيٹ پہلے ہی آمدنی بانٹنے کے پروگرام چلا رہے ہيں۔
