پالتو جانور، ڈپریشن کا علاج
14 جنوری 2009![](https://static.dw.com/image/2492131_800.webp)
کیمل ٹاؤن ہسپتال اور تحقیقی مرکز سڈنی آسٹریلیا سے وابستہ ڈاکٹر نگہت نسیم نے ڈوئچے ویلے سے گفتگو کرتے ہوئے کہا کہ ذہنی تناؤ کی سب سے اہم وجہ اکیلے پن کا احساس ہے اور کسی پالتو جانور کی ماجودگی میں یہ احساس کم سے کم ہو جاتا ہے۔
ڈاکٹر نگہت نسیم کا کہنا تھا کہ اپنے پالتو جانور کا خیال رکھنا اور انہیں باقاعدہ وقت دینا اور معمولات زندگی سے ہٹ کر ان کے ساتھ گھومنا پھرنا ذہنی دباؤ اور تناؤ سے بچاؤ کا ایک اہم حل ہے۔
ان کا کہنا تھا کہ تحقیق سے یہ بات بھی سامنے کہ وہ طلبہ جن کے پاس کوئی پالتو جانور ہو دوسرے طلبہ کی نسبت امتحانات میں اچھی کارکردگی کا مظاہرہ کرتے ہیں۔ انہوں بتایا کہ موجودہ دور میں تیز رفتار اور مصروف زندگی میں اپنے لئے وقت نکالنا بھی مشکل ہو جاتا ہے اور ایسے میں اکثر اوقات انسان خود کو فراموش کرتا چلا جاتا ہے مگر پالتو جانور رکھنے کی صورت میں بحرحال اسے وقت دیا جاتا ہے اور وہ وقت دراصل انسان اپنے آپ کو دے رہا ہوتا ہے۔