بین الاقوامی مالیاتی فنڈ (آئی ایم ایف) کی جانب سے چھ ارب ڈالر کی امداد فراہم کیے جانے کے امکان کو یقینی بنانے کے لیے مہینوں سے پٹرول کی منجمد قیمتوں میں اضافے کا اعلان کیا گیا  ہے۔

بین الاقوامی مالیاتی فنڈ کی جانب سے امداد فراہم کرنے کی اولین شرط یہی تھی۔ آئی ایم ایف کی جانب سے امداد کی فراہمی سن 2019 کے معاہدے کے تسلسل میں ہے۔

پاکستان آئی ایم ایف امدادی پروگرم کے حجم میں وسعت کا متمنی

پاکستانی بازار حصص میں شیئرز کی قیمتوں میں جمعہ ستائیس مئی کی صبح 2.26%  فیصد کا اضافہ ہوا اور مالی منڈیوں میں پیدا عدم استحکام کا خاتمہ ہو گیا۔ اس پیش رفت کی وجہ سے امریکی ڈالر کے مقابلے میں پاکستانی کرنسی روپے کی قدر میں بھی بہتری دیکھنے میں آئی۔

پٹرولیم مصنوعات میں اضافے کا اعلان

جمعہ ستائیس مئی سے حکومتی فیصلے کے مطابق پٹرول اور اس کے ساتھ جڑی دیگر مصنوعات کی قیمتوں میں وزیر اعظم شہباز شریف کی حکومت نے بیس فیصد کا اضافہ کر دیا ہے۔

اس اضافے کے بعد پٹرول پمپس پر صارفین کی گاڑیوں کی لمبی قطاریں کھڑی ہو گئی تھیں۔ اب حکومتی اعلان کے بعد فی لیٹر پٹرول کی قیمت 179.86 روپے ہو گئی ہے اور ڈیزل فی لٹر 174.15 روپے میں فروخت کیا جائے گا۔

ان قیمتوں میں اضافہ جمعرات پچیس مئی کو اسلام آباد اور آئی ایم ایف کے درمیان نو سو ملین ڈالر کے مالی پیکج پر طے پانے والا ایک معاہدہ ہے۔ خلیجی ریاست قطر کے دارالحکومت دوحہ میں بین الاقوامی مالیاتی ادارے کی مذاکراتی ٹیم کے ساتھ بات چیت میں شامل پاکستانی وفد کے ایک رکن نے نام مخفی رکھنے کی شرط پر بتایاکہ پٹرول پر رعایتوں کا خاتمہ اورقیمت بڑھانے کے بعد ہی مالی پیکج جاری کیا جائے گا۔ آئی ایم ایف نے بھی دوحہ بات چیت میں مثبت پیش رفت کی تصدیق کی ہے۔

نیا مالیاتی بل، کیا پاکستان میں مہنگائی اور بڑھے گی؟

اسٹاک مارکیٹ پر مثبت اثرات

ایک مالیاتی ادارے بی ایم اے کیپیٹل مینیجمنٹ کے ڈائریکٹر سعد ہاشمی کا کہنا ہے کہ حکومت کی جانب سے پٹرول اور اس کی مصنوعات پر دی گئی رعایتوں کو ختم کرنے کے اسٹاک مارکیٹوں میں مثبت اثرات سامنے آئے ہیں۔ ان کا یہ بھی کہنا ہے کہ حکومت کا یہ اقدام ملکی اقتصاد کے ایک اہم مسئلے کو حل کرنے سے جڑا ہے اور اب اس کی امید کی جا سکتی ہے کہ انٹرنیشنل مانیٹری فنڈ پاکستانی معیشت کے لیے اپنے مالیاتی پروگرام کو بحال کر دے گے اور پاکستان کے لیے مالیاتی امداد کا اجراء ممکن ہو سکے گا۔

ع ح ش/ خ (روئٹرز)