دنیا بھر میں دہشت گردی سے متاثر ممالک میں افغانستان اس برس سر فہرست رہا۔ سن 2018 کے دوران افغانستان میں 1443 دہشت گردانہ واقعات ہوئے جن میں 7379 افراد ہلاک اور ساڑھے چھ ہزار افراد زخمی ہوئے۔ 83 فیصد ہلاکتیں طالبان کے کیے گئے حملوں کے سبب ہوئیں۔ طالبان نے پولیس، عام شہریوں اور حکومتی دفاتر کو نشانہ بنایا۔ داعش خراسان کی دہشت گردانہ سرگرمیوں میں بھی اضافہ ہوا۔ افغانستان کا جی ٹی آئی اسکور 9.60 رہا۔

عراق دہشت گردی کے شکار ممالک کی فہرست مسلسل تیرہ برس سے سر فہرست رہنے کے بعد دوسرے نمبر پر آیا۔ رواں برس کے گلوبل ٹیررازم انڈیکس کے مطابق 2018ء کے دوران عراق میں دہشت گردی کے 1131 واقعات پیش آئے جو اس سے گزشتہ برس کے مقابلے میں 57 فیصد کم ہیں۔ گزشتہ برس کے مقابلے میں ہلاکتوں میں 75 فیصد کمی دیکھی گئی۔ دہشت گرد تنظیم داعش نے سب سے زیادہ دہشت گردانہ کارروائیاں کیں۔ عراق کا جی ٹی آئی اسکور 9.24 رہا۔

دہشت گردی سے متاثرہ ممالک کی فہرست میں جی ٹی آئی اسکور 8.59 کے ساتھ نائجیریا تیسرے نمبر پر ہے۔ اس افریقی ملک میں 562 دہشت گردانہ حملوں میں دو ہزار سے زائد افراد ہلاک اور 772 زخمی ہوئے۔ سن 2001 سے اب تک نائجیریا میں 22 ہزار سے زائد افراد دہشت گردی کے باعث ہلاک ہو چکے ہیں۔

جی ٹی آئی انڈیکس کے مطابق خانہ جنگی کا شکار ملک شام دہشت گردی سے متاثرہ ممالک کی فہرست میں چوتھے نمبر پر ہے۔ شام میں دہشت گردانہ کارروائیوں میں زیادہ تر داعش، حیات تحریر الشام اور کردستان ورکرز پارٹی کے شدت پسند ملوث تھے۔ شام میں سن 2018 کے دوران دہشت گردی کے 131 واقعات رونما ہوئے جن میں 662 انسان ہلاک جب کہ سات سو سے زائد زخمی ہوئے۔ جی ٹی آئی انڈیکس میں شام کا اسکور 8.0 رہا۔

پاکستان اس فہرست میں پانچویں نمبر پر ہے جہاں گزشتہ برس 366 دہشت گردانہ واقعات میں 537 افراد ہلاک اور ایک ہزار سے زائد زخمی ہوئے۔ گزشتہ برس دہشت گردی کی زیادہ تر کارروائیاں داعش خراسان اور تحریک طالبان پاکستان نے کیں۔ رپورٹ کے مطابق پاکستان میں دہشت گردی کے باعث ہلاکتوں کی تعداد سن 2013 کے مقابلے میں 81 فیصد کم رہی۔

دہشت گردی سے متاثرہ ممالک کی فہرست میں صومالیہ چھٹے نمبر پر رہا جہاں الشباب تنظیم سے تعلق رکھنے والے دہشت گردوں نے نوے فیصد سے زائد حملوں کی ذمہ داری قبول کی۔ صومالیہ میں دہشت گردی کے 286 واقعات ریکارڈ کیے گئے جن میں 646 افراد ہلاک ہوئے۔ جی ٹی آئی انڈیکس میں شام کا اسکور 7.8 رہا۔

  اس برس کے عالمی انڈیکس میں بھارت آٹھویں سے ساتویں نمبر پر آ گیا۔ بھارت میں دہشت گردی کے قریب ساڑھے سات سو واقعات میں 350 افراد ہلاک جب کہ 540 زخمی ہوئے۔ بھارت کے مشرقی حصے میں ہونے والی زیادہ تر دہشت گردانہ کارروائیاں ماؤ نواز باغیوں نے کیں۔ 2018ء کے دوران کشمیر میں 321 دہشت گردانہ حملوں میں 123 افراد ہلاک ہوئے۔ کشمیر میں دہشت گردانہ حملے حزب المجاہدین، جیش محمد اور لشکر طیبہ نے کیے۔

یمن میں متحارب گروہوں اور سعودی قیادت میں حوثیوں کے خلاف جاری جنگ کے علاوہ اس ملک کو دہشت گردانہ حملوں کا بھی سامنا ہے۔ مجموعی طور پر دہشت گردی کے 227 واقعات میں 301 افراد ہلاک ہوئے۔ دہشت گردی کے ان واقعات میں حوثی شدت پسندوں کے علاوہ القاعدہ کی شاخ AQAP کے دہشت گرد ملوث تھے۔ تاہم سن 2015 کے مقابلے میں یمن میں دہشت گردی باعث ہلاکتوں کی تعداد 81 فیصد کم رہی۔

فلپائن نویں نمبر پر رہا جہاں سن 2018 کے دوران دہشت گردی کے 424 واقعات پیش آئے جن میں قریب تین سو شہری مارے گئے۔ سن 2001 سے اب تک فلپائن میں تین ہزار سے زائد افراد ہلاک ہو چکے ہیں۔ رواں برس جی ٹی آئی انڈیکس میں فلپائن کا اسکور 7.14 رہا۔

تازہ انڈیکس میں دسویں نمبر پر جمہوریہ کانگو رہا جہاں الائیڈ ڈیموکریٹک فورسز اور دیگر گروہوں کے دہشت گردانہ حملوں میں اٹھارہ فیصد اضافہ نوٹ کیا گیا۔ ان گروہوں کے حملوں میں زیادہ تر عام شہریوں کو نشانہ بنایا گیا۔

نئے قانون کے مطابق ایسے مشتبہ افراد، جن پر دہشت گرد تنظیموں سے روابط کا شبہ ہو گا، وہ اس شہر سے باہر نہیں جا سکیں گے، جہاں ان کی رجسٹریشن ہوئی ہو گی۔ انہیں روزانہ کی بنیاد پر متعلقہ تھانے میں پیش بھی ہونا پڑے گا۔ ایسے افراد کے کچھ مخصوص مقامات پر جانے پر پابندی بھی عائد کی جا سکے گی۔ یہ اقدامات صرف انسداد دہشت گردی کے لیے ہوں گے۔

نئے قوانین کے تحت متعلقہ حکام انسداد دہشت گردی کی خاطر کسی بھی مشتبہ شخص کے گھر کی تلاشی لینے کے مجاز ہوں گے۔ عام ہنگامی صورتحال کے دوران پولیس کو ایسے چھاپوں کی خاطر عدالت سے اجازت نامہ درکار ہوتا ہے۔

اس نئے قانون کے تحت سکیورٹی فورسزکو اجازت ہوگی کہ وہ ہوائی اڈوں اور بندرگاہوں کے دس کلو میٹر کے رداس میں موجود لوگوں سے شناختی دستاویزات طلب کر سکیں۔ اس اقدام کا مقصد سرحد پار جرائم کی شرح کو کم کرنا ہے۔

اس قانون کے تحت ریاست کو اجازت ہو گی کہ وہ کسی بھی ایسی عبادت گاہ کو بند کر دے، جہاں انتہا پسندانہ نظریات یا پروپیگنڈا کو فروغ دیا جا رہا ہو۔ ان عبادت گاہوں میں نفرت انگیزی اور امتیازی سلوک کی ترویج کی اجازت بھی نہیں ہو گی۔ ساتھ ہی تشدد پھیلانے کی کوشش اور دہشت گردی کی معاونت کے شبے میں عبادت گاہوں کو بند بھی کیا جا سکے گا۔

اس نئے قانون کے تحت سکیورٹی فورسز کو یہ حق حاصل ہو گا کہ وہ ایسے مقامات کے گرد و نواح میں واقع عمارات کی چیکنگ کی خاطر وہاں چھاپے مار سکیں اور مشتبہ افراد سے پوچھ گچھ کر سکیں، جہاں نزدیک ہی کوئی عوامی ایونٹ منعقد کرایا جا رہا ہو گا۔ اس کا مقصد زیادہ رش والے مقامات پر ممکنہ دہشت گردانہ کارروائیوں کی روک تھام کو ممکن بنانا ہے۔

آریانا گراندے نے مانچسٹر حملے کے بعد ہی ایک مرتبہ پھر اس شہر میں ایک بینیفِٹ کنسرٹ کرنے کا اعلان کیا تھا۔ اتوار کے روز انہوں نے ’ون لوو ٹریبیوٹ کنسرٹ‘ کے آغاز پر کہا،’’ Manchester, we´re gonna be all right‘‘۔ اس کنسرٹ سے ہونے والی آمدنی دہت گردانہ حملوں کے متاثرین میں تقسیم کی جائے گی۔

یہ کنسٹرٹ اولڈ ٹریفرڈ کرکٹ گراؤنڈ میں منقعد ہوا۔ آریانا گراندے کے ساتھ ساتھ جسٹن بیبر،کیٹی پیری، کولڈ پلے، ٹیک دیتھٹ اور میلے سائرس بھی شریک ہوئے۔ سابقہ اوئیسس نامی گروپ کے لائم گیلیگہر بھی اچانک اسٹیج پر آئے۔ گیلیگہر کو مانچسٹر کا معروف ترین گلوکار بھی کہا جاتا ہے۔

برطانوی گلوکار روبی ولیمز نے بھی اولڈ ٹریفرڈ اسٹیڈیم میں اپنے فن کا مظاہرہ کیا۔ انہوں نے گراؤنڈ میں موجود پچاس ہزار سے زائد شائقین کے ساتھ مل کر ’’Manchester we´re strong... we´re still singing our song‘‘نامی گیت گایا۔

اس کنسرٹ کے موقع پر لی گئی اس تصویر میں موسیقی کی دو شائق خواتین ایک پولیس اہلکار کے ساتھ کھڑی ہیں۔ ہفتے کے روز لندن میں ہونے والے دہشت گردانہ حملے کے بعد اس تقریب کے بھی منسوخ ہونے کا خطرہ پیدا ہو گیا تھا۔

کنسرٹ کے مرکزی دروازے پر ایک مسلح پولیس اہلکار کھڑا ہے۔ پولیس کی جانب سے پہلے ہی سخت حفاظتی انتظامات کا اعلان کر دیا گیا تھا اور اس مقصد کے لیے اضافی اہلکار بھی تعینات کیے گئے تھے۔

اس کنسرٹ کا پیغام ہر طرح کی دہشت گردی کے خلاف متحد ہونا اور اسے مشترکہ طور پر مسترد کرنا تھا۔ کنسرٹ کو دنیا کے کئی ممالک میں ٹیلی وژن اور انٹرنیٹ پر دکھایا گیا۔ برطانوی ریڈ کراس کے مطابق اس کنسرٹ سے دس ملین پاؤنڈ کی آمدنی ہوئی۔ یہ تمام رقم ’وی لَو مانچسٹر‘ نامی اُس ہنگامی فنڈ میں جمع کرا دی گئی ہے، جو مانچسٹر حملوں کے متاثرین کے لیے قائم کیا گیا ہے۔

یہ واقعہ جمعہ سات اپریل کو اسٹاک ہوم کے وسط میں پیش آیا، جہاں ایک ٹرک ایک شاپنگ اسٹریٹ میں ایک ہجوم پر چڑھ دوڑا اور پھر ایک ڈیپارٹمنٹل سٹور میں گھُس گیا۔ اس واقعے کے فوراً بعد لوگ خوف و ہراس کا شکار ہو کر افراتفری میں وہاں سے بھاگ نکلے۔

بتایا گیا ہے کہ ٹرک کا ڈرائیور وہاں پائی جانے والی افراتفری سے فائدہ اٹھاتے ہوئے موقع سے فرار ہونے میں کامیاب ہو گیا۔ پولیس ایک تصویر کی مدد سے اس شخص کو تلاش کرنے کی کوشش کر رہی ہے۔

مرکزی اسٹاک ہوم کے متاثرہ علاقے کی ناکہ بندی کر دی گئی ہے اور پولیس اور ایمرجنسی سروسز کے عملے کے ارکان بھاری تعداد میں موقع پر پہنچ گئے ہیں۔ پولیس نے علاقے سے تمام افراد کو باہر نکال لیا ہے۔

اس تصویر میں ڈروٹ ننگاتان اسٹریٹ کے ’آہلینس سٹی‘ نامی اسٹور کو دیکھا جا سکتا ہے۔ یہ وہی اسٹور ہے، جس میں یہ ٹرک جا گھُسا تھا۔

سویڈن کے وزیر اعظم اسٹیفن لووین نے اس واقعے پر گہرے دکھ اور صدمے کا اظہار کیا ہے۔ اُنہوں نے کہا کہ تمام تر شواہد یہی بتاتے ہیں کہ یہ ایک ’دہشت گردانہ حملہ‘ تھا۔

سویڈن کی انٹیلیجنس ایجنسی ساپو (Sapo) کی ایک خاتون ترجمان نینا اوڈرمالم نے نیوز ایجنسی اے ایف پی کو بتایا کہ یہ جان بوجھ کر کیا جانے والا ایک حملہ تھا، جس میں ’لوگ ہلاک اور زخمی بھی ہوئے ہیں‘۔

روئٹرز کے مطابق اس واقعے میں دو افراد ہلاک ہوئے اور سویڈن کے وزیر اعظم نے بھی دو ہی ہلاکتوں کا ذکر کیا تاہم بعد میں سویڈن کی پولیس نے تین ہلاکتوں کی تصدیق کی۔ تازہ اطلاعات میں ’متعدد‘ افراد کے ہلاک و زخمی ہونے کا ذکر کیا جا رہا ہے۔

سویڈش ریڈیو نے اس واقعے میں تین افراد کی ہلاکت کا ذکر کیا تھا۔ سویڈش ریڈیو کے مارٹن سوینگسن نے بتایا تھا:’’میں نے کم از کم تین لاشیں دیکھی ہیں لیکن شاید زیادہ بھی ہوں۔‘‘ پولیس نے اس تعداد کی تصدیق نہیں کی۔

روئٹرز کے ایک ذریعے نے اس واقعے کے بعد موقع پر انسانی جسموں کی طرح کے کئی اجسام کمبلوں سے ڈھکے ہوئے دیکھے۔ سویڈن کے نشریاتی ادارے ایس وی ٹی کے مطابق جائے ’واردات‘ پر فائرنگ کی آوازیں بھی سنی گئی ہیں۔

سویڈن کے دارالحکومت سٹاک ہوم کا جو علاقہ اس ٹرک ’حملے‘ کا نشانہ بنا ہے، وہ اس شہر کے عین وسط میں واقع ہے اور ملکی اور غیر ملکی سیاحوں میں بے حد مقبول ہے۔

اس واقعے کے فوراً بعد لوگ افراتفری میں یہاں سے بھاگ نکلے تھے۔ جو باقی رہ گئے تھے، اُنہیں بھی پولیس نے یہاں سے باہر نکال لیا ہے۔ سکیورٹی فورسز کے ارکان نے پوزیشنیں سنبھال رکھی ہیں اور پوری طرح سے چوکنا ہیں۔

روزنامے آفٹن بلڈیٹ سے باتیں کرتے ہوئے ایک عینی شاہد جان گران روتھ نے بتایا:’’ہم جوتوں کی ایک دکان میں کھڑے تھے اور ہم نے کچھ سنا ... اور پھر لوگوں کے چیخنے چِلانے کی آوازیں آنے لگیں۔ میں نے شاپ سے باہر دیکھا تو مجھے ایک بڑا ٹرک نظر آیا۔‘‘

یورپی یونین نے اس واقعے کے بعد سویڈن کو ہر طرح کی مدد کی پیشکش کی ہے۔ اقوام متحدہ کے سیکرٹری جنرل انتونیو گتیریش نے اس حملے کی مذمت کی ہے۔

ترکی کے اس شہر میں شدت پسندوں کی طرف سے پانچ دن کے اندر اندر متعدد حملے کیے گئے۔ یہودیوں کی عبادت گاہ، برطانوی سفارت خانے اور بینک سمیت دیگر حملوں میں مجموعی طور پر 58 افراد ہلاک جبکہ 600 سے زائد زخمی ہوئے۔

یہ اسپین کی حالیہ تاریخ کے بدترین حملوں میں سے ایک تھا۔ مختلف ٹرینوں پر کیے جانے والے ان حملوں میں 191 افراد ہلاک جبکہ دیگر اٹھارہ سو زخمی ہوئے۔

جہادی خودکش حملہ آوروں نے لندن کی تین انڈر گراؤنڈ ٹرینوں اور ایک ڈبل ڈیکر بس کو نشانہ بنایا۔ اس میں 52 شہری مارے گئے اور سینکڑوں زخمی ہوئے۔

سویڈن کے ایک مشہور شاپنگ سینٹر کی اسٹریٹ میں دو ہلکی نوعیت کے دھماکے ہوئے۔ اس کے نتیجے میں دو افراد زخمی ہوئے۔ دھماکے کا ذمہ دار ایک عراقی تھا۔

2011ء میں ’شارلی ایبدو‘ کے دفاتر کو نذر آتش کرنے کی بھی کوشش کی گئی تھی۔ تاہم اس کے باوجود بھی اس اخبار نے پیغمبر اسلام اور اسلام پر طنز و مزاح کا سلسلہ جاری رکھا تھا۔

گیارہ سے بائیس مارچ کے درمیان سب سے پہلے دو فرانسیسی فوجیوں کو گولیاں مارتے کر قتل کیا گیا۔ آٹھ دن بعد تین یہودی طالبعلموں اور ایک استاد کو ہلاک کر دیا گیا۔ بعدازاں حملہ آور بھی پولیس کارروائی میں مارا گیا۔

ایک مسلح شخص نے چوبیس مئی کو ایک یہودی میوزیم کے سامنے فائرنگ کرتے ہوئے چار افراد کو ہلاک کر دیا۔ اس حملہ آور کا تعلق بھی فرانس سے تھا اور شام میں ٹریننگ حاصل کر چکا تھا۔ چوری کے الزام میں یہ شخص پہلے بھی جیل کاٹ چکا تھا۔

بیلجیم کے دارالحکومت میں واقع یورپی کمیشن کی عمارت پر حملے کے ایک منصوبے کو ناکام بنا دیا گیا۔ ماہرین کے مطابق یورپ کو پہلے کی طرح جہادیوں کے حملوں کا خطرہ آج بھی لاحق ہے۔

فرانسیسی دارالحکومت پیرس میں اخبار شارلی ہیبدو پر حملے میں کم از کم 12 افراد ہلاک کر دیے گئے۔ ابتدائی معلومات کے مطابق حملہ آور مسلم برادری سے تعلق رکھتے ہیں۔ اس میگزین نے بھی پیغمبر اسلام کے متنازعہ خاکے شائع کیے تھے۔