نو مارچ دو ہزار سات کو چیف جسٹس آف پاکستان جسٹس افتخار چوہدری کی معزولی کے بعد پاکستانی وکلا نے ان کی بحالی اور عدلیہ پر انتظامیہ کی بالا دستی کے خلاف ملک گیرتحریک چلائی لیکن اس کا نتیجہ نکلا ایمرجینسی کا نفاذ اور مزید ججوں کی معزولی۔

پاکستان کے اس آئینی بحران کے خاتمے کے لئے جاری جدوجہد اور اس حوالے سے وکلا اور سول سوسائیٹی کے کردار پر اس وقت ہر فورم پر گفتگو جاری ہے لیکن وکلا کی اس جدوجہد میں خواتین وکلا بھی خاموش اداکاروں کی طرح اپنا کردار نبھا رہی ہیںِ۔