جنربی افریقہ کی کرکٹ ٹیم کے کپتان گریم اسمتھ نے گزشتہ روز ٹاس جیت کر پاکستانی کپتان مصباح الحق کر پہلے کھیلنے کی دعوت دی۔ اسمتھ کا پاکستانی ٹیم کو بیٹنگ دینے کا فیصلہ کوئی بہت خراب ثابت نہیں ہوا تھا۔ پاکستانی ٹیم اپنی پہلی اننگز میں 338 رنز بنا کر آؤٹ ہوئی۔ تیز بالر فلینڈر نے سب سے زیادہ کھلاڑیوں کو آؤٹ کیا۔  انہوں نے 5 وکٹیں حاصل کیں۔ ویرنون فلینڈر نے نویں مرتبہ کسی میچ کی ایک اننگ میں پانچ یا اس سے زیادہ کھلاڑیوں کو آؤٹ کیا ہے۔

پاکستانی کرکٹ ٹیم کا  اسکور چار رکٹوں پر 33 رنز تھا اور ٹیم لڑکھڑا سی گئی تھی۔ ایسے میں تجربہ کار یونس خان اور نوجوان اسد شفیق کے درمیان شاندار پارٹنر شپ قائم ہوئی۔ دونوں 111 رنز بنائے۔ دونوں کو دوسرے نئے گیند پر تیر بالر ویرنون فلینڈر نے آؤٹ کیا۔ پانچویں وکٹ پر یونس خان اور اسد شفیق نے 219 رنز بنائے جو ایک ریکارڈ ہے۔ پاکستان کی جانب سے جنوبی افریقہ کے خلاف پہلی مرتبہ ڈبل سینچری کی شراکت قائم ہوئی ہے۔ جنوبی افریقہ میں یونس خان اپنی تیرہویں اننگز میں سینچری بنانے میں کامیاب ہوئے۔

 میچ کے پہلے دن کے اختتام کے قریب یونس خان آؤٹ ہوئے تھے۔ اسد شفیق ٹیسٹ میچ کے دوسرے دن آؤٹ ہوئے۔ نیو لینڈز میں یونس خان نے اپنی 21 ویں سینچری مکمل کی اور اسد شفیق کی یہ تیسری سینچری تھی۔ اب تک کھیلے گئے ٹیسٹ میچوں میں 111 رنز اسد شفیق کا سب سے زیادہ اسکور ہے۔ انہوں نے ٹیسٹ کرکٹ میں اپنے ایک ہزار رنز بھی مکمل کیے۔ برصغیر پاک و ہند سے باہر اسد شفیق کی یہ پہلی سینچری ہے۔

پاکستان کی آٹھ کھلاڑی 268  اسکور پر آؤٹ ہو گئے تھے۔  اس کے بعد نویں وکٹ پر تیز بالر تنویر احمد اور معروف اسپنر سعید اجمل کے درمیان 64 رنز کی پارٹنز شپ قائم ہوئی اور اس کے باعث پاکستانی ٹیم 300 سے زائد رنز بنانے میں کامیاب ہو سکی۔ اس پارٹنر شپ میں سعید اجمل نے 21 رنز بنائے جبکہ تنویر احمد کا اسکور 44 رہا۔ پاکستان کی جانب سے سات فٹ سے زائد قامت کے محمد عرفان کو ٹیسٹ کیپ دی گئی۔ وہ چھ رنز بنا کر آؤٹ ہوئے۔ تنویر احمد اور محمد عرفان کو اسپنر پیٹر سن نے آؤٹ کیا۔ بقیہ ٹیم میں سے محمد حفیظ سترہ اور وکپ کیپر سرفراز احمد تیرہ رنز کے ساتھ قابل ذکر ہیں۔

رپورٹ: عابد حسین

ادارت:  عدنان اسحاق