پشاور گزشتہ قریب دو دہائیوں سے دہشت گردی کی وجہ سے کافی متاثر ہوتا رہا۔ یہی وجہ ہے کہ دوسرے شہروں کے مقابلے میں یہ شہر ہر میدان میں پیچھے رہ گیا تھا۔ اب لیکن ایسا نہیں ہے کیونکہ اب پشاور میں ملکی اداروں کے علاوہ بین الاقوامی ادارے بھی سرمایہ کاری کر رہے ہیں۔

سرکاری اعداد و شمار کے مطابق سال 2016ء میں ملک بھر میں گزشتہ برسوں کے مقابلے میں دہشت گردی کے بہت کم واقعات پیش آئے، جس کی وجہ شمال مغربی قبائلی علاقوں میں جاری آپریشن ضرب عضب کو قرار دیا جا رہا ہے۔

حالات بہتر ہوتے ہی اپنی خوش خوراکی اور مہمان نوازی کی وجہ سے مشہور پشاور کے شہریوں کی دلچسپی کے پیش نظر مقامی مارکیٹوں میں ملکی اور بین الاقوامی فوڈ کمپنیوں نے اپنی فرنچائزڈ  شاخیں کھول دیں۔

ترکی کے مشہور ’ٹرکش ڈونر ہاؤس‘ کو دسمبر 2016ء میں پشاور میں متعارف کرانے والے احسان اللہ کہتے ہیں کہ ایک ماہ کی قلیل مدت میں ان کے فوڈ ہاؤس میں ہر روز لوگوں کا ہجوم لگا رہنا اس بات کی طرف اشارہ ہے کہ شہر کے شدت پسندی سے متاثرہ عوام تفریح چاہتے ہیں۔

اس تصویر میں اسد علی نامی شہری اپنے دوستوں کے ساتھ ’چائے خانہ‘ میں بیٹھے ہیں۔ ان کے بقول پشاور میں ’چائے خانہ‘ جیسی جگہ کسی نعمت سے کم نہیں۔ صرف ایک ماہ تک پہلے صارفین ’ستّر اقسام کی چائے کے لیے مشہور‘ اس کیفے کے ماحول سے لطف اندوز ہونے کے لیے اسلام آباد تک کا سفر کرتے تھے لیکن اب انہیں یہ سہولت پشاور ہی میں دستیاب ہے۔

’باربی کیو ٹونائٹ‘ کے نام سے مشہور کراچی کے اس فوڈ برانڈ کی پاکستان کےعلاوہ بھی بائیس ممالک میں شاخیں ہیں۔ کشیدہ حالات کی وجہ سے پشاور میں ’باربی کیو ٹونائٹ‘ کا آغاز کسی چیلنج سے کم نہ تھا۔ اس برانڈ کی پشاور فرنچائز کے مالک کے مطابق خیبر پختونخوا میں اشیائے خوراک اور ریستورانوں کے شعبوں میں محفوظ اور منافع بخش سرمایہ کاری کی جا سکتی ہے۔

پشاور کے لوگوں عام طور پر دیسی کھانوں مثلاﹰ­ چپلی کباب اور مٹن کڑاہی کے دلدادہ تصور کیے جاتے ہیں تاہم مختلف فاسٹ فوڈ ریستورانوں پر لوگوں کے ہجوم اور آئے دن نئے مشہور ریستورانوں کا کھلنا اس امر کے اشارے ہیں کہ مقامی اور علاقائی طور پر فاسٹ فوڈ ایک منافع بخش کاروبار ہے۔

امریکی فاسٹ فوڈ چین میکڈونلڈز کا دنیا بھر میں ایک بہت بڑا کاروباری نیٹ ورک ہے۔ لاہور، کراچی اور اسلام آباد سمیت پاکستان کے سولہ بڑے شہروں میں اس ریستوران کی چوالیس فرنچائزڈ شاخیں قائم ہیں۔ میکڈونلڈز نے گزشتہ برس پشاور میں اپنے قدم جمائے اور بہت تھوڑے عرصے میں ریکارڈ کاروبار کیا۔ عوامی دلچسپی کے پیش نظر اس سال پشاور میں میکڈونلڈز کی ایک اور شاخ بھی کھولی جا رہی ہے۔

گوکہ ٹرک آرٹ سے سجایا گیا ’نان سنس‘ پشاور کا ایک مقامی ریستوراں خیال کیا جاتا ہے تام دلکش بناوٹ اور مختلف فوڈ آئٹمز کے عجیب و غریب اور مزاحیہ نام لوگوں کو اس ریستوراں کی طرف راغب کرتے ہیں۔ اس چھوٹے سے ریستوراں میں آ کر مہمان کچھ دیر کے لیے اپنی ذہنی پریشانیاں بھول جاتے ہیں۔

آسٹریلوی برانڈ ’کون ہیڈز‘ میں آئے ہوئے نعمان خان کہتے ہیں کہ کم ہی عرصے میں وہ پشاور میں ایک غیر معمولی تبدیلی دیکھ رہے ہیں۔ ’’اب ہم پشاور میں رات گئے تک ملکی اور بین الاقوامی ریستورانوں میں بیٹھ کر اپنی مرضی کے کھانے کھا سکتے ہیں۔ پہلے نہ تو حالات اچھے تھے اور نہ ہی ہمارے پاس انتخاب کا امکان اتنا زیادہ تھا۔‘‘

گلوریا جینز کے نام سے مشہور آسٹریلین کافی شاپ کی خیبر پختونخوا آمد کے بارے میں اس کمپنی کی ایک فرنچائز کے مالک احسان اللہ کا کہنا ہےکہ پشاور کے لوگ عرصہ دراز سے گھروں میں محصور تھے اور ان کے لیے روایتی کھانوں سے ہٹ کر ایک نئے ذائقے کی ضرورت تھی، جو گلوریا جینز نے ان کو فراہم کیا۔ ’’لوگ اسے پسند کرتے ہیں۔ اس لیے ہم بھی ابھی تک یہاں ہیں۔‘‘

پشاور میں ڈائریکٹوریٹ آف ٹورسٹ سروسز کے ڈپٹی ڈائریکٹر محمد عربی کے بقول صوبائی دارالحکومت میں بین الاقوامی فوڈ انڈسٹری کی طرف سے سرمایہ کاری اس خطے میں امن و امان کی بڑی نشانی ہے۔ وہ کہتے ہیں کہ صوبائی انتظامیہ کی طرف سے اچھے معاہدوں اور سرمایہ کاری کے بہتر ماحول کی وجہ سے دنیا بھر سے لوگ اب پشاور کا رخ کر رہے ہیں۔

سال 2016ء میں انتہائی تیز رفتاری سے چھ ماہ کے قلیل عرصے میں مکمل کیے گئے اس کثیر المنزلہ پل کو ’باب پشاور‘ کا نام دیا گیا ہے۔ کشیدہ حالات کے ستائے خیبر پختونخوا کے عوام اس پل کو بھی کسی تفریحی مقام سے کم نہیں سمجھتے۔ دن رات وہاں لوگوں کے رش اور تصاویر بنانے کے شوق کی وجہ سے اس پل کو مقامی لوگ ’سیلفی برِج‘ کہنے لگے ہیں۔

ماضی میں پھولوں کا شہر کہلانے والے پشاور کو ایک بار پھر پھولوں کا شہر بنانے کے لیے صوبائی حکومت نے سال 2017ء کو صفائی کا سال قرار دیا ہے۔ دہشت گردی کے خاتمے کی طرح پشاور کو گندگی سے بھی پاک کر دینے کے لیے ’گلونہ پیخور‘ کے نام سے شہر کی صفائی کی مہم شروع کی گئی ہے، جس میں شہری بڑی تعداد میں حصہ لے رہے ہیں۔

سن 1927 میں قائم کی گئی چین کی ’پیپلز لبریشن آرمی‘ کے فوجیوں کی تعداد 2015 کے ورلڈ بینک ڈیٹا کے مطابق 2.8 ملین سے زیادہ ہے۔ انٹرنیشنل انسٹی ٹیوٹ آف اسٹریٹیجک اسٹڈیز ’’آئی آئی ایس ایس‘‘ کے مطابق چین دفاع پر امریکا کے بعد سب سے زیادہ (145 بلین ڈالر) خرچ کرتا ہے۔

بھارت کی افوج، پیرا ملٹری اور دیگر سکیورٹی اداروں کے ایسے اہلکار، جو ملکی دفاع کے لیے فوری طور پر دستیاب ہیں، کی تعداد بھی تقریبا اٹھائیس لاکھ بنتی ہے۔ بھارت کا دفاعی بجٹ اکاون بلین ڈالر سے زائد ہے اور وہ اس اعتبار سے دنیا میں چھٹے نمبر پر ہے۔

ورلڈ بینک کے اعداد و شمار کے مطابق روسی فیڈریشن قریب پندرہ لاکھ فعال فوجیوں کے ساتھ تیسرے نمبر پر ہے تاہم سن 2017 میں شائع ہونے والی انٹرنیشنل انسٹی ٹیوٹ آف اسٹریٹیجک اسٹڈیز کی رپورٹ کے مطابق روسی فوج کے فعال ارکان کی تعداد ساڑھے آٹھ لاکھ کے قریب بنتی ہے اور وہ قریب ساٹھ بلین ڈالر کے دفاعی بجٹ کے ساتھ دنیا میں تیسرے نمبر پر ہے۔

شمالی کوریا کے فعال فوجیوں کی مجموعی تعداد تقربیا تیرہ لاکھ اسی ہزار بنتی ہے اور یوں وہ اس فہرست میں چوتھے نمبر پر ہے۔

آئی آئی ایس ایس کی رپورٹ کے مطابق 605 بلین ڈالر دفاعی بجٹ کے ساتھ امریکا سرفہرست ہے اور امریکی دفاعی بجٹ کی مجموعی مالیت اس حوالے سے ٹاپ ٹین ممالک کے مجموعی بجٹ سے بھی زیادہ بنتا ہے۔ تاہم ساڑھے تیرہ لاکھ فعال فوجیوں کے ساتھ وہ تعداد کے حوالے سے دنیا میں پانچویں نمبر پر ہے۔

پاکستانی فوج تعداد کے حوالے سے دنیا کی چھٹی بڑی فوج ہے۔ ورلڈ بینک کے مطابق پاکستانی افواج، پیرا ملٹری فورسز اور دیگر ایسے سکیورٹی اہلکاروں کی، جو ملکی دفاع کے لیے ہمہ وقت دستیاب ہیں، مجموعی تعداد نو لاکھ پینتیس ہزار بنتی ہے۔ آئی آئی ایس ایس کے مطابق تاہم فعال پاکستانی فوجیوں کی تعداد ساڑھے چھ لاکھ سے کچھ زائد ہے۔

ورلڈ بینک کے مطابق مصر آٹھ لاکھ پینتیس ہزار فعال فوجیوں کے ساتھ اس فہرست میں ساتویں نمبر پر ہے۔ تاہم آئی آئی ایس ایس کی فہرست میں مصر کا دسواں نمبر بنتا ہے۔

جنوبی امریکی ملک برازیل سات لاکھ تیس ہزار فوجیوں کے ساتھ تعداد کے اعتبار سے عالمی سطح پر آٹھویں بڑی فوج ہے۔ جب کہ آئی آئی ایس ایس کی فہرست میں برازیل کا پندرھواں نمبر ہے جب کہ ساڑھے تئیس بلین ڈالر کے دفاعی بجٹ کے ساتھ وہ اس فہرست میں بھی بارہویں نمبر پر موجود ہے۔

انڈونیشین افواج، پیرا ملٹری فورسز اور دفاعی سکیورٹی کے لیے فعال فوجیوں کی تعداد پونے سات لاکھ ہے اور وہ اس فہرست میں نویں نمبر پر ہیں۔

دنیا کی دسویں بڑی فوج جنوبی کوریا کی ہے۔ ورلڈ بینک کے سن 2015 تک کے اعداد و شمار کے مطابق اس کے فعال فوجیوں کی تعداد چھ لاکھ چونتیس ہزار بنتی ہے۔ انٹرنیشنل انسٹی ٹیوٹ آف اسٹریٹیجک اسٹڈیز کی رپورٹ کے مطابق قریب چونتیس بلین ڈالر کے دفاعی بجٹ کے ساتھ جنوبی کوریا اس فہرست میں بھی دسویں نمبر پر ہے۔

برصغیر کی تقسیم کے فوری بعد پاکستان نے برطانوی دور کے نوٹ اور سکے ہی استعمال کیے، صرف ان پر پاکستان کی مہر لگا دی گئی۔ تاہم 1948سے پاکستان میں نئے نوٹ اور سکے بننے لگے۔ پاکستانی نوٹوں پر میں ملک کے بانی محمد علی جناح کی تصویر چھپی ہوتی ہے۔

روپیہ سنسکرت کے لفظ روپيكم سے نکلا ہے جس کا مطلب ہے چاندی کا سکہ۔ روپے کی تاریخ صدیوں پرانی ہے۔ برصغیر کی تقسیم سے قبل انگریز حکومت کے روپیہ کے علاوہ کئی ریاستوں کی اپنی کرنسیاں بھی تھیں۔ لیکن 1947 میں آزادی حاصل کرنے کے بعد روپے کو پورے ملک میں بطور کرنسی لاگو کر دیا گیا۔

سری لنکا کی کرنسی کا نام بھی روپیہ ہی ہے۔ 1825میں برطانوی پاؤنڈ سری لنکا کی سرکاری کرنسی بنا۔ اس سے پہلے وہاں سيلونيج ركسڈلر نام کی کرنسی چلتی تھی۔ انگریز دور میں کئی دہائیوں تک برطانوی پاؤنڈ سری لنکا کی کرنسی بنا رہا جسے اس وقت سیلون کہا جاتا تھا۔ لیکن یکم جنوری 1872 کو وہاں روپیہ سرکاری کرنسی کے طور پر اپنایا گیا۔

بھارت کے پڑوسی ملک نیپال کی کرنسی کا نام بھی روپیہ ہے جو 1932 سے زیر استعمال ہے۔ اس سے پہلے وہاں چاندی کے سکے چلتے تھے۔ نیپال میں سب سے بڑا نوٹ ایک ہزار روپے کا ہوتا ہے۔

ماریشس میں پہلی بار 1877 میں نوٹ چھاپے گئے تھے۔ شروع میں وہاں پانچ، دس اور 50 روپے کے نوٹ چھاپے گئے۔ تاہم 1919 سے ایک روپے کے نوٹ بھی چھاپے جانے لگے۔ ماریشس میں بڑی تعداد میں ہندوستانی نژاد لوگ آباد ہیں۔ اسی لیے کسی بھی نوٹ پر اس کی قیمت بھوجپوری اور تامل زبان میں بھی درج ہوتی ہے۔

انڈونیشیا کی کرنسی رُپياه ہے جس کا اصل روپیہ ہی ہے۔ ڈالر کے مقابلے کم قدر ہونے کی وجہ سے انڈونیشیا میں بڑی مالیت کے نوٹ چھاپے جاتے ہیں۔ وہاں سب سے بڑا نوٹ ایک لاکھ رپياه کا ہے۔

بحر ہند کے ایک جزیرے پر مشتمل ملک سیشیلز کی کرنسی بھی روپیہ ہی ہے۔ وہاں سب سے پہلے روپے کے نوٹ اور سکے 1914میں چھاپے گئے تھے۔ سیشیلز بھی پہلے برطانوی سلطنت کے تابع تھا۔ 1976میں اسے آزادی ملی۔ سمندر میں بسا یہ ملک اپنی خوبصورتی کی وجہ سے دنیا بھر کے سیاحوں کو اپنی طرف کھینچتا ہے۔