اس سال سیبِٹ میں مشہور کار ساز ادارے بی ایم ڈبلیو اور ٹیکنالوجی کی دنیا کے نامور ادارے آئی بی ایم ایک ساتھ دکھائی دیے۔ دونوں ادارے ایک ایسی اسمارٹ کار بنانے میں مصروف ہیں جو اپنے مالک کی عادات اور مزاج سے آگاہ ہو گی۔ آپ کی آج مصروفیات کیا ہیں؟ مستقبل کی کار نہ صرف ان باتوں سے واقف ہو گی بلکہ آپ کو مشورے بھی دی گی۔ یوں سمجھیے اسمارٹ کار اب آپ کی مشیر بھی ہو سکتی ہے۔

سن 2020 تک پچاس ارب سے زائد ڈیوائسز انٹرنیٹ سے منسلک ہوں گی۔ چند برس بعد کی دنیا میں آپ کا موبائل اور کار ہی اسمارٹ نہیں ہوں گے بلکہ سارا گھر اور شہر بھی اسمارٹ ہوں گے۔ جیسے آج کی ’اسمارٹ واچ‘ ہماری نبض اور دل کی دھڑکن پر نظر رکھتی ہے آئندہ اسی طرح پورا گھر، بلکہ پورا شہر بھی آپ کی زندگیاں آسان بنانے میں مددگار ہوں گے۔

سیبِٹ 2017 نمائش میں جاپان کو پارٹنر ملک کے طور پر شریک ہے۔ جدید ٹیکنالوجی کی اختراعات کے لیے جاپان ہر سال اربوں ڈالر خرچ کرتا ہے۔ اس برس سیبِٹ میں جاپانی ٹیکنالوجی کی صنعت سے وابستہ سینکڑوں کمپنیاں شریک ہیں اور نمائش کے افتتاح میں جاپانی وزیر اعظم شینزو آبے نے خاص طور پر شرکت کی تھی۔ جاپانی روبوٹ ٹیکنالوجی اس مرتبہ نمایاں رہی۔

اس برس کی نمائش میں تین ہزار سے زائد کمپنیاں شریک ہیں۔ موبائل ٹیکنالوجی سے لے کر دفاتر کی ڈیجیٹلائزیشن، صنعتوں اور صحت کے شعبوں میں ٹیکنالوجی کا استعمال تک مختلف النوع نئی ایجادات دکھائی جا رہی ہیں۔ بھارت سے قریب دو سو اور بنگلہ دیش سے بھی چھیالیس کمپنیاں شرکت کر رہی ہیں تاہم پاکستان سے اس مرتبہ بھی کسی کمپنی نے شرکت نہیں کی۔

مستقبل قریب میں جدید ٹیکنالوجی انسانی صحت میں کیسے مدد گار ثابت ہو گی، اس کی ایک بھرپور جھلک بھی اس نمائش میں دکھائی دیتی ہے۔ مثال کے طور پر تھری ڈی پرنٹر کے ذریعے انسانی اعضا اور انسانی ٹیشوز کی پرنٹنگ۔ اس سال صحت اور ٹیکنالوجی کے موضوع پر کئی کانفرنسوں کا انعقاد بھی کیا جا رہا ہے جن میں ماہرین صحت کے شعبے میں ٹیکنالوجی کے استعمال پر اب تک کی گئی تحقیق پیش کر رہے ہیں۔

مصنوعی ذہانت اور ورچوئل ریئیلیٹی نیا موضوع نہیں۔ لیکن اس مرتبہ کی نمائش میں یوں لگا جیسے آئندہ کے چند برسوں میں حقیقی اور مرئی کا فرق بھی نہ ہونے کے برابر رہ جائے گا۔ پہلے ’ورچوئل ریئیلیٹی‘ عینکوں کے ذریعے ایک غیر حقیقی دنیا کی سفر کیا جا سکتا تھا لیکن اب کی بار تو ایسی ایجادات دیکھی گئیں جن کے ذریعے صرف آنکھیں ہی نہیں، بلکہ پورا انسانی جسم ایک غیر حقیقی دنیا میں جا کر محسوسات کا احاطہ کر سکے گا۔

جب انسان سے منسلک قریب ہر ڈیوائس انسانی موجودگی کے بارے میں سب کچھ جانتی ہو تو پھر یہ خدشہ بھی ہمہ وقت رہتا ہے کہ ’بِگ بردر‘ بھی ہماری حرکات و سکنات پر نظر رکھے ہوئے ہے۔ اس سال کے سیبِٹ میں ’ڈیجیٹل سکیورٹی‘ کا موضوع بھی نمایاں رہا۔ کئی کمپنیوں نے ایسے آلات کی نمائش کی جو ہمارے ڈیٹا کو محفوظ رکھنے کے لیے ضروری ہیں۔ ایڈورڈ سنوڈن نے بھی اس بارے میں ویڈیو کانفرنس کال کے ذریعے خطاب کیا۔

پہلا آئی فون انتيس جون سن 2007 کو متعارف کرايا گيا تھا۔ ابتدائی ماڈل کا نام ’آئی فون‘ تھا جو ايپل کے اسمارٹ فون کی پہچان بن گيا۔ يہ اسمارٹ فون دو ميگا پکسل کے کيمرے، ٹچ اسکرين اور ديگر کئی صلاحيتوں سے ليس تھا۔ يہ فون کئی اعتبار سے اسمارٹ فونز کی مارکيٹ ميں ’انقلابی‘ ثابت ہوا۔

ايپل نے گيارہ جولائی سن 2008 کو آئی فون تھری جی متعارف کرايا۔ اس کی اہم ترین خاصيت ’تھری جی‘ انٹرنيٹ ٹيکنالوجی سے ہم آہنگی تھی، جو اس وقت ايک بڑی بات تھی۔

19 جون سن 2009 کو ’آئی فون تھری جی ايس‘ متعارف کرايا گيا۔ اس فون ميں تين ميگا پکسل کا کيمرہ نصب تھا اور ويڈيو ريزوليوشن 480p تھی۔ يہ بنيادی طور پر گزشتہ ماڈل کا ايک زيادہ طاقتور ورژن تھا۔

لگ بھگ ايک سال بعد اکيس جون سن 2010 کو ’آئی فون فور‘ متعارف کرايا گيا۔ اس فون ميں پانچ ميگا پکسل کا کيمرا نصب تھا اور يہ 720p ريزوليوشن تک کی ويڈيو بنا سکتا تھا۔ يہ ايچ ڈی يا ہائی ڈيفينيشن ويڈيو ريکارڈ کرنے والا اولين فون کیمرا تھا۔

چودہ اکتوبر سن 2011 کو ايپل نے آئی فون فور ايس متعارف کرايا، جو سابقہ ماڈل کا ايک زيادہ ايڈوانسڈ ورژن تھا۔ اس کے کيمرے کی صلاحيت آٹھ ميگا پکسل اور ويڈيو کی فل ہائی ڈيفينيشن 1080p تھی۔

اکيس ستمبر سن 2012 کو ايپل نے آئی فون فائيو متعارف کرايا۔ اس فون ميں بيک کيمرا آٹھ ميگا پکسل کا اور فرنٹ کيمرا 1.2 ميگا پکسل کا تھا جب کہ يہ ہائی ڈيفينيشن 1080p ويڈيو بنانے کی صلاحيت کا حامل بھی تھا۔

ايپل نے بيس ستمبر سن 2013 کو ’آئی فون فائيو سی‘ اور ’آئی فون فائيو ايس‘ متعارف کرائے۔

سن 2014 ميں آئی فون سکس اور سکس پلس بھی متعارف کرا ديے گئے۔ يہ دونوں فون انيس ستمبر کو متعارف کرائے گئے اور اب تک دنيا بھر ميں 169.22 ملين آئی فون سکس اور سکس پلس فروخت کيے جا چکے ہيں۔

پھر 25 ستمبر سن 2015 کو ايپل نے آئی فون سِکس کے دو نئے ورژن سِکس ايس اور سِکس ايس پلس متعارف کرائے۔ يہ ماڈل کافی کامياب رہے اور مجموعی طور پر 231.22 ملين سِکس ايس اور سِکس ايس پلس فروخت ہوئے۔

مارکيٹ ميں بڑھتی ہوئی مانگ کو ديکھتے ہوئے ايپل نے اپنی حکمت عملی بدلی اور مختلف قسم کے صارفين کے ليے مختلف ماڈل متعارف کرائے۔ سن 2016 ميں آئی فون ايس ای، آئی فون سيون اور سيون پلس متعارف کرائے گئے۔

اسی طرح سن 2017 ميں بھی تين ماڈل لانچ کيے گئے۔ آئی فون ايکس، آئی فون ايٹ اور ايٹ پلس۔ ان فونز ميں ايپل نے سری کو بھی متعارف کرايا، جو وائس کمانڈ کے ذريعے مختلف فنکشنز مکمل کرنے والا ايپل کا خصوصی وائس اسسٹنٹ ہے۔

دو برس قبل ايپل نے پھر تين ماڈل متعارف کرائے، آئی فون ايکس ايس، ميکس اور ايکس آر۔ يہ تينوں ہی ماڈل مختلف صارفين کو ذہن ميں رکھتے ہوئے لانچ کيے گئے تھے۔ ان کی فروخت کا حجم 217.73 ملين رہا۔

سن 2019 ميں ايپل نے آئی فون اليون، آئی فون پرو اور آئی فون ميکس لانچ کيے۔ اب چونکہ اسمارٹ فون پر اعلٰی کوالٹی کی ويڈيوز بننے لگی ہيں اور يو ٹيوب، ٹک ٹاک اور فيس بک جيسے کسی پليٹ فارمز پر مواد کا انبار ہے، ايپل نے مختلف صلاحيت اور خصوصيات والے فون بنائے، جو کہ صارف کے ضرورت کے مطابق تھے۔

تيرہ اکتوبر کو آئی فون نے آئی فون 12 لانچ کيا۔ فائيو جی ٹيکنالوجی سے ليس يہ فون انتہائی اعلٰی معيار کی سہوليات سے آراستہ ہے۔ اس کے تين مختلف ورژن بھی عنقريب دستياب ہوں گے، آئی فون ٹوئيلوو مِنی، پرو اور تھری ڈی۔

تین دسمبر 1992ء کو 22 سالہ سافٹ ویئر انجینیئر نائل پاپورتھ نے دنیا کا پہلا ایس ایم ایس پیغام اپنے ساتھی رچرڈ جاروِس کو ارسال کیا تھا۔ نائل پاپورتھ ووڈا فون کے لیے شارٹ میسیج سروس کی تیاری پر کام کر رہے تھے۔

25 سال پہلے کے سیل فون بھی ایس ایم ایس بھیج یا وصول نہیں کرسکتے تھے۔ لہٰذا پہلے ایس ایم ایس کو موبائل فون سے نہیں بلکہ کمپیوٹر سے بھیجا گیا تھا۔ ایس ایم ایس سسٹم کے پروٹوٹائپ کا ٹیسٹ کرنے کے لیے ووڈا فون کمپنی کے تکنیکی ماہرین کا پہلا ایم ایم ایس تھا، ’’میری کرسمس‘‘.

ایس ایم ایس پوسٹ کارڈ وغیرہ پر پیغامات لکھنے کے لیے 160 حروف یا اس سے بھی کمی جگہ ہوتی تھی اسے باعث ایس ایم ایس کے لیے بھی 160 حروف کی حد مقرر کی گئی تھی۔

1990ء کے وسط میں، ایس ایم ایس تیزی سے مقبول ہوا اور اس کے ساتھ، ٹیلی فون کمپنیوں نے بڑا منافع حاصل کیا۔ 1996ء میں جرمنی میں 10 ملین ایس ایم ایس بھیجے گئے تھے۔ 2012 میں، ان کی تعداد 59 ارب تک پہنچ گئی۔ جرمنی میں، ایس ایم ایس بھیجنے کے 39 سینٹ تھے۔

اسمارٹ فون مارکیٹ میں آنے کے بعد، ایس ایم ایس نے کی مقبولیت میں کمی ہونے لگی۔ ایسا 2009 میں شروع ہوا۔ ٹوئیٹر، فیس بک، زوم، واٹس ایپ جیسے مفت پیغامات بھیجنے والی ایپلیکیشنز زیادہ سے زیادہ مقبول ہو رہی ہیں۔ مگر اس سب کے باجود ایس ایم ایس کا وجود اب بھی قائم ہے۔

ایس ایم ایس ابھی بھی جرمنی میں مقبول ہے۔ وفاقی مواصلات ایجنسی کے اعداد و شمار سے پتہ چلتا ہے کہ 2016ء کے دوران 12.7 بلین ایس ایم ایس پیغامات موبائل فونز سے بھیجے گئے۔ جرمنی میں اب بھی میل باکس کے پیغامات اور آن لائن بینکنگ سے متعلق بہت سے اہم کوڈ ایس ایم ایس کے ذریعہ ہی بھیجے جاتے ہیں۔