پاکستان میں ماحولیاتی آلودگی کا ایک اہم سبب بننے والے پلاسٹک بیگز کا بے دریغ استعمال کیا جاتا ہے بلکہ اس کو ٹھکانے لگانے کا خاطر خواہ بندوبست موجود نہیں۔ سڑکوں اور چوراہوں پر کچرے کے ڈھیر میں پلاسٹک کے تھیلے نظر آتے ہیں۔ ملک کے بڑے شہروں میں صوبائی انتظامیہ نے پلاسٹک بیگز اور سنگل یوز پلاسٹک پر پابندی کا اعلان تو کر دیا ہے لیکن کیا پاکستانی عوام اپنی اس عادت سے چھٹکارا حاصل کر سکیں گے؟
