متوازن رپورٹنگ، صحافیوں کا تحفظ اور میڈیا پر حکومتی اثرورسوخ کم یا نہ ہونا، غیر سرکاری ادارے فریڈم ہاؤس کے مطابق 2013ء میں دنیا کی صرف چودہ فیصد آبادی ایسے حالات میں سانس لینے کے قابل رہ سکی۔ 1996ء کے بعد یہ شرح اس وقت کم ترین ہے۔ ایسے ممالک جہاں پریس کی آزادی کم یا نہ ہونے کے برابر ہیں، ان میں ترکی اور یوکرائن بھی شامل ہیں۔

آزادی صحافت کے بارے میں فریڈم ہاؤس کی طرف سے کرائے گئے ایک سروے کے مطابق ترکمانستان، ازبکستان اور بیلاروس میں صورتحال انتہائی تشویش ناک ہے۔ 197 ممالک میں کرائے گئے اس سروے کے مطابق پریس فریڈم کے حوالے سے بہترین ممالک ہالینڈ، ناروے اور سویڈن قرار پائے ہیں۔

گزشتہ برس ترکی میں صحافیوں پر متعدد حملے ہوئے۔ مثال کے طور پر (تصویر) گوکان بچیجے کو استبول میں واقع گیزی پارک میں ہونے والے حکومت مخالف مظاہروں کے دوران گرفتار کیا گیا۔ ’کمیٹی ٹو پروٹیکٹ جرنلسٹس‘ کے مطابق ترکی میں گزشتہ برس صرف دسمبر میں ہی چالیس صحافی گرفتار کیے گئے۔ ترکی میں آزادی صحافت کی صورتحال وقت کے ساتھ نازک ہوتی جا رہی ہے۔

گزشتہ برس یوکرائن میں بھی آزادی صحافت کے لیے ناخوشگوار رہا، جہاں کییف کے میدان اسکوائر پر منعقد کی گئی حکومت مخالف ریلیوں کے دوران خاتون صحافی ٹاٹیانا چورنووَل کو شدید تشدد کا نشانہ بنایا گیا۔ جس کے بعد ہزاروں افراد نے اس واقعے کی مذمت کرتے ہوئے احتجاج بھی کیا۔ چورنووَل نے یوکرائن کے معزول صدر وکٹور یانوکووچ کی پرتعیش طرز زندگی کو اجاگر کیا تھا۔

گزشتہ برس پریس فریڈم کے حوالے سے روس اور چین میں بھی صورتحال ابتر ہی رہی۔ ان ممالک میں حکومت نے اپنا اثرورسوخ استعمال کرتے ہوئے متعدد ایسے قوانین منظور کیے، جن سے بالخصوص انٹر نیٹ پر آزادی صحافت پر قدغنیں لگیں۔ روس میں بہت سے لوگ اس صورتحال پر نہ صرف ناراض ہیں بلکہ وہ احتجاج بھی کرتے ہیں۔

امریکا ایک ایسا ملک ہے جہاں پریس فریڈم ہے تاہم وہاں حکومتی انفارمیشن پالیسی سخت تنقید کی زد میں ہے۔ وہاں اکثر ہی قومی سلامتی کے نام پر سرکاری معلومات خفیہ رکھی جاتی ہیں اور صحافیوں کو کہا جاتا ہے کہ وہ اپنے ذرائع بتائیں، جنہوں نے انہیں باخبر کیا ہے۔ امریکا میں حکام نے اے پی کے ایک صحافی کی ٹیلی فون کال ریکارڈ بھی کی۔

مصر میں گزشتہ برس پریس فریڈم کی صورتحال کو خطرناک تصور کیا گیا ہے۔ وہاں محمد مرسی کی معزولی کے بعد صورتحاکل مزید خراب ہوئی ہے۔ یہ امر اہم ہے کہ مرسی خود بھی پریس فریڈم کے دشمن قرار دیے جاتے تھے۔ مصر میں 2013ء کی آخری ششماہی میں بیمشار صحافی گرفتار کیے گئے۔ فریڈم ہاؤس کے مطابق اس دوران فوجی کارروائی کے نتیجے میں پانچ صحافی ہلاک بھی ہوئے۔

جہاں کئی ممالک میں پریس فریڈم کے حوالے سے صورتحال بگڑی ہے، وہیں کچھ ممالک میں یہ صورتحال بہتر بھی ہوئی ہے۔ مثال کے طور پر مالے میں صدارتی انتخابات کے انعقاد اور اسلامی باغیوں کو پسپا کرنے کے بعد سیاسی صورتحال بہتر ہوئی ہے۔ مالے میں 2012ء کی فوجی بغاوت کے بعد بند کر دیے گئے متعدد میڈیا ادارے اب دوبارہ کام کرنے لگ گئے ہیں۔

پریس فریڈم کے حوالے سے جن دیگر ممالک میں مثبت تبدیلیاں دیکھی گئی ہیں، ان میں کرغزستان بھی شامل ہے، جہاں گزشتہ برس صحافیوں پر ہونے والے حملوں کی شرح کافی کم ہو گئی۔ اسی طرح نیپال میں بھی صحافت پر حکومتی کنٹرول ختم کر دیا گیا۔ تاہم اس کے باوجود بھی ان دونوں ممالک میں صحافیوں کو دھمکیاں ملتی رہتی ہیں۔

نگہت داد ڈیجیٹل رائٹس فاؤنڈیشن پاکستان کی ایگزیکيٹو ڈائریکٹر ہیں۔ وہ پاکستان اور دنیا بھر میں انٹرنیٹ تک رسائی کی مہم کے اولین کارکنوں میں شمار کی جاتی ہیں۔ وہ انٹرنیٹ کی آزادی، خواتین اور ٹیکنالوجی کے ساتھ ساتھ ڈیجیٹل سکیورٹی کے علاوہ خواتین کی معاشی خود مختاری جیسے معاملات کے لیے بھی سرگرم ہیں۔

سعد حمید گوگل کے کمیونٹی مینیجر ہیں اور ایک کمپنی ڈیجیٹل ایکوسسٹم کے کنسلٹنٹ ہیں۔ وہ ایک کمپنی ڈیمو اینٹرپرائز کے چیف ایگزیکيٹر افسر بھی رہ چکے ہیں۔ وہ نوجوان پاکستانیوں کی ڈیجیٹل مہارت کو بہتر بنانے کا سلسلہ بھی جاری رکھے ہوئے ہیں۔

فریحہ عزیر ڈیجیٹل حقوق اور شہری آزادیوں کی تنظیم ’بولو بھی‘ کی شریک بانی ہیں۔ انہوں نے کراچی یونیورسٹی سے انگریزی ادب میں ایم اے کی ڈگری حاصل کر رکھی ہے۔ اس تنظیم کی جانب سے وہ سینسر شپ فری ایکسپریشن ایوارڈ حاصل کر چکی ہیں۔ یہ ایوارڈ انہيں پاکستان میں سائبر کرائم بل متعارف کرانے کی کوششوں کے اعتراف میں دیا گیا تھا۔

میڈیا میٹرز فار ڈیموکریسی نامی کمپنی کے بانی اور ایگزیکٹو ڈائریکٹر اسد بیگ۔ وہ صحافی ہونے کے ساتھ ساتھ میڈیا کی ترقی کے امور کے ماہر خیال کیے جاتے ہیں۔ وہ میڈیا کی قوت پر یقین رکھتے ہیں اور اس باعث وہ پاکستانی ذرائع ابلاغ کے لیے ایک فعال کردار ادا کرنے کی تمنا رکھتے ہیں۔

پاکستان کے معتبر انگریزی اخبار روزنامہ دی نیوز کے ادارتی مواد اور رائے عامہ کے شعبے کی ڈپٹی ایڈیٹر ہیں۔ وہ ایک تربیت یافتہ وکیل بھی ہیں۔ انہوں نے لندن اسکول آف اکنامکس سے کمیونیکیشن اور سیاسیات میں ڈگری حاصل کر رکھی ہے۔ وہ ایشیا جرنل کی سات برس تک ایگزیکيٹو ایڈیٹر رہنے کے علاوہ میڈیا کے شعبے میں جنوبی ایشیا اورجنوبی ایشیائی خواتین(SAWM) کے نیٹ ورک کی شریک بانی ہیں۔

’بائٹس فار آل‘ نامی ادارے کے پاکستانی دفتر کے سربراہ شہزاد احمد ہیں۔ ’بائٹس فار آل‘ انسانی حقوق کا ادارہ ہے اور یہ اطلاعات اور کمیونیکیشن ٹیکنالوجی برائے ترقیاتی امور، جمہوریت اور سماجی انصاف پر فوکس کرتا ہے۔ شہزاد احمد ایک ہمہ گیر شخصیت ہیں اور کئی مختلف گروپوں کے رکن بھی ہیں۔

صباحت ذکریا انگریزی اخبار دی نیوز کی نائب مدیر ہیں۔ وہ نیو یارک یونیورسٹی کی فارغ التحصیل ہیں۔ انہیں فلک صوفی اسکالر شپ سے بھی نوازا گیا تھا۔ ان کے ایم اے میں تھیسس کا عنوان تھا ’ پاکستان میں انفرادی عورت کو حاصل ہونے والا عروج‘۔ یہ تھیسس بلوم برگ بھارت نے شائع کرنے کا فیصلہ کیا ہے۔

ماروی سرمد پاکستان میں گزشتہ پچیس برسوں سے انسانی حقوق کی سرگرم کارکن ہونے کے علاوہ صحافت سے وابستہ ہیں۔ وہ حقوقِ انسانی، اقلیتوں کے بنیادی حقوق اور آزادئ اظہار کے لیے بھی متحرک ہیں۔ وہ پاکستانی ہیومن رائٹس کمیشن کی ایگزیکٹو کونسل کی رکن ہیں۔ انہیں انسانی حقوق کے صدارتی ایوارڈ سے بھی نوازا جا چکا ہے۔

میڈیا انڈسٹری میں شہریار پوپلزئی بطور ڈیجیٹل اسٹریٹیجسٹ کے ایک منفرد پہچان رکھتے ہیں۔ وہ انٹرنیشنل سینٹر فار جرنلسٹس نائٹ کے سابق فیلو ہونے کے علاوہ انگریزی اخبار دی ایکسپریس ٹریبیون کے ساتھ بھی وابستہ رہ چکے ہیں۔

صدف خان ’میڈیا میٹرز فار ڈیموکریسی‘ نامی ادارے کی شریک بانی ہونے کے علاوہ اِس کی پروگرام ڈائریکٹر بھی ہیں۔ وہ سن 2002 سے ذرائع ابلاغ اور میڈیا کی ترقی کے شعبے سے وابستہ ہیں۔ وہ شیوننگ اسکالر شپ حاصل کرنے کے بعد لندن اسکول آف اکنامکس میں زیر تعلیم رہ چکی ہیں۔

پاکستان میں ڈان میڈیا گروپ کے چیف اسٹریٹیجسٹ جہاں زیب حق ہیں۔ اُن کی توجہ کا مرکز موجودہ ڈیجیٹل عہد میں ادارے کی ادارتی سرگرمیاں ہیں۔ وہ ڈان ڈاٹ کام اور ڈان نیوز ٹیلی وژن میں ایڈیٹر کی ذمہ داریاں بھی سنبھالے ہوئے ہیں۔ اُن کے تحقیقی مضامین کے موضوعات سائبر اسپیس کے ساتھ ساتھ پاکستانی میڈیا، انٹرنیٹ اور انسانی حقوق کی موجودہ صورت حال سے متعلق ہیں۔

معتبر پاکستانی تعلیمی ادارے لاہور یونیورسٹی آف مینیجمنٹ سائنسز کے مشتاق احمد گورمانی اسکول برائے ہیومینیٹیز اور سوشل سائنسز کی ایسوسی ایٹ پروفیسر ڈاکٹر ندا کرمانی ’سیدہ وحید جینڈر انیشی ایٹیو‘ کی فیکلٹی ڈائریکٹر ہیں۔ اُن کے کئی مضامین کا موضوع جینڈر، اسلام، نسوانی تحریکیں اور مطالعہٴ برائے پاک بھارت کی شہری ترقیاتی ہیں۔

رضا احمد رومی مختلف ملکی پالیسیوں کے تجزیہ کار ہونے کے علاوہ ایک صحافی اور مصنف بھی ہیں۔ وہ کورنل انسٹیوٹ برائے عوامی امور کے جزوقتی استاد بھی ہیں۔ وہ سن 2015 سے لے کر 2017 تک ایتھیکا کالج، گیلیٹن اسکول اور نیویارک یونیورسٹی میں صحافت کے بعض کورسز پڑھا چکے ہیں۔

لنکڈ تھنگز نامی کمپنی کی بانی اور چیف ایگزیکٹو افیسر صوفیہ حسنین ہیں۔ ان کا ادارہ ڈیجیٹل مسائل کا حل فراہم کرتا ہے۔ صوفیہ حسنین نے امریکا سے الیکٹریکل انجینیئرنگ میں ماسٹر کی ڈگری حاصل کی تھی۔ وہ بعض یورپی ممالک میں بھی ملازمت کرتی رہی ہیں۔

جنوبی ایشیائی ممالک میں میڈیا کو سب سے زیادہ آزادی بھوٹان میں حاصل ہے اور اس برس کے پریس فریڈم انڈکس میں بھوٹان 94 ویں نمبر پر رہا ہے۔ گزشتہ برس کے انڈکس میں بھوٹان 84 ویں نمبر پر تھا۔

ایک سو اسّی ممالک کی فہرست میں نیپال عالمی سطح پر 106ویں جب کہ جنوبی ایشیا میں دوسرے نمبر پر رہا۔ نیپال بھی تاہم گزشتہ برس کے مقابلے میں چھ درجے نیچے چلا گیا۔ گزشتہ برس نیپال ایک سوویں نمبر پر تھا۔

اس واچ ڈاگ نے افغانستان میں صحافیوں کے خلاف تشدد کے واقعات میں اضافے پر تشویش کا اظہار کیا ہے۔ تاہم اس برس کی درجہ بندی میں افغانستان نے گزشتہ برس کے مقابلے میں دو درجے ترقی کی ہے اور اب عالمی سطح پر یہ ملک 118ویں نمبر پر آ گیا ہے۔ جنوبی ایشیائی ممالک میں افغانستان تیسرے نمبر پر ہے۔

اس برس کے انڈکس کے مطابق مالدیپ جنوبی ایشیا میں چوتھے جب کہ عالمی سطح پر 120ویں نمبر پر ہے۔ مالدیپ گزشتہ برس 117ویں نمبر پر رہا تھا۔

جنوبی ایشیا میں گزشتہ برس کے مقابلے میں سری لنکا میں میڈیا کی آزادی کی صورت حال میں نمایاں بہتری دیکھی گئی ہے۔ سری لنکا دس درجے بہتری کے بعد اس برس عالمی سطح پر 131ویں نمبر پر رہا۔

بھارت میں صحافیوں کے خلاف تشدد کے واقعات میں اضافہ ہوا، جس پر رپورٹرز وِدآؤٹ بارڈرز نے تشویش کا اظہار کیا۔ عالمی درجہ بندی میں بھارت اس برس دو درجے تنزلی کے بعد اب 138ویں نمبر پر ہے۔

پاکستان گزشتہ برس کی طرح اس برس بھی عالمی سطح پر 139ویں نمبر پر رہا۔ تاہم اس میڈیا واچ ڈاگ کے مطابق پاکستانی میڈیا میں ’سیلف سنسرشپ‘ میں اضافہ نوٹ کیا گیا ہے۔

جنوبی ایشیائی ممالک میں میڈیا کو سب سے کم آزادی بنگلہ دیش میں حاصل ہے۔ گزشتہ برس کی طرح امسال بھی عالمی درجہ بندی میں بنگلہ دیش 146ویں نمبر پر رہا۔

اس انڈکس میں ناروے، سویڈن اور ہالینڈ عالمی سطح پر بالترتیب پہلے، دوسرے اور تیسرے نمبر پر رہے۔ چین 176ویں جب کہ شمالی کوریا آخری یعنی 180ویں نمبر پر رہا۔

میکسیکو کے ساتھ امریکی سرحد پر ہونڈوراس سے تعلق رکھنے والی پناہ گزین سانڈرا کو حراست میں لیا جار رہا ہے۔ فوٹوگرافر جون مُور کی اس تصویر میں دو سالہ یانیلا سانچیز اپنی والدہ کی گرفتاری پر رو رہی ہے۔ ٹرمپ انتظامیہ کی مہاجرین کے خلاف سخت پالیسی کے نتیجے میں متعدد پناہ گزین والدین اپنے بچوں سے الگ کر دیے گئے۔

’ایجنسی وی یو‘ سے منسلک ڈچ فوٹوگرافر پیٹر ٹین ہوپن نے گزشتہ برس اکتوبر میں پناہ کی تلاش میں امریکا کا رخ کرنے والے مہاجرین کی یہ تصویر بنائی تھی۔ اس وقت ہنڈورس سمیت دیگر وسطی امريکی ممالک سے ہزاروں تارکين وطن مختلف قافلوں کی صورت میں میکسیکو کے راستے امريکی سرحد کی طرف بڑھ رہے تھے۔

ہوانا میں ایک کیوبن لڑکی نے بلوغت سے جوانی میں داخل ہونے کے روایتی جشن ’کوئن سیانیرا‘ کے سلسے میں 1950ء کی ایک پنک ’ونٹیج کار‘ میں سفر کیا۔ ڈیانا مارکوسیان کی اس تصویر کی خاص بات یہ بھی ہے کہ پندرہ سالہ لڑکی ’پورا‘ دماغ کے کینسر میں مبتلا تھی۔

زمبابوے کے ایک تالاب میں پیٹرونیلا چگُمبرا سنائپر رائیفل کے ساتھ خواتین فورسز کی ٹریننگ کر رہی ہے۔ زمبابوے میں خواتین کی یہ فورس ماحولیات اور جنگلی حیاتیات کا تحفظ کرتی ہیں۔ ان کو مقامی زبان میں ’اکاشنگا‘ یعنی ایک بہادر شخص کہا جاتا ہے۔ یہ تصویر گیٹی امیجز کے فوٹوگرافر بینٹ سٹرٹون نے بنائی ہے۔

آسٹریلوی فوٹوگرافر کِرس میک گراتھ استنبول میں قائم سعودی سفارت خانے کے سامنے اس وقت موجود تھے جب سعودی حکومت کے ناقد صحافی جمال خاشقجی کی وہاں سے گمشدگی بین الاقوامی سطح پر ایک بڑی خبر بن گئی۔ اس تصویر میں سعودی سفارتخانے کا اہلکار صحافیوں کو سفارتخانے میں داخل ہونے سے روک رہا ہے۔

دیمتروف میں موسیقی کے ایک مقابلے کے بعد چند روسی طلبا بیک اسٹیج میں لطف اندوز ہو رہی ہیں۔ امریکی اور روسی نوجوانوں میں بڑھتی قوم پرستی پر مشاہدے کے سلسلے میں دستاویزی فوٹوگرافر سارا بلیزنر نے دونوں ممالک میں متعدد مقامات کو دورہ کیا۔

عرب میں عقاب یا باز کے شکار کی روایت صدیوں پرانی ہے جس کی وجہ سے دنیا بھر میں اس جنگلی پرندے کی تعداد کم ہو رہی ہے۔ منگولیا میں ایک باز اور اس کے بچوں کی تصویر گیٹی امیجز کے فوٹوگرافر بینٹ سٹرٹن نے بنائی ہے۔

کٹنگا کے رائنو باکسنگ کلب میں بچے باکسنگ کی ٹریننگ کرتے ہیں۔ کٹنگا یوگنڈا کے شہر کمپالا کی ایک بڑی کچی آبادی ہے۔ یہاں بیس ہزار سے زائد افراد شدید غربت کا شکار ہیں۔ اس کلب کو کسی قسم کی بیرونی مالی امداد موصول نہیں ہوتی۔ یہ تصویر ناروے کے فوٹوگرافر جون پیٹرسن نے بنائی ہے۔