وزن کی زیادتی یقینی طور پر ایک خطرناک علامت ہے۔ اگر آپ کا وزن بہت زیادہ ہے تو پھر آپ ذیابیطس کی راہ پر بیٹھے ہوئے ہیں۔

زیادہ وزن کو کم کرنے کے لیے خوراک پر کنٹرول کرنے کے ساتھ ساتھ ہلکی پھلی ورزش، جاگنگ، یا پیدل چلنا بہت ضروری خیال کیا گیا ہے۔ تیس سے ساٹھ منٹ کی ورزش یا واک بہت اہم ہے۔

چیپس یا ایسی دوسری تلی ہوئی خوراک کھاتے رہنا کسی بھی طور پر صحت مندانہ عادت نہیں ہے۔ ایسی عادتوں سے ذیابیطُس کی ٹائپ ٹُو یا diabetes mellitus کا لاحق ہو جانا یقینی ہو جاتا ہے۔

چیپس، چاکلیٹ، پیزا، کیک اور ایسی دوسرے فوڈ آئٹمز’جنک فوڈ‘ میں شمار ہوتے ہیں۔ ایسی اشیا کو ’کیلوریز بم‘ قرار دیا جاتا ہے۔ کہا جاتا ہے کہ یہ صرف ایک منٹ کے لیے انسانی منہ میں رہتی ہیں لیکن ان سے بننے والی چربی ساری عمر ساتھ نہیں چھوڑتی۔

ماہرینِ خوراک کا خیال ہے کہ چاکلیٹ یا کیک کھانے کی شدید طلب ہو رہی ہو تو ایک سیب یا ایک ناشپاتی زیادہ فائدہ مند ہو سکتی ہے۔ اس کے لیے منہ کے ذائقے کو تبدیل کرنا ضروری ہے۔

کھانا پکاتے ہوئے صحت مندانہ طریقہ یعنی کم گھی کا استعمال ایک مناسب انداز ہے۔ مچھلی یا گوشت کے ٹکڑوں کو تیل میں فرائی کرنے کے بجائے اسٹیم کے ذریعے پکائیں۔ جتنی چربی یا گھی انسانی بدن کے اندر جائے گا، اتنا ہی خطرناک ہو گا۔

بازار میں دستیاب مشروبات سے بھی گریز کرنا بہت ضروری ہے۔ ایک گیس والی بوتل میں چھتیس چینی کے کیوبز کے برابر شکر ہوتی ہے۔ کسی مشروب کی طلب کے وقت پانی یا چائے کا استعمال بہتر ہوتا ہے، بس اس کے لیے عادت بنانی پڑتی ہے۔

مشروبات کے متبادل کے طور پر تازہ پھلوں یا سبزیوں کا جوس یا ’سمُودی‘ کا استعمال ایک صحت مند رویہ خیال کیا جاتا ہے۔ سمودی سے لذت اور تازگی حاصل ہوتی ہے۔

یہ ایک طے شدہ حقیقت ہے کہ الکوحل کے حامل ڈرنکس وزن بڑھاتے ہیں۔ نصف لٹر بیئر میں دو سو کیلوریز ہوتی ہیں۔

الکوحل یا شراب پینے سے بھی وزن بڑھتا ہے۔ نصف لٹر شراب یا وائن میں تین سو کیلوریز ہوتی ہیں۔ زیادہ وزن رکھتے ہوئے شراب کے استعمال سے خون میں شکر کی مقدا بڑھ جاتی ہے۔

کافی بڑے شوق سے استعمال کریں۔ طبی ریسرچر نے پتا چلایا ہے کہ کافی میں ایسا مواد ہوتا ہے انسانی بدن میں چینی کے میٹابولزم کے کنٹرول کا باعث بنتا ہے۔ ایک عام آدمی کافی کے چھ کپ روزانہ کی بنیاد پر پی سکتا ہے۔

نیند سے بہتر کوئی دوا نہیں۔ بہتر نیند کے حامل لوگ صحت مند ہوتے ہیں۔ بہتر نیند کے ساتھ ورزش ایک طرح سے سونے پر سہاگے کے مساوی قرار دی جاتی ہے۔ نیند کے دوران بھی بدن کی کیلوریز استعمال ہوتی ہیں اور چربیلے مادے ٹوٹتے ہیں۔

خوراک کی کمی کے باعث ایک خاندان اپنے جانوروں سمیت تھر میں اپنا مستقل مسکن چھوڑ کر ایسے علاقے کی طرف رواں دواں ہے، جہاں کم از کم دو وقت کا کھانا اور سر چھپانے کو جگہ میسر ہو سکے۔ تھر میں خشک سالی کے باعث جانوروں کی بیماریاں بھی پھوٹ پڑی ہیں، جن کی وجہ سے جانور بھی بڑی تعداد میں ہلاک ہوئے ہیں۔

تھرپارکر کے علاقے میں گزشتہ برس بارش میں 30 فیصد کمی ریکارڈ کی گئی۔ اس ضلع کے علاقے ڈپلو، چاکرو اور اسلام کوٹ تو بارش کی بوندوں کے لیے ترستے ہی رہے۔ یہی علاقے پانی کی شدید قلت اور خشک سالی کا شکار ہیں۔ ان علاقوں سے نقل مکانی کر کے آنے والی خواتین مٹھی کے قریب ایک گاؤں میں ایک کنویں سے پانی نکال رہی ہیں۔

تھر کے قریبی شہر مٹھی کے ڈسٹرکٹ ہسپتال میں زیر علاج ان بچوں کے لیے نہ تو مناسب تعداد میں بستر موجود ہیں اور نہ ہی ادویات۔ تصویر میں نظر آنے والی مائیں ایک ہی بیڈ پر پڑے اپنے اپنے بچوں کی دیکھ بھال کر رہی ہیں۔

ایک ننھی بچی کنویں سے نکالے گئے پانی سے اپنی پیاس بجھا رہی ہے۔ بارش نہ ہونے کے باعث خشک سالی کا شکار ہونے والے علاقوں میں بچوں کو پانی اور خوراک کی کمی سے ہی نہیں پالا پڑتا بلکہ بیماریاں بھی ان کی زندگی کے لیے شدید خطرات کا باعث ہوتی ہیں۔

تھر سے تعلق رکھنے والی یہ خواتین صحرا میں ایک کنویں سے پانی نکال رہی ہیں۔ بھارت کی سرحد تک پھیلے ہوئے اس صحرا میں جو تھوڑی بہت کھیتی باڑی ہوتی ہے، اس کا انحصار بارش پر ہوتا ہے۔ بارش نہ ہونے کی صورت میں یہاں کے لوگ بالخصوص کسان خوراک کی شدید قلت کا شکار ہو جاتے ہیں۔

ضلع تھرپارکر میں قائم ایک امدادی کیمپ میں مقیم یہ خاندان حکومت اور مختلف امدادی اداروں کی طرف سے ملنے والی خوراک پر گزر بسر کر رہا ہے۔ شدید خشک سالی کے بعد پیدا ہونے والے حالات پر خبریں شائع ہونے کے بعد یہ علاقہ عالمی توجہ کا مرکز بن گیا ہے۔

دو خواتین دور دراز علاقے میں واقع ایک کنویں سے گھریلو استعمال کے لیے پانی لے کر جا رہی ہیں۔ پینے کے صاف پانی کی قلت کے باعث ان خواتین کے روزمرہ کاموں میں یہ کام بھی شامل ہوتا ہے کہ وہ میلوں کا سفر پیدل طے کر کے پانی لائیں۔

مٹھی کے ڈسٹرکٹ ہسپتال میں اب تک 97 بچے موت کے منہ میں جا چکے ہیں۔ سندھ کے ضلع تھرپارکر کے اس سرکاری ہسپتال کے ذرائع کے مطابق گزشتہ برس دسمبر سے اب تک ہونے والی ان اموات کی وجہ تھر کے علاقے میں پھیلنے والی مختلف بیماریاں تھیں۔