آئی سی سی چیمپئنز لیگ کے دوسرے سیمی فائنل میں بھارت نے بنگلہ دیش کو نو وکٹوں سے مات دے کر فائنل تک رسائی حاصل کر لی ہے۔ اب بھارت کی ٹیم فائنل میچ میں پاکستان کے مد مقابل آئے گی۔
تصویر: Getty Images/AFP/D. Sarkar
اشتہار
جمعرات کے دن ایجبسٹن میں کھیلے گئے دوسرے سیمی فائنل میں بھارتی کرکٹ ٹیم نے شاندار کارکردگی کا مظاہرہ کرتے ہوئے بنگلہ دیش کو تمام شعبہ جات میں مات دے دی۔ بنگلہ دیش نے پہلے کھیلتے ہوئے 264 رنز بنائے لیکن بھارتی بلے بازوں نے اکتالیسویں اوور میں صرف ایک وکٹ کے نقصان پر ہی 265 رنز بنا کر فائنل میں اپنی جگہ پکی بنا لی۔
بھارت کی طرف سے روہت شرما نے 123 جبکہ کپتان ویراٹ کوہلی نے 96 رنز کی شاندار ناقابل شکست اننگز کھیلیں۔ بہترین بلے بازی پر شرما کو میچ کو بہترین کھلاڑی قرار دیا گیا۔ قبل ازیں بنگلہ دیشی ٹیم نے جب اپنی اننگز شروع کی تھی تو معلوم ہوتا تھا کہ وہ تین سو رنز سے زائد اسکور کرنے میں کامیاب ہو جائے گی تاہم بھارت کی عمدہ بولنگ کے باعث ایسا نہ ہو سکا۔
گیارہ روز قبل اسی گراؤنڈ پر گروپ میچ میں بھارت نے پاکستان کو 124 رنز سے ہرایا تھا۔ تاہم پاکستانی ٹیم نے اچھا کم بیک کرتے ہوئے گروپ اسٹیج میں اپنے باقی دونوں میچ جیت کر نہ صرف سیمی فائنل میں جگہ بنائی بلکہ ’فیورٹُ‘ اور میزبان ٹیم انگلینڈ کو شکست دے دی۔ کرکٹ ناقدین کے بقول پاکستان اور بھارت کے مابین اس فائنل میچ میں اگرچہ بھارت فیورٹ ہے لیکن پاکستانی بولنگ اٹیک ایسا ہے کہ وہ بھارتی بلے بازوں کو مشکل میں ڈال سکتا ہے۔
کرکٹ: پاکستان کی تاریخی فتح کی تصویری جھلکیاں
پاکستان نے انتہائی سنسنی خیز مقابلے کے بعد ویسٹ انڈیز کے خلاف کھیلی جانے والی ٹیسٹ سیریز جیت لی ہے۔ مصباح اور یونس کے لیے اس سے بہتر الوداعی تحفہ کچھ اور نہیں ہو سکتا تھا، وہ اسے عمر بھر یاد رکھیں گے۔
تصویر: Getty Images/AFP/M. Ralston
پاکستان نے تیسرے ٹیسٹ میچ کے آخری دن انتہائی سنسنی خیز مقابلے کے بعد ویسٹ انڈیز کے خلاف کھیلی جانے والی تین میچوں کی سیریز جیت لی ہے۔
تصویر: Getty Images/AFP/M. Ralston
وسیٹ انڈیز کے خلاف پاکستانی ٹیم تقریباﹰ ساٹھ برس بعد ایسی کامیابی حاصل کر سکی ہے۔ پاکستان کی کرکٹ کی دنیا میں ایک ایسے خواب کو تعبیر ملی ہے، جو نصف صدی سے بھی زائد عرصے سے دیکھا رہا تھا۔
تصویر: Getty Images/AFP/M. Ralston
ڈومینیکا کے ونڈسر پارک سٹیڈیم میں کھیلے جانے والے تیسرے اور آخری کرکٹ ٹیسٹ میچ کے آخری دن پاکستان ویسٹ انڈیز کو 101 رنز سے سنسنی خیز شکست دینے میں کامیاب رہا ہے۔
تصویر: Getty Images/AFP/M. Ralston
ویسٹ انڈیز کی پوری ٹیم 202 رنز بنا کر آؤٹ ہو گئی جبکہ انہیں جیت کے لیے 304 رنز درکار تھے۔
تصویر: Getty Images/AFP/M. Ralston
ویسٹ انڈیز کے آخری بلے باز شینن گیبریل یاسر شاہ کے اوور کی آخری گیند پر آوٹ ہوئے، تو اس سیریز اور میچ کی کایا ہی پلٹ گئی۔ پاکستان ویسٹ انڈیز کے خلاف یہ سیریز دو، ایک سے جیتنے میں کامیاب رہا ہے۔
تصویر: Getty Images/AFP/M. Ralston
وسری جانب روسٹن چیز نے شاندار بیٹنگ کی لیکن ان کا افسوس کا اظہار کرتے ہوئے کہنا تھا، ’’میں واقعی افسردہ ہوں کہ میں مزید ایک اوور کے لیے زیادہ نہیں ٹھہر سکا۔‘‘
تصویر: Getty Images/AFP/M. Ralston
اس تاریخی فتح کے بعد مصباح کا گفتگو کرتے ہوئے کہنا تھا، ’’آخری سیشن میں بہت ساری چیزیں ایک ساتھ ہو رہی تھیں۔ کیچ ڈراپ ہوئے، اپیلیں ہوئیں، نو بالز کے مسائل ہوئے، ایک لمحے کے لیے تو یوں محسوس ہو رہا تھا کہ ہم جیت نہیں سکیں گے۔‘‘
تصویر: Getty Images/AFP/M. Ralston
شینن گیبریل کے آوٹ ہونے کے بعد مصباح الحق کا کہنا تھا، ’’یہ ناقابل یقین ہے۔‘‘
تصویر: Getty Images/AFP/M. Ralston
مصباح کا مزید کہنا تھا، ’’میں اپنے آپ کے لیے شکر گزار ہوں، ساری ٹیم اور پاکستان کرکٹ کے تمام مداحوں کا بھی کہ ہم اسے جیتنے کے قابل ہوئے۔‘‘
تصویر: Getty Images/AFP/M. Ralston
سیریز کا تیسرا اور آخری ٹیسٹ پاکستانی ٹیم کے کپتان مصباح الحق اور سٹار بیٹسمین محمد یونس کے کیریئر کا آخری ٹیسٹ بھی تھا، جس میں بہت سنسنی خیز مقابلے میں پاکستان کا یہ سیریز دو ایک سے جیت لینا مصباح اور یونس کے لیے یادگار الوداعی تحفہ ثابت ہوا۔
تصویر: Getty Images/AFP/M. Ralston
10 تصاویر1 | 10
دوسری مرتبہ ہو رہا ہے کہ پاکستان اور بھارت کی ٹیمیں کسی آئی سی سی ٹورنامنٹ کے فائنل میں مدمقابل ہوں گی۔ اس سے قبل سن دو ہزار سات میں ٹی ٹوئنٹی عالمی کپ میں دونوں روایتی حریف میدان میں اترے تھے۔ جنوبی افریقہ کے شہر جوہانسبرگ میں کھیلے گئے اس میچ میں ایک سنسی خیز مقابلے کے بعد بھارت نے کامیابی حاصل کر لی تھی۔
پاکستانی کپتان سرفراز احمد کا کہنا ہے کہ فائنل میچ میں بہترین کارکردگی دکھانے کے لیے ہر کھلاڑی تیار ہے۔ انہوں نے کہا ہے کہ انجری کے باعث سیمی فائنل میں شرکت نہ کر سکنے والے محمد عامر فٹ ہو جائیں گے، جس کے باعث پاکستانی بولنگ اٹیک کو ایک نئی توانائی ملے گی۔