پاکستان کا نیا صدر کون ، بغیر نتیجہ مذاکرات ختم
19 اگست 2008اشتہار
زرداری ہاوس میں ہونےوالے اس اجلاس میں پیپلز پارٹی کے شریک چیئر مین آصف علی زرداری ، مسلم لیگ ن کے رہنما محمد نواز شریف، شہباز شریف اور چوہدری نثار علی کے ہمراہ کئی دیگر رہنماوں نئے صدر کی تعیناتی کے بارے میں گفتگو کی۔
زرائع ابلاغ کی رپوٹوں کے مطابق پرویز مشرف کے مستعفی ہونے کے بعد پاکستان مسلم لیگ ن کی قیادت نے مشرف کے محاسبے سے توجہ ہتا کر اپنی توجہ ججوں کی بحالی پر مرکوزکر لی ہے۔
وفاقی وزیر قانون فاروق ایچ نائیک نے صحافیوں سے گفتگو کے دوران کہا تھا کہ ججوں کی بحالی کےمعاملے پر آج اہم فیصلہ کر لیا جائے گا تاہم اس بارے میں بھی ابھی تک کوئی پیش رفت سامنے نہ آ سکی۔