ذرائع کے مطابق جان کیری کو بھارتی وزیر اعظم من موہن سنگھ اور وزیر خارجہ پرناب مکھر جی نےممبئی حملوں کی تحقیقات اور ان میں لشکرطیبہ کے ملوث ہونے کے حوالے سے تفصیلات سے آگاہ کیا۔

بھارت کے اقتصادی دارلحکومت ممبئی پر پچھلے ماہ ہونے والے دہشت گردانہ حملوں کے بعد عالمی رہنماؤں کے بھارت کے دوروں کا تانتا سا بندھ گیا ہے۔ ان حملوں کے بعد امریکی وزیر خارجہ کونڈولیزا رائس، برطانوی وزیراعظم گورڈن براؤن، جرمن وزیر داخلہ وولف گانگ شوئبلے اور کئی دیگرعالمی رہنما پہلے ہی بھارت کا دورہ کر چکے ہیں۔

عالمی رہنماؤں کی جانب سے بھارت کے ان پے درپے دوروں کے باعث اسلام آباد پران حملوں میں ملوث مبینہ پاکستانی تنظیموں کے خلاف کارروائی کے لئے دباؤ میں مسلسل اضافہ ہو رہا ہے۔