پشاور میں دھماکا، دو افراد ہلاک
10 مارچ 2024![Pakistan | Explosion in einer Moschee in Peshawar](https://static.dw.com/image/64554755_800.webp)
پولیس کے مطابق آج اتوار کی صبح پشاور میں دھماکا خیز مواد سے لیس ایک موٹر سائیکل میں اچانک دھماکا ہوا جس کے باعث دو افراد ہلاک اور ایک شدید زخمی ہو گیا ہے۔
پشاور کے سینئر سپرنٹنڈنٹ آف پولیس آپریشنز کاشف عباسی نے بتایا کہ پشاور کے بورڈ بازار کے علاقے میں موجود اس موٹرسائیکل پر 4 سے 5 کلو گرام کے درمیان دھماکا خیز مواد لدا ہوا تھا۔
عباسی نے مزید کہا کہ بہ ظاہر یہ دھماکا خیز مواد وقت سے پہلے پھٹ گیا۔ تاہم انہوں نے یہ واضح نہیں کیا کہ اس دہشت گردانہ عمل کا ہدف کون تھا۔
صوبہ خیبرپختونخوا کا دارالحکومت پشاور کئی دہائیوں سے عسکریت پسند پاکستانی طالبان ٹی ٹی پیکے حملوں کا ہدف رہا ہے۔ اس شہر میں ماضی قریب میں کئی سنگین دہشت گردانہ حملے ہوئے ہیں۔
وزیر اعظم شہباز شریف نے متاثرین کے لیے دعا کی۔ ان کے دفتر کی جانب سے جاری کردہ ایک بیان میں کہا گیا، ''ہم دہشت گردی کو جڑ سے اکھاڑ پھینکنے کے لیے پرعزم ہیں۔‘‘
ر ب/ ع ت (اے پی)