صدر آصف علی زرداری نے پنجاب میں پچیس فروری سے نافذ گورنر راج کے خاتمے کی سمری پر دستخط کر دئیے جس کے بعد وفاقی حکومت نے باقاعدہ نوٹیفیکیشن جاری کر دیا۔

صدر آصف علی زرداری نے پارلیمنٹ کے مشترکہ اجلاس سے خطاب کے دوران وفاقی حکومت کو گورنر راج کے خاتمے کی سفارش کی تھی۔ گورنر راج کے خاتمے کے بعد اگر صوبائی اسمبلی کے اجلاس سے قبل سپریم کورٹ شریف برادران کی نا اہلی کے مقدمہ میں کوئی فیصلہ نہیں سناتی تو اسمبلی کے اجلاس میں قائد ایوان کا انتخاب ہو گا۔ گورنر راج کے خاتمے کا نوٹیفیکیشن جاری ہوتے ہی وفاقی حکومت نے شہباز شریف کے ساتھ کام کرنے والی سرکاری افسروں کی ٹیم کا لاہور واپس تبادلہ کر دیا ہے۔