انٹرنیشنل جنیوا موٹر شو میں اوپل اپنے انسِگنیا ماڈل کا گرینڈ اسپورٹس ورژن پیش کر رہی ہے۔ اس کی قیمت چھبیس ہزار یورو ہے جبکہ گاڑی کا اندرونی حصہ انتہائی متاثر کن ہے۔

فرانسیسی کار ساز ادارہ پیژو ( Peugeot) جنیوا میں ’انسٹنکٹ‘ نامی اپنی کونسیپٹ کار کے ساتھ شریک ہو رہا ہے۔ یہ مکمل طور پر خود کار ہے اور اس میں انٹرنیٹ کی سہولت جنوبی کوریائی کمپنی سام سنگ نے مہیا کی ہے۔

فرانسیسی کار ساز اداروں کے گروپ ’ پی ایس اے‘ میں پیژو کے ساتھ ساتھ سِٹروئن بھی شامل ہے۔ جنیوا میں سِٹروئن اپنی ایک ایسی جیپ پیش کر رہی ہے، جو شہر کے اندر چلانے کے لیے بنائی گئی ہے۔ جیپ کا نام ہے’ سی ایئر کراس کونسیپٹ‘۔

جرمن کار ساز ادارہ فوکس ویگن جنیوا میں’آرٹیؤن‘ نامی ایک گاڑی پیش کر رہا ہے۔ اس گاڑی کا ڈیزائن انتہائی منفرد قرار دیا جا رہا ہے۔

کیا یہ ممکن ہے کہ پورشے کی کسی گاڑی کے انجن کی طاقت 462 ہارس پاور ہو اور وہ ایک سو کلومیٹر فاصلہ صرف ڈھائی لیٹر میں طے کرے؟ جی ہاں پورشے نے اپنے ماڈل پانامیرا ای ہائبرڈ متعارف کرا کے یہ ممکن کر دکھایا ہے۔ جنیوا میں پہلی مرتبہ پانامیرا کی اسٹیشن ویگن پیش کی جا رہی ہے۔

مرسیڈیز نے گزشتہ ایک سال کے دوران اپنے ای کلاس ماڈل کو مکمل طور پر تبدیل کرتے ہوئے ایک نئے انداز سے متعارف کرایا ہے۔ ابھی تک صرف ای کلاس کے کنورٹیبل ماڈل کی کمی تھی اور یہ کمی جنیوا میں پوری کی جا رہی ہے۔

یقین نہیں آتا کہ کیا کچھ ہو سکتا ہے۔ مرسیڈیز ’جی‘ ماڈل جیپ بہت عرصے سے بنا رہا ہے اور یہ انتہائی مقبول بھی ہے۔ تاہم اب یہ گاڑی مائی باخ جی 650 کے طور پر بھی متعارف کرا دی گئی ہے۔ اگر آپ اس گاڑی میں دلچسپی رکھتے ہیں تو اسے خریدنے کے لیے آپ کے پاس پانچ لاکھ یورو ہونے چاہیے۔ مرسیڈیز اس ماڈل کی صرف 99 گاڑیاں تیار کرے گا۔

جرمن کار ساز ادارے بی ایم ڈبلیو جنیوا میں اپنی فائیو سیریز کے ساتھ موجود ہو گا۔

یورپ میں جیپ کی مقبولیت میں تیزی سے اضافے کی وجہ سے ہر کار ساز ادارہ جیپ کا ماڈل متعارف کرانے کی کوشش میں ہے۔ اب اطالوی کار ساز ادارے الفا رومیو کی جیپ بھی جنیوا کار شو میں دیکھنے کو ملے گی۔

جنیوا کار شو میں آپ کو فیراری کی اب تک کی سب سے طاقت ور انجن کی حامل اور سبک رفتار گاڑی دیکھنے کو ملے گی۔ اس گاڑی کا انجن آٹھ سو ہارس پاور کا ہے اور یہ گاڑی صرف 2.9 سیکنڈز میں سو کلومیٹر فی گھنٹہ کی رفتار کو پہنچ جاتی ہے۔

لیمبورگینی ’ایونٹاڈور ایس‘ کے انجن کی طاقت 740 ہارس پاور ہے اور یہ گاڑی ساڑھے تین سو کلومیٹر فی گھنٹہ کی رفتار تک سڑکوں پر دوڑ سکتی ہے۔ اسپورٹس کار کے شوقین اس گاڑی کو جنیوا کار شو میں دیکھ سکتے ہیں۔

اس نمائش میں فیراری کا ’وی ایٹ‘ ماڈل پہلی مرتبہ دنیا کے سامنے پیش کیا جائے گا۔ 670 ہارس پاور (ایچ پی) والی اس کار کی رواں برس ستمبر سے پروڈکشن شروع کر دی جائے گی۔ یہ کار تقریباﹰ آٹھ سیکنڈ میں صفر سے دو سو کلومیٹر فی گھنٹہ کی سپیڈ پر چلی جاتی ہے۔

بی ایم ڈبلیو کے ’الپائنہ بی 6 ایڈیشن 50‘ ماڈل کی صرف پچاس گاڑیاں تیار کی گئی ہیں۔ یہ ایک خصوصی ماڈل ہے اور کمپنی اپنے صارفین کو مخصوص نمبر پلیٹ کے ساتھ بیچے گی۔ یہ کار 330 کلومیٹر فی گھنٹہ کی رفتار سے دوڑنے کی صلاحیت رکھتی ہے۔ اس کی قیمت کم از کم ڈیڑھ کروڑ روپے ہو گی۔

مرسیڈیز نے اپنی کار ’سی ایل اے 45 اے ایم جی‘ کا نام شوٹنگ بریک رکھا ہے۔ اس کی قیمت کا آغاز تقریباﹰ چھیاسٹھ لاکھ روپے سے ہوتا ہے۔ اس کار کو خصوصی طور پر اسپورٹ کار جیسی شکل دی گئی ہے۔

جاپان کے کار ساز ادارے نیسان کی طرف سے ’انفینٹی کیو ایکس 30‘ پیش کی گئی ہے۔ اس کار کی تیاری میں مرسیڈیز کی ٹیکنالوجی بھی استعمال کی گئی ہے۔ اسے بڑے کار ساز اداروں کے تعاون کی مثال قرار دیا جا رہا ہے۔

یہ گاڑی کار ساز ادارے اوپل کی طرف سے جنیوا موٹر شو میں رکھی گئی ہے۔ کورسا او پی سی نامی یہ گاڑی 207 ہارس پاور کی ہے اور اپریل کے آواخر یا مئی کے شروع میں اسے مارکیٹ میں پیش کر دیا جائے گا۔ اس کی قیمت کا آغاز تقریباﹰ اٹھائیس لاکھ روپے سے شروع ہوتی ہے۔

رولس روئس اپنے صارفین کو ’سرینٹی‘ نامی کار کے ذریعے ’امن کی پناہ گاہ‘ فراہم کرنا چاہتی ہے۔ یہ کمپنی اپنے صارفین کو کچھ منفرد پیش کرنا چاہتی ہے۔ اس کار کہ چھت پر ریشم کے ساتھ جاپانی ڈیزائن بنائے گئے ہیں۔

خصوصی گاڑیوں کی فہرست میں کار ساز ادارے فولکس واگن کی ’گولف جی ٹی ڈی‘ نامی کار بھی شامل ہے۔ 184 ہارس پاور کی اس کار کو فیملی کار کہا جا رہا ہے اور تقریباﹰ سینتیس لاکھ روپے میں خریدی جا سکتی ہے۔

کمپنی Edag کی طرف سے لائٹوں سے مزین اسپورٹس کار مارکیٹ میں پیش کی گئی ہے۔ اس کار کو لائٹ کوکُون کا نام دیا گیا ہے۔ نئے میٹریل سے تیار کردہ اس کار کو ماحول دوست قرار دیا جا رہا ہے اور یہ تھری ڈی پرنٹر سے تیار کی گئی ہے۔

نو سو ہارس پاور والی ہائبرڈ ماڈل کی یہ کار پورشے، فیراری اور میکلارن کے اشتراک سے تیار کی گئی ہے۔ یہ کار ثابت کرتی ہے کہ گاڑیوں کی صنعت میں ابھی بہت کچھ کیا جا سکتا ہے۔ 660 کلو وزنی یہ کار 240 کلومیٹر فی گھنٹہ کی رفتار سے دوڑ سکتی ہے۔

آگے پیچھے دو چھوٹے چھوٹے پہیے، ایک اسٹیئرنگ اور بڑا سا لکڑی کا تختہ چیزیں رکھنے کے لیے۔ یہ عجیب و غریب گاڑی چوکُوڈُو کہلاتی ہے اور مشرقی کانگو میں ہی بنتی اور وہیں استعمال ہوتی ہے۔ اسے دھکیلنے کا طریقہ بھی سادہ اور آسان ہے اور موٹر انجن سے چلنے والی گاڑی کا انتہائی سستا متبادل ہے۔

فلپائن میں نقل و حمل کے لیے جیپنی استعمال ہوتی ہے، جو بہت زیادہ دھواں پیدا کرنے کی وجہ سے زیادہ ماحول دوست تصور نہیں ہوتی اور تنقید کا ہدف بنتی ہے۔ اس طرز کی گاڑیاں بہت پرانی بھی ہیں۔ انہیں دوسری عالمی جنگ کے بعد امریکیوں کی چھوڑی ہوئی جیپوں کی مدد سے مقامی رنگ دے کر بنایا گیا تھا۔ اور تو اور وقت کے ساتھ ساتھ اس کے نئے ماڈل بھی آ چکے ہیں۔

بہت کم ہارس پاور کی یہ موٹر سائیکل جنوب مشرقی ایشیائی ملک ویت نام میں بہت کام کی چیز ہے۔ صرف دارالحکومت ہینوئے میں ہی، جس کی آبادی 6.5 ملین نفوس پر مشتمل ہے، ایسی چار ملین موٹر سائیکلز ہیں۔ صرف دو نشستوں والی اس موٹر سائیکل پر پورا کنبہ سما سکتا ہے۔ آج کل ویت نام جانے والے سیاح بھی شوق سے اس پر بیٹھ کر ملک کی سیر کرتے ہیں۔

بانسوں سے بنی یہ ریل نَوری بھی کہلاتی ہے لیکن وقت کے ساتھ ساتھ کمبوڈیا میں نقل و حمل کا یہ ذریعہ کم سے کم نظر آنے لگا ہے۔ کسی زمانے میں یہ گاڑی ایک ہنگامی حل کے طور پر تیار کی گئی تھی۔ سیاحوں میں اسے بے حد مقبولیت حاصل ہے۔ آپ صرف تقریباً پانچ مربع میٹر بڑے چوبی تختے پر زیادہ سے زیادہ پچاس کلومیٹر فی گھنٹہ کی رفتار سے چاول کے کھیتوں اور دیہات کے بیچوں بیچ سے گزرتے ہوئے ملک کی سیر کر سکتے ہیں۔

سیاحوں میں ٹُک ٹُک بھی بہت مقبول ہے، جو تھائی لینڈ میں ہی نہیں بلکہ اور بھی بہت سے ملکوں میں عام نظر آتی ہے۔ یہ ٹریفک کے ہجوم میں بھی ہوا سے باتیں کرتی ہے اور تنگ سڑکوں اور گلیوں سے بھی آسانی سے نکل جاتی ہے۔ یہ مسافروں کو لے جانے والی عام ٹیکسی کا سستا متبادل بھی ہے۔ انہیں آٹو رکشہ بھی کہا جاتا ہے کیونکہ یہ سائیکل رکشہ ہی کی ترقی یافتہ شکل ہیں۔

خود سائیکل رکشہ بھی ہاتھ سے چلنے والی رکشہ کی ترقی یافتہ شکل ہیں، جو کبھی جاپان میں استعمال ہوتی تھی۔ تین پہیوں والی اس سائیکل کو بہت سے ملکوں میں ٹرانسپورٹ کے ایک تیز اور سستے ذریعے کے طور پر استعمال کیا جاتا ہے۔ اس کے مختلف ماڈل ہیں، جن میں سے کئی ایک میں آگے نہیں بلکہ پیچھے بھی بیٹھنے یا سامان لادنے کی جگہ بنی ہوتی ہے۔

افغانستان یا پھر پاکستان میں بھی سامان لانے لے جانے کے لیے صدیوں سے گدھا استعمال کیا جا رہا ہے۔ ٹرانسپورٹ کا یہ روایتی طریقہ پانچ ہزار سال سے بھی زیادہ عرصے سے زراعت کے ساتھ ساتھ انسانوں کو لانے لے جانے یا پھر مال برداری کے لیے بھی استعمال ہو رہا ہے۔ ایندھن سے چلنے والی گاڑیوں کے مقابلے میں گدھا بہت سستا پڑتا ہے۔

بہت سے یورپی باشندے پھر سے ٹرانسپورٹ کے سادہ طریقوں کی طرف رجوع کر رہے ہیں۔ اس بائیسکل کے ذریعے آپ اپنی شاپنگ کا سامان بھی گھر لے جا سکتے ہیں یا پھر ایک ساتھ ایک سے زیادہ بچوں کو بھی ایک سے دوسری جگہ لے جا سکتے ہیں۔ خاص طور پر کولون اور برلن جیسے بڑے شہروں میں اس طرح کے بائیسکل بہت مقبول ہو رہے ہیں۔ ویسے ایسی بائیسکل اتنی سستی بھی نہیں ہے، اس کی کم از کم قیمت ایک ہزار یورو بتائی جاتی ہے۔