گزشتہ برس افریقی ملک سوڈان میں ایک سفید گینڈے کی ہلاکت کو نہایت اہمیت حاصل ہوئی تھی۔ یہ گینڈوں کی اِس نسل کا آخری معلومہ نَر جانور تھا۔ اس طرح کسی حد تک یہ نسل معدوم ہو کر رہ گئی ہے۔ بعض سائنسدان آئی وی ایف ٹیکنالوجی یا مصنوعی طریقے سے اس کی افزائش نسل کی کوشش میں ہیں۔ اگر ایسا ممکن نہ ہو سکا تو یہ نسل اپنے اختتام کو پہنچ جائے گی۔

جنوبی چین میں پایا جانے والا ٹائیگر بھی اپنے معدوم ہونے کے قریب ہے۔ سن 1970 کے بعد جنوبی چینی جنگل میں اس جانور کو نہیں دیکھا گیا۔ مختلف چڑیا گھروں میں ان کی تعداد اسی کے قریب ہے۔ بعض حیوانات کے ماہرین نے اس نسل کو ناپید قرار دے دیا ہے لیکن چین کی تنظیم ’ سیو چینی ٹائیگر‘ کا موقف ہے کہ اس جانور کو بچانے کی کوششیں رنگ لائیں گی۔

خیال کیا جاتا ہے کہ اس نسل کے چیتے اس وقت دنیا بھر میں 80 سے بھی کم رہ گئے ہیں۔ اس چیتے کا علاقہ جنوبی چین، شمالی روس اور جزیرہ نما کوریا ہے۔ اس چیتے کے ناپید ہونے کی وجہ غیرقانونی شکار اور جنگلاتی علاقے کی کٹائی خیال کی جاتی ہے۔ یہ چیتے اس وقت دونوں کوریائی ممالک کے غیر عسکری علاقے میں دیکھے گئے ہیں۔ یہ علاقہ جنگلی حیات کی افزائش کا باعثث بن چکا ہے۔

سمندری حیات میں چپٹی تھوتھنی والی وہیل مچھلی معدوم ہونے کے قریب خیال کی جاتی ہے۔ مارچ سن 2018 تک اس کی معلوم تعداد پندرہ خیال کی گئی تھی۔ بظاہر اس کا براہ راست شکار نہیں کیا جاتا لیکن ایک اور نایاب مچھلی ٹوٹوابا کے پکڑنے والے جال میں پھنس کر انسانی ہاتھوں تک پہنچتی رہی ہے۔ ان دونوں نایاب ہوتی مچھلیوں کا علاقہ خلیج کیلیفورنیا ہے۔ اس کے غیرقانونی شکار کی تمام کوششیں اب تک ناکامی سے ہمکنار ہوئی ہیں۔

ماہرین حیوانات کا خیال ہے کہ سیاہ گینڈے کا مستقبل بھی سفید گینڈے جیسا ہے۔ اس کے تحفظ کی کوششیں بھی رنگ نہیں لا سکی ہیں۔ اس معدوم ہوتے جانور کی مجموعی تعداد پانچ ہزار کے لگ بھگ خیال کی جاتی ہے۔ اس سیاہ گینڈے سے تعلق رکھنے والی تین دوسری قسمیں پوری طرح مِٹ چکی ہیں۔ سیاہ گینڈے بھی غیرقانونی شکار کی وجہ سے معدوم ہو رہے ہیں۔ اس کے سینگ کی مانگ عالمی بلیک مارکیٹ میں بہت زیادہ ہے۔

سرخ بھیڑیے کی نسل بھی ختم ہونے کے قریب پہنچ گئی ہے۔ اس نسل کے تیس جانور باقی بچے ہیں۔ اس نسل کی افزائش بھورے اور امریکی بھیڑیے کے ملاپ سے ممکن ہوتی ہے۔ امریکی بھیڑیے کو سخت حفاظتی کنٹرول کے باعث معدوم ہونے سے بچا لیا گیا ہے۔ سرخ بھیڑیا ایک شرمیلا جانور ہے اور اس کا علاقہ جنوب مشرقی امریکا اور فلوریڈا سمجھے جاتے ہیں۔

اس جانور کی دریافت سن 1992 میں ہوئی تھی اور اس کو ایشیائی ’یک سنگھا‘ یا یونی کورن قرار دیا جاتا ہے۔ ریسرچرز نے ویتنام اور لاؤس کے جنگلاتی علاقوں میں صرف چار ساؤلا کی دستیابی کی تصدیق کی ہے۔ اس نسل کو بھی غیر قانونی شکار اور جنگلوں کی کٹائی کا سامنا ہے۔ مجموعی طور پر جنگلوں اور چڑیاگھروں میں صرف ایک سو ساؤلا کی موجودگی کا اندازہ لگایا گیا ہے۔

زمین کی اعلیٰ مخلوق یعنی انسانوں کے قریب ترین بندروں کی نسل مشرقی گوریلا شکاریوں کی کارروائیوں اور جنگلاتی علاقوں کے کٹاؤ کی وجہ سے ناپید ہونے کے قریب ہے۔ پہاڑی علاقوں میں رہنے والے گوریلا کی تعداد نو سو سے بھی کم ہو چکی ہے جب کہ پہاڑی ڈھلوانی جنگلات میں گوریلا کی ایک ذیلی نسل کے اڑتیس سو جانور باقی رہ گئے ہیں۔ ان کو محفوظ رکھنے کی کوششیں کی جا رہی ہیں لیکن ابھی مثبت نتائج سامنے آنا باقی ہیں۔

انڈونشیا میں سن 2001 میں سماٹرا کے خطے میں اورانگوٹان اور بورنیو بندروں کو دو الگ الگ اسپیشیز قرار دیا تھا مگر اب محققین نے ایک اور نوع دریافت کی ہے، جسے تاپانولی اورانگوٹان کہا جا رہا ہے۔ یہ بندر سماٹرا کے جنوبی حصے میں رہ رہے ہیں۔ محققین کے مطابق ان کی بستی قریب آٹھ سو بندروں پر مشتمل ہے۔

چالیس میٹر یا 130 فٹ اونچا یہ درخت قریب چھپن ہزار کلوگرام وزنی ہے۔ یہ عظیم الحبثہ درخت دینیزیا خوئیرینا فاکاؤ برازیل کے علاقے ایسپیریتو سانتو کے شمالی اٹلانٹک جنگلات سے ملا ہے۔ اس طرف فقط 25 درخت موجود ہیں اور انہیں بقا کے انتہائی خطرے کی شکار نوع حیات میں رکھا گیا ہے۔

یہ نہایت چھوٹا کیڑا نیمپہسٹر کروناؤری کوسٹ ریکا میں چیونٹیوں کے درمیان رہتا ہے۔ یہ کیڑا صرف ایک اعشاریہ پانچ ملی میٹر بڑا ہے۔ اس کا حجم، جسامت اور رنگت کسی مزدور چیونٹی کی طرح ہے۔ جب مقامی چیونٹی کسی اور جگہ منتقل ہوتی ہے، تو یہ کیڑا بھی اس کے ساتھ جگہ بدل لیتا ہے۔ یہ کیڑا اپنے منہ سے چیونٹی کے پیٹ سے چپک جاتا ہے اور بغیر قدم اٹھائے سارا فاصلہ طے کر لیتا ہے۔

مغربی بحرالکاہل میں ماریانا کی سمندری گھاٹی سب سے گہرا سمندری علاقہ ہے۔ یہیں پر سوڈولیپیرس سویرائی نامی یہ مچھلی رہتی ہے۔ بہت چھوٹی سی یہ مچھلی سنیل فش خاندان سے تعلق رکھتی ہے اور یہ صرف 12 سینٹی میٹر لمبی ہے۔ اس سے زیادہ گہرائی پر اب تک کوئی مچھلی دریافت نہیں کی گئی تھی۔ یہ مچھلی سات سے آٹھ ہزار میٹر گہرائی میں رہتی ہے۔

زیادہ تر پودے سورج کی روشنی کی بنا پر فوٹوسینتھیسیس عمل کے ذریعے اپنی غذا تیار کرتا ہے۔ مگر حال میں دریافت کیا جانے والے یہ ایس سوگیموتوئی نامی یہ پودا ان نباتات میں شامل ہے، جو اپنی غذایت دیگر حیات سے حاصل کرتے ہیں۔ یہ پودا فنگس کو نقصان پہنچائے بغیر اس سے اپنی غذا حاصل کر لیتا ہے۔

پانچ سینٹی میٹر جسامت کی یہ غیر فقاریہ جھینگا نما بحر جنوبی کے انتہائی سرد پانیوں میں بستی ہے۔ اس کا نام اپیمیریا کواسیمودو ہے۔ اس سے قبل اس حیات سے ہم واقف نہیں تھے۔

کاناری جزیرے میں جب زیرسمندر آتش فشاں پھٹا تو وہاں پائی جانے والی بیشتر سمندری حیات مٹ گئی۔ مگر سائنس دانوں نے سمندر میں خرد حیات کی پہلی بستیاں دریافت کی ہیں۔ تھیولاوا وینریس، پروٹیو بیکٹیریا کی ایک نئی نوع دریافت کی گئی ہے۔

آسٹریلیا کے کوئنز لینڈ خطے میں سائنس دانوں نے یہ 23 ملین سال پرانا ڈھانچا دریافت کیا ہے۔ یہ ڈھانچا مارسوپیال نما شیر کا ہے۔ اس کی جسامت سربیا کے ہسکی کتے جتنے ہے اور یہ زیادہ تر وقت درختوں میں گزارتا تھا۔ اس کے دانت بتاتے ہیں کہ یہ فقط گوشت پر انحصار نہیں کرتا تھا۔

کیلی فورنیا کے ایکویریم میں یہ یک خلوی حیات دریافت کی گئی ہے۔ پروٹسٹ سین ڈیاگو کے علاقے میں برائن کورل سے دریافت کی گئی ہے۔ اس حیات کا جغرافیائی ماخذ اب تک دریافت نہیں ہو سکا ہے۔

ٹروگلوبیٹک اسپیشیز سے تعلق رکھنے والا یہ شوئیڈیٹس بیلُس بیٹل کی ایک نئی نوع ہے۔ یہ غاروں میں انتہائی تاریک حصوں میں رہتا ہے۔ یہ کیڑا صرف نو ملی میٹر تک کی جسامت کا ہے۔