پاکستان سپر لیگ 2022 (پی ایس ایل) کے پانچویں میچ میں پشاور زلمی کی ٹیم اگرچہ اسلام آباد یونائٹڈ کے خلاف کھیلے گئے ایک میچ میں شکست کھا گئی لیکن اس میچ میں اسلام آباد کی ٹیم کی نمائندگی کرنے والے افغان کھلاڑی رحمان اللہ گرباز کی ایک 'ہیلی کاپٹر شاٹ‘ نے شائقین کے دل موہ لیے۔
اتوار کو کراچی میں کھیلے گئے اس میچ میں پشاور زلمی نے پہلے بلے بازی کرتے ہوئے دارالحکومت اسلام آباد کی ٹیم کو 169 کا ٹارگٹ دیا تھا، اسلام آباد جب اس اسکور کے تعاقب میں تھا تو گرباز نے سولہویں اوور میں پاکستان کے مایہ ناز بولر سہیل خان کو مڈ وکٹ پر چھکا لگا دیا۔
اس چھکے کی خصوصی بات یہ تھی کہ گرباز نے ایک انتہائی اچھی لائن اور لینتھ والی بال کو 'ہیلی کاپٹر شاٹ‘ کے ذریعے باؤنڈری سے باہر پہنچایا۔
سباق لیجنڈری بھارتی ٹیسٹ کپتان مہندر سنگھ دھونی کی ایجاد کردہ اس 'ہیلی کاپٹر شاٹ‘ پر کئی کھلاڑی مہارت حاصل کر چکے ہیں، جن میں بھارتی آل راؤنڈر ہادرک پانڈیا اور دنیش کارتک بھی شامل ہیں۔
تاہم جس انداز میں رحمان اللہ گرباز نے اس شاٹ کو کھیلا، اس پر کرکٹ ناقدین واہ واہ کر اٹھے۔ اسلام آباد کی ٹیم یہ میچ سہولویں اوور میں ہی آسانی سے جیت گئی۔
ہیلی کاپٹر شاٹ میں بلے باز نیچے رہ کر وکٹوں یا پیڈز کی طرف آنے والی گیند کو سیدھا ہی کھڑے بلے کے نچلے حصہ سے کھیلتے ہوئے انتہائی برق رفتاری اور مضبوطی سے مڈ وکٹ کی طرف ہوا میں اٹھاتا ہے۔ اس شاٹ میں بلا اس انداز میں یک دم اتنی تیزی سے گھومتا ہے کہ وہ ہیلی کاپٹر کے پروں جیسا دکھائی دیتا ہے۔
پی ایس ایل میں اس شاٹ کو افغان کھلاڑی راشد خان نے مقبول بنایا ہے تاہم ان کے ہم وطن گرباز نے جس انداز میں سہیل خان کو چھکا لگایا، اس کے چرچے بھارت میں بھی پہنچ گئے، جہاں پی ایس ایل کے شائقین نے انہیں دل کھول کر داد دی۔
پی ایس کے رواں ایڈیشن میں فی الحال دفاعی چیمپئن ملتان سطان چار پوائنٹس کے ساتھ ٹیبل پر پہلے نمبر پر ہے جبکہ کراچی کی ٹیم تینوں میچ ہار کر آخری پوزیشن پر۔
اسلام آباد یونائیٹڈ، پشاور زلمی، کوئٹہ گلیڈیٹرز، لاہور قلندرز اور پشاور زلمی نے ایک ایک میچ جیتا ہے، یوں ان سبھی ٹیموں کے پوائنٹس دو دو ہیں۔ پی ایس ایل 2022 کا فائنل میچ ستائیس فروری کو لاہور میں کھیلا جائے گا۔
’کیپٹن کول‘ مہندر سنگھ دھونی نے محدود اوورز کے کرکٹ فارمیٹ میں بھی کپتان کی ذمہ داری چھوڑنے کا اعلان کر دیا ہے۔ اس موقع پر تذکرہ کرتے ہیں، بھارت کے کامیاب ترین ٹیسٹ کپتان 35 سالہ دھونی کے کیریئر کی کچھ کامیابیوں کا۔
تصویر: APنو سال تک بھارتی کرکٹ ٹیم کی قیادت کرنے والے دھونی نے ٹیم کو کئی ٹرافیاں جتوائیں۔ تاہم جنوری میں ہونے والی انگلینڈ سیریز میں اب وہ ویراٹ کوہلی کی کپتانی میں بطور وکٹ کیپر بلے باز کھیلیں گے۔
وکٹ کیپر بلے باز مہندر سنگھ دھونی بنیادی طور پر جھاڑکھنڈ سے ہیں۔ وہیں رانچی شہر میں 7 جولائی سن 1981 کو ان کا جنم ہوا تھا۔
’ماہی‘ کے نام سے پکارے جانے والے اس کرکٹر نے سن 2005 میں سری لنکا کے خلاف کھیل کر اپنے ٹیسٹ کیریئر کا آغاز کیا تھا۔ چنئی میں کھیلے گئے اس میچ میں بارش نے رکاوٹ ڈال دی تھی۔ اس میچ میں دھونی نے 30 رنز کی انفرادی اننگز کھیلی تھی۔
دھونی نے بھارت کے لیے اب تک 90 ٹیسٹ میچ کھیلے ہیں۔ ان میں انہوں نے قریب 38 کی اوسط سے کل 4876 رنز بنائے، جن میں چھ سنچریاں اور 33 نصف سنچریاں بھی شامل ہیں۔
دھونی نے ٹیسٹ میچوں میں اب تک وکٹ کے پیچھے 256 کیچ پکڑے جبکہ 38 کھلاڑیوں کو سٹمپ آؤٹ بھی کیا۔ اسی لیے وہ بھارتی کرکٹ کے سب سے زیادہ کامیاب وکٹ کیپر مانے جاتے ہیں۔
وکٹ کیپر بلے باز کے طور پر دھونی نے اپنا پہلا ایک روزہ میچ بنگلہ دیش کے خلاف سن 2004 میں کھیلا۔ اس میچ میں دھونی پہلی ہی گیند پر رن آؤٹ ہو گئے تھے۔
سن 2007 میں دھونی کو راجیو گاندھی کھیل رتن سے نوازا گیا جو کہ بھارت میں کھیلوں کا سب سے بڑا انعام ہے۔
اب تک دھونی نے 283 ون ڈے میچ کھیلے ہیں، جن میں انہوں نے 9110 رنز بنائے ہیں۔ ان کا اسٹرائیک ریٹ 88 سے بھی زیادہ ہے۔ اس فارمیٹ میں دھونی نے 9 سنچریاں اور 61 نصف سنچریاں بھی بنائی ہیں۔
دھونی 73 ٹی ٹوئنٹی انٹرنیشنل بھی کھیل چکے ہیں۔ ان کی کپتانی میں ہی بھارت نے سن 2007 میں منعقدہ پہلا ٹوئنٹی ٹوئنٹی ورلڈ کپ جیتا تھا۔ اس میچ میں بھارت نے پاکستان کو فائنل میں شکست دے دی تھی۔
سال 2011 میں دھونی کی کپتانی میں ہی بھارتی ٹیم نے عالمی ورلڈ کپ جیتا تھا۔ دھونی کی قیادت میں ہی دسمبر سن 2009 سے لے کر 18 ماہ تک بھارتی کرکٹ ٹیم دنیا کی نمبر ایک ٹیسٹ ٹیم بنی رہی تھی۔
دھونی نے کمائی کے معاملے میں ماسٹر بلاسٹر سچن تندولکر کو بھی پیچھے چھوڑ دیا ہے۔ پرائیویسی پسند کرنے والے دھونی سب سے زیادہ رقوم کمانے والے بھارتی کھلاڑی ہیں۔
