چٹاگنگ ٹیسٹ : نیوزی لینڈ کامیاب
21 اکتوبر 2008
چٹاگانگ میں کھیلے گئے ٹیسٹ کے پانچویں روز بنگلہ دیشی ٹیم کے تین سو سترہ رنز کے تعاقب میں نیوزی لینڈ نے اپنی دوسری نامکمل اننگزکاآغازایک سوبیالیس رنزدو کھلاڑی آؤٹ سے کیا۔ ڈنیئل ویٹوری اورڈینیئل فلائن کی شانداربیٹنگ کی بدولت کیوی ٹیم نے مطلوبہ تین سوسترہ رنزکا ہدف سات وکٹوں پر پورا کرلیا۔
کیوی کپتان ڈینیئل ویٹوری نے شاندار بیٹنگ کرتے ہوئے 76 رنز کی اننگز کھیلی۔ اسکور کارڈ پر نیوزی لینڈ کے اوپنربلے باز Aaron Redmond ، 79 رنز کے ساتھ ٹاپ اسکورر رہے ۔ عبدالرزاق نے تین اور شکیب الحسن نے دو کھلاڑیوں کو آؤٹ کیا۔
ڈینیئل ویٹوری کو آل راؤنڈ پرفارمنس پر مین آف دی میچ کا ایوارڈدیا گیا۔ دوسری اننگ میں میچ وننگ بیٹنگ کے علاوہ ویٹوری نے اننگز میں چار اور میچ میں نووکٹیں حاصل کیں.
دو میچز کی سیریز میں کیوی ٹیم کو ایک صفر کی ناقابل شکست برتری حاصل ہوگئی ہے ۔ دوسرا اور آخری ٹیسٹ 25 اکتوبر سے ڈھاکہ میں شروع ہوگا.