27 جولائی کو ایک دوہرا کائناتی مظہر دیکھا گیا تھا، جہاں ایک طرف مریخ گزشتہ پندرہ برس میں زمین کے انتہائی قریبی مقام سے گزر رہا تھا، جب کہ ٹھیک اسی وقت چاند گرہن ’بلڈ مون‘ میں تھا۔ ایسے کم یاب مظاہر اربوں برسوں سے اس کائنات کا حصہ ہیں، مگر زمین والوں کو چاند سے زیادہ کسی نے متاثر نہیں کیا۔

صدیوں تک انسان چاند کی پوجا کرتے رہے اور غیرمرئی قوتوں کے تصور کے ساتھ اپنی زندگیوں کو جہتیں دیتے تھے۔ کبھی کبھی وقت کو دنوں اور مہینوں کی بجائے چاند کے ذریعے سمجھا جاتا تھا۔ جرمن علاقے سیکسنی انہالٹ سے سن 1999 میں 37 سو سے 41 سو برس پرانا پیتل کا ایک ٹکڑا ملا تھا، جس پر آسمان کی تصویر، اُس وقت کی فلکیات اور روحانیت کے تصورات کا پتا دے رہی تھی۔

تصویری فنون میں چاند مختلف نوع کے موضوعات کے لیے استعمال ہوتا رہا ہے، کبھی معصومیت اور کبھی خواتین کی جنسی رغبت۔ مگر دنیا بھر میں چاند کو رومانویت سے سب سے زیادہ جوڑا جاتا رہا ہے۔ فنکار چاند کو کسی جادوگر کی طرح پیش کرتے رہے ہیں۔ سن 1820 کا کیسپر ڈیوڈ فریڈرش کا یہ شاہ کار اس کا ثبوت ہے۔

چاند ادب میں ایک غیرمعمولی کردار کا حامل رہا ہے۔ اسے شاعر مختلف استعارات میں استعمال کرتے رہے ہیں۔ گوئٹے کی نظم ’چاند کے لیے‘ اس مظہر کی عکاس ہے۔ اس نظم کا پہلا مصرع ہے، ’جھاڑی اور وادی تو بھری ہوئی ہے۔ اٹی ہوئی ہے اک شعاع سے اور میری روح کی بھاری زنجیریں ٹوٹ رہی ہیں۔

چاند شاید الوؤں اور بھیڑیوں کو گیت گانے پر مجبور کرتا ہے، مگر انسان بھی اسے دیکھ کر ہُوک بھرتے رہے ہیں۔ ماتھیاس کلاؤڈیوس کا گیت ’دھیرے سے چاند ابھرا‘ یا ایلوِس پریسلے کا گیت ’نیلا‘ چاند اس کے اظہاریے ہیں۔

مارک ٹوائن نے ایک بار کہا تھا، ’’ہر کوئی چاند ہے، جس کی ایک جہت سیاہ ہے، جو وہ کسی کو نہیں دکھاتا۔‘‘ قدیم وقتوں سے انسانوں کے بھیڑیوں میں تبدیل ہو جانے جیسے قصے سنائے جاتے رہے ہیں۔ 1941ء میں ’وولف مین‘‘ نامی فلم نمائش کے لیے پیش کی گئی تھی۔

سن 1969 میں پہلی بار انسان چاند پر اترا تو لگتا یوں تھا کہ جیسے زمین کا یہ ذیلی سیارہ اپنے بہت سے موفوق الفطرت راز کھو دے گا۔ اچانک چاند کے قصے پڑھنے والا انسان اس سیارہ پر خود موجود تھا اور تصویریں کھینچ رہا تھا۔ سائنس نے اس سیارے کو فتح کر لیا تھا۔

انسان کے ہاتھوں فتح ہو جانے کے باوجود چاند کا سحر انسان ختم نہ کر سکا۔ آج بھی چاند دنیا بھر کے فنکاروں کو بالکل ویسے ہی متاثر کر رہا ہے، جیسا ماضی میں کرتا رہا۔

یہ مظہر اس لیے وقوع پذیر ہوا، کیوں کہ چاند کی مداروی گردش کے تین مظاہر ایک ساتھ رونما ہوئے، یعنی ایک ہی دن، زمین سے انتہائی قربت کی وجہ سے غیرعمومی طور پر بہت بڑا چاند دکھائی دیا، وہ نیلا بھی اور چاند گرہن کے ساتھ۔

سورج گرہن کے مقابلے میں چاند گرہن کو بغیر کسی خصوصی چشمے یا انتظام کے براہ راست دیکھا جا سکتا ہے اور سائنس دانوں کے مطابق اس مظہر کے براہ راست مشاہدے سے انسانی آنکھ پر اس کے کوئی مضر اثرات مرتب نہیں ہوتے۔

زمین کے گرد گردش کرنے والا سیارہ چاند جب اپنی مداروی گردش کے اعتبار سے زمین سے کم ترین فاصلے پر ہو، تو اس وقت زمین سے مشاہدہ کرنے والوں کو وہ غیرعمومی طور پر بڑا دکھائی دیتا ہے اور اسے ’سپر مون‘ کہا جاتا ہے۔ اس وقت چاند عام دنوں کے مقابلے میں 14 فیصد بڑا اور 30 فیصد زیادہ روشن دکھائی دیتا ہے۔

سرخ روشنی جو آپ اس وقت دیکھتے ہیں، دراصل وہ دھوپ ہے، جو زمینی کرہ ہوائی سے ترچھی ہو کر خلا میں سفر کرتی ہوئی چاند تک پہنچتی ہے۔ یعنی اس وقت فقط دنیا کے مختلف مقامات پر سورج کے طلوع اور غروب ہونے کی روشنی چاند کو چھو رہی ہوتی ہے۔

چاند گرہن کے وقت چوں کہ زمین کا سایہ چاند پر پڑتا ہے، یعنی زمین سورج اور چاند کے عین درمیان آ کر چاند تک پہنچنے والی سورج کی روشنی میں حائل ہو جاتی ہے، اس لیے چاند کی بیرونی دائروی سطح اس موقع پر نارنجی یا سرخ رنگ کا دکھائی دیتے لگتا ہے۔

اس طرح کے واقعات کے مختلف مذاہب میں مختلف نظریات رائج ہیں۔ ایک ہندو اکتیس جنوری کی رات چاند کا نظارہ اور دعا کرتے ہوئے۔

ان تینوں مظاہر کے حامل چاند کا بہترین نظارہ ہوائی، الاسکا، کینڈا، آسٹریلیا اور ایشیا میں کیا گیا۔

بلو مون یا نیلا چاند زمین سے مشاہدے پر ایک ماہ میں دوسری مرتبہ مکمل چاند نظر آنے کو کو کہا جاتا ہے، یہ مظہر ہر دو سال اور آٹھ ماہ کے بعد وقوع پذیر ہوتا ہے۔

اکتیس جنوری کی شب انڈونیشیا کے جزیرے جاوا میں ایک مسجد میں خصوصی تقریب کا اہتمام کیا گیا، جس میں چاند گرہن اور سپر بلڈ مون کے نمودار ہونے پر خصوصی دعا کی گئی۔

اس طرح کا قدرتی مظہر اب اکتیس جنوری سن 2037 میں رونما ہو گا جبکہ اس سے قبل سپر بلو بلڈ مون تیس دسمبر سن انیس سو بیاسی میں رونما ہوا تھا۔ تب یورپ، افریقہ اور مغربی ایشیا میں لوگوں نے اس کا مظاہرہ کیا تھا۔