چین میں آنے والے گزشتہ تین برسوں کے اس بدترین زلزلے میں ہلاکتوں کی تعداد بڑھ کر 203 تک جا پہنچی ہے۔

زلزلے میں بچ جانے والے ابھی بھی مدد کے انتظار میں ہیں۔

لُشان میں کھلے آسمان تلے بڑے بڑے امدادی کیمپ بھی لگائے گئے ہیں، جہاں ڈاکٹروں اور نرسوں کی طرف سے زخمیوں کی ابتدائی طبی امداد فراہم کی جا رہی ہے۔

بین الاقوامی امدادی تنظیم ریڈ کراس کے مطابق ابھی زلزلہ متاثرین کو عارضی رہائش گاہوں اور دیگر اشیاء کی اشد ضرورت ہے۔

یاآن میں موجود امدادی کارکنوں کا مایوسی کا اظہار کرتے ہوئے کہنا تھا کہ لُشان اور اس کے دور دراز پہاڑی علاقوں تک رسائی میں مشکلات پیش آ رہی ہیں۔

یہ علاقہ دنیا کی دو ٹیکٹونِک پلیٹوں (ساختمانی تختیوں) کے درمیان واقع ہے۔ انڈین اور ایشیئن پلیٹیں مسلسل ایک دوسرے سے رگڑ کھا رہی ہیں، جس کے نتیجے میں یہاں زلزلے آتے ہیں۔

حکومت کی طرف سے امدادی اشیاء پہنچانے کے لیے ہیلی کاپٹروں کا استعمال بھی کیا جا رہا ہے۔ دوسری جانب ٹریفک جام کی وجہ سے علاقے میں ابھی تک امدادی اشیاء نہیں پہنچی، ابھی تک وہ راستے میں ہیں۔

چینی وزارت خارجہ کی طرف سے جاری ہونے والے ایک بیان میں کہا گیا ہے، ’’فی الحال چین کے پاس کافی وسائل ہیں۔ چین کی طبی اور ریسکیو ٹیمیں ریلیف فراہم کرنے کے لیے کافی ہیں‘‘۔

چین کی حکومت نے امداد کی پیشکش کرنے والے تمام ملکوں کا شکریہ ادا کرتے ہوئے کہا ہے کہ ان کا ملک اکیلے ہی اس آفت سے نمٹ سکتا ہے۔

گزشتہ روز آنے والے زلزلے کے نتیجے میں زیادہ تر ہلاکتیں لُشان (Lushan) کے علاقے میں ہوئیں، جو وادی یاآن(Ya'an) کے مضافات میں واقع ہے۔

امریکی جیولوجیکل سروے کے مطابق اس کا مرکز یاآن شہر کے قریب لوشان کا علاقہ تھا اور اس کی گہرائی 12 کلومیٹر (ساڑھے سات میل) تھی جب کہ اس کی شدت 6.6 ریکارڈ کی گئی۔

ابتدائی اطلاعات کے مطابق چین کے جنوب مغربی صوبہ سیچوان میں آنے والے زلزلے کے نتیجے میں کم از کم ایک سو پندرہ افراد ہلاک جب کہ 2500 سے زائد زخمی ہو گئے ہیں۔ ہلاکتوں میں اضافے کا خدشہ ظاہر کیا جا رہا ہے۔

اس زلزلے سے سب سے زیادہ یاآن (Ya'an) شہر متاثر ہوا ہے، جو سطح مرتفع تبت کے کنارے پر واقع ہے۔

چین کی سرکاری نیوز ایجنسی Xinhua نے کہا ہے کہ تقریباﹰ چھ ہزار فوجی اور پولیس اہلکار امدادی کارروائیوں میں حصہ لے رہے ہیں۔

سی سی ٹی وی کی رپورٹ کے مطابق راستے بلاک ہو چکے ہیں اور امدادی کارروائیوں میں مشکلات پیش آ رہی ہیں۔

چین کے صدر شی جن پنگ نے فوری طور پر امدادی کارروائیاں تیز تر کرنے کا کہا ہے تاکہ جانی نقصان کم سے کم ہو سکے۔ اس کے علاوہ چینی وزیراعظم لی کیچیانگ نے بھی ہیلی کاپٹر کے ذریعے متاثرہ علاقے کا دورہ کیا ہے۔

چین کے ماہرین زلزلیات کے مطابق زلزلے کی شدت 7.0 تھی۔ چین کی ایک ویب سائٹ ’پیپلز ڈیلی‘ کے مطابق زلزلے کے بعد 260 سے زائد آفٹرشاکس محسوس کیے گئے۔

زخمیوں کو ابتدائی طبی امداد عارضی طور پر قائم کیے گئے طبی کیمپوں میں دی جا رہی ہے۔

اطلاعات کے مطابق اس زلزلے کے نتیجے میں ڈھائی ہزار سے زائد افراد زخمی بھی ہوئے ہیں، جن میں 330 شدید زخمی ہیں۔

سن 2008ء میں بھی کئی دہائیوں کا بدترین زلزلہ سیچوان صوبے میں ہی آیا تھا، جس کے نتیجے میں 87 ہزار افراد ہلاک اور لاپتہ ہو گئے تھے۔