سینٹینل اول کو انتہائی منفرد منصوبوں پر تجربات کے لیے خلا میں بھیجا گیا ہے۔ اس سیٹلائٹ میں ایک خصوصی لیزر نصب ہے اور کی مدد سے بہت تیز رفتاری کے ساتھ اعداد و شمارکا تبادلہ کیا جا سکتا ہے۔ کسی بھی ماحولیاتی آفت کی صورت میں اس لیزر کی ضرورت اور بھی بڑھ جاتی ہے۔

خلا میں بھیجے جانے کے نو روز بعد سینٹینل اول نے پہلی تصاویر اتاریں۔ دیگر یورپی منصوبوں کی طرح برسلز میں ان تصاویر کو بھی دکھایا گیا۔

یہ تصویر پائن آئی لینڈ گلیشئر کی ہے۔ یہ مغربی انٹارکٹیکا کا ایک عظیم الجثہ گلیشئر ہے اور یہاں سے ہر سال اربوں ٹن برف سمندر میں شامل ہوتی ہے۔ تاہم یہ زمینی درجہ حرارت میں اضافے کی وجہ سے شدید متاثر ہو رہا ہے۔ ماہرین کے مطابق گزشتہ دس برسوں کے دوران اس گلیشئر کا سامنے والا حصہ ہر سال ایک کلومیٹر تک سکڑتا رہا ہے۔

کیپریوی شمال مشرقی نمیبیا کا ایک علاقہ ہے۔ دسمبر سے مارچ تک جاری رہنے والی بارشوں کی وجہ سے دریائے سامبیزی سے ملحقہ علاقے سیلاب کا شکار ہو جاتا ہے۔ کیپریوی نمیبیا کا ایسا واحد خطہ ہے، جہاں سال بھر پانی دستیاب رہتا ہے اور اسی وجہ سے یہاں جانور بھی موجود ہوتے ہیں۔

انٹارکٹیکا کا شمالی حصہ جزیرہ نما ہے۔ یہاں پہاڑوں کی اونچائی2800 میٹر تک ہے اور اسے جنوبی امریکا کے پہاڑی سلسلے اینڈن Anden کا تسلسل بھی کہا جاتا ہے۔ انٹارکٹیکا کا یہ جزیرہ نما اپنی خصوصیات کی وجہ سے پورے براعظم میں محققین اور سائنسدانوں کی توجہ کا سب سے بڑا مرکز ہے۔

آؤسٹفونا Austfonna ناروے کا ایک منجمد پہاڑ ہے اور یہ 8120 مربع میٹر پر پھیلا ہوا ہے۔ اس بناء پر اسے یورپ کا سب سے بڑا گلیشئر کہا جاتا ہے۔ سینٹینل اول اور DLR مشن کی جانب سے کی گئی پیمائش کے نتیجے کے مطابق یہ پہلے کے مقابلے میں دس گنا تیزی سے حرکت کر رہا ہے۔

بحر ہند میں واقع مختلف جزائر پر مشتمل ایک گروپ کو انڈامان جزائر کہتے ہیں اور انہی میں سے ایک نارتھ سینٹینل آئی لینڈ بھی ہے۔ 1996ء سے سینٹینل آئی لینڈ پر سیاحوں کا داخلہ ممنوع ہے۔ یہاں پر آباد افراد نے باقی ماندہ دنیا سے اپنا تعلق ختم کر دیا ہے۔

سالار دی یُویونی دنیا میں نمک کا سب سے بڑا صحرا ہے۔ اس کی بیرونی سطح دس ہزار سال پہلے ایک جھیل کے سوکھنے کی وجہ سے قائم ہوئی تھی۔ نمک کا یہ صحرا سطح سمندر سے 3600 میٹر بلندی پر جنوبی امریکی ملک بولیویا کے جنوب مغرب میں واقع ہے۔