نیلام کیے جانے والے بیش قیمت زیورات میں موتیوں سے جڑے نیکلس، ہیرے اور ملکہ کے بالوں کی لٹ والی انگوٹھی شامل ہیں۔ ان زیورات کو تقریباً دو صدیوں کے بعد جنیوا میں قائم ’سدے بیز‘ نیلام گھر میں فروخت کیا جائے گا۔ یہ زیورات فرانسیسی ملکہ کے زیراستعمال رہے تھے۔ سدے بیز کی ترجمان کے مطابق یہ انتہائی تاریخی نوادرات کی نیلامی ہے۔

فرانس کی مشہور ملکہ میری اینٹونیٹ ویانا میں دو نومبر سن 1755 پیدا ہوئی تھیں۔ وہ آسٹریائی ملکہ ماریا تھریسا کی سب سے چھوٹی بیٹی تھیں۔ سن 1793ء میں انقلاب فرانس کے بعد انقلابی عدالت کے فیصلے کے تحت صرف اڑتیس برس کی ملکہ کا سر تن سے جدا کر دیا گیا اور نعش ایک گمنام قبر میں پھینک دی گئی۔ اُن کی شادی فرانسیسی باشاہ لوئی اگسٹ سے ہوئی تھی۔

نیلامی کے لیے میری اینٹونیٹ کے گلے کا آویزہ بھی رکھا گیا ہے۔ اس میں جڑا قدرتی موتی اٹھارہ ملی میٹر لمبا ہے۔ توقع ہے کہ اس کی نیلامی ایک سے دو ملین ڈالر کے درمیان ممکن ہے۔ اس موتی والے آویزے کو فرانسیسی ملکہ نے صرف ایک مرتبہ پہنا تھا۔

نیلامی کے لیے رکھے گئے شاہی زیورات میں ہیرے کا بروچ اور کانوں کے پہننے والی بالیاں بھی شامل ہیں۔ ان زیورات کو نیلام کرنے سے قبل ہانگ کانگ، نیویارک، میونخ اور لندن سمیت دنیا کے کئی شہروں میں نمائش کی گئی تھی تا کہ خریدار نیلامی کے وقت اپنی بولی کا تعین کر سکیں۔

ایک ایسی انگوٹھی بھی نیلام کے لیے موجود ہے، جس پر ملکہ میری اینٹونیٹ کے نام کے ابتدائی حروف ایم اے دکھائی دیتے ہیں اور ان میں گلابی ہیرے جڑے ہیں۔ اس کے علاوہ اسی انگوٹھی میں ملکہ کے بالوں کی ایک لٹ بھی موجود ہے۔ اس وقت یہ تمام زیورات اطالوی شاہی خاندان بوربن پارما کے کنٹرول میں ہیں۔

انقلاب فرانس کے بعد ملکہ میری اینٹونیٹ نے فرار کی کوشش کی تھی۔ اس کوشش سے قبل اپنے زیورات ایک لکڑی کے صندوق میں رکھ کر برسلز روانہ کر دیے تھے، جہاں سے یہ صندوق آسٹریائی بادشاہ کو پہنچا دیا گیا۔ ملکہ کے فرار کا منصوبہ ناکام ہو گیا لیکن اُن کی اکلوتی بیٹی تھریسا کو سن 1795 میں رہا کر دیا گیا اور جب وہ آسٹریا پہنچی تو لکڑی کا صندوق انہیں دے دیا گیا تھا۔

جنیوا کے سدے بیز کے نیلام گھر میں جو تاریخی اشیاء نیلامی کے لیے رکھی ہوئی ہیں، ان میں ملکہ میری اینٹونیٹ کے دوست اور شوہر کے بھائی چارلس دہم کے ملکیتی ہیرے بھی شامل ہیں۔

ایک بھارتی خاتون سنگھار میز کے سامنے کھڑی زیور پہنے رہی ہے۔ طلائی زیورات میں جانے کیا کشش ہوتی ہے کہ انہیں دیکھتے ہی خاص طور پر خواتین کی آنکھیں چمکنے لگتی ہیں۔ حال ہی میں سونے کی قیمتوں میں چار فیصد کی کمی کے سبب عالمی منڈی میں گولڈ کمپنیوں کو آٹھ ارب ڈالر کا نقصان پہنچا۔ ماہرین کے مطابق اس سے قبل 2010ء میں سونے کی قیمتوں میں ریکارڈ کمی واقع ہوئی تھی۔

ہندوؤں کی شادی کی رسوم میں دولہا اپنی دلہن کو سونے کے ہار پہناتا ہے۔ دو ہزار بارہ و تیرہ کے کے مالی سال کے دوران بھارت نے اس قیمتی دھات کو درآمد کرنے پر 54 ارب ڈالر خرچ کیے، جس کے غیر ممالک کے ساتھ تجارتی توازن اور کرنسی کے استحکام پر منفی اثرات مرتب ہوئے کیونکہ شماریاتی اعتبار سے سونا ایک ’غیر ضروری برآمدی شَے‘ ہے۔

بھارت میں لوگ سونے سے بے پناہ لگاؤ رکھتے ہیں۔ ایک اندازے کے مطابق بھارتی شہری روزانہ 2.3 ٹن یعنی ایک چھوٹے سے ہاتھی کے وزن کے برابر سونا خریدتے ہیں۔ بھارتی گھرانوں کی تقریباً نصف بچت اسی قیمتی دھات کی صورت میں ہوتی ہے۔

ہندوؤں کے ہاں یہ عقیدہ ہے کہ انسان بار بار جنم لے کر اس دنیا میں آتا ہے۔ ہندوؤں کی مذہبی روایات میں پُر تعیش دنیاوی ساز و سامان کو ہرگز کوئی ایسی بُری شَے خیال نہیں کیا جاتا کہ جسے انسان کو چھپانا چاہیے۔ ان کے خیال میں یہ چیزیں یہ ثابت کرتی ہیں کہ پچھلے جنم میں انسان کے اعمال اچھے تھے۔ بھارتی شہری بائیس قیراط کے زیادہ خالص سونے کو ترجیح دیتے ہیں۔

صنعتی تنظیم ورلڈ گولڈ کونسل کے اندازوں کے مطابق بھارت کے مندروں میں چڑھاوے کے طور پر عطیہ کیے جانے والے سونے کی مقدار بڑھ کر دو ہزار ٹن تک پہنچ چکی ہے۔ جنوبی بھارتی وِشنو مندر پدمانابھاسوامی کو سب سے زیادہ دولت مند خیال کیا جاتا ہے۔ 2011ء میں اس مندر کے زیر زمین چیمبرز سے تقریباً بیس ارب ڈالر کے برابر مالیت کا سونا اور ہیرے جواہرات دریافت ہوئے تھے۔

مایہ ناز بھارتی کرکٹر سچن ٹنڈولکر سونے کا وہ سکہ دکھا رہے ہیں، جن پر اُن کی تصویر کندہ ہے۔ مئی 2013ء میں ایک مذہبی تہوار کے موقع پر اس طرح کے ایک لاکھ سکے جاری کیے گئے تھے۔ بڑے ہندو تہواروں سے پہلے ہمیشہ زیادہ بڑی مقدار میں سونا خریدا اور درآمد کیا جاتا ہے۔

بھارت کے مرکزی بینک نے چند ایک مندروں سے اپنے سونے کے ذخائر ظاہر کرنے کی درخواست کی ہے، جس پر مندروں کی جانب سے کوئی زیادہ جوش و خروش ظاہر نہیں کیا گیا۔ اگر ان ذخائر کا کچھ حصہ ملکی منڈی میں فراہم کر دیا جائے تو سونے کی ان درآمدات میں کمی ہو جائے گی، جو بھارتی کے منفی تجارتی توازن میں اہم کردار ادا کرتی ہیں۔

نئی دہلی حکومت نے سال رواں کے وسط میں طلائی زیورات کی درآمد پر ٹیکس بڑھا دیا تھا، جس سے حکومت کو تجارتی خسارے میں نمایاں کمی کرنے میں مدد ملی ہے۔ تاہم بھارتی شہریوں کی نظر میں سونے کی کشش اتنی زیادہ ہے کہ ماہرین طویل المدتی بنیادوں پر سونے کی درآمدات میں کمی کی توقع نہیں کر رہے۔

سیندک کے مقام پر تانبے کی دریافت سن 1901 میں ہوئی لیکن یہاں کام کا آغاز 1964 میں شروع کیا گیا۔ انیس سو اسی کی دہائی میں معدنیات کی باقاعدہ پیداوار کے لیے ’سیندک میٹل لمیٹڈ‘ کی جانب سے منصوبے پر کام کا آغاز کیا گیا۔

حکومت پاکستان نے منصوبے پر کام کے لیے پہلا معاہدہ چینی کمپنی ’چائنا میٹالارجیکل کنسٹرکشن کمپنی‘ (ایم سی سی ) کے ساتھ کیا۔ ابتدا میں آمدنی کا 50 فیصد حصہ چینی کمپنی جب کہ 50 فیصد حصہ حکومت پاکستان کو ملنے کا معاہدہ طے کیا گیا تھا۔ پاکستان کی مرکزی حکومت اپنی آمدنی سے دو فیصد بلوچستان کو فراہم کرتی تھی تاہم بعد میں یہ حصہ بڑھا کر 30 فیصد کیا گیا۔

سیندک کاپر اینڈ گولڈ پروجیکٹ میں ملازمین کی کل تعداد اٹھارہ سو کے قریب ہے جن میں چودہ سو کا تعلق پاکستان جب کہ چار سو ملازمین کا تعلق چین سے ہے۔

سیندک منصوبے پر ایم سی سی نے اکتوبر 1991 میں کام شروع کیا۔ سن 1996 میں بعض وجوہات کی بنا پر اس منصوبے پر کام روک دیا گیا اور پروجیکٹ کے تمام ملازمین کو ’گولڈن ہینڈ شیک‘ دے کرفارغ کر دیا گیا۔

سن 2000 میں پاکستان کی مرکزی حکومت نے سیندک منصوبے کو لیز پر دینے کے لیے ٹینڈر جاری کیا۔ چینی کمپنی ایم سی سی نے ٹینڈر جیت کر مئی 2001 سے دس سالہ منصوبے پر کام کا آغاز کیا۔

سیندک کے علاقے سے اب تک لاکھوں ٹن سونا، تانبا ، چاندی اور کاپر نکالا جا چکا ہے۔ نکالے گئے ان معدنیات میں سب سے زیادہ مقدار کاپر کی ہے۔ ایک اندازے کے مطابق سیندک سے مائننگ کے دوران اب تک دس لاکھ ٹن سے زائد ذخائز نکالے جا چکے ہیں۔

چینی کمپنی ایم سی سی نے دفتری کام اور پیداواری امور سرانجام دینے کے لیے ’ایم سی سی ریسورس ڈیویلمنٹ کمپنی‘کے نام سے پاکستان میں رجسٹریشن حاصل کی ہے۔ اس منصوبے کے معاہدے کی معیاد 2021ء تک ختم ہو رہی ہے اور چینی کمپنی علاقے میں مزید مائننگ کی بھی خواہش مند ہے۔

سیندک میں مائننگ کے دوران ڈمپر اسی سے پچانوے ٹن خام مال کو سیمولیٹر کے پاس زخیرہ کرتے ہیں۔ بعد میں سیمولیٹر سے خام مال ریت بن کر دوسرے سیکشن میں منتقل ہو جاتا ہے۔ پلانٹ میں خام مال مختلف رولرز سے گزر کر پانی اور کیمیکلز کے ذریعے پراسس کیا جاتا ہے اور بعد میں اس میٹیرئیل سے بھٹی میں بلاک تیار کیے جاتے ہیں۔

سیندک کے مغربی کان میں کھدائی مکمل ہوچکی ہے تاہم اس وقت مشرقی اور شمالی کانوں سے خام مال حاصل کیا جا رہا ہے۔ پروجیکٹ میں مائننگ کا یہ کام چوبیس گھنٹے بغیر کسی وقفے کے کیا جاتا ہے۔

ماہرین کے بقول خام مال سے ہر کاسٹنگ میں چوالیس سے پچپن کے قریب بلاکس تیار کیے جاتے ہیں جن کا مجموعی وزن سات کلوگرام سے زائد ہوتا ہے۔

سیندک میں سونے تانبے اور چاندی کے تین بڑے ذخائر کی دریافت ہوئی۔ سیندک کی تہہ میں تانبے کی کل مقدارچار سو بارہ ملین ٹن ہے جسے حاصل کرنے کے لیے انیس سال کا منصوبہ تیار کیا گیا ہے اور یہ معاہدہ سن 2021 میں اختتام پذیر ہو رہا ہے۔

سیندک پروجیکٹ سے پاکستان کو سالانہ اربوں روپے کا زر مبادلہ حاصل ہو رہا ہے۔ منصوبے میں ملازمین کی کم از کم تنخواہ اسی سے سو ڈالر جب کہ زیادہ سے زیادہ تنخواہ پندرہ سو ڈالر کے قریب ہے۔