پاکستان کے صوبہ سندھ کے شہر حیدرآباد میں روہنگیا اقلیت کے حق میں کیے گئے احتجاجی مظاہرے میں میانمار کی رہنما آنگ سان سوچی کی تصویر والے بینرز جلائے گئے۔ یہ مظاہرہ حیدرآباد کے باسیوں اور شہر کی ایک فلاحی تنظیم کے ارکان نے کیا تھا۔

گزشتہ ہفتے چھ ستمبر کو انڈونیشیا کے دارالحکومت جکارتہ میں میانمار کی سفارت خانے کے قریب ایک بڑا احتجاجی مظاہرہ کیا گیا۔ انڈونیشیا کے مسلمان مظاہرین نے میانمار میں روہنگیا اقلیت کے ساتھ ہونے والے تشدد کو فوری طور پر بند کیے جانے کا مطالبہ کیا۔

اس تصویر میں دیکھا جا سکتا ہے کہ جکارتہ میں ہونے والے احتجاجی مظاہرے میں شامل افراد میانمار سفارت خانے کے بالکل قریب اس کے ارد گرد لگی خار دار باڑھ تک پہنچ گئے ہیں۔

روسی شہر گروزنی کے احمد کادیروف اسکوائر میں روسی مسلمانوں نے اپنے ہم مذہب روہنگیا کے حق میں گزشتہ ماہ کے اواخر میں احتجاجی مظاہرہ کیا تھا۔ اس تصویر میں مظاہرین پوسٹرز اٹھائے ہوئے ہیں جن پر لکھا ہے،’’ روہنگیا مسلمانوں کی نسل کشی بند کی جائے۔‘‘

روس کے شہر گروزنی میں مظاہرین کی ایک بڑی تعداد میانمار میں روہنگیا اقلیت کے ساتھ برتے جانے والے مبینہ امتیازی سلوک اور تشدد کے خلاف احتجاج کر رہی ہے۔ اقوام متحدہ کے ایک حالیہ بیان کے مطابق میانمار میں جاری تشدد کے نتیجے میں ہلاک ہونے والوں کی تعداد ممکنہ طور پر ایک ہزار سے زائد ہو سکتی ہے، جس میں بڑی تعداد روہنگیا مسلمانوں کی ہے۔

روس کے دارالحکومت ماسکو میں گزشتہ ہفتے سینکڑوں مسلمانوں نے میانمار کی فورسز اور بدھ مت کے ماننے والوں کی جانب سے روہنگیا مسلمانوں پر ہونے والے مبینہ مظالم کے خلاف مظاہرہ کیا۔ اس تصویر میں ماسکو میں قائم میانمار کے سفارت خانے کے باہر یہ مظاہرین نماز پڑھ کر روہنگیا کے حق میں دائیں مانگ رہے ہیں۔

ماسکو میں تین ستمبر کو ہونے والے مظاہرے میں شامل ایک شخص کو میانمار کی ریاست راکھین میں مسلمانوں پر ہونے والے تشدد کے خلاف مذمتی تقریر کرتے دیکھا جا سکتا ہے۔

بھارت کے شہر نئی دہلی میں گزشتہ ہفتے پانچ ستمبر کو روہنگیا اقلیت کے ساتھ یکجہتی کے طور پر انڈین پارلیمنٹ کے سامنے ایک مظاہرہ کیا گیا۔ مظاہرین نے ہاتھوں میں پلے کارڈز اٹھا رکھے تھے جن میں سے ایک پر تحریر تھا کہ عالمی میڈیا کو راکھین کی ریاست میں جانے کی اجازت دی جائے۔

ایسا ہی ایک احتجاج جرمن دارالحکومت برلن میں بھی کیا گیا۔ مظاہرین نے برلن میں میانمار کے سفارت خانے کے سامنے کھڑے ہو کر بینرز بلند کر رکھے تھے۔ تصویر میں ایک بینر پر لکھا ہے کہ میانمار میں مسلمانوں کی نسل کشی ہو رہی ہے۔

آنگ سان سوچی انیس جون 1945ء کو رنگون میں پیدا ہوئی تھیں۔ برطانوی نو آبادیاتی دور میں رنگون برما کا دارالحکومت ہوا کرتا تھا۔ وہ برما کے ایک قومی ہیرو آنگ سانگ کی بیٹی تھیں۔ ان کے والد برما کی آزادی دیکھ نہیں سکے تھے، 1947ء میں وہ ایک قاتلانہ حملے میں ہلاک ہو گئے تھے۔ یہ تصویر آنگ سانگ پر قاتلانہ حملے سے تھوڑی دیر پہلے لی گئی ہے۔

آنگ سان سوچی بھارت میں پروان چڑھیں اور انہوں نے اعلٰی تعلیم برطانیہ میں حاصل کی۔ ان کے شوہر اور دونوں بیٹے برطانوی شہری ہیں۔ 1988ء میں میانمار میں فوجی حکومت کے خلاف چلنے والی پرتشدد تحریک کے دوران وہ وطن واپس پہنچیں۔ 26 اگست 1988ء کو سوچی نے اپنے پہلے خطاب میں جمہوریت کی بات کی۔

امن و امان کی ریاستی کونسل نے 1990ء میں میانمار میں انتخابات کرانے کی اجازت دی۔ آنگ سان سوچی کی جماعت نیشنل لیگ فار ڈیموکریسی ’این ایل ڈی‘ اسی فیصد نشستیں جیتنے میں کامیاب ہوئی لیکن فوجی حکومت نے ان نتائج کو بالکل نظر انداز کر دیا۔

1989ء میں انتخابات سے قبل آنگ سان سوچی کو پہلی مرتبہ نظر بند کیا گیا۔ انہیں کئی مرتبہ یہ سزا دی گئی اور 2010ء تک وہ تقریباً 15 برس نظر بندی میں گزار چکی تھیں۔ فوجی حکومت نے ان کی نقل و حرکت تو محدود کر دی لیکن وہ ان کی کرشماتی شخصیت کے جادو کو روک نہ سکی۔

آنگ سان سوچی کو 1991ء میں جمہوریت اور انسانی حقوق کے لیے ان کی خدمات کے عوض امن کا نوبل انعام دیا گیا۔ انہیں خدشہ تھا کہ فوجی حکومت انہیں میانمار میں دوبارہ داخل نہیں ہونے دے گی، اس لیے ان کے بیٹے کم نے اوسلو میں یہ ایوارڈ وصول کیا۔

نظر بندی کے دوران آنگ سان سوچی کی سیاسی جماعت کے کارکن اور دنیا بھر میں ان کے حامی سیاستدان ان کی رہائی کے مطالبے کرتے رہے۔ نوبل انعام کے علاوہ انہیں مغربی اقوام کی جانب سے متعدد دیگر ایوارڈ بھی دیے گئے۔

13 نومبر2010ء کو آنگ سان سوچی کی نظر بندی مکمل طور پر ختم کر دی گئی۔ نظر بندی کا خاتمہ سوچی اور فوجی حکومت کے مابین ان مذاکرات کے نتیجے میں ممکن ہوا، جو 2007ء سے جاری تھے۔ فوجی حکومت بین الاوقامی سطح پر اپنے تنہائی کو ختم کرنا چاہتی تھی۔

2012ء میں آنگ سان سوچی پہلی مرتبہ پارلیمان پہنچی۔ ان کی جماعت این ڈی ایل نے ضمنی انتخابات میں 45 میں سے 43 نشستین حاصل کی تھیں۔ 1990ء کے بعد یہ پہلے انتخابات تھے، جن میں اس جماعت کو حصہ لینے کی اجازت دی گئی تھی۔ 2015ء کے اواخر میں میانمار میں دوبارہ عام انتخابات کرانے کا اعلان کیا جا چکا ہے۔

جولائی 2012ء میں آنگ سان سوچی نے اوسلو جا کر بیس سال بعد اپنا امن کو نوبل انعام وصول کیا۔ اس موقع پر انہوں نے خطاب کرتے ہوئے کہا ’’ اس ایوارڈ نے جمہوریت کے لیے چلائی جانے والی تحریک میں میری لہمیت بڑھائی تھی۔‘‘ ساتھ ہی سوچی نے عالمی برادری نے میانمار میں جاری اصلاحات میں تعاون کی درخواست بھی کی۔

2012ء کے آخر میں امریکی صدر باراک اوباما نے میانمار کا دورہ کیا۔ اس دوران اوباما نے آنگ سان سوچی سے اسی گھر میں ملاقات کی، جس میں وہ کئی برسوں تک نظر بند رہی تھیں۔

2014ء میں آنگ سان سوچی نے جرمنی کا دو روزہ دورہ کیا۔ اس موقع پر برلن میں جرمن صدر یوآخم گاؤک نے سوچی سے ملاقات کی اور انسانی حقوق اور اس دوران جمہوریت کے لیے خدمات کو تسلیم کرتے ہوئے انہیں ولی برانڈ ایوارڈ بھی دیا گیا۔

آنگ سان سوچی اگلے انتخابات کے بعد ملکی صدر نہیں بن سکتیں۔ میانمار کے آئین کے مطابق کوئی بھی سیاستدان، جس کے بچے یا شوہر غیر ملکی شہریت رکھتے ہوں، اس منصب پر فائز نہیں ہو سکتا۔ اس وجہ سے قوی امید ہے کہ 2015ء کے انتخابات کے بعد سوچی کو کوئی اور اہم ترین منصب دیا جائے گا۔