شدت میں کمی مگر اب بھی طاقتور: سمندری طوفان 'ڈوریان‘ کینیڈا کے مشرقی ساحلی علاقوں سے ٹکرا گیا ہے۔ ڈوریان کی وجہ سے ان علاقوں کے تقریباً ساڑھے چار لاکھ گھروں کو بجلی کی فراہمی منقطع ہو گئی ہے۔
تصویر: Reuters/J. Morris
اشتہار
کینیڈا کے مشرقی ساحلی علاقے میں واقع اکثر گھروں میں ہفتے کی شب اندھیرا تھا۔ اس کی وجہ سمندری طوفان ڈوریان تھا، جس کے ساتھ ڈیڑھ سو کلومیٹر فی گھنٹہ کی رفتار سے چلنے والی ہواؤں نے صوبہ نووا سکوشیا کے نظام زندگی کو درہم برہم کیا۔ علاقوں میں سیلاب کی صورتحال تھی۔ تیز ہواؤں کے باعث درخت اور کھمبے اکھڑ چکے تھے۔
نووا سکوشیا میں توانائی فراہم کرنے والی کمپنی کے مطابق ڈوریان نے خطے میں بجلی کی ترسیل کو شدید متاثر کیا ہے اور تقریباً ساڑھے چار لاکھ گھر اس کی لپیٹ میں آئے ہیں۔ حکام نے بتایا کہ ہوا کی شدت کم ہونے کے بعد ہی مرمت شروع کی جا سکے گی اور اس مقصد کے لیے اضافی ٹیمیں تیار بیٹھی ہیں۔
تصویر: picture-alliance/The Canadian Press/A. Vaughan
نووا سکوشیا پاور کمپنی کی جانب سے ٹویٹر پر جڑوں سے اکھٹرے ہوئے درختوں اور بجلی کے گرے ہوئے کھمبوں کی تصاویر جاری کی گئی ہیں۔ محکمہ موسمیات کے مطابق اب یہ سمندری طوفان شمال مشرق کی جانب سے آگے بڑھ رہا ہے۔ اسی وجہ سے نیو فاؤنڈ لینڈ اور لیبراڈور کے ساحلی علاقوں میں پہلے ہی ممکنہ طور پر بجلی کی فراہمی منقطع ہونے اور طوفانی لہروں کا انتباہ جاری کر دیا گیا ہے۔
ڈوریان کو گزشتہ دنوں درجہ پانچ کی شدت کا سمندری طوفان قرار دیا گیا تھا اور یہ اسی طاقت کےساتھ کیریبیئن جزیرے بہاماس سے ٹکرایا تھا۔ اس کے نتیجے میں سیاحت کے لیے مقبول اس جزیرے پر کم از کم 43 افراد ہلاک اور ہزاروں بے گھر ہوئے تھے۔ امریکی حکام کے مطابق کیوبا اور فلوریڈا کے مابین واقع اس جزیرے پر ستر ہزار افراد کو فوری امداد کی ضرورت ہے۔
سمندری طوفان فلورنس: تصاویر کے آئینے میں
طاقتور سمندری طوفان فلورنس، امریکا کے مشرقی ساحلی علاقے میں بڑے پیمانے پر تباہی اور ہلاکتوں کا سبب بنا ہے۔ ڈی ڈبلیو نے اس تباہی کا جائزہ لیا ہے۔
تصویر: Getty Images/C. Somodevilla
سمندری طوفان فلورنس: ایک تباہ کن سفر
فلورنس نامی اس سمندری طوفان کی شدت کیٹگری پانچ سے کم ہو کر اب کیٹگری ایک رہ گئی ہے۔ لیکن امریکی ساحل سے ٹکرانے سے قبل یہ 560 کلومیٹر رقبے پر پھیلا ہوا تھا۔ 220 کلومیٹر فی گھنٹے سے چلنے والی انتہائی تیز ہواؤں نے اسے ایک خوفناک قدرتی آفت بنا دیا تھا۔
تصویر: Getty Images/C. Somodevilla
گھروں کی تباہی
اس طوفان کے سبب کم از کم پانچ افراد کے ہلاک ہونے کی تصدیق ہو چکی ہے۔ امریکی ریاست شمالی کیرولینا میں ایک درخت ایک گھر پر گرنے کے سبب ایک ماں اور اس کا بچہ ہلاک ہوئے جبکہ خاتون کا شوہر شدید زخمی ہو گیا۔ حکام کو خدشہ ہے کہ طوفان جب علاقے سے گزر جائے گا تو ہلاکتوں کی تعداد میں اضافہ سامنے آ سکتا ہے۔
تصویر: Reuters/E. Munoz
دیہات پانی میں بہہ گئے
ہنگامی حالات سے نمنٹنے والے کارکنوں نے نیو بیرن کے علاقے میں پھنسے قریب 500 افراد کو بچایا۔ شمالی کیرولینا میں قائم کیے گئے مختلف ہنگامی پناہ کے مراکز میں 20,000 سے زائد لوگوں نے پناہ لے رکھی ہے۔ امریکا کے ’نیشنل ہریکین سنٹر‘ نے تباہ کن سیلاب سے متنبہ کیا ہے۔
تصویر: Getty Images/C. Somodevilla
معیشت کے لیے ڈراؤنا خواب
حکام نے اس طوفان کے سبب ہونے والی تباہی کا اندازہ 60 بلین ڈالرز کے قریب لگایا ہے۔ امریکی صدر ڈونلڈ ٹرمپ نے کہا ہے کہ وہ اس علاقے کا دورہ کریں گے مگر ’اُس وقت جب یہ بات یقینی ہو کہ ان کے دورے کے باعث امدادی کاموں میں رکاوٹ نہیں پڑے گی‘۔
تصویر: Reuters/E. Munoz
آرام کا وقت نہیں
امریکی ریاست شمالی کیرولینا کے گورنر رائے کُوپر نے تاہم متنبہ کیا ہے کہ زیادہ تباہ کن صورتحال ابھی بعد میں سامنے آ سکتی ہے کیونکہ شدید بارشوں کا سلسلہ کئی دن تک جاری رہ سکتا ہے۔ انہوں نے ان بارشوں کو ایک ہزار سال کی سب سے زیادہ بارشیں قرار دیتے ہوئے کہا کہ اس سے کیرولینا کے رہائشیوں کی زندگیاں تبدیل ہو سکتی ہیں۔