کابل میں خودکش حملہ، کم از کم 24 ہلاک
17 ستمبر 2019![Afghanistan | Selbstmordanschlag in Kabul](https://static.dw.com/image/50457363_800.webp)
اشتہار
افغانستان میں صدارتی انتخابات میں دو ہفتوں سے بھی کم وقت باقی رہ گیا ہے اور ان دنوں انتخابی مہم زوروں پر ہے۔ افغان طالبان اس انتخابی عمل کو سبوتاژ کرنے کی دھمکی دے چکے ہیں۔
افغان وزارت داخلہ کے ترجمان نصرت رحیمی کے مطابق حملہ آور ایک موٹر سائیکل پر سوار تھا اور اس نے ریلی کی طرف جانے والے راستے پر چیک پوائنٹ پر خود کو دھماکے سے اڑا لیا۔ خبر رساں ادارے روئٹرز کے مطابق اس حملے کی ذمہ داری طالبان نے قبول کر لی ہے۔
خبر رساں ادارے اے ایف پی نے کابل کے ایک ہسپتال کے سربراہ ڈاکٹر عبدالقاسم سنگین کے حوالے سے بتایا ہے کہ اس خودکش دھماکے کے نیتجے میں کم از کم 32 دیگر افراد زخمی ہیں۔ ان کا کہنا ہے کہ ہلاک اور زخمی ہونے والوں میں خواتین اور بچے بھی شامل ہیں۔
افغانستان میں صدارتی انتخابات کا انعقاد 28 ستمبر کو ہوگا۔
ا ب ا / ش ج (اے ایف پی، اے پی، روئٹرز)