ہر سال اس فن تعمیر کو دیکھنے کے لیے سات ملین سیاح آتے ہیں۔ اس طرح دنیا میں سب سے زیادہ سیاح اسی شاہکار کو دیکھنے آتے ہیں۔

آئفل ٹاور کی بلندی تین سو میٹر سے زائد ہے۔ اپنے افتتاح کے وقت یہ دنیا کی سب سے اونچی عمارت تھی۔ اسے 1889ء کے عالمی میلے کے لیے تیار کیا گیا تھا۔ منصوبے کے مطابق اسے بیس سال بعد منہدم کر دیا جانا تھا۔ تاہم عسکری مواصلاتی آلات اور موسمیاتی آلات کی تنصیب کی وجہ سے یہ منہدم کیے جانے سے بچ گیا۔

آئفل ٹاور انجینیئر الیگزانڈر گستاف کا شاہکار ہے۔ اس پر 7.8 ملین فرانک کی لاگت آئی تھی اور زیادہ تر اخراجات گستاف نے ہی برداشت کیے تھے۔ تاہم افتتاح کے بعد پہلے ہی برس کے دوران بڑی تعداد میں سیاحوں کی آمد سے ہونے والی آمدنی کی وجہ سے گستاف اپنے اخراجات پورے کرنے میں کامیاب ہو گئے تھے۔

آئفل ٹاور کی تیاری میں اٹھارہ ہزار آہنی ٹکڑے اور پچیس لاکھ میخیں یا کیلیں استعمال ہوئی ہیں اور اس کا وزن دس ہزار ٹن سے زائد ہے۔ ہر سات سال میں اسے نیا رنگ کیا جاتا ہے اور اس کام پر تقریباً ڈیڑھ سال لگتے ہیں۔

آئیفل ٹاور کو مکمل ہونے میں دو سال اور دو مہینے کا عرصہ لگا تھا۔ پیرس میں فن کے شعبے سے تعلق رکھنے والوں نے اس آہنی مینار پر تنقید کی تھی۔ اکتیس مارچ 1889ء کو اس کے افتتاح کے موقع پر تمام تر احتجاج ختم ہو چکے تھے۔

ہر شام آئفل ٹاور پر بیس ہزار برقی قمقمے روشن ہوتے ہیں۔ خصوصی مواقعوں پر تو اس مینار کو مختلف انداز میں روشن کیا جاتا ہے۔ مثال کے طور پر چودہ جولائی کو منائے جانے والے قومی دن، فرانسیسیوں کے من پسند گلوکار جونی ایلیدے کی یوم وفات اور 2016ء کے دہشت گردانہ حملوں کے بعد یہاں علامتی طور پر چراغاں کیا جاتا ہے۔

یہ تصویر فرانسیسی ماؤنٹین بائکر ہوگ ریشرڈ کی ہے۔ ان کے علاوہ کوہ پیماؤں، کراس موٹر سائیکلسٹ اور بنجی جمپ کرنے والوں نے بھی اپنے چیلنجز پورا کرنے اور نئے ریکارڈ بنانے کے لیے آئفل ٹاور کا انتخاب کیا۔

آئفل ٹاور کی چھت پر پہنچنے والے سیاح پیرس میں نہیں بلکہ اس شہر کے اوپر ہوتے ہیں۔ یہ منظر دیکھنے کے لیے دنیا بھر سے آئے ہوئے سیاح آئفل ٹاور کی تقریباً سترہ سو سیڑھیاں چڑھتے ہیں۔ اس کے علاوہ اس ٹاور میں پانچ مختلف لفٹس بھی نصب ہیں۔

آئفل ٹاور سے غروب آفتاب کا منظر انتہائی متاثر کن ہوتا ہے۔ اس منظر سے لطف اندوز ہونے کے لیے سیاحوں کی بڑی تعداد اس ٹاور کی چھت پر سورج کے غروب ہونے کا انتظار کرتی ہے۔ آئفل ٹاور کے بغیر پیرس ناقابل تصور۔۔

فیلیپ گیلوک نے اس مجسمے کو اپنی ذات سے مشابہت دی ہے۔ ان کا یہ بھی کہنا ہے کہ اس مجسمے میں نظر آنے والی بلی کو تخلیق کرنا ایک مشکل امر تھا۔ انہوں نے مجسمے میں بلی ٹانگوں کی تراش خراش کو اپنی ایک عمدہ کاوش قرار دیا ہے۔

مجسمہ ساز فیلیپ گیلوک کا کہنا ہے کہ اس مجسمے میں بیلجیم کی روح نے ایک بار پھر جنم لیا ہے۔ ان کا کہنا ہے کہ بیلجیم کو بہترین آب و ہوا اور بہت سارے ذخائر کے ساتھ شاندار ورثہ بھی درکار ہے۔ گیلوکے کے خیال میں بیلجیم کے لوگ انا کے بغیر اور عمدہ ذوق رکھتے ہیں۔

گیلوک کا کہنا ہے کہ ایک مرتبہ کار نے بلی کو کچل دیا تھا اور اس کے بعد’کئی کاریں بلی‘ کے نیچے آ چکی ہیں۔ بیلجیم کے اس فنکار نے طنزیہ انداز میں اس کی وضاحت کی ہے۔ اس سے مراد یہ ہے کہ کئی افراد نے حادثات کے ڈر سے اپنی کاریں چلاناچھوڑ دی ہیں کیونکہ انہیں اپنی جانیں عزیز ہیں۔ ان کا یہ بھی مقصد ہے کہ سڑکوں پر معصوم جانوروں اور خاص طور پر کسی بلی کو حادثے کا شکار نہیں ہونا چاہیے۔

یونانی دیو مالا کی روایت ہے کہ ٹایٹن اٹلس نے آفاقی کہکشاں تھام رکھی ہے اور دنیا کا کنٹرول ایک بلی کے کندھوں پر دھرا ہے۔ فیلیپ گیلوک کے تمام مجسمے رواں برس جون سے فرانسیسی شہروں میں نمائش کے لیے رکھے جائیں گے اور پھر انہیں اٹلی، سوئٹزرلینڈ اور لکسمبرگ لے جایا جائے گا۔ یہ تمام مجسمے سن 2024 میں گیلوکے کے برسلز میں قائم ہونے والے ’کیٹ میوزیم‘ میں رکھ دیے جائیں گے۔

ہر بلی جیت کی حقدار ہے لیکن سوال یہ ہے کہ مقابلے میں کون ہے۔ پیرس کی مشہور شاہراہ پر مجسموں کی نمائش کے لیے کوئی رقم ادا نہیں کی گئی۔ دوسری جانب گیلوک نے اپنے مجسموں کی تخلیق کا خرچ برداشت کرنے کے لیے انہیں قبل از وقت فروخت بھی کرنے کا سلسلہ جاری رکھا۔ ان کا کہنا ہے کہ ہر مجسمہ تین لاکھ یورو کا ہے یعنی تین سو یورو فی کلو۔ ان کے سولہ مجسمے فروخت ہو چکے ہیں۔

انسان اپنا وزن کم کرنے کے لیے انواع و اقسام کی کوششیں کرتے ہیں لیکن ایسی کوئی کوشش بلیوں کے مجسموں پر کامیاب نہیں ہو پا رہی۔ شانزے لیزے میں رکھے گئے اس مجسمے کا وزن بھی بقیہ کی طرح قریب ایک ٹن ہے۔ تمام مجسمے اور ان کے لیے بنیادی سامان بیلجیم میں تیار کیا گیا۔

اس بلی سے بیوقوف مت بنیں، اس نے صرف ڈاکٹر کا لباس پہن رکھا ہے۔ اس کی پشت پر کھانا کھانے والا کانٹا ہے تا کہ وہ کسی پرندے کا شکار کر کے اسے کھا سکے۔ گیلوک کے مطابق بلی بھی انسانوں کی طرح ایک کام کرنے کے بعد اس کا الٹ سوچتی ہے۔

اس مجسمے میں گیلوک کی پسندیدہ بلی دیکھی جا سکتی ہے۔ ان کا یہ کہنا ہے کہ سنگتراش آگسٹے روڈین نے صرف ایک مجسمے کو سوچا تھا لیکن انہوں نے جس بلی کا مجسمہ بنایا ہے وہ بول بھی سکتی ہے۔

اس مجسمے کے ذریعے گیلوک نے شارلی ایبدو جریدے کے دفتر پر سن 2015 میں کیے گئے دہشت گردانہ حملے میں ہلاک ہونے والوں کو خراج عقیدت پیش کیا ہے۔ ان کے مطابق اس حملے میں مرنے والوں کی یاد میں اب بھی آنسو نکل پڑتے ہیں۔

فیلیپ گیلوک کی شہرت بلی کے ان مجسموں کی وجہ سے ساری دنیا میں پھیل چکی ہے۔ ان کے کامک البمز کی چودہ ملین کاپیاں فروخت ہو چکی ہیں۔ ان میں سے زیادہ تر فرانسیسی بولنے والے ممالک میں فروخت ہوئی ہیں۔ وہ پچھلے تیس سالوں سے کامک لکھ رہے ہیں۔ شانزے لیزے پر ان کے مجسموں کی نمائش رواں برس پانچ جون تک جاری رہے گی۔