اس نمائش میں جرمنی کے تعاون سے ثقافتی ورثے کو محفوظ بنانے کے پروگرام کے تحت مکمل کیے جانے والے پندرہ منصوبوں کی تفصیلات پیش کی گئیں۔

نمائش کا اہتمام لاہور کے تاریخی شاہی قلعے میں کیا گیا۔ جرمنی کی مدد سے والڈ سٹی لاہور اتھارٹی نے اس شاہی قلعے میں موجود ایک تصویری دیوارکو کامیابی کے ساتھ اصلی شکل میں بحال کرکے محفوظ بنایا ہے۔ شاہی قلعے کی یہ دیوار مغلیہ دور کے تعمیراتی کارکنوں کی غیر معمولی مہارت اور ہنر مندی کی عکاس ہے۔

اس نمائش کا افتتاح پاکستان میں جرمنی کے سفیر بیرنہارڈ شِلاگ ہیک نے کیا۔ اس موقعے پر ان کا کہنا تھا کہ ثقافتی ورثہ قوموں کی شناخت کا لازمی حصہ ہوتا ہے اس لیے ثقافتی ورثے کی حفاظت ہم سب کی ذمہ داری ہے۔ یاد رہے انیس سو اسی کی دہائی کے آغاز سے لے کر اب تک جرمنی پاکستان میں ثقافتی ورثے کو محفوظ بنانے کے لیے تقریباﹰ ایک ملین یورو خرچ کر چکا ہے۔

جرمنی کے سفیر نے شرکا‎‎‎ء کے ایک سوال کے جواب میں کہا کہ تاریخی عمارتوں کی بحالی کے حوالے سے جرمنی کی مہارت کو دوسرے ملکوں کے ساتھ بانٹنے سے نہ صرف شراکت داری کا جزبہ پروان چڑھتا ہے بلکہ ثقافتی مکالمے کو بھی فروغ ملتا ہے۔

اس نمائش کے شرکا‎‎‎ء کو بتایا گیا کہ جرمنی کے وفاقی محکمے نے انیس سو اکیاسی میں ثقافتی اہمیت کی حامل عمارات کو محفوظ بنانے کے ایک پروگرام کا آغاز کیا تھا۔ اس کا مقصد ثقافتی ورثے کو محفوظ بنانا، ثقافتی تنوع کو فروغ دینا اور لوگوں کو ان کی قومی شناخت کے حوالے سے مزید آگاہی فراہم کرنا تھا۔

اس نمائش میں مختلف شعبہ ہائے زندگی سے تعلق رکھنے والے افراد موجود تھے۔ افتتاحی تقریب میں آرٹس اورثقافت سے دلچسپی رکھنے والے افراد کے علاوہ فنون لطیفہ سے تعلق رکھنے والے تعلیمی اداروں کے طلبہ و طالبات بھی شریک ہوئے۔

پاکستان میں جرمنی کے سفیر کو لاہور شہر سے متعلق لکھی گئی ایک کتاب بھی پیش کی گئی۔ ان کو والڈ سٹی لاہور کی اتھارٹی کے ڈائریکٹر جنرل کامران لاشاری کی طرف سے تہنیتی تحائف بھی پیش کیے گئے۔

شاہی قلعے کی سیر کو آنے والے سیاحوں کی بڑی تعداد نے اس نمائش میں دلچسپی لی۔ اس نمائش کی تشہیر کے لیے شاہی قلعے کے مختلف حصوں میں تعارفی اسٹینڈیز بھی نصب کیے گئے۔

جرمنی نے اندرون شہر کے علاقے گلی سرجان سنگھ میں بارہ تاریخی گھروں کی بحالی اور ان کی خوبصورتی کو آئندہ نسلوں کے لیے محفوظ بنانے کے لیے بھی معاونت فراہم کی تھی۔ اس منصوبے کو دوہزار چودہ میں یونیسکو ایشیا پیسفل ایوارڈ برائے ثقافتی بحالی بھی دیا گیا تھا۔

آسٹریلوی حکومت نے ملک بھر میں مختلف اسٹرابری کے ڈبوں میں سوئیوں کی موجودگی کی فوجداری تفتیش شروع کر دی ہے۔ سوئیوں والے اسٹرابری آسٹریلیا کی سات ریاستوں کے چھ اضلاع میں عام صارفين کے ليے دستیاب تھیں۔ سوئی والی ایک اسٹرابری کھانے کے سبب ایک شخص کو ہسپتال بھی لے جايا جا چکا ہے۔

رواں برس آسٹریلیا کے لوگوں کو اسٹرابری احتیاط سے کھانے کی تلقین کی گئی ہے تو جرمن لوگ بھی ڈبل روٹی کھانے میں احتیاط برتے آئے ہيں ۔ جنوری ميں جنوب مغربی جرمن شہر اوفنبیرگ کے ایک روز مرہ کی اشیاء کے اسٹور میں ڈبل روٹی کے علاوہ خوراک کی کئی دوسری اشیاء میں سے پنیں ملی تھیں۔

جرمن والدین میں سن 2017 میں اُس وقت خوف و ہراس پھیل گیا جب ماہِ ستمبر میں فریڈرش ہوفن شہر میں بچوں کی خوراک کے ایک جار میں سے زہریلا مواد ملا تھا۔ اس کے استعمال سے ایک بچے کی موت بھی واقع ہوئی۔ ایک پچپن سالہ شہری نے دھمکی دی کہ اگر اسے دس ملین یورو نہ دیے گئے تو مزید زہریلے مادے والے جار مارکیٹ ميں بھيج دیے جائیں گے۔ اس شخص کو گرفتار کر لیا گیا اور اُس نے زہر ملانے کے جرم کا اعتراف بھی کیا تھا۔

سن 2016 میں پاکستانی صوبے پنجاب میں زہریلے لڈو کھانے سے کم از کم تیس افراد ہلاک ہو گئے تھے۔ مٹھائی میں زہر ملانے کا واقعہ دانستہ تھا۔ مٹھائی فروش کے بھائی نے ایک معمولی تلخ کلامی کے بعد لڈو تیار کرنے کے مواد میں زہر ملا دیا تھا۔ اس شخص کو گرفتار کر لیا گیا تھا۔ ان زہریلے لڈوؤں کے کھانے سے ستر سے زائد افراد کو موت و حیات میں مبتلا رہنا پڑا تھا۔

سن 2003 میں اٹلی میں مضر پانی کی بوتلوں کی دستیابی کے بعد شدید عدم بےچینی پائی گئی۔ ان بوتلوں میں بلیچنگ پاؤڈر کا محلول اور ایسیٹون کے مادے ٹیکا لگانے والی سرنجوں سے منتقل کیے گئے تھے۔ پولیس نے ماحول دوستوں اور بنیاد پرست عناصر پر ایسا کرنے کا شبہ ظاہر کیا تھا۔

سن 1982 میں امریکی شہر شکاگو میں ایسے سات افراد ہلاک ہو گئے تھے، جنہوں نے درد سے نجات کی ایسی گولیاں کھائی تھیں جن میں سنکھیے زہر کے اجزاء موجود تھے۔ یہ معاملہ ابھی تک حل طلب ہے اور اس باعث کوئی بھی مشتبہ شخص حراست میں نہیں لیا گیا تھا۔ اس واقعے کے بعد دوا ساز کمپنیوں سے مطالبہ بھی کیا گیا کہ وہ ایسی پیکنگ بنائے جن میں گولیاں ہر ممکن طریقے سے محفوظ رہ سکیں۔