امریکہ میں ڈیموکریٹک پارٹی کی صدارتی امیدوار کملا ہیرس کا کہنا ہے کہ ان کے خیال سے ان کے مدمقابل امیدوار ڈونلڈ ٹرمپ ایک فاشسٹ ہیں۔ انہوں نے یہ بات ان رپورٹوں کے پس منظر میں کہی، جس میں کہا گیا ہے کہ ٹرمپ نے ایڈولف ہٹلر کی تعریف کی ہے۔

بدھ کی رات کو سی این این کے زیر اہتمام ٹاؤن ہال میں منعقدہ ایک تقریب میں خطاب کے دوران جب اینکر اینڈرسن کوپر نے کملا ہیرس سے پوچھا کہ کیا وہ ٹرمپ کو فاشسٹ سمجھتی ہیں؟

ٹرمپ سے مقابلہ: کملا ہیرس اپنی میڈیکل ہسٹری عام کریں گی

تو اس کے جواب میں ہیرس نے کہا، "ہاں، میں مانتی ہوں۔" ان کا مزید کہنا تھا، "اور میں یہ بھی مانتی ہوں کہ اس موضوع پر جو لوگ انہیں سب سے بہتر طور پر جانتے ہیں، ان پر اعتماد کیا جانا چاہیے۔"

کملا ہیرس کا طوفان سے متاثرہ امریکی ریاست کا دورہ

'ٹرمپ امریکہ کی سلامتی کے لیے خطرہ ہیں'، کملا ہیرس

کملا ہیرس نے اس بارے میں ٹرمپ انتظامیہ کے متعدد سابق اہلکاروں کا حوالہ دیا، جن میں ان کے قومی سلامتی کے مشیر اور نائب صدر بھی شامل ہیں۔

ان کا کہنا تھا کہ انہوں (ٹرمپ کے سابق ساتھیوں) نے واضح طور پر کہا ہے کہ ٹرمپ نے امریکی آئین کی توہین کی ہے۔ ان کا تو یہ بھی کہنا ہے کہ انہیں دوبارہ کبھی بھی امریکی صدر کا عہدہ نہیں ملنا چاہیے۔"

کملا ہیرس نے مزید کہا کہ "میرا خیال ہے کہ ڈونلڈ ٹرمپ امریکہ کی فلاح و بہود اور اس کی سلامتی کے لیے خطرہ ہیں۔"

امریکی صدارتی انتخابات: ٹرمپ اور ہیرس کے درمیان گرما گرم مباحثہ

ٹرمپ پر ہٹلر کی تعریف کرنے کا الزام

کملا ہیرس نے ٹرمپ کے خلاف یہ تازہ تبصرے نیویارک ٹائمز کی اس رپورٹ کے بعد کیے ہیں، جس میں  کہا گیا ہے کہ ٹرمپ کے سب سے طویل عرصے تک رہنے والے چیف آف اسٹاف جان کیلی نے کہا تھا کہ سابق صدر نے دفتر میں رہتے ہوئے جرمن آمر ایڈولف ہٹلر کی کھل کر تعریف کی تھی۔

کیلی نے اخبار نیویارک ٹائمز کو بتایا ہے کہ ڈونلڈ ٹرمپ نے کہا کہ "ہٹلر نے بھی کچھ اچھے کام کیے ہیں" اور یہ کہ امریکی فوج کے بجائے وہ "اڈولف ہٹلر جیسے جرنیل رکھنا چاہتے تھے۔"

کملا ہیرس کی ملکی اور بین الاقوامی امور پر پالیسیاں کیا ہوں گی؟

ٹرمپ نے اپنے سوشل میڈیا پلیٹ فارم ٹروتھ سوشل پر ایک پوسٹ میں ان واقعات کی تردید کی ہے۔ انہوں نے دعویٰ کیا کہ جان کیلی نے "ایک کہانی بنائی ہے۔"

ٹرمپ اور کملا ہیرس کی ہیکنگ میں 'ایران ملوث' ہے، امریکہ

ابتدائی پولنگ میں ریکارڈ تعداد میں ووٹنگ

فلوریڈا یونیورسٹی کی الیکشن لیب کے ٹریکنگ ڈیٹا کے مطابق امریکی انتخابات میں ابتدائی طور پر پڑنے والی ووٹنگ میں تقریباً 25 ملین لوگ پہلے ہی ووٹ ڈال چکے ہیں۔ یہ ووٹنگ یا تو ذاتی طور پر پولنگ مرکز جا کر یا پھر میل ان بیلٹ کے ذریعے ہوتی ہے۔

شمالی کیرولینا اور جارجیا سمیت کئی ریاستوں نے ابتدائی ووٹنگ کے پہلے ہی دن ووٹنگ کا نیا ریکارڈ قائم کیا۔

تازہ پول سروے کے مطابق فی الوقت کملا ہیرس اور ٹرمپ سخت مقابلے والی سات اہم ریاستوں میں برابری پر چل رہے ہیں۔

ص ز/ ج ا (اے پی، اے ایف پی)