اس سلسلے کے 63 ویں میلے میں جہاں جہاں دنیا بھر سے چندہ فلمیں سینما کے پردے پر دیکھی جارہی ہیں وہی فلمی صنعت سے وابستہ مشہور شخصیات سے جڑی دیگر خبروں کا بھی چرچہ ہے۔ کن میں بہت سے فلم سازوں نے ایک ایسی پٹیشن پر اپنے نام لکھ دئے ہیں جو متنازعہ فلمساز رومن پولانسکی کی امریکہ منتقلی چاہتے ہیں۔ اپنے فن کے ماہر پولانسکی ان دنوں سوئٹزرلینڈ میں اپنے گھر میں قید ہیں کیوں کہ انہوں نے  1977ء میں ایک تیرہ سالہ بچی کے ساتھ جنسی تعلق کا اعتراف کررکھا ہے۔ ہالی وڈ کے مشہور ستارے مائیکل ڈگلس نے البتہ اس پٹیشن پر اپنا نام لکھنے سے انکار کردیا ہے۔ ڈگلس کے بقول ہرچند کے وہ پولانسکی کے مداح ہیں تاہم وہ بطور امریکی ہرگز یہ پسند نہیں کریں گے کہ ایسے شخص کی حمایت میں اپنا نام لکھیں جس نے قانون کی خلاف ورزی کی ہو۔ ڈگلس کی فرانس میں منعقدہ اس میلے میں آمد کا مقصد اوولیور سٹون کی فلم Wall Street-Money Never Sleeps کی ترویج ہے۔

کن کے میلے کی عوامی دلچسپی کی ایک اور وجہ اطالوی وزیر اعظم سلویو بیرلسکونی کے حوالے سے بنائی گئی دستاویزی فلم Draquila: Italy Trembles ہے۔ سابینا گوزانتی نامی مزاح نگار نے اس فلم میں مائیکل موور کی طرز پر اطالوی وزیر اعظم کی مبینہ بدانتظامیوں کا احاطہ کیا ہے۔ بنیادی طور پر کن کے فلمی میلے میں بیس منتخب فلموں میں سے Palme d'Or یعنی Golden Palm کے اعزاز کے لئے بہترین فلم کا انتخاب کیا جاتا ہے۔ اس کے علاوہ بھی متعدد ضمنی مقابلوں میں متعدد طویل اور مختصر دورانئے کی فلمیں اور ڈاکومینٹریز نمائش کے لئے پیش کی جاتی ہیں۔

رپورٹ : شادی خان سیف ادارت : عدنان اسحاق