دلکش سیاہ گاؤن میں ملبوس ماہرہ خان نے جب پندرہ مئی کی خوبصورت شام کن کے ریڈ کارپٹ پر قدم رکھے تو سبھی کی مرکز نگاہ بن گئیں۔ چند روز قبل کراچی میں ایک نیوز کانفرنس میں ماہرہ نے کہا تھا کہ وہ کن میلے میں پہلی بار شرکت کر رہی ہیں، جس پر وہ خوش بھی ہیں اور نروس بھی۔

ماہرہ خان کو مشہور بیوٹی برانڈ لوریال نے گزشتہ برس اکتوبر کے مہینے میں برانڈ کے لیے بطور پہلی ایمبیسیڈر نامزد کیا تھا۔ جبکہ ماہرہ ’لکس گرل‘ کا ٹائٹل بھی اپنے نام کروا چکی ہیں۔

اس تصویر میں ماہرہ خان حسین سفید گاؤن میں ملبوس نظر آ رہی ہیں۔ کن کے چار روزہ عالمی فلمی میلے میں ماہرہ کی مختلف تصاویر جو انہوں نے انسٹا گرام پر پوسٹ کیں، دیکھتے ہی دیکھتے سوشل میڈیا پر بھی وائرل ہو گئیں۔

یوں تو اس میلے میں ایشوریا رائے سمیت بھارت کے کئی دلکش چہرے شامل تھے لیکن دیکھنے والوں کا کہنا ہے کہ ماہرہ سب سے بڑھ کر حسین نظر آ رہی تھیں۔

گزشتہ برس جولائی میں خوبرو ماہرہ خان کو آٹھویں بیروت انٹرنیشنل فلم فیسٹیول میں دو انعامات سے نوازا گیا تھا۔ پاکستانی اور بھارتی میڈیا نے ماہرہ خان کے لبنانی فلمی میلے میں شرکت کی خبریں نمایاں سرخیوں کے ساتھ شائع کی تھیں۔

ماہرہ خان عالمی شہرت یافتہ اداکارہ ہیں۔ یوں تو انہوں نے متعدد پاکستانی ڈراموں میں کام کیا لیکن اُن کی اصل وجہ شہرت پاکستانی ڈرامہ سیریل ’ وہ ہمسفر تھا‘ بنا۔

اس برس منعقد ہونے والے 71 ویں کن فلم فیسٹیول میں ایشوریا رائے نے 13 مئی کو ’سِنک اینڈ سُوئِم ‘ نامی فلم کی اسکریننگ میں شرکت کی۔ ریڈ کارپٹ پر اپنی بھرپور موجودگی کو یقینی بنایا اور توجہ کا مرکز رہیں۔

70 ویں فلم فیسٹیول میں ایشوریا کے زیب تن کیےہوئے دلفریب ملبوسات نے مقامی اور بین الاقوامی میڈیا اور فیشن کے دلدادہ افراد کو بھر پور متوجہ کیا۔

اُس برس ایشوریا کو کن فلم فیسٹیول میں مسلسل شرکت کرتے ہوئے 15 برس مکمل ہوئے۔ میلے میں اپنی موجودگی کے پہلے روز وہ ریڈ کارپٹ پر سنہری لباس میں نظر آئیں۔ اُس برس بھی انہوں نے اپنے اسپانسر میک اپ برانڈ کے لیے چار مختلف روپ اپنائے۔

اُس برس فیسٹیول کے پانچوں روز ایشوریا نے میلے میں ہالی وُڈ کے ستاروں کے علاوہ اپنی بیٹی کے ہمراہ شرکت کی۔ ان سے قبل بالی وُڈ کی ایک اور معروف اداکارہ کترینہ کیف بھی ریڈ کارپٹ پر نظر آئیں۔

کن فلمی میلے میں ہر سال کی طرح اُس برس بھی دنیا کی نظریں ریڈ کارپٹ پر جلوے بکھیرتے ستاروں پر مرکوز تھیں جہاں بڑے ڈیزائنرز کے تیار کردہ خوبصورت ملبوسات کی بہار نظر آئی۔ اُس برس بھی ایشوریا کے سنہری گاؤن کو بے حد پسند کیا گیا۔

2013ء کے کن فلم فیسٹیول میں ریڈ کارپٹ پر سیاہ رنگ ایشوریا کا پسندیدہ رنگ رہا تاہم انہوں نے دیگر رنگوں کے ملبوسات میں فوٹوشوٹ کے لیے چار دلفریب انداز اپنائے۔

بیٹی کی پیدائش کے بعد اس برس پہلی بار ایشوریا نے کن میں شرکت کی تھی۔ تاہم اس برس ان کے ملبوسات اور انداز سے زیادہ ان کا وزن موضوع بحث رہا۔

اپنے ملبوسات کے انتخاب کے حوالے سے اکثر تنقید کا نشانہ بننے والی ایشوریا نے اس برس ریڈ کارپڈ کے لیے سفید اور نیلے رنگ کا انتخاب کیا اور فیشن انڈسٹری سے بالآخر متفقہ داد سمیٹی۔

اس برس ایشوریا نے ایک بار پھر اپنے خاوند اور بالی وُڈ اسٹار ابھیشک بچن کے ساتھ شرکت کی۔ لیکن ریڈ کارپٹ کے لیے منتخب کیے گئے ساڑھی لباس کو زیادہ پسندیدگی کی سند حاصل نہ ہو سکی۔

اس برس ان کا منتخب کردہ سفید گاؤن بے حد پسند کیا گیا۔

ناقدین کا خیال ہے کہ ان کی خوبصورتی سادگی میں زیادہ نکھر کر سامنے آتی ہے۔ یہ ہی وجہ ہے کہ اس برس سبز اور سنہری لباس میں ان کی شخصیت کو بے حد سراہا گیا۔

ناقدین کا خیال ہے کہ ان کی خوبصورتی سادگی میں زیادہ نکھر کر سامنے آتی ہے۔ یہ ہی وجہ ہے کہ اس برس سبز اور سنہری لباس میں ان کی شخصیت کو بے حد سراہا گیا۔

تب تک کَن میں ملبوسات کے معاملے پر ایشوریا زیادہ داد نہیں سمیٹ پائی تھیں تاہم اُس برس ان کا گہرا نیلا لباس ناقدین کو خاموش کر گیا۔

ایشوریا نے 2005ء کے کن فیسٹیول میں پہلی بار بین الاقوامی ڈیزائنر کی خدمات حاصل کیں تاہم انہیں اپنے انتخاب میں زیادہ کامیابی حاصل نہیں ہو سکی۔

بھارتی ڈیزائنر نیتا لالو کا ڈیزائن کردہ لباس پسندیدگی سے زیادہ تنازعہ کا موضوع بنا رہا۔

اس برس بھی ایشوریا نے نیتا لالو کا ہی ڈیزائن کیا گیا لباس زیب تن کیا تاہم سبز رنگ کے اس لباس کو ان کے اب تک کے پہنے گئے ملبوسات میں سب سے زیادہ نا پسند گیا گیا۔

یہ ایشوریا کا کن میں شرکت کا پہلا سال تھا جہاں انہوں نے اپنے فلم دیوداس کی نمائش میں ساتھی ہدایت کار اور اداکار کے ساتھ شرکت کی۔ اس برس انہوں نے مکمل طورپر ہندوستانی کلچر کی عکاسی کا فیصلہ کیا اور زرد رنگ کی ساڑھی زیب تن کی۔