ایک برہنہ آنکھ کے ساتھ ہم چھ ہزار تک ستارے دیکھتے ہیں۔ یہ ہمیں نقطوں کی طرح نظر آتے ہیں کیوں کہ یہ ہم سے ناقابل تصور حد تک دور ہیں۔ حقیقت میں یہ ستارے اجرام فلکی ہیں، جو گرم اور الیکٹرک چارج شدہ گیس پر مشتمل ہیں۔

ان کے اندر اس قدر شدید گرمی اور پریشر ہوتا ہے کہ ہائیڈروجن جیسے ہلکے ایٹمی ذرات ہیلیم سے مل جاتے ہیں اور ان ایٹمی دھماکوں سے ہی ستارے چمکتے ہیں۔

کائناتی لحاظ سے ایک ستارہ ہمارے دروازے کے بالکل سامنے ہے اور اس کا نام ہے سورج۔ سورج وہ واحد ستارہ ہے، جس کا سائنسدانوں نے تفصیلی جائزہ لیا ہے۔ زمین کے مقابلے میں سورج بہت بڑا ہے لیکن ستاروں میں یہ ایک بونا ستارہ ہے۔ ہمارا سورج تقریبا بارہ ارب سال تک چمک سکتا ہے۔

ماہرین فلکیات نے ستاروں کو ان کی چمک اور روشنی کے رنگ کی بنیاد پر گروپوں میں تقسیم کر رکھا ہے۔ زیادہ تر ستارے ’مین سیکوئینس‘ یا ’بنیادی ترتیب‘ کا حصہ ہیں۔ سرخ ستارے سب سے چھوٹے گروپ کا حصہ ہیں کیوں کہ ان کی ہائیڈروجن آہستہ آہستہ جلتی ہے۔ ان کی عمریں اربوں سال ہو سکتی ہیں۔

اس دھند میں چھپا یہ وہ بھاری ترین ستارہ ہے جسے خلاءنورد اب تک جانتے ہیں۔‍‍‍ سائنسدانوں کے لیے یہ آج بھی پہیلی ہے کہ اس کی کمیت اتنی زیادہ کیسے ہے؟ یہ سورج سے دو سو ساٹھ گنا بھاری اور دس ملین گنا زیادہ چمکتا ہے۔

جب اس کا سارا ایندھن جل جائے گا تو اس کا خاتمہ بطور سُپرنووا ہو گا، جیسے ایک لاش مکمل طور پر پھٹ جاتی ہے یا پھر ایک بلیک ہول پیدا ہو سکتا ہے۔ اس سے نکلنے والے کیمیائی عناصر خلاء میں پھیل جائیں گے۔

یہ زندہ مخلوق اور سیاروں کا تعمیری مواد ہے۔ ہم جن اجزا سے بنے ہیں، ہمارے خون میں آئرن وغیرہ، ستاروں سے ہی دنیا تک پہنچے ہیں۔ سورج کی روشنی اور گرمی کے بغیر ہماری زمین ایک مردہ سیارہ ہوتی۔ سورج ہماری زندگی کا ضامن ستارہ ہے۔

سیٹلائٹ تصاویر سے پتا چلتا ہے کہ سورج کس قدر اُبل رہا ہے۔ یہ بار بار الیکٹرک چارج شدہ ذرات کے بادل خلا میں اُگلتا ہے۔ یہ شمسی طوفان ہماری زمین تک آتے ہیں اور قطبی روشنیاں انہی کا نتیجہ ہیں۔ یہ شمسی ذرات حساس ٹیکنالوجی اور جانداروں کے لیے خطرہ بھی بن سکتے ہیں۔

بڑی بڑی دوربینوں سے سائنسدان دور کے ستاروں کے مقناطیسی میدان پر تحقیق کرتے ہیں۔ یہ مقناطیسی میدان ستاروں کے اردگرد کے حالات کو بہتر سمجھنے میں مدد فراہم کرتے ہیں اور اس طرح زمین جیسا کوئی دوسرا سیارہ بھی تلاش کیا جا سکتا ہے۔

آسٹریلوی فوٹوگرفر مارٹن پُیو نے مئی سن 2019 میں جنوبی امریکی ملک چلی میں سی ڈی کے دوربین کی مدد کے ساتھ یہ تصویر بنائی۔ انہیں کئی صاف اور شفاف راتوں میں مصنوعی روشنی کا انتہائی ماہرانہ استعمال کرتے ہوئے تصویر بنانے میں کامیابی حاصل ہوئی۔ اس تصویر میں ایک نئے سیارے کو جنم لیتے دیکھا جا سکتا ہے۔

ایک اور آسٹریلوی فوٹوگرافر جے ایوانز نے ایک چمنی میں سے اوپر کی جانب دیکھتے ہوئے آسمان پر ملکی وے کہکشاں کی تصویر بنائی۔ اس تصویر کے لیے ایوانز نے ہائی ریزولیوشن میگا پکسل کیمرے کو پہلی مرتبہ استعمال کیا۔ نتیجہ کسی حد تک مایوس کن خیال کیا گیا۔

یہ تصویر فوٹوگرافر سیباستیان وولٹمار نے جنوبی امریکی ملک چلی کے مقام لا سیا (La Silla) میں واقع یورپی اسپیس آبزرویٹری میں قیام کے دوران بنائی۔ اس کے لیے انہوں نے انتہائی پیچیدہ کیمرہ تکنیک کا استعمال کیا۔ اس تصویر میں سورج گرہن کے دوران چمکتے سیارے وینس کو کیمرے کی آنکھ سے قبضے میں لیا۔

یہ حیران کن تصویر جرمن فوٹوگرافر اندریاس ایٹل کا کارنامہ ہے۔ اس میں ناروے کے جزیرے لوفوٹین کے اوپر بکھری شمالی لائٹس کو دیکھا جا سکتا ہے۔ ایٹل نے اپنے تصویر کو ’ہارمنی لائٹس‘ کا نام دیا ہے۔

فوٹوگرافر اینڈی کیسلی نے انتہائی مہارت سے اس غیر معمولی نظارے کو محفوظ کیا۔ اس کے لیے انہوں نے دور تک دیکھنے والی ایک دوربین کی بھی مدد لی۔ سن 2019 کے موسم گرما میں سیارے سیٹرن کے کنارے پر پھیلی کہکشاں کے منظر کو کیمرے کی آنکھ سے دیکھا اور محفوظ کیا۔

تین ناکام کوششوں کے بعد برطانوی فوٹوگرافر میتھیو براؤن اس تصویر کو بنانے میں کامیاب ہوئے۔ برطانوی دارالحکومت کے اوپر آسمان میں ایک بلند و بالا عمارت کے ماتھے پر چمکتے چاند کی یہ حسین تصویر بیٹمین فلم کے خیالاتی گوتھم شہر کے منظر جیسا ہے۔ ایسی تصویر کو بنانے کے لیے چند منٹ ہی ہوتے ہیں کیونکہ پھر منظر بدل جاتا ہے۔

قدرتی منظر کی تصاویر بنانے میں شہرت رکھنے والے فوٹوگرافر بین بُش نے یہ تصویر آئس لینڈ کے قرب میں قطب شمالی کے ایک مقام میں گھٹنوں کے بل بیٹھ کر بنائی۔ جب وہ تصویر بنا رہے تھے تو اس وقت درجہٴ حرارت منفی چھ سنٹی گریڈ سے زیادہ تھا۔

اسپو میونخ 2019 میں پہلی مرتبہ ای گیمز کے شائقین کے لیے ’ای اسپورٹس ارینا‘ بھی تیار کيا گيا ہے۔ اس ارینا میں ای فٹبال اور ای باسکٹ بال کے مقابلے بھی منعقد کیے گئے۔ ای اسپورٹس ٹورنامنٹ میں جرمن فٹ بال کلب بائرن میونخ کی ایک ٹیم خاص طور پر شامل کی گئی۔

اسپو میونخ کے ڈيجٹلائیزیشن سیکشن میں شرکاء ورچوئل ريئیليٹی گیمز سے لطف اندوز ہو رہے ہیں۔ ورچوئل گلاسز لگائیے اور حیرت انگیز وی آر گیمز کا مزہ لیجیے۔

اب شدید سرد موسم کے لیے متعدد گرم ملبوسات یا جوتے خریدنے کی ضرورت نہیں کیونکہ اسمارٹ دستانے، اسمارٹ ٹوپی اور جوتوں کے اسمارٹ سول میں گرمی کی شدت ضرورت کے مطابق کم یا زیادہ کی جاسکتی ہے۔ بلو ٹوتھ کے ذریعے موبائل ایپ کے ساتھ دستانوں اور ٹوپی کی ہیٹنگ کنٹرول کی جاسکتی ہے۔

اسپو میونخ میں واٹر اسپورٹس کے شائقین کے لیے بھی بہت کچھ دیکھنے کو موجود ہے۔ واٹر اسپورٹس ولیج میں بچوں کو سرفنگ، انڈر واٹر ڈائیونگ اور سوئمنگ کی تربیت دی جا رہی ہے۔ واٹر اسپورٹس ولیج کے سوئمنگ پول میں واٹر پولو اور واٹر یوگا بھی پیش کیا گیا۔ علاوہ ازیں یہاں واٹر اسپورٹس کی مصنوعات اور ملبوسات بھی پیش کی جا رہی ہیں۔

اسپو میونخ میں ایک پولین ’ہیلتھ اور باڈی فٹنس’ کے نام رہا، جہاں فٹنس ٹریننگ اور ڈانس کی ورکشاپس دی گئیں۔ جاگنگ کے دوران شاہراہ پر چلتی گاڑیوں اور دیگر افراد کو خود سے محتاط رکھنے کے لیے ورزش اور جاگنگ کی ملبوسات میں مختلف رنگوں کی ’ایل ای ڈی‘ بتیاں کافی شائقين کو بھائيں۔

آئس اسکيئنگ اور اسکی ریسنگ جیسی ونٹر اسپورٹس کی جب بات ہو تو اسپو میونخ کا نام کیسے پیچھے رہ سکتا ہے۔ اسپو میونخ میں موسم سرما کے کھیلوں کی مصنوعات بنانے والی کمپنیاں جدید اور پائیدار اسپورٹس ویئر اور گُڈز پیش کرتی ہیں، جن میں اسکینگ بورڈ، اسکی گلاسز، اسکینگ بوٹس اور دیگر مصنوعات شامل ہیں۔

موسم سرما میں برف باری کے بعد سڑک پر چلنا خطرے سے خالی نہیں ہوتا۔ ربڑ کی سول میں نسب چودہ سے انیس اسٹیل کے سپائکس سے تیار کردہ ’بی یو گرپ’ نامی اس نوکیلے جوتے نے اب برف پر چلنا آسان بنا دیا ہے۔

اسپو میونخ 2019 میں خصوصی طور پر اسپورٹ صنعت سے وابستہ خواتین ایتھلیٹس، کاروباری خواتین اور خواتین صارفین کے لیے تقریبات منعقد کی گئیں تاکہ اسپورٹس صنعت میں پيشہ وارانہ خواتین، مردوں کے شانہ بشانہ حصہ لے سکیں۔

اسپو میونخ میں ایک سو پچاس سے زائد پاکستانی نمائش کنندگان نے ’سپلائی اور مینوفیکچر‘ کے شعبے میں شرکت کی۔ بيشتر نمائش کنندگان کا تعلق پاکستان میں اسپورٹس صنعت کے مرکز سیالکوٹ سے ہے۔ میڈ ان پاکستان مصنوعات میں فٹ بال، ہاکی، کرکٹ، باکسنگ گلووز کے ساتھ ساتھ دیگر اسپورٹس ویئر شامل ہيں۔

رواں برس موسم سرما میں میونخ کے زیادہ تر حصے کو برف نے ڈھکے رکھا۔ برف باری کا فائدہ اٹھاتے ہوئے اسپو نمائش کے منتظمین نے ’میونخ میسے’ یعنی نمائش گاہ کے اندر بھی کوہ پیمائی کے دوران استعمال کیے جانے والے خاص خیمے لگا رکھے ہیں۔