انسانی عمر کی طوالت پر بحث نے سائنسدانوں کو صدیوں تک منقسم رکھا۔ حال ہی میں دنیا کی سب سے طویل العمر خاتون کی ایک سو اٹھارہ برس کی عمر میں موت کے ساتھ یہ بحث ایک بار پھر زندہ ہو گئی ہے۔
تصویر: Ayuntamiento de Leon/Europapress/dpa/picture alliance
اشتہار
کیا ایک صحت مند انسان کی زندگی ایک حد سے زیادہ طویل نہیں ہو سکتی؟ یہ ایک ایسی دیرینہ بحث ہے جس نے سائنسدانوں کی رائے کو صدیوں تک منقسم رکھا۔ حال ہی میں ایک فرانسیسی راہبہ لُوسیل رانداں 118 برس کی عمر میں انتقال کر گئیں۔ گنیس بک آف ورلڈ ریکارڈز کے مطابق وہ دنیا کی سب سے طویل العمر خاتون تھیں۔ ان کے بعد اب یہ منفرد عالمی اعزاز اسپین کی 115 سالہ خاتون ماریا برانیاس موریرا کو منتقل ہو گیا ہے۔
بہت طویل العمر انسانوں کی بڑھتی ہوئی تعداد
اٹھارہویں صدی کے فرانسیسی ماہر علوم فطرت جارج لوئی لکلارک نے یہ نظریہ پیش کیا تھا کہ ایک ایسا انسان جو کبھی کسی بیماری یا حادثے کا شکار نہ ہوا ہو، اصولی طور پر زیادہ سے زیادہ 100 سال کی عمر تک زندہ رہ سکتا ہے۔ تب سے لے کر آج تک طب کے شعبے میں ترقی اتنی زیادہ اور عام انسانوں کے حالات زندگی اتنے بہتر ہو چکے ہیں کہ اس اصولی عمر میں چند دہائیوں کا اضافہ ہو چکا ہے۔
امریکی شہریوں کی اوسط عمر میں ریکارڈ اضافہ
اس حوالے سے ایک سنگ میل 1995ء میں فرانسیسی خاتون جین کلیمنٹ کا اپنی 120 ویں سالگرہ منانا تھا۔ ان کا انتقال اس کے دو سال بعد 122 برس کی عمر میں ہوا تھا۔ وہ مصدقہ ریکارڈ کے مطابق دنیا کی سب سے طویل ترین عرصے تک زندہ رہنے والی خاتون تھیں۔
فرانسیسی راہبہ لُوسیل رانداں جن کا حال ہی میں ایک سو اٹھارہ برس کی عمر میں انتقال ہو گیاتصویر: Florian Escoffier/abaca/picture alliance
اقوام متحدہ کے اعداد و شمار کے مطابق 2021ء میں دنیا بھر میں 100 برس یا اس سے بھی زیادہ عمر کے انسانوں کی تعداد تقریباﹰ پانچ لاکھ ترانوے ہزار تھی۔ اس سے صرف ایک دہائی پہلے یہی تعداد تین لاکھ تریپن ہزار رہی تھی۔ ڈیٹا ایجنسی اسٹیٹِسٹا نے پیش گوئی کی ہے کہ آئندہ دہائی میں ایک صدی سے زیادہ عمر والے انسانوں کی تعداد دو گنا سے بھی زیادہ ہو جائے گی۔
ایک سو دس سال یا اس سے بھی زیادہ عمر والے افراد، جنہیں supercentenarians کہا جاتا ہے، ان کی تعداد میں 1980ء سے مسلسل اضافہ ہو رہا ہے اور یہ بات آج اگر جارج لوئی لکلارک زندہ ہوتے، تو ان کے لیے بہت ہی حیران کن ہوتی۔
انسانی عمر کی حد کیا ہے؟
تو پھر آخر انسانی عمر کتنی طویل ہو سکتی ہے؟ اس بارے میں طبی سائنسدان آج تک کسی ایک رائے پر متفق نہیں ہیں۔ ان میں سے کچھ کا کہنا ہے کہ انسانی عمر ایک حد سے زیادہ لمبی نہیں ہو سکتی۔ وہ اس کی وجہ biological constraints یا حیاتیاتی عمل میں رکاوٹ ثابت ہونے والے عوامل کو قرار دیتے ہیں۔
دنیا کی آبادی میں 2050ء تک 65 سال سے زائد عمر کے افراد کا تناسب 15.6تک پہنچ جائے گا۔ اس طرح اقوام متحدہ کے مطابق یہ شرح اب تک کے مقابلے میں دگنی ہو جائے گی۔ اس اضافے کی وجہ کیا ہے اور یہ ہمارے لیے کیا معنی رکھتا ہے؟
تصویر: Munir Uz Zaman/AFP/GettyImages
بزرگ شہریوں کی تعداد بڑھ رہی ہے
دنیا بھر میں عمر رسیدہ افراد کی تعداد بڑھتی جا رہی ہے۔ 2010ء میں دنیا کی آبادی میں 65 سال سے زائد افراد کی شرح 7.7 فیصد تھی جبکہ اقوام متحدہ کی پیشگوئی کے مطابق 2050ء میں یہ دگنے اضافے کے ساتھ 15.6فیصد ہو جائے گی۔ اس کی بڑی وجوہات میں اوسط عمر میں اضافہ اور کم شرح پیدائش ہے۔
تصویر: picture-alliance/dpa
محبت میں گرفتار ’پینشنر‘
آج سے سو سال قبل بہت کم ہی لوگ زندگی کی 75 بہاریں دیکھ پاتے تھے۔ اس عمر کے لوگوں کو بوڑھا کہا جاتا تھا۔ آج کل اکثر پینشنر صحت مند زندگی سے لطف اندوز ہوتے ہوئے دکھائی دیتے ہیں۔ تیس برس پہلے کے مقابلے میں آج جرمنی میں سو سال سے زائد افراد کی تعداد پانچ گناہ زیادہ ہے۔
تصویر: Fotolia/Gina Sanders
طویل عرصے تک’ فٹ‘
عمر رسیدہ افراد کی بہتر جسمانی فٹنس کا تعلق دواؤں اور بہتر طبی سہولیات کے ساتھ ساتھ بڑھتی ہوئی خوشحالی سے بھی ہے۔ یہ صورتحال ترقی پذیر ممالک میں بھی نظر آ رہی ہے۔ بزرگ افراد کی بڑی تعداد ترقی پذیر ممالک میں ہی رہ رہی ہو گی۔
تصویر: Patrizia Tilly/Fotolia
خواتین کم بچے چاہتی ہیں
نوجوان جوڑے کم بچے چاہتے ہیں اور آئندہ برسوں میں بھی یہ رجحان اسی طرح سے جاری رہے گا۔ اس کی ایک وجہ یہ بھی ہے کہ موجودہ دور میں خواتین معاشی اعتبار سے خود مختار ہونے کی خواہش رکھتی ہیں اور کیریئر کے ساتھ بچوں کی پرورش مشکلات میں اضافے کا باعث بنتی ہے۔
تصویر: Fotolia/Fotowerk
لڑکیوں کی تعلیم کی جانب رغبت
ترقی پذیر ممالک کی اکثر خواتین چاہتی ہیں کہ ان کی بچیاں گھروں میں بہن بھائیوں کی خدمت کرنے کی بجائے تعلیم حاصل کریں تاکہ وہ بہتر زندگی گزار سکیں اور آنے والی نسل کی اچھی تربیت کر سکیں۔
تصویر: DW/H. Hashemi
پینشن کا کمزور نظام
ترقی پذیر ممالک میں سماجی فلاحی سہولتوں اور پینشن کے نظام کا بھی فقدان دکھائی دیتا ہے۔ ان ممالک میں بڑھتی ہوئی شرح پیدائش کو دیکھتے ہوئے کہا جا سکتا ہے کہ اگلے برسوں کے دوران وہاں عمر رسیدہ افراد کی تعداد بھی زیادہ ہو گی۔ ان ممالک میں ایسے ڈھانچے تشکیل دیے جانے چاہییں، جن سے پینشن یافتہ طبقے کی زندگی آسان ہو سکے۔
تصویر: Issouf Sanogo/AFP/GettyImages
دیکھ بھال کافی نہیں
جرمنی جیسے خوشحال ملک میں بھی بوڑھے افراد کی اچھے طریقے سے دیکھ بھال ہی کافی نہیں ہوتی۔ دیکھ بھال کے متعدد مراکز موجود ہیں اور وہ مہنگے بھی بہت ہیں۔ پینشن کی رقم میں مسلسل کمی کی وجہ سے بزرگ افراد میں غربت بھی بڑھ رہی ہے۔
تصویر: Fotolia/Kzenon
بزرگ شہریوں میں غربت
دنیا کے غریب خطوں میں زیادہ تر عمر رسیدہ خواتین غربت کی وجہ سے کشکول اٹھانے پر مجبور ہو جاتی ہیں۔ ان میں سے زیادہ تر وہ افراد ہوتے ہیں، جنہوں نےکام کرنے کے دوران اپنے مستقبل کی فکر نہیں کی ہوتی اور آنے والے وقت کے لیے کچھ محفوظ نہیں کیا ہوتا۔
تصویر: picture-alliance/Lehtikuva/Hehkuva
عمر رسیدہ افراد کا احتجاج
آج کل دنیا بھر میں بزرگ افراد بہتر پینشن کے لیے مظاہرےکر رہے ہیں۔ مثال کے طور پر نکاراگوا میں اسی طرح کے ایک مظاہرے میں لوگوں نے کم از کم نوے امریکی ڈالر ماہانہ پینشن کا مطالبہ کیا۔
تصویر: REUTERS
ہر عمر کے افراد کے لیے روزگار
اقوام متحدہ نے دنیا کے تمام ممالک سے مطالبہ کیا ہے کہ ہر عمر کے افراد کو روزگار کے مناسب مواقع مہیا کرنے کی کوشش کی جائے۔ اس کا مقصد پینشن کے حوالے سے موجودہ سوچ کو تبدیل کرنا ہے۔ آج بھی بڑی عمر کے افراد چھوٹے پیمانے پر اپنا کوئی کاروبار کرتے ہوئے گزارا کرتے ہیں۔
تصویر: Munir Uz Zaman/AFP/GettyImages
10 تصاویر1 | 10
برطانوی سائنسی جریدے ’نیچر‘ کے 2016ء کے ایک شمارے میں جینیاتی ماہرین کا کہنا تھا کہ انسانی عمر کی طوالت میں 1990 کی دہائی سے کوئی بہتری نہیں آئی۔ عالمی آبادی سے متعلق ڈیٹا کا تجزیہ کرنے کے بعد یہ ماہرین اس نتیجے پر پہنچے تھے کہ دنیا بھر میں انتہائی عمر رسیدہ افراد کی تعداد بڑھنے کے باوجود فرانسیسی خاتون جین کلیمنٹ کی وفات کے بعد سے زیادہ سے زیادہ انسانی عمر کی حد میں کمی ہی ہوئی ہے۔
کووڈ انیس کی وجہ سے امریکہ میں اوسط متوقع زندگی میں مزید کمی
اس حوالے سے آبادی سے متعلقہ امور کے فرانسیسی ماہر ژاں ماری روبین نے بتایا کہ ان ماہرین نے یہ نتیجہ اخذ کیا تھا کہ انسانی عمر کی ایک قدرتی حد ہے اور یہ تقریباﹰ 115 سال تک ہو سکتی ہے۔ ساتھ ہی انہوں نے یہ بھی کہا کہ کچھ ماہرین اس نظریے سے اختلاف بھی کرتے ہیں۔
بڑھاپے میں انسانی موات بھی زیادہ
سن 2018 میں کی جانے والی ایک تحقیق سے یہ معلوم ہوا تھا کہ جہاں انسانوں کا انتقال کر جانا عمر بڑھنے کے ساتھ ساتھ بڑھتا جاتا ہے، وہیں پر یہ تناسب 85 برس کی عمر کے بعد مقابلتاﹰ کم ہونے لگتا ہے۔
ذیابیطس سے محفوظ رہنا ممکن ہے
ذیابیطس کی پانچ اقسام بتائی جاتی ہیں۔ اس کی ایک قسم ’ذیابیطُس ٹائپ ٹو‘ سے بچاؤ آسان ہے۔ بنیادی اصولوں پر عمل پیرا ہونے سے صحت مند رہا جا سکتا ہے۔
تصویر: Colourbox/L. Dolgachov
زیادہ وزن خطرناک ہے
وزن کی زیادتی یقینی طور پر ایک خطرناک علامت ہے۔ اگر آپ کا وزن بہت زیادہ ہے تو پھر آپ ذیابیطس کی راہ پر بیٹھے ہوئے ہیں۔
تصویر: picture alliance/dpa
وزان کم کرنے کی کوشش بہت ضروری ہے
زیادہ وزن کو کم کرنے کے لیے خوراک پر کنٹرول کرنے کے ساتھ ساتھ ہلکی پھلی ورزش، جاگنگ، یا پیدل چلنا بہت ضروری خیال کیا گیا ہے۔ تیس سے ساٹھ منٹ کی ورزش یا واک بہت اہم ہے۔
تصویر: Ronaldo Schemidt/AFP/Getty Images)
چیپس کھانے سے گریز کریں
چیپس یا ایسی دوسری تلی ہوئی خوراک کھاتے رہنا کسی بھی طور پر صحت مندانہ عادت نہیں ہے۔ ایسی عادتوں سے ذیابیطُس کی ٹائپ ٹُو یا diabetes mellitus کا لاحق ہو جانا یقینی ہو جاتا ہے۔
تصویر: DW/E. Grenier
منہ کا ذائقہ، موٹاپے کو دعوت دینا ہے
چیپس، چاکلیٹ، پیزا، کیک اور ایسی دوسرے فوڈ آئٹمز’جنک فوڈ‘ میں شمار ہوتے ہیں۔ ایسی اشیا کو ’کیلوریز بم‘ قرار دیا جاتا ہے۔ کہا جاتا ہے کہ یہ صرف ایک منٹ کے لیے انسانی منہ میں رہتی ہیں لیکن ان سے بننے والی چربی ساری عمر ساتھ نہیں چھوڑتی۔
تصویر: Colourbox
پھلوں سے رغبت پیدا کریں
ماہرینِ خوراک کا خیال ہے کہ چاکلیٹ یا کیک کھانے کی شدید طلب ہو رہی ہو تو ایک سیب یا ایک ناشپاتی زیادہ فائدہ مند ہو سکتی ہے۔ اس کے لیے منہ کے ذائقے کو تبدیل کرنا ضروری ہے۔
تصویر: Colourbox
کھانا پکانے کا انداز تبدیل کریں
کھانا پکاتے ہوئے صحت مندانہ طریقہ یعنی کم گھی کا استعمال ایک مناسب انداز ہے۔ مچھلی یا گوشت کے ٹکڑوں کو تیل میں فرائی کرنے کے بجائے اسٹیم کے ذریعے پکائیں۔ جتنی چربی یا گھی انسانی بدن کے اندر جائے گا، اتنا ہی خطرناک ہو گا۔
تصویر: DW/A. Islam
مشروبات سے بھی گریز
بازار میں دستیاب مشروبات سے بھی گریز کرنا بہت ضروری ہے۔ ایک گیس والی بوتل میں چھتیس چینی کے کیوبز کے برابر شکر ہوتی ہے۔ کسی مشروب کی طلب کے وقت پانی یا چائے کا استعمال بہتر ہوتا ہے، بس اس کے لیے عادت بنانی پڑتی ہے۔
تصویر: picture-alliance/empics/A. Devlin
تازہ پھلوں یا سبزیوں کا جوس
مشروبات کے متبادل کے طور پر تازہ پھلوں یا سبزیوں کا جوس یا ’سمُودی‘ کا استعمال ایک صحت مند رویہ خیال کیا جاتا ہے۔ سمودی سے لذت اور تازگی حاصل ہوتی ہے۔
تصویر: Colorbox/M. Anwarul Kabir Choudhury
بیئر بھی وزن بڑھاتی ہے
یہ ایک طے شدہ حقیقت ہے کہ الکوحل کے حامل ڈرنکس وزن بڑھاتے ہیں۔ نصف لٹر بیئر میں دو سو کیلوریز ہوتی ہیں۔
تصویر: Fotolia/Alexander Raths
شراب بھی مضر صحت ہے
الکوحل یا شراب پینے سے بھی وزن بڑھتا ہے۔ نصف لٹر شراب یا وائن میں تین سو کیلوریز ہوتی ہیں۔ زیادہ وزن رکھتے ہوئے شراب کے استعمال سے خون میں شکر کی مقدا بڑھ جاتی ہے۔
تصویر: picture-alliance/Foodfolio
کافی پیئں جی بھر کے
کافی بڑے شوق سے استعمال کریں۔ طبی ریسرچر نے پتا چلایا ہے کہ کافی میں ایسا مواد ہوتا ہے انسانی بدن میں چینی کے میٹابولزم کے کنٹرول کا باعث بنتا ہے۔ ایک عام آدمی کافی کے چھ کپ روزانہ کی بنیاد پر پی سکتا ہے۔
تصویر: Imago/imagebroker/siepmann
اچھی نیند صحت کی ضمانت
نیند سے بہتر کوئی دوا نہیں۔ بہتر نیند کے حامل لوگ صحت مند ہوتے ہیں۔ بہتر نیند کے ساتھ ورزش ایک طرح سے سونے پر سہاگے کے مساوی قرار دی جاتی ہے۔ نیند کے دوران بھی بدن کی کیلوریز استعمال ہوتی ہیں اور چربیلے مادے ٹوٹتے ہیں۔
تصویر: Colourbox/Production Perig/P. Morisse
12 تصاویر1 | 12
ژاں ماری روبین اس ریسرچ کے نتائج کی وضاحت کرتے ہوئے کہتے ہیں کہ اگر 110 سال کی عمر کے 12 افراد ہوں تو امکان یہ ہوتا ہے کہ ان میں سے چھ 111 برس کی عمر تک زندہ رہیں گے، تین 112 سال تک کی عمر پائیں گے اور یہ سلسلہ اسی تناسب سے آگے بڑھے گا۔
روبین اس بات کو اس طرح سمجھاتے ہیں کہ اگر سپر سینٹینیرینز کی تعداد 100 تصور کی جائے، تو ان میں سے آدھے 111 برس کی عمر کو پہنچیں گے اور باقی پچاس میں سے پچیس 112 سال تک کی عمر کو۔ باقی پچیس کی عمریں اس سے بھی زیادہ رہیں گی۔
اشتہار
’حجم کا اثر‘
روبین ایک مخصوص عمر کے افراد کی تعداد اور طویل العمری کی اس تناسب کو ’حجم کا اثر‘ قرار دیتے ہیں۔ ان کے مطابق اسی ’حجم کے اثر‘ کے باعث اب طویل العمری کی کوئی حد نہیں رہی۔
اس حوالے سے فرانسیسی ڈاکٹر ایرک بولانژیر کا کہنا ہے کہ جینیاتی تبدیلیوں کے باعث اب کچھ انسانوں کی عمریں 140 یا 150 برس تک بھی ہو سکتی ہیں۔
تو کیا اس کا مطلب یہ ہوا کہ انسانی زندگی ایک حد سے زیادہ طویل نہیں ہو سکتی؟ روبین فی الحال حتمی طور پر یہ کہنے سے گریزاں ہیں۔ لیکن وہ پرامید بھی ہیں کہ اس حوالے سے نئی معلومات سامنے آتی رہیں گی اور مستقبل میں انتہائی عمر رسیدہ انسانوں کی صحت میں بتدریج بہتری بھی آتی رہے گی۔ کئی دیگر ماہرین بھی اس سلسلے میں اپنی کوئی حتمی رائے دینے میں احتیاط برت رہے ہیں۔
مستقبل کے امکانات
فرنچ انسٹیٹیوٹ آف ڈیموگرافک اسٹیڈیز (INED) کے ایک ماہر فرانس میسل کا کہنا ہے کہ فی الوقت اس موضوع پر کوئی حتمی رائے دینا ممکن ہی نہیں۔ وہ اس بات کی نشاندہی بھی کرتے ہیں کہ اگرچہ عالمی سطح پر بہت عمر رسیدہ افراد کی تعداد میں اضافہ ہو رہا ہے تاہم عالمی آبادی کے تناسب سے یہ تعداد آج بھی بہت تھوڑی سی ہے۔
وہ کہتے ہیں، ’’اس تعداد کی بنیاد پر ہم ابھی تک کوئی بامعنی اجتماعی شماریاتی اندازے نہیں لگا سکتے۔‘‘ وہ اس کی وجہ یہ بتاتے ہیں کہ ’حجم کے اثر‘ کو پرکھنے سے پہلے supercentenarians کی تعداد میں مزید اضافے تک انتظار کرنا ضروری ہو گا۔
فرانس میسل کے مطابق یہ بھی ممکن ہے کہ طب کے شعبے میں آئندہ اس طرح کی پیش رفت دیکھنے میں آئے کہ انسانی موت سے متعلق طبی اور سائنسی ماہرین کی اب تک سمجھ بوجھ یکسر ہی بدل جائے۔
م ا / م م (اے ایف پی)
ایک جزیرہ جہاں طویل اور صحت مند زندگی کا راز چھپا ہے