کورونا وائرس: امریکا میں متاثرین کی تعداد دس لاکھ سے تجاوز
29 اپریل 2020
امریکا میں کورونا وائرس سے متاثرہ افراد کی تعداد دس لاکھ سے تجاوز کرگئی ہے جبکہ اب تک پچاس ہزار سے زیادہ افراد ہلاک ہو چکے ہیں۔
تصویر: Reuters/S. Stapleton
اشتہار
امریکا میں کووڈ 19 کے مریضوں کی تعداد دس لاکھ سے بھی تجاوز کر گئی ہے جبکہ اٹھاون ہزار سے زیادہ افراد ہلاک ہوچکے ہیں۔ ہلاک ہونے والوں کی یہ تعداد ویتنام جنگ میں مرنے والوں سے بھی زیادہ ہے۔
فرانس کا کہنا ہے کہ اگرکورونا وائرس کے انفیکشن سے متاثرین کی یومیہ تعداد تین ہزار سے کم ہوجاتی ہے تو وہ لاک ڈاؤن میں نرمی کرنے کا فیصلہ کرے گا۔
ایک نئے جائزے کے مطابق تقریبا پچاس فیصد جرمن شہری موجودہ صورت حال میں آئندہ موسم گرما میں جرمن سرحدوں کو دوسرے یورپی ممالک کے لیے کھولنے کے مخالف ہیں۔ 'دی یو گو' کے نئے سروے میں تقریبا 48 فیصد افراد نے بیرون ممالک کے سفر پر پابندی جاری رکھنے کی حمایت کی جبکہ بیس فیصد افراد کا کہنا تھا کہ جرمنی کو بعض مخصوص ممالک کے ساتھ اپنی سرحد یں کھولنی چاہیے۔ لیکن تیرہ فیصد افراد نے موسم گرما میں اندرون یورپ سفر کو مکمل طور پر بحال کر نے کی بات کہی۔
کورونا وائرس کی وبا کی روک تھام کے لیے عائد پاندیوں کے تحت یورپ کے بیشتر حصوں میں سفر پر بھی پابندی نافذ ہے اور جرمنی نے بھی اپنے شہریوں کو غیر ضروری سفر پر روک لگارکھی ہے۔ سروے میں شامل ہونے والے تقریبا ایک تہائی افراد کا کہنا تھا کہ کووڈ 19 کی وبا کے سبب انہیں مجبوراً اپنے سفری منصوبوں کو ملتوی کرنا پڑا ہے۔ بائیس فیصد نے بتایا کہ انہوں نے اپنے بیرون ملک سفر کو منسوخ کر دیا ہے جبکہ 18 فیصد افراد کا کہنا تھا کہ وہ اپنے سفر سے متعلق منصوبے پر قائم ہیں۔
خبر رساں ادارے اے ایف پی کے مطابق رومانیہ کے وزیر خارجہ کا کہنا ہے کہ جرمنی کے بعض مذبح خانوں میں کام کرنے والے 200 رومانیائی شہری کووڈ 19 سے پازیٹیو پائے گئے ہیں ایسے تمام افراد کو قرنطینہ کر دیا گیا ہے۔ جرمنی میں بھی حکام نے اس کی تصدیق کی ہے اور کہا ہے کہ ایسے تمام افراد کو الگ تھلگ رکھا گیا ہے۔
امریکا کی صورت حال
امریکی صدر ڈونلڈ ٹرمپ کا کہنا ہے کہ کورونا وائرس کے تیزی سے پھیلاؤ کو روکنے کے لیے ان کی انتظامیہ بعض انٹرنیشنل فلائٹس میں وائرس چیک کرنے کے بارے میں غور کر رہی ہے۔ صدر کا یہ اعلان ایک ایسے وقت آیا ہے جب امریکا میں کورونا وائرس سے ہلاک ہونے والوں کی تعداد ویتنام جنگ میں مرنے والوں سے بھی زیادہ ہوگئی ہے۔
صدر ٹرمپ نے کورونا وائرس کی وبا کے دوران غذائی اشیاء کی فراہمی کو یقینی بنانے کے مقصد سے گوشت پروسیس کرنے والے کارخانوں کو کھولنے کے لیے ایک ایگزیکیٹیو آرڈر پر دستخط کر دیے ہیںتصویر: Reuters/J. Ernst
اس دوران صدر ٹرمپ نے کورونا وائرس کی وبا کے دوران غذائی اشیاء کی فراہمی کو یقینی بنانے کے مقصد سے گوشت پروسیس کرنے والے کارخانوں کو کھولنے کے لیے ایک ایگزیکیٹیو آرڈر پر دستخط کر دیے ہیں۔ گو شت پروسیسنگ کرنے والی بیس سے زائد کمپنیوں نے کام بند کر دیا تھا جبکہ کئی دیگر کمپنیوں میں کام بری طرح سے متاثر ہوا ہے۔ ا س کاروبار سے وابستہ کئی تنظیمیں صدر کے اس حکمنامے سے خوش نہیں ہیں۔ ان کا کہنا ہے کہ اس میں ملازمین کی صحت کا خیال نہیں رکھا گیا ہے۔
ادھر آئندہ امریکی صدارتی انتخابات میں ڈیموکریٹ پارٹی کے ممکنہ امیدوار جو بائیڈن نے ریاست اوہائیو کے پرائمری میں کامیابی حاصل کی ہے۔ کورونا وائرس کے سبب پہلی بار ووٹنگ کے لیے میل کا سہارا لیا گیا تھا۔ سابق نائب صدر جو بائیڈن کے حریف امیدوار برنی سینڈر پہلے ہی اس انتخابی دوڑ سے باہر ہونے کا اعلان کر چکے ہیں۔ صدر اوباما اور ہلیری کلنٹن بھی ان کی حمایت اعلان کر چکے ہیں اس لیے اب یہ تقریبا ًواضح ہوچکا ہے کہ اس بار ٹرمپ کے مقابلے میں جو بائیڈن میدان میں ہوں گے۔
چین کی صورت حال
چین میں کورونا وائرس کے بائیس نئے کیسز کا پتہ چلا ہے لیکن کسی بھی ہلاکت کی اطلاع نہیں ہے۔ چین میں انفیکشن میں بتدریج کمی کا رجحان دیکھا گیا ہے۔ ملک میں مجموعی طور پر کووڈ 19 کے 82858 مصدقہ کیسز سامنے آئے جس میں سے 4633 افراد ہلاک ہوئے ہیں۔ حکام نے سوشل ڈسٹینسنگ کے تعلق سے اصولوں میں بعض نرمیوں کا اعلان کیا ہے تاہم بیرون ملک سے یا پھر دوسرے علاقے سے آنے والے افراد کے قرنطینہ کے لیے گائیڈ لائنس میں سختی کرنے کا حکم دیا گیا ہے۔ چینی خبر رساں ادارے زنہوا کے مطابق چینی پارلیمان کا سالانہ اجلاس بائیس مئی سے شروع ہوگا جو دو ماہ سے بھی زیادہ تاخیر کے بعد بلایا گیا ہے۔
ص ز / ج ا (ایجنسیاں)
کورونا وائرس کی عالمی وبا، آج دنيا کہاں کھڑی ہے؟
مئی کے وسط تک کورونا وائرس کے متاثرين ساڑھے چار ملين سے متجاوز ہيں۔ انفيکشنز ميں مسلسل اضافے کے باوجود دنيا کے کئی حصوں ميں پابنديوں ميں بتدريج نرمياں بھی جاری ہيں۔ يہ وائرس کيسے اور کب شروع ہوا اور آج دنيا کہاں کھڑی ہے؟
تصویر: Reuters/Y. Duong
نئے کورونا وائرس کے اولين کيسز
اکتيس دسمبر سن 2019 کو چين ميں ووہان کے طبی حکام نے باقاعدہ تصديق کی کہ نمونيہ کی طرز کے ايک نئے وائرس کے درجنوں مريض زير علاج ہيں۔ اس وقت تک ايسے شواہد موجود نہ تھے کہ يہ وائرس انسانوں سے انسانوں ميں منتقل ہوتا ہے۔ چند دن بعد چينی محققين نے ايک نئے وائرس کی تصديق کر دی۔
تصویر: AFP
وائرس سے پہلی موت
گيارہ جنوری سن 2020 کو چينی حکام نے نئے وائرس کے باعث ہونے والی بيماری کے سبب پہلی ہلاکت کی اطلاع دی۔ مرنے والا اکسٹھ سالہ شخص اکثر ووہان کی اس مارکيٹ جايا کرتا تھا، جس سے بعد ازاں وائرس کے پھيلاؤ کو جوڑا جاتا رہا ہے۔ يہ پيش رفت چين ميں اس وقت رونما ہوئی جب سالانہ چھٹيوں کے ليے لاکھوں لوگ اندرون ملک سفر کرتے ہيں۔
يہ تصويو سيول کی ہے، جس ميں ديکھا جا سکتا ہے کہ لوگ ماسک خريدنے کے ليے قطاروں ميں کھڑے ہيں۔ رواں سال جنوری کے وسط ميں عالمی ادارہ صحت نے اس بارے ميں پہلی رپورٹ جاری کی اور بيس جنوری کو جاپان، جنوبی کوريا اور تھائی لينڈ ميں نئے وائرس کے اولين کيسز کی تصديق ہوئی۔ اگلے ہی دن ووہان سے امريکا لوٹنے والے ايک شخص ميں وائرس کی تشخيص ہوگئی اور يوں اکيس جنوری کو امريکا ميں بھی پہلا کيس سامنے آ گيا۔
تصویر: Reuters/K. Hong-Ji
ووہان کی مکمل بندش
گيارہ ملين کی آبادی والے شہر ووہان کو تيئس جنوری کو بند کر ديا گيا۔ شہر کے اندر اور باہر جانے کے تمام ذرائع بشمول ہوائی جہاز، کشتياں، بسيں معطل کر ديے گئے۔ نيا وائرس اس وقت تک تيئس افراد کی جان لے چکا تھا۔
تصویر: AFP/H. Retamal
گلوبل ہيلتھ ايمرجنسی
چين ميں ہزاروں نئے کيسز سامنے آنے کے بعد تيس جنوری کے روز عالمی ادارہ صحت نے صورت حال کو ’گلوبل ہيلتھ ايمرجنسی‘ قرار دے ديا۔ دو فروری کو چين سے باہر کسی ملک ميں نئے کورونا وائرس کے باعث کسی ایک شخص کی ہلاکت رپورٹ کی گئی۔ مرنے والا چواليس سالہ فلپائنی شخص تھا۔ چين ميں اس وقت تک ہلاکتوں کی تعداد 360 تھی۔
تصویر: picture-alliance/empics/The Canadian Press/J. Hayward
’کووڈ انيس‘ کا جنم
عالمی ادارہ صحت نے گيارہ فروری کو نئے کورونا وائرس کے باعث ہونے والی پھيپھڑوں کی بيماری کا نام ’کووڈ انيس‘ بتایا۔ بارہ فروری تک يہ وائرس چين ميں گيارہ سو سے زائد افراد کی جان لے چکا تھا جبکہ متاثرين ساڑھے چواليس ہزار سے زائد تھے۔ اس وقت تک چوبيس ملکوں ميں نئے وائرس کی تصديق ہو چکی تھی۔
تصویر: AFP/A. Hasan
يورپ ميں پہلی ہلاکت
چودہ فروری کو فرانس ميں ايک اسی سالہ چينی سياح جان کی بازی ہار گيا۔ يہ ايشيا سے باہر اور يورپی بر اعظم ميں کووڈ انيس کے باعث ہونے والی پہلی ہلاکت تھی۔ چين ميں اس وقت ہلاکتيں ڈيڑھ ہزار سے متجاوز تھیں، جن کی اکثريت صوبہ ہوبے ميں ہی ہوئی تھیں۔
تصویر: Getty Images/M. Di Lauro
پاکستان ميں اولين کيس
پاکستان ميں نئے کورونا وائرس کا اولين کيس چھبيس فروری کو سامنے آيا۔ ايران سے کراچی لوٹنے والے ايک طالب علم ميں وائرس کی تشخيص ہوئی۔ اٹھارہ مارچ تک ملک کے چاروں صوبوں ميں کيسز سامنے آ چکے تھے۔
تصویر: picture-alliance/AP Photo/F. Khan
کورونا کا دنيا بھر ميں تيزی سے پھيلاؤ
آئندہ دنوں ميں وائرس تيزی سے پھيلا اور مشرق وسطی، لاطينی امريکا و ديگر کئی خطوں ميں اولين کيسز سامنے آتے گئے۔ اٹھائيس فروری تک نيا کورونا وائرس اٹلی ميں آٹھ سو افراد کو متاثر کر چکا تھا اور يورپ ميں بڑی تيزی سے پھيل رہا تھا۔ اگلے دن يعنی انتيس فروری کو امريکا ميں کورونا وائرس سے پہلی ہلاکت رپورٹ کی گئی۔
يورپ اور امريکا کے دروازے بند
امريکی صدر نے گيارہ مارچ کو يورپ سے تمام تر پروازيں رکوا ديں اور پھر تيرہ مارچ کو ہنگامی حالت کے نفاذ کا اعلان کر ديا۔ بعد ازاں سترہ مارچ کو فرانس نے ملک گير سطح پر لاک ڈاون نافذ کر ديا اور يورپی يونين نے بلاک سے باہر کے تمام مسافروں کے ليے يورپ ميں داخلہ بند کر ديا۔
تصویر: picture-alliance/Xinhua/A. Morrisard
متاثرين کی تعداد ايک ملين سے متجاوز
دو اپريل تک دنيا کے 171 ممالک ميں نئے کورونا وائرس کی تصديق ہو چکی تھی اور متاثرين کی تعداد ايک ملين سے زائد تھی۔ اس وقت تک پوری دنيا ميں اکاون ہزار افراد کووڈ انيس کے باعث ہلاک ہو چکے تھے۔ دس اپريل تک يہ وائرس دنيا بھر ميں ايک لاکھ سے زائد افراد کی جان لے چکا تھا۔
تصویر: picture-alliance/xim.gs
ہلاکتيں لگ بھگ دو لاکھ، متاثرين اٹھائيس لاکھ
بائيس اپريل تک متاثرين کی تعداد ڈھائی ملين تک پہنچ چکی تھی۔ پچيس اپريل کو کووِڈ انیس کی وجہ سے دنیا بھر میں ہونے والی ہلاکتیں ایک لاکھ ستانوے ہزار سے تجاوز کر چکی ہیں جب کہ اس مرض سے متاثرہ افراد کی تعداد بھی اٹھائیس لاکھ پندرہ ہزار سے زائد ہو چکی ہے۔ عالمی سطح پر اس بیماری سے صحت یاب ہونے والے افراد کی تعداد سات لاکھ پچیانوے ہزار سے زائد ہے۔
تصویر: picture-alliance/dpa/F. Gambarini
متاثرين ساڑھے چار ملين سے اور ہلاک شدگان تين لاکھ سے متجاوز
مئی کے وسط تک نئے کورونا وائرس کے متاثرين کی تعداد ساڑھے چار ملين سے جبکہ ہلاک شدگان کی تعداد تين لاکھ سے متجاوز ہے۔ امريکا ساڑھے چودہ لاکھ متاثرين اور قريب ستاسی ہزار اموات کے ساتھ سب سے زيادہ متاثرہ ملک ہے۔ متاثرين کی تعداد کے معاملے ميں بھارت نے چين پر سولہ مئی کو سبقت حاصل کر لی۔ بھارت ميں کووڈ انيس کے مريضوں کی تعداد تقريباً چھياسی ہزار ہے جبکہ ڈھائی ہزار سے زيادہ لوگ ہلاک ہو چکے ہيں۔
تصویر: Reuters/J. Cabezas
بنڈس ليگا پھر سے شروع، شائقين غائب
سولہ مئی سے جرمن قومی فٹ بال ليگ بنڈس ليگا کے ميچز شروع ہو رہے ہيں۔ يورپی سطح پر بنڈس ليگا پہلی قومی ليگ ہے، جس کے ميچز کئی ہفتوں کی معطلی کے بعد دوبارہ شروع ہو رہے ہيں۔ البتہ سماجی فاصلہ برقرار رکھنے کی ہدايات کے مطابق شائقين کو اسٹيڈيمز کے اندر موجود ہونے کی اجازت نہيں ہے۔ حکام نے شائقين کو خبردار کيا ہے کہ اگر اسٹيڈيمز کے باہر شائقين مجمے کی صورت ميں جمع ہوئے، تو ميچز منسوخ کيے جا سکتے ہيں۔
تصویر: picture-alliance/dpa/I. Fassbender
يورپ بھر ميں پابنديوں ميں نرمياں جاری
دو مئی کو اسپين کے مشہور بارسلونا بيچ کو عوام کے ليے کھول ديا گيا۔ سولہ مئی سے فرانس اور اٹلی ميں بھی سمندر کنارے تقريحی مقامات لوگوں کے ليے کھول ديے گئے ہيں۔ يورپ کے کئی ممالک ميں پابنديوں ميں بتدريج نرمياں جاری ہيں اور بلاک کی کوشش ہے کہ جون کے وسط تک تمام تر سرحدی بنشيں بھی ختم ہوں اور يورپ ميں داخلی سطح پر سياحت شروع ہو سکے۔