جب چاول کی فصل کی کٹائی اپنے اختتام کو پہنچتی ہے تو مقامی کسان ’پاکو جوائی‘ نامی علاقے میں جمع ہو جاتے ہیں۔ یہاں بیلوں کی دوڑ کا مقابلہ منعقد کیا جاتا ہے اور کھیتوں کو ہی ریسنگ ٹریک کے طور پر استعمال کیا جاتا ہے۔

اس دوڑ کا تعلق نہ تو مذہب اور نہ ہی روحانیت سے ہے۔ ’جوکی‘ کہلانے والے مقامی کسانوں کا مقصد محض مقابلہ بازی اور تفریح ہوتا ہے۔ جیتنے والے کسان کو ’مقامی ہیرو‘ قرار دے دیا جاتا ہے۔

کسی بہادر ’جوکی‘ کو لچکدار چھڑی سے بنائی گئی ان دو باگوں کے علاوہ کسی چیز کی ضرورت نہیں ہوتی۔ انہیں بیلوں کی ڈھیلی ڈھالی کاٹھی سے باندھ دیا جاتا ہے اور ان سے جڑے تختے پر کھلاڑی کھڑا ہو جاتا ہے۔ سہارے کے لیے بیل کی دم پکڑ لی جاتی ہے۔

اس دوڑ میں فاتح قرار پانے کے لیے سب سے ضروری بات تیز رفتاری اور اپنی سمت کو سیدھا رکھنا ہوتی ہے۔ ان بیلوں کی رفتار تیس سے چالیس کلومیٹر فی گھنٹہ تک ہو سکتی ہے۔ لیکن نہ تو کوئی اسٹاپ واچ ہوتی ہے اور نہ ہی کوئی واضح قوانین، حتمی فیصلہ مقابلے کی انتظامی کمیٹی کرتی ہے۔

دوڑ کے دوران گرنا اور گارے میں لت پت ہو جانا اس کھیل کے لازمی حصے ہیں۔ انتہائی ماہر ’جوکی‘ کے لیے بھی بیلوں کی سمت کو سیدھا رکھنا انتہائی مشکل ہوتا ہے۔

انڈونیشیا کے ایسے کسان اپنے بیلوں کا خاص خیال رکھتے ہیں۔ کئی انہیں خصوصی غذائیں حتیٰ کہ شہد تک بھی کھلانے کے دعوے کرتے ہیں۔ جیتنے والے کے لیے کوئی خاص انعام تو نہیں رکھا جاتا لیکن مقابلہ جیتنے والا بیل تقریباﹰ دگنی قیمت پر فروخت ہوتا ہے۔

اس جزیرے پر چاول کی فصل کی کٹائی کے بعد ہر سال ’جیمبرانا کپ‘ کا انعقاد کیا جاتا ہے۔ اس ٹورنامنٹ کے مختلف مراحل ہوتے ہیں۔ حتمی مرحلے کا نام ’میکپنگ فائنل‘ ہے اور جتنے والے کسان کو دو لاکھ پاکستانی روپے کے برابر رقم دی جاتی ہے۔

کسان اس میلے میں شرکت کے لیے اپنے بیلوں کو خوب اچھی طرح سجاتے ہیں۔ سب سے زیادہ زیور بیلوں کے سروں پر باندھنے کے لیے بنایا جاتا ہے۔

فرانسیسی صدر ایمانوئل ماکروں اپنی بیگم سے چوبیس برس چھوٹے ہیں۔ بریژٹ ماکروں، ایمانوئل کی ٹیچر ہوا کرتی تھیں۔ ان دونوں کی کوئی اولاد نہیں تاہم بریژٹ کے اپنے پہلے شوہر سے تین بچے ہیں۔

پاپ گلوکارہ میڈونا اور اُن کے سابقہ شوہر اور معروف ماڈل جیسس لوس کی عمروں میں پورے اٹھائیس سال کا فرق تھا۔ یہ رشتہ صرف دو سال چل سکا۔

جرمنی کی سپر ماڈل ہائیڈی کلوم کے شوہر ویٹو شنابل اُن سے عمر میں تیرہ برس چھوٹے ہیں۔

امریکی گلوکارہ ٹینا ٹرنر اور اُن کے شوہر اِرون باخ کو پہلی نظر میں ایک دوسرے سے محبت ہو گئی تھی۔ اِرون اور اُن کی بیوی ٹینا کی عمروں میں سولہ سال کا فرق ہے۔

جرمن سنگر نینا کے شوہر فلپ پالم اپنی گلوکارہ بیوی سے بارہ سال چھوٹے سہی لیکن یہ جوڑی تئیس سال سے ایک دوسرے کا ہاتھ تھامے زندگی کے راستوں پر رواں دواں ہے۔

سویڈش فٹ بالر ’زلاٹن ابراہیم وچ‘ اپنی بیوی ہیلینا سیگر سے گیارہ برس چھوٹے ہیں۔

بڑی عمر کی خواتین سے محبت اور پھر شادی صرف نئے دور کا قصہ نہیں۔ فرانسیسی بادشاہ نپولین بونا پارٹ بھی چھ سال بڑی جوزفین کے عشق میں مبتلا ہو گئے تھے۔ سماجی دباؤ کی پروا نہ کرتے ہوئے نپولین نے جوزفین کا ہاتھ تھاما تھا۔