کورونا ويکسين کسے، کون سی، کس قيمت پر اور کب ملے گی؟
عاصم سلیم
8 دسمبر 2020
اب جبکہ کورونا سے بچاؤ کے ليے کئی ويکسينز کی خبريں گردش کر رہی ہيں، بہت سے لوگ ويکسين کے موثر ہونے، اس کی دستيابی، فراہمی کے وقت اور ديگر کئی معاملات کی وجہ سے بے يقينی کا شکار بھی ہيں۔
اشتہار
اس آرٹيکل ميں کورونا ويکسين کے حوالے سے اہم ترين اور مستند معلومات اکھٹی کی گئی ہيں۔ تازہ ترين پيش رفت يہ ہے کہ اب تک برطانيہ دنيا کا پہلا مغربی ملک ہے، جس نے کورونا سے بچاؤ کے ليے ايک ويکسين کی باقاعدہ طور پر منظوری دے دی ہے۔ اس سے قبل روس داخلی سطح پر تيار کردہ ويکسين منظور کر چکا ہے۔
ويکسين کی فراہمی کہاں کہاں جاری ہے؟
روس نے گزشتہ ہفتے کے دن سے ماسکو کے چند علاقوں ميں ويکسين کی مہم شروع کر رکھی ہے۔ روسی ساختہ 'اسپٹنک فائیو‘ نامی ويکسين عام عوام کو دی جا رہی ہے گو کہ اس کی وسيع پيمانے پر آزمائش ابھی باقی ہے۔ روسی ريگوليٹری باڈی نے ويکسين کی منظوری چند ماہ قبل دے دی تھی۔
مغربی ممالک ميں برطانيہ نے پچھلے ہفتے ايک ويکسين کی منظوری دی۔ منگل آٹھ دسمبر سے عام عوام کو ويکسين دی جا رہی ہے اور اس عمل کی شروعات ہيلتھ سيکرٹری ميٹ ہينکوک سے ہو گی جنہوں نے عوام کے شکوک وشبہات دور کرنے کے ليے ٹيلی وژن پر براہ راست ويکسين لينے کا کہہ رکھا ہے۔ برطانيہ نے مجموعی طور پر چاليس ملين خوراکوں کا آرڈر دے رکھا ہے۔
اس کے علاوہ فی الحال دنيا کے کسی بھی ملک ميں ويکسين عام عوام کو فراہم نہيں کی جا رہی گو کہ کئی ممالک ميں آزمائش جاری ہے۔
بيشتر مغربی ممالک ميں ويکسين کی فراہمی کے ليے انتظامی امور پر دھيان ديا جا رہا ہے۔ مثال کے طور پر جرمنی خصوصی ہالز وغيرہ کو اس بہت بڑے انتظامی چيلنج کے ليے تيار کيا جا رہا ہے۔ بيشتر ممالک توقع کر رہے ہيں کہ اسی ماہ کے اوآخر يا جنوری کے اوائل تک ويکسين کی فراہمی شروع ہو جائے گی۔
کون کون سے ويکسين کس کس مرحلے ميں ہيں؟
جرمن دوا ساز کمپنی بائیو این ٹيک اور امريکی ادارے فائزر کی ويکسين اب تک سب سے آگے ہے۔ حتمی نتائج اور آزمائش کے بعد ويکسين کو تقريباً پچيانوے فيصد موثر قرار ديا گيا تھا۔ برطانيہ ميں ابتدائی طور پر اسی ويکسين کو منظور کيا گيا جبکہ امريکا اور يورپی يونين ميں اس ويکسين کی منظوری دسمبر کے وسط تک ممکن ہے۔
امريکی کمپنی موڈرنا کی ويکسين کی منظوری بھی آئندہ چند ايام ميں متوقع ہے۔ آزمائش کے بعد اس ويکسين کو بھی تقريباً چورانوے فيصد موثر قرار ديا گيا ہے۔ برطانيہ اور امريکا ميں ريگوليٹری اٹھارٹياں اس ويکسين کا معائنہ کر رہی ہيں۔
اس کے علاوہ ايسٹرا زينيکا اور آکسفورڈ يونيورسٹی کے اشتراک سے بننے والی ويکسين بھی عنقريب منظوری کے ليے متعلقہ اتھارٹيوں سے رابطہ کرے گی۔ چين ميں دو ويکسين سينووک اور سينو فرام کی ہنگامی صورتحال ميں استعمال کی منظوری رواں سال جولائی ميں دے دی تھی۔
علاوہ ازيں دنيا کے کئی ممالک اور خطوں ميں کورونا سے بچاؤ کے ليے اب بھی کئی ويکسينز زير آزمائش ہيں۔ روس ميں اسپٹنک فائیو کے علاوہ کم از کم ايک اور ويکسين حتمی مراحل ميں ہے۔
درحقیقت کورونا وائرس دکھتا کیسا ہے؟
03:52
ويکسين کی قيمت کيا ہو گی؟
رواں سال اگست ميں موڈرنا نے اعلان کيا تھا کہ اس کی ويکسين کی فی خوراک قيمت بتيس سے سينتيس ڈالر کے درميان ہو گی۔ بائیو این ٹيک کی ويکسين کی فی خوراک قيمت لگ بھگ بيس ڈالر ہو گی جبکہ ايسٹرا زينيکا اور آکسفورڈ يونيورسٹی کے اشتراک سے بننے والی ويکسين کی قيمت محض تین سے چار ڈالر مقر کی جائے گی۔
جانسن اينڈ جانسن نے اعلان کيا ہے کہ اس کی زير آزمائش ويکسين منظوری کی صورت ميں عوام کو دس ڈالر فی خوراک دستياب ہو گی۔
چينی ويکسين کی دو خوراکوں کی قيمت لگ بھگ ساٹھ ڈالر ہے۔ دريں اثناء بيشتر يورپی ممالک نے اپنے عوام کو کہہ ديا ہے کہ انہيں ويکسين بلا معاوضہ فراہم کی جائے گی۔
اشتہار
ويکسين کيسے دی جائے گی؟
بائیواین ٹيک اور فائزر کی ويکسين کی دو خوارکيں اکيس دن کے فرق سے دی جاتی ہيں۔ موڈرنا ويکسين کی خوراکوں ميں چار ہفتوں کا فرق لازمی ہے۔ اسی طرح چينی ويکسين بھی دو خوراکوں ميں دی جاتی ہے۔ يہ تمام ويکسين کورونا سے بچاؤ کے ليے جسم ميں قوت مدافعت پيدا کرتی ہيں۔ واضح رہے کہ کسی مريض کے کورونا ميں مبتلا ہو جانے کی صورت ميں يہ ويکسين کارآمد نہيں۔ ايسی صورت ميں بالکل ہی مختلف طريقہ علاج اپنايا جاتا ہے۔
دوسری جانب بيشتر مغربی ممالک ميں ويکسين سب سے پہلے طب کے شعبے سے وابستہ ملازمين اور معمر افراد کو دی جا رہی ہے۔ اس کے بعد ان افراد کا نمبر آئے گا، جو ايسے پيشوں سے وابستہ ہيں کہ انہيں عوام سے رابطہ کرنا پڑتا ہے يا باہر زيادہ نکلنا پڑتا ہے۔ اس طرح ايک سلسلہ وار انداز ميں ويکسين فراہم کی جائے گی۔
کورونا وائرس کی لپیٹ میں آنے والی معروف شخصیات
ہالی وُوڈ سے بالی وُوڈ تک، کئی اہم فلمی شخصیات کورونا وائرس کی لپیٹ میں آچکی ہیں۔ ان کے علاوہ کئی نامی سیاستدانوں کو بھی کووڈ انیس کی بیماری نے اپنی گرفت میں لیا۔
تصویر: picture-alliance/dpa/Sputnik/E. Chesnokova
رابرٹ پیٹینسن
چونتیس سالہ اداکار رابرٹ پیٹینسن نے فلم ’ٹوائلائٹ‘ میں ایک ایسے خونخوار مردے کا کردار ادا کیا تھا، جو رات کو باہر نکلتا تھا۔ وہ ’بیٹمین‘ کی شوٹنگ میں مصروف تھے کہ ان کا کورونا ٹیسٹ مثبت آ گیا۔ فلم بیٹمین میں پہلے بین ایفلیک کو کاسٹ کیا گیا تھا۔
تصویر: picture-alliance/dpa/Sputnik/E. Chesnokova
ڈوائن جانسن: دا راک
امریکا کے مشہور ریسلر یا پہلوان ’دا راک‘ کا اصلی نام ڈوائن جانسن ہے۔ وہ ہالی وُوڈ کی فلموں میں اداکاری کے جوہر دکھاتے ہیں۔ ان کو بیوی اور دو بیٹیوں سمیت کورونا وائرس نے گرفت میں لے لیا تھا۔ اب سبھی اس بیماری کے چنگل سے نکل آئے ہیں۔ انہوں نے لوگوں کو تلقین کی ہے کہ ماسک پہن کر رہیں کیونکہ اسی میں بہتری ہے۔
تصویر: picture-alliance/AP Photo/R. Shotwell
فٹ بالر نیمار
مشہور و معروف برازیلی فٹ بالر نیمار، فرانسیسی فٹ بال کلب پیرس سینٹ جرمین کی جانب سے کھیلتے ہیں۔ کلب کے تین کھلاڑیوں کے دو ستمبر سن 2020 کو کورونا ٹیسٹ مثبت آئے تھے۔ کلب کے کھلاڑیوں میں اس بیماری کی وبا پھوٹنے کو ٹیم کے ہسپانوی تفریحی جزیرے ابیٹسا کے دورے کا نتیجہ قرار دیا گیا ہے۔ نیمار کے ساتھ ان کے بیٹے کا بھی کورونا ٹیسٹ مثبت آیا ہے۔
تصویر: Getty Images/AFP/D. Ramos
سلویو برلسکونی
تراسی سالہ اطالوی سیاستدان اور سابق وزیر اعظم سلویو برلسکونی کا کورونا ٹیسٹ مثبت آیا ہے۔ اس کا اعلان ان کی سیاسی جماعت نے دو ستمبر سن 2020 کو کیا۔ ان کے دو بیٹے اور تیس سالہ خاتون دوست کے بھی ٹیسٹ مثبت آئے ہیں۔ وہ سارڈینا کی ساحلی پٹی پر چھٹیاں گزارنے گئے ہوئے تھے۔
تصویر: picture-alliance/dpa/D. Vojinovic
یُوسین بولٹ
تیز رفتار دوڑنے کے مقابلے میں لیجنڈ کا درجہ رکھنے والے یوسین بولٹ بھی کورونا وائرس کی لپیٹ میں آ چکے ہیں۔ ان کا وائرس ٹیسٹ ان کی چونتیسویں سالگرہ کی آؤٹ ڈور پارٹی کے بعد سامنے آیا۔ اس پارٹی میں مہمانوں نے ماسک نہیں پہن رکھے تھے۔ وہ ایک سو میٹر اور دو سو میٹر کی دوڑ میں ریکارڈ رکھتے ہیں۔
تصویر: Reuters/M. Childs
انٹونیو بینڈراس
ہسپانوی اداکار انٹونیو بینڈراس کو اپنی ساٹھویں سالگرہ پر حیران کن انداز میں کورونا وائرس کا سامنا کرنا پڑ گیا۔ انہیں اپنی سالگرہ کا دن آئسولیشن یا قرنطینہ میں گزارنا پڑا۔ رواں برس کے مہینے اگست کے وسط میں ان کا ٹیسٹ مثبت آیا تھا۔ اب وہ صحتیاب ہو چکے ہیں۔
تصویر: picture-alliance/Captital Pictures
امیتابھ بچن اور خاندان
بھارت فلمی صنعت بالی وُوڈ کے لیجنڈری اداکار امیتابھ بچن اور ان کا تقریباً سارا خاندان ہی جولائی میں کورونا وائرس کی گرفت میں آ گیا تھا۔ ان کے بیٹے ابھیشیک بچن، اداکارہ بہو اور سابقہ مس ورلڈ ایشوریا رائے کے ساتھ پوتی آرادیا کے کورونا ٹیسٹ مثبت آنے پر، ان کو ہسپتال داخل کر دیا گیا تھا۔ اب سبھی رُو بہ صحت ہو چکے ہیں۔ ان کی بیوی جیا بچن کا ٹیسٹ منفی آیا تھا۔
تصویر: AFP/Getty Images/S. Jaiswal
جائیر بولسونارو
برازیل کے صدر جائیر بولسونارو کورونا وائرس کی وبا کو محض نزلہ زکام قرار دیتے رہے ہیں اور پھر جولائی سن 2020 میں ان کو کورونا وائرس نے آن دبوچا۔ انہیں کورونا وبا اور دیگر احتیاطی تدابیر کو نظرانداز کرنے پر ملک اور بیرون ملک شدید تنقید کا سامنا رہا۔ ان کے بیٹے اور بیوی کے بھی ٹیسٹ مثبت آئے تھے۔
تصویر: picture-alliance/dpa/E. Peres
ٹام ہینکس
امریکی فلمی صنعت ہالی وُوڈ کے مشہور اداکار ٹام ہینکس اور ان کی گلوکارہ و اداکارہ بیوی ریٹا ولسن کے کورونا ٹیسٹ بھی مثبت آ چکے ہیں۔ وہ اس وبا کی لپیٹ میں آنے والی ابتدائی مشہور شخصیات میں سے تھے۔ ہینکس اور ان کی بیوی کو آسٹریلیا کے دورے کے دوران وائرس نے جکڑ لیا تھا۔ اب وہ صحت یاب ہو کر واپس امریکا لوٹ چکے ہیں۔
تصویر: picture-alliance/AP/Invision/J. Strauss
صوفی گریگوئر ٹروڈو
کینیڈا کے وزیر اعظم جسٹن ٹروڈو کی اہلیہ صوفی ٹروڈو کا ٹیسٹ برطانوی دورہ مکمل کرنے کے بعد وطن واپس پہنچنے پر مثبت آیا تھا۔ بیوی کا ٹیسٹ مثبت آنے کے بعد کینیڈین وزیر اعظم نے خود کو دو ہفتوں کے لیے قرنطینہ کر لیا تھا۔
تصویر: Reuters/P. Doyle
بورس جانسن
برطانوی وزیر اعظم بورس جانسن بھی رواں برس مارچ میں کورونا کی گرفت میں آ گئے تھے۔ ان کی طبیعت زیادہ خراب ہونے پر انہیں ہنگامی طور پر ہسپتال منتقل کر دیا گیا تھا۔ وہ ایک ہفتہ ہسپتال میں داخل رہے تھے۔ ہسپتال میں انہیں آکسیجن فراہم کی گئی اور معالجین مسلسل ان کی علالت پر نگاہ رکھے ہوئے تھے۔