وزن کم کرنے کے عمل میں نہ صرف جسم میں جمع ضرورت سے زیادہ چربی بلکہ اور بھی کئی طرح کے غیر ضروری مادوں کا اخراج ضروری ہوتا ہے۔ تحقیق سے پتہ چلا ہے کہ جب جسم میں سے فاضل مادے کم ہوتے ہیں تو وزن بھی کم ہونے لگتا ہے۔ ظاہر ہے کہ خوراک میں کیلوریز کم کیے بغیر اور ورزش کیے بغیر وزن میں کوئی تبدیلی نہیں ہو گی۔

صبح صبح گرم پانی میں ليموں نچوڑ کر پینے کے بہت سے فوائد بتائے گئے ہیں لیکن اس کے علاوہ بھی ایک بالغ شخص کو دن میں تقریباً 8 سے 10 گلاس پانی ضرور پینا چاہیے۔ سکنجبین یا لیموں پانی میں مٹھاس کے لیے چینی کی بجائے شہد بھی ملایا جا سکتا ہے۔

کھانے میں پھل اور سبزیوں کی مقدار بڑھانے اور گوشت اور شکر کو کم کرنے سے بھی وزن کم کرنے میں مدد ملے گی۔ آپ چاہیں تو سلاد یا کسی اور سالن میں لیموں کا رس بھی ملا سکتے ہیں۔ وٹامن سی کے علاوہ اس رَس سے پوٹاشیم بھی ملتا ہے، جس کے ساتھ اعصابی نظام، دل اور پٹھے مناسب طریقے سے کام کرتے ہیں۔

لیموں کے رس میں پائے جانے والے عناصر بیکٹیریا کا خاتمہ کرتے ہیں۔ اس کے ساتھ ساتھ لیموں کا رَس غذا کو ہضم کرنے میں بھی مدد دیتا ہے۔ لیموں کا رَس آنتوں میں موجود ضرر رساں بیکٹیریا کو مارتا ہے اور پیشاب کے ساتھ انہیں جسم سے باہر نکال دیتا ہے۔ پیٹ اور آنتوں کو صحت مند رکھنے میں اس کا اہم کردار ہوتا ہے۔

جرمنی کی بوخُم یونیورسٹی کے ریسرچرز نے پتہ چلایا ہے کہ لیموں کا رَس کینسر کے خلیات کی افزائش کو روکنے میں مدد گار ثابت ہو سمکتا ہے۔ اس کے علاوہ اسے گردے کے امراض میں بھی مفید پایا گیا ہے اور یہ گردوں میں پتھری بننے کے عمل کو بھی روکنے میں مؤثر ثابت ہو سکتا ہے۔

لیموں میں ایسی خصوصیات بھی پائی جاتی ہیں، جن کی وجہ سے جلد طویل عرصے تک جوان رہ سکتی ہے۔ اس کے علاوہ چہرے کے روئیں بھی اس کے رنگ کی مدد سے ہلکے کیے جا سکتے ہیں۔

زیادہ تر لوگ بسکٹ یا چھوٹی موٹی نمکین اور میٹھی چیزیں اس لیے نہیں کھاتے کہ اُنہیں بھوک لگتی ہے بلکہ اس لیے کہ وہ ہر وقت کچھ نہ کچھ چباتے رہنا چاہتے ہیں۔ چيوئنگ گم سے ایسا کرنے کی عادت کم ہو سکتی ہے۔

کافی پینے سے کھانا جلدی ہضم ہوتا ہے اور اس سے زیادہ کیلوریز جلتی ہیں۔ تین گھنٹے کے لیے تو کافی مدد کر ہی سکتی ہے۔ اگر کافی پسند نہیں تو چائے پئیں۔

تحقیق سے پتہ چلتا ہے کہ ذہنی دباؤ میں رہنے والی خواتین کو موٹاپے کے مسئلے کا زیادہ سامنا کرنا پڑتا ہے۔ ایک تحقیق کے مطابق پُرسکون مزاج والی خواتین دیگر کے مقابلے میں روزانہ 104 کیلوریز زیادہ جلا پاتی ہیں۔

... بھی فائدہ مند ہوتا ہے۔ جب موسیقی سنیں تو گیت کی دُھن پر پاؤں تھركانا نہ بھولیں۔ اس سے جسم میں ورزش کرنے جتنی تو نہیں لیکن کچھ کیلوریز تو ضرور جلیں گی۔

سستی کی وجہ سے اگر آپ ہر روز ورزش کے لیے ایک گھنٹہ نہیں دے سکتے تو دَس منٹ تو نکال ہی سکتے ہیں۔ محض دس منٹ کی سیر ایک گھنٹے تک کے لیے کیلوریز جلانے میں مدد دیتی ہے۔

اگر آپ دن بھر دفتر میں کمپیوٹر کے سامنے بیٹھے رہتے ہیں، تو ایک سٹیبلٹی بال خرید لیں۔ کرسی پر بیٹھنے کی مقابلے میں اس طرح کی گیند پر بیٹھنے سے دن بھر میں 260 تک کیلوریز جلائی جا سکتی ہیں۔

مصالحے نہ صرف کھانے کے ذائقے کو بڑھاتے ہیں بلکہ ایک طرح سے وزن میں کمی کا بھی سبب بن سکتے ہیں۔ مصالحے دار کھانا کھانے سے کیلوریز بھی جلتی ہیں اور بہت جلد ایسا بھی لگنے لگتا ہے کہ پیٹ بھر گیا ہے اور تب آپ کھانے سے ہاتھ کھینچ لیتے ہیں۔