کینیڈا میں مسجد میں حملہ، چھ نمازی قتل: ملزم کو 40 سال قید
9 فروری 2019
کینیڈا کے صوبے کیوبیک کی ایک مسجد میں فائرنگ کر کے چھ نمازیوں کو قتل اور درجنوں دیگر کو زخمی کر دینے والے ملزم کو چالیس سال سزائے قید سنا دی گئی ہے۔ یہ حملہ مانٹریال کے اسلامی ثقافتی مرکز میں دو سال قبل کیا گیا تھا۔
نفرت کی وجہ سے کیے گئے اس حملے میں مجرم نے چھ نمازیوں کو قتل کر دیا تھاتصویر: Getty Images/AFP/A. Vaughan
اشتہار
کیوبیک کے دارالحکومت مانٹریال سے ہفتہ نو فروری کو ملنے والی نیوز ایجنسی ڈی پی اے کی رپورٹوں کے مطابق ملزم کی عمر اس وقت 29 برس ہے اور اس کا نام آلیکسانڈ بِسونَیٹ ہے۔ اس نے یہ حملہ مانٹریال شہر کی ایک بڑی مسجد میں داخل ہو کر وہاں موجود نمازیوں پر 29 جنوری 2017ء کو کیا تھا۔
شہزادہ محمد بن سلمان اور سعودی سفارتی تنازعے
سعودی عرب اور کینیڈا کے مابین ایک غیر عمومی اور شدید سفارتی تنازعہ جاری ہے۔ لیکن شہزادہ محمد بن سلمان کے ولی عہد بننے کے بعد یہ کوئی پہلا سفارتی تنازعہ نہیں۔ دیکھیے کن دیگر ممالک کے ساتھ سفارتی بحران پیدا ہوئے۔
تصویر: picture-alliance/dpa/SPA
کینیڈا کے ساتھ تنازعہ
شہزادہ محمد بن سلمان کے دور میں تازہ ترین سفارتی تنازعہ کینیڈا کے ساتھ جاری ہے۔ اس سفارتی تنازعے کی وجہ کینیڈا کی جانب سے سعودی عرب میں انسانی حقوق کے کارکنوں کی رہائی کے لیے کی گئی ایک ٹویٹ بنی۔ سعودی عرب نے اس بیان کو ملکی داخلی معاملات میں مداخلت قرار دیتے ہوئے کینیڈا کے ساتھ سفارتی اور اقتصادی روابط ختم کر دیے۔
تصویر: picture alliance/AP/G. Robins/The Canadian Press
برلن سے سعودی سفیر کی واپسی
نومبر سن 2017 میں سعودی عرب نے اس وقت کے جرمن وزیر خارجہ زیگمار گابریئل کی جانب سے یمن اور لبنان میں سعودی پالیسیوں پر کی گئی تنقید کے جواب میں برلن سے اپنا سفیر واپس بلا لیا۔ جرمن حکومت سعودی سفیر کی دوبارہ تعیناتی کی خواہش کا اظہار بھی کر چکی ہے تاہم سعودی عرب نے ابھی تک ایسا نہیں کیا۔
تصویر: picture-alliance/dpa/G. Fischer
قطر کے ساتھ تنازعہ
گزشتہ برس قطری تنازعے کا آغاز اس وقت ہوا جب سعودی اور اماراتی چینلوں نے قطر پر دہشت گردوں کی معاونت کرنے کے الزامات عائد کرنا شروع کیے تھے۔ ریاض حکومت اور اس کے عرب اتحادیوں نے دوحہ پر اخوان المسلمون کی حمایت کا الزام عائد کیا۔ ان ممالک نے قطر کے ساتھ سفارتی تعلقات منقطع کرنے کے علاوہ اس کی ناکہ بندی بھی کر دی تھی۔ یہ تنازعہ اب تک جاری ہے۔
تصویر: picture-alliance/AP Photo/O. Faisal
لبنان کے ساتھ بھی تنازعہ
سعودی عرب اور لبنان کے مابین سفارتی تنازعہ اس وقت شروع ہوا جب لبنانی وزیر اعظم سعد الحریری نے دورہ ریاض کے دوران اچانک استعفیٰ دینے کا اعلان کر دیا۔ سعودی عرب نے مبینہ طور پر الحریری کو حراست میں بھی لے لیا تھا۔ فرانس اور عالمی برادری کی مداخلت کے بعد سعد الحریری وطن واپس چلے گئے اور بعد ازاں مستعفی ہونے کا فیصلہ بھی واپس لے لیا۔
تصویر: picture-alliance/ MAXPPP/ Z. Kamil
تہران اور ریاض، اختلافات سفارتی تنازعے سے بھی بڑے
سعودی حکومت کی جانب سے سعودی شیعہ رہنما نمر باقر النمر کو سزائے موت دیے جانے کے بعد تہران میں مظاہرین سعودی سفارت خانے پر حملہ آور ہوئے۔ تہران حکومت نے سفارت خانے پر حملہ کرنے اور کچھ حصوں میں آگ لگانے والے پچاس سے زائد افراد کو گرفتار بھی کر لیا۔ تاہم سعودی عرب نے ایران کے ساتھ سفارتی تعلقات منقطع کر دیے۔
تصویر: Reuters/M. Ghasemi
’مسلم دنیا کی قیادت‘، ترکی کے ساتھ تنازعہ
سعودی عرب اور ترکی کے تعلقات ہمیشہ مضبوط رہے ہیں اور دونوں ممالک اقتصادی اور عسکری سطح پر ایک دوسرے کے ساتھ تعاون کرتے رہے ہیں۔ تاہم شہزادہ محمد بن سلمان کے اس بیان نے کہ ریاض کا مقابلہ ’ایران، ترکی اور دہشت گرد گروہوں‘ سے ہے، دونوں ممالک کے تعلقات کو شدید متاثر کیا ہے۔ محمد بن سلمان کے مطابق ایران اپنا انقلاب جب کہ ترکی اپنا طرز حکومت خطے کے دیگر ممالک پر مسلط کرنے کی کوشش میں ہے۔
مصر کے ساتھ تنازعے کے بعد تیل کی فراہمی روک دی
شہزادہ محمد بن سلمان کے ولی عہد مقرر ہونے سے قبل اکتوبر سن 2016 میں مصر اور سعودی عرب کے تعلقات اقوام متحدہ میں ایک روسی قرار داد کی وجہ سے کشیدہ ہو گئے تھے۔ بعد ازاں مصر نے بحیرہ احمر میں اپنے دو جزائر سعودی عرب کے حوالے کر دیے تھے جس کی وجہ سے مصر میں مظاہرے شروع ہو گئے۔ سعودی عرب نے ان مظاہروں کے ردِ عمل میں مصر کو تیل کی مصنوعات کی فراہمی روک دی۔
تصویر: picture-alliance/AA/Egypt Presidency
سعودی عرب اور ’قرون وسطیٰ کے دور کے ہتھکنڈے‘
مارچ سن 2015 میں سویڈن کی وزیر داخلہ نے سعودی عرب میں انسانی حقوق کی خلاف ورزیوں پر تنقید کرتے ہوئے ریاض حکومت کی پالیسیوں کو ’قرون وسطیٰ کے دور کے ہتھکنڈے‘ قرار دیا تھا جس کے بعد سعودی عرب نے سٹاک ہوم سے اپنا سفیر واپس بلا لیا تھا۔
تصویر: Reuters/TT News Agency/Annika AF Klercker
8 تصاویر1 | 8
ملزم کو مانٹریال کی ایک اعلیٰ عدالت نے گزشتہ برس مجرم قرار دے دیا تھا اور اب عدالت نے اس کے خلاف فیصلے کا اعلان کرتے ہوئے اسے کم از کم بھی 40 برس قید کی سزا سنا دی ہے۔ کینیڈین پریس ایجنسی نے جمعے کے روز بتایا کہ عدالت نے اس ملزم کو قتل عمد کے چھ جرائم اور دانستہ قاتلانہ حملے کے درجنوں دیگر جرائم میں عمر قید کی سزا سنا دی ہے۔
ملزم آلیکسانڈ بِسونَیٹ کی طرف سے مانٹریال شہر میں قائم اسلامی ثقافتی مرکز سے ملحقہ اس مسجد پر حملہ کینیڈا کی تاریخ میں مسلمانوں اور ان کی عبادت گاہوں پر کیے گئے بڑے حملوں میں شمار ہوتا ہے۔
عدالتی فیصلے کے مطابق مجرم اپنی ضمانت پر رہائی کے لیے درخواست بھی کم از کم چالیس سال بعد دے سکے گا۔
ڈی پی اے نے لکھا ہے کہ جب مانٹریال میں قائم کیوبیک کی ایک اعلیٰ عدالت نے اس مقدمے میں مجرم کو سزا سنائی، تو کچھا کھچ بھرے ہوئے کمرہ عدالت میں کئی افراد کی آنکھیں پرنم تھیں۔
عدالت کے جج فرانسوا ایوُت نے اپنا فیصلہ سناتے ہوئے کہا، ’’مجرم آلیکسانڈ بِسونَیٹ ایسے قاتلانہ اقدامات کا مرتکب ہوا تھا، جو مانٹریال شہر، کیوبیک صوبے اور ایک ملک کے طور پر کینیڈا کی تاریخ میں ہمیشہ کے لیے خون سے لکھے رہیں گے۔‘‘
مانٹریال کے اسلامی ثقافتی مرکز سے ملحقہ مسجد میں یہ ہلاکت خیز حملہ جنوری دو ہزار سترہ میں کیا گیا تھاتصویر: Getty Images/AFP/A. Chiche
عدالت نے تاہم اس مقدمے میں استغاثہ کی یہ درخواست مسترد کر دی کہ ملزم کو یکے بعد دیگرے مسلسل چھ مرتبہ عمر قید کی سزا سنائی جانا چاہیے تھی۔ اگر عدالت یہ درخواست منظور کر لیتی، تو مجرم ثابت ہو جانے والے بِسونَیٹ کو اتنی طویل سزائے قید سنا دی جاتی کہ وہ ضمانت پر اپنی جلد از جلد رہائی کی درخواست بھی 150 سال بعد دے سکتا تھا۔
اس کا مطلب یہ ہوتا کہ وہ اپنی زندگی میں دوبارہ کبھی جیل سے باہر نکل ہی نہیں سکتا تھا۔ ابھی لیکن اسے جو 40 سال کی سزائے قید سنائی گئی ہے، اس کے بعد اگر مستقبل میں اسے کبھی ضمانت پر رہا کیا بھی گیا، تو تب اس کی عمر اس وقت 29 کے مقابلے میں 69 برس ہو گی۔
اس مقدمے میں شروع میں ملزم نے اپنے خلاف تمام الزامات سے انکار کر دیا تھا لیکن پھر گزشتہ برس مارچ میں اس نے یہ اعتراف کر لیا تھا کہ وہ اپنے خلاف قتل اور اقدام قتل کے تمام 12 الزامات میں قصور وار ہے اور اس نے یہ حملہ نفرت کی وجہ سے کیا تھا۔
م م / ع ح / ڈی پی اے
کیوبیک سٹی میں مسجد پر حملہ، متاثرین کے ساتھ اظہار یک جہتی
