’’ایکو اسلام کانفرنس‘ کا مقصد نہ صرف تحفظ ماحولیات سے متعلق اسلامی تعلیمات کو عام کرنا ہے بلکہ اسلام کے پرامن رخ کی آگاہی بھی ہے۔ یہ کانفرنس تیس تا اکتیس اکتوبر کو جکارتہ کے ایک مقامی ہوٹل میں منعقد کی جا رہی ہے۔

اس کانفرنس میں انڈونیشیا کے علاوہ پاکستان، بنگلہ دیش اور جرمنی سے تعلق رکھنے والے افراد بھی شریک ہیں۔ ان میں ممتاز مذہنی رہنما، ماحول دوست کارکن اور میڈیا کے نمائندے بھی شامل ہیں۔

اس کانفرنس کے آغاز پر اںڈونیشیا کی وزارت ماحولیات کی نمائندہ سیسلیا سولاستری نے ملکی سطح پر تحفظ ماحول کے لیے کیے جانے والے اقدامات پر روشنی ڈالی اور بتایا کہ جکارتہ حکومت کس طرح کوشاں ہے کہ عالمی درجہ حرارت میں قابو پانے کی خاطر اپنا کردار ادا کر رہی ہے۔

اس دو روزہ کانفرنس میں مختلف موضوعات پر گفتگو جاری ہے۔ ان موضوعات کا تعلق اسلام اور ماحولیات سے ہے۔ انڈونیشیا کے کئی ممتاز ماحولیاتی کارکن بھی اس گفتگو میں شریک ہیں۔

انڈونیشیا میں کئی ایسی مساجد ہیں، جو مکمل طور پر ماحول دوست ہیں۔ اس منصوبے کے سربراہ ہایوں پروباوو نے کانفرنس کے شرکا کو بتایا کہ ایسی مساجد کس طرح تحفظ ماحول کو یقینی بناتی ہیں۔

جکارتہ میں تیس اور اکتیس اکتوبر کو ہونے والی اس کانفرنس میں ماحول دوست مصنوعات کی نمائش بھی کی جا رہی ہے۔ پیغام دیا جا رہا ہے کہ ماحول دوست طرز زندگی کے بغیر زمین پر انسانوں کا مستقبل تاریک ہے۔

انڈونیشیا میں تحفظ ماحولیات کا موضوع نیا نہیں۔ اس دو روزہ کانفرنس کے دوران مقامی ماڈلز نے ماحول دوست مصنوعات کی نمائش بھی کی۔ جس کا مقصد روزمرہ کی زندگی میں ماحول دوست انداز اختیا ر کرنے پر زور دینا تھا۔

ماحولیاتی تبدیلیوں کا ایک عجیب سا اثر یہ ہوا ہے کہ بحیرہ روم کی ساحلی پٹیاں جیلی فش کے گڑھ بنتی جا رہی ہیں۔ اس لیے ساحلی سیاحت کرنے والے چوکنا رہیں۔ کافی حد تک جیلی فش کی اس غیر معمولی افزائش کا سبب ماحولیاتی تبدیلیاں ہو سکتی ہیں۔ بڑھتا ہوا سمندری درجہ حرارت جیلی فش کی افزائش میں معاون ہوتا ہے اور دوسری وجہ اس کی پسندیدہ خوراک یعنی پلانکٹن میں اضافہ ہے۔

اگر آپ کے پاس اطالوی شہر کریمونا کا وائلن یا کوئی دوسرا تاروں والا ساز ہے، تواُسے بیچ کر لاکھوں ڈالر کما سکتے ہیں۔ اس کی وجہ وائلن یا ایسے سازوں کے لیے صنوبر کی لکڑی کا کمیاب ہوتا جانا ہے۔ اِس کمیابی کی وجہ سمندری طوفانوں کی بہتات ہے۔ متاثرہ اطالوی جنگل پینی ویگیو کے صنوبر کے درخت اب دوسرے مقامات پر لگائے جا رہے ہیں۔ لیکن وائلن بنانے کے لیے تو ڈیڑھ سو سال پرانے صنوبر کی لکڑی درکار ہوتی ہے۔

بڑے شہروں کی گرم راتوں میں عام لوگوں کی نیندیں کم ہونے لگی ہیں۔ سن 2050 تک بڑے یورپی شہروں کے درجہٴ حرارت میں ساڑھے تین ڈگری سینٹی گریڈ تک اضافہ ہو جانے کا امکان ہے۔ گرم موسم سے نیند کم اور مزاج خراب ہونے کا قوی امکان ہوتا ہے۔ تخلیقی سرگرمیاں متاثر اور ذہنی صحت بھی کمزور ہو سکتی ہے۔

گرم ہوتے موسموں نے پولن الرجی کے پھیلاؤ میں بھی اضافہ کردیا ہے۔ جنگلوں اور شہروں میں درختوں کی افزائش کے موسم طوالت اختیار کر گئے ہیں اور اسی باعث پودوں اور درختوں کے زرِگُل (پولن) کا پھیلاؤ بھی بڑھ گیا ہے۔ بہار کے موسم میں بہت سے لوگ پولن الرجی کا شکار ہو کر بار بار چھینکتے دکھائی دیتے ہیں۔

گرم ہوتے موسموں میں پسینہ بھی زیادہ آتا ہے۔ بہت زیادہ پسینہ بھی صحت کے لیے نقصان دہ ہے۔ رواں صدی کے آخر تک دنیا کی تین چوتھائی آبادی شدید گرمی کا سامنا کرنے پر مجبور ہو سکتی ہے۔ بڑھتے ہوئے درجہٴ حرارت سے قے اور دست کے امراض میں اضافہ ممکن ہے۔ بیکٹیریا کی افزائش بھی گرم موسم میں بڑھ جاتی ہے اور اسی طرح مچھروں سے پھیلنے والی بیماریوں (ملیریا وغیرہ) میں بھی اضافہ ہو جاتا ہے۔

قطب شمالی میں درجہٴ حرارت بڑھنے سے برف پگھل رہی ہے۔ اس کے وسیع تر منفی اثرات مرتب ہوں گے۔ گرم موسموں سے مکانات کے کمزور پڑ جانے اور سڑکوں میں دراڑیں پڑنے کے امکانات بڑھ جاتے ہیں۔ اس باعث کئی طرح کے کیڑے زمین سے نکلنا شروع ہو سکتے ہیں۔ برف پگھلنے سے کاربن ڈائی آکسائیڈ اور میتھین گیسیں نکلتی ہیں، جو موسم میں مزید حدت کی وجہ بن سکتی ہیں۔

موسمی درجہٴ حرارت کئی اقسام کی جنگلی حیات کی جنس پر بھی اثرانداز ہو سکتا ہے۔ مثلاﹰ سمندری کچھوے کے انڈوں کے لیے ساحلی ریت کی عمومی حدت ہی پیدا ہونے والے جانور کی جنس کا تعین کرتی ہے۔ کم درجہ حرارت کے نتیجے میں زیادہ تر نر کچھوے پیدا ہوتے ہیں اور زیادہ گرمی کے باعث مادہ۔ اس وقت شمالی آسٹریلیا میں ننانوے فیصد کچھوے مادہ پیدا ہوتے ہیں۔ اسی لیے اب ان کی نسل کے معدوم ہو جانے کا خدشہ بھی بڑھ گیا ہے۔