برطانیہ کے ڈورسیٹ ساحلی علاقے میں خاردار سمندری گھوڑے نے کورونا لاک ڈاؤن کے دوران اپنی افزائش کے پرانے علاقوں میں لوٹ کر نسل بڑھانی شروع کر دی ہے۔ ’سی ہارس ٹرسٹ‘ کے بانی نیل گیرک میڈمنٹ کے مطابق جب انسان فطرتی ماحول سے پیچھے ہٹتا ہے تو بے گھر جانوروں کی بقا کو لاحق خطرات کم ہو جاتے ہیں۔

اس سمندری سیپی اور اس کے اندر کی حیات کو گزشتہ دسمبر سے ایک ایسے جرثومے کا سامنا ہے، جس کی وجہ سے اس سیپی کے معدوم ہونے کا خطرہ بڑھ گیا ہے۔ بحیرہ روم میں اس سیپی کی تعداد میں حیران کن کمی واقع ہو چکی ہے۔ اس سمندر میں جرثومے سے اسی فیصد سے زائد فین سیپی ضائع ہو گئی ہے۔

افریقی ملک کینیا کا کولوبُس بندر اُن پچیس جانوروں میں شمار ہوتا ہے، جن کی بقا کو شدید خطرات لاحق ہیں۔ اس بندر کو جنگلوں میں آگ لگنے، درختوں کی کٹائی، سیلاب اور زراعت میں کمی کی صورت حال کا سامنا ہے۔ اب اس نسل کے لیے جنگلات کا رقبہ انتہائی کم ہو چکا ہے اور کولوبُس بندر کی تعداد کم ہوتی جا رہی ہے۔

براعظم افریقہ کے سیاہ گینڈے کی نسل انتہائی سست روی سے بڑھ رہی ہے۔ سن 2012 سے 2018 تک اس کی تعداد 4845 سے بڑھ کر 5630 تک پہنچ گئی ہے۔ یہ شرح افزائش ڈھائی فیصد سالانہ ہے۔ سیاہ گینڈے کو انتہائی ناپید ہونے والے جانوروں میں شمار کیا جاتا ہے۔ اس گینڈے کو ابھی بھی غیر قانونی شکار کا سامنا ہے۔

آسٹریلیا میں پائی جانے والی تازہ پانی کی مچھلی کو ماحولیاتی تبدیلیوں کا نشانہ بننے والی نسل خیال کیا جاتا ہے۔ اس مچھلی کی ساٹھ فیصد آبادی ماحولیاتی بحران کے نشانے پر ہے جبکہ سینتیس فیصد کے معدوم ہونے کا قوی امکان ہے۔ مچھلی کو آسٹریلیا میں پیدا خشک سالی نے شدید متاثر کیا ہے۔

بحر الکاہل میں واقع امریکی جزیرے گوام میں لڑائی سے دور رہنے والے پرندے ریل کی نسل کو معدوم ہونے کے بعد پھر سے بحال کرنے کی کوشش کی جا رہی ہے۔ اس پرندے کو جزیرے کے درختوں پر رہنے والے بھورے سانپ ہڑپ کر گئے تھے۔ اب اس پرندے کو گوام کے ہمسایہ جزیرے کوکوس پر آباد کیا جا رہا ہے۔

بچھو جیسے زہریلے صحرائی کیڑے کی نسل کے معدوم ہونے کے خطرات موجود ہیں۔ بچھو نسل کا یہ کیڑا افریقہ اور برازیل کے درمیان پانچ ایکڑ کے چھوٹے سے جزیرے ایسنسیئن کا کسی وقت اکلوتا مالک تھا۔ اس کو اب امریکی کاکروچ کی یلغار کا سامنا ہے۔

براعظم یورپ میں بسنے والے خرگوش کے ناپید ہونے کے خطرے شدید تر ہو گئے ہیں۔ اس نسل کے علاقے اسپین، جنوبی فرانس اور پرتگال ہیں۔ یہ خرگوش جنگلی بلی سیاہ گوش اور عقاب کا شکار ہوتے جا رہے ہیں۔ ان خرگوشوں میں خون بہنے کی بیماری پھیلنے سے ان کی ستر فیصد نسل کے ناپید ہونے کا خطرہ پیدا ہو گیا ہے۔

سفیدے درخت کی 826 میں سے 812 قسمیں آسٹریلیا میں پائی جاتی ہیں۔ ایک عالمی جائزے کے مطابق آسٹریلیا میں پائی جانے والے سفیدے کی پچیس فیصد اقسام کے معدوم ہونے کے سنگین خطرات پیدا ہو چکے ہیں۔ یہ درخت کوالا کی خوراک ہیں اور ان کی کمی سے کوالا کی نسل بھی کم ہوتی جا رہی ہے۔

ایک صدی قبل آسٹریلوی ٹسمانوی ٹائیگر کے ناپید ہونے کے بعد پانچ سو ریڑھ کی ہڈی والے جانور صفحہٴ ہستی سے مِٹ چکے ہیں۔ ایک ریسرچ کے مطابق اس وقت پانچ سو پندرہ ریڑھ کی ہڈی والے جانوروں کی تعداد ایک ہزار سے کم ہو چکی ہے۔ ماحولیاتی تبدیلیاں اور جانوروں کی تجارت اس عمل کو تیز رکھے ہوئے ہے۔

ٹائیگر چھپ کر اور تنہائی میں رہنے والا جانور ہے۔ اسے نقل و حرکت کے لیے بڑے علاقے کی ضرورت ہوتی ہے۔ ملائیشیا کے جنگلات، بھوٹان کے پہاڑوں اور بھارت کے ساحلی جنگلات میں ان کے لیے جگہ کم ہو رہی ہے۔ درخت تیزی سے کاٹے جا رہے ہیں، کاشت کاری، بڑھتی ہوئی آبادیاں اور سڑکوں کے جال ان کے لیے موت کا پیغام ثابت ہو رہے ہیں۔

نرم و ملائم بال، دھاری دار کھال اور خوبصورتی کی وجہ سے چڑیا گھروں کا یہ پسندیدہ ترین جانور ہے۔ امریکا میں یہ بات سچ لگتی ہے۔ امریکی محکمہ برائے جنگلی حیات کے مطابق گھروں اور چڑیا گھروں میں رکھے گئے ٹائیگرز کی تعداد جنگلوں میں پائے جانے والے ٹائیگرز کی نسبت کہیں زیادہ ہو چکی ہے۔ صرف ٹیکساس میں قید ٹائیگرز کی تعداد دو ہزار سے پانچ ہزار کے درمیان ہے۔

جنگلات میں ٹائیگروں کے نصف بچے ہی زندہ بچ پاتے ہیں۔ نامعلوم وجوہات کی بنیاد پر بعض اوقات مادہ ٹائیگر بچوں کو دودھ نہیں پلاتی لیکن چڑیا گھروں میں ایسے بچوں کو کتیا کے ساتھ رکھ دیا جاتا ہے تاکہ بچے دودھ پی سکیں۔ ٹائیگر کے بچے فرق محسوس کرنے سے قاصر رہتے ہیں اور اس طرح ان کے زندہ بچ جانے کے امکانات بہت زیادہ ہوتے ہیں۔

مجموعی طور پر ٹائیگر کی نو ذیلی اقسام ہیں لیکن آج ہمارے پاس صرف چھ ہی باقی بچی ہیں۔ صدیوں کی موسمیاتی تبدیلیوں نے ان کی نسل پر بھی اثرات چھوڑے ہیں۔ سربیا کے اس ٹائیگر (آمور، تصویر میں) کے بال اور جسامت دیگر اقسام سے بڑی ہوتی ہے۔

ٹائیگرز کی موجودہ چھ اقسام میں جینیاتی لحاظ ایک جیسی ہی ہیں لیکن ان کی عادات ایک دوسرے سے مختلف ہیں۔ ٹائیگروں کی جو عادات ایشیا میں ہیں، وہ افریقہ میں نہیں۔ کچھ ٹائیگر برساتی جنگلات میں رہتے ہیں اور کچھ خشک جنگلات میں، اسی طرح کچھ کا مسکن دلدلی علاقے ہیں تو کچھ تین ہزار میٹر کی بلندی پر رہتے ہیں۔ یہی وجہ ہے کہ ان کی تلاش اور ان کی تعداد میں اضافے کی کوششیں کرنا ایک مشکل امر ہے۔

ویسے تو انہیں کئی قسم کے خطرات لاحق ہیں لیکن ماحولیاتی تبدیلیاں ان کے لیے ایک بڑا خطرہ بنی ہوئی ہیں۔ سائنس آف دا ٹوٹل انوائرمنٹ میں شائع ہونے والی ایک حالیہ رپورٹ کے مطابق سندربن جنگلات میں پانی کی سطح بلند ہو ہی ہے۔ بھارت سے بنگلہ دیش تک پھیلے اس قدرتی علاقے میں آنے والی تبدیلیاں بنگال ٹائیگرز کی نسل کے لیے خطرہ ہیں۔ یہ نسل صرف اسی ماحول کی عادی ہے۔

کامیڈی وائلڈ لائف ایوارڈز CWPA دو فوٹو گرافروں پاؤل جوئنسن ہِکس اور ٹوم سولام نے سن 2015 میں شروع کیا تھا۔ اس کا مقصد کرہء ارض پر موجود متنوع زندگی کی مذاحیہ تصاویر کے ذریعے جنگلی حیات کے تحفظ کا شعور پیدا کرنا تھا۔ امریکی ریاست ورجینیا کے فوٹوگرافر چارلی ڈیوڈسن نے ریکون کی جاگنے کی یہ تصویر مقابلے کے لیے بھیجی۔

سی ڈبلیو پی اے عالمی مقابلہ بورن فری فاؤنڈیشن کے اشتراک عمل سے منعقد ہوا۔ اس میں چھ مختلف کیٹیگریز کے لیے ججز نے فیصلہ سنایا۔ ان میں بری اور آبی جانوروں کے علاوہ اڑنے والے جانداروں کی تصاویر بھی شامل تھیں۔ سیلی لیوڈ جونز نے کنگ فشر کی تیرتے ہوئے یہ تصویر اسکاٹ لینڈ میں بنائی۔

ایک کیٹیگری سولہ برس سے کم عمر بچوں کے لیے مختص ہے جب کہ ایک مختصر دورانیے کے ویڈیو کلپ کے لیے ہے۔ اس تصویر میں اسرائیل میں ایک لومٹری کا بچہ ’شریو‘ سے کھیل رہا ہے۔ یوں لگ رہا ہے جیسے بچوں کی برطانوی کلاسیکی کہانی ’دی گفیلو‘ کے طرز پر یہ شریو زندگی کی بھیک مانگ رہا ہے۔

اس بار سی ڈبلیو پی اے کا پیغام تھا تحفظ گھر سے۔ اس دفعہ لوگوں کو پیغام دیا گیا کہ وہ چھوٹے فاصلے کے سفر کے لیے جہاز کا استعمال نہ کریں اور شہد کی مکھیوں کے تحفظ کی بھی کوشش کریں۔ اس بار کے مقابلے پر عالمی وبا کے سائے بھی دکھائی دیے۔ یہ فوٹو برسلز سے تعلق رکھنے والے فوٹوگرافر پیٹر سوشمن کا ہے، جنہوں نے سری لنکا میں اس تصویر میں پرندوں میں بھی ’جسمانی فاصلہ‘ دکھایا۔

ہنگری سے تعلق رکھنے والے رولینڈ کرانتس کی اس تصویر میں ایک گلہری جیسے گانا گاتے ہوئے کہہ رہی ہے ’میری آواز کتنی اچھی ہے‘۔ اس بار عالمی وبا کے تناظر میں مقابلے کی روایتی تقریب منسوخ کرنا پڑی تاہم منتظمیں کا کہنا ہے کہ ایک زبردست آن لائن تقریب ہونے والی ہے۔

چھٹیاں گزارنے جنوبی انڈونیشیا میں بالی میں ایک مندر گئے لوئس مارتی نے یہ چھوٹا سا لنگور دیکھا۔ اس تصویر میں یہ بندر تصویر بنانے کے لیے ہنستے ہوئے ایک پوز دیے ہوئے ہے۔ یہ تصویر اس بار کے مقابلے کے فائنل میں شامل تصاویر میں سے ایک ہے۔